ARYNews.tv | Urdu – Har Lamha Bakhabar

Tag: فائربریگیڈ

  • کراچی : کپڑے کے گودام میں لگی آگ پر 11 گھنٹے بعد بھی قابو نہ پایا جاسکا

    کراچی : کپڑے کے گودام میں لگی آگ پر 11 گھنٹے بعد بھی قابو نہ پایا جاسکا

    کراچی: شہر قائد میں فائربریگیڈ ایک اوربڑی آگ کےسامنےبےبس ہے ، شیرشاہ میں کپڑے کے گودام میں لگی آگ پر گیارہ گھنٹے بعد بھی قابو نہ پایا جاسکا۔

    تفصیلات کے مطابق کراچی کے علاقے شیرشاہ قبرستان کےقریب گودام میں آگ لگ گئی، واقعہ کی اطلاع پر ریسکیو ٹیمیں موقع پر پہنچ گئیں اور فائر فائٹنگ اپریشن شروع کر دیا۔

    اریسکیو ذرائع کے مطابق آگ شارٹ سرکٹ کے باعث لگی، گودام میں دھواں بھرنے کی وجہ سے فائر فائٹنگ اپریشن میں مشکلات کا سامنا کرنا پڑرہا ہے۔

    فائر بریگیڈ حکام کا کہنا ہے کہ باوزور سمیت 6فائر بریگیڈ کی گاڑیاں آگ پر قابو پانے کی کوشش کر رہی ہیں ،آگ بجھانے میں پانی کی کمی کا سامنا کرنا پڑرہا ہے جس سے مشکلات ہورہی ہے۔

    حکام کے مطابق رات 2بجے کے قریب آگ لگی تھی ، جائے وقوعہ تک آنے والے رستے خستہ حال اور تنگ ہیں، گودام میں مختلف نوعیت کا کپڑا بڑی تعداد میں موجود ہے، پانی کی فراہمی میں تعطل کے سبب بھی آگ بجھانے میں وقت لگ رہا ہے۔

    ترجمان پاک بحریہ کے مطابق پاک بحریہ کی کراچی کے علاقے شیر شاہ میں واقع کپڑوں کے گودام میں لگی آگ بجھانے میں معاونت کررہے ہیں اور پاک بحریہ کے فائر ٹینڈر آگ بجھانے کے عمل میں مصروف ہیں۔

    پولیس حکام کے مطابق واقعے میں کسی جانی نقصان کی اطلاع نہیں ملی اور نہ آتشزدگی کی وجہ فوری طور پر معلوم ہوسکی۔

  • شہید ملت روڈ پر ریسٹورنٹ میں آتشزدگی : امدادی کارروائیوں میں ایس ایچ او بے ہوش

    شہید ملت روڈ پر ریسٹورنٹ میں آتشزدگی : امدادی کارروائیوں میں ایس ایچ او بے ہوش

    کراچی : شہید ملت روڈ پر قائم ریسٹورنٹ میں آتشزدگی کا واقعہ پیش آیا ہے، فائربریگیڈ کی چار گاڑیوں نے کافی جدوجہد کے بعد آگ پرقابو پا لیا۔ امدادی کارروائی کے دوران علاقہ ایس ایچ او بےہوش ہوگئے۔

    تفصیلات کے مطابق کراچی کے علاقے شہید ملت روڈ کے قریب رہائشی عمارت میں اچانک آگ بھڑک اٹھی، آگ رہائشی عمارت میں قائم ریسٹورنٹ میں لگی جس نے دیکھتے ہی دیکھتے پورے ریسٹورنٹ کو خاکستر کردیا۔

    اطلاع ملتے ہی ریسکیو ٹیمیں اور فائر بریگیڈ کا عملہ جائے وقوعہ پر پہنچ گیا، آگ کی شدت اتنی زیادہ تھی کہ عملہ کو بھی کام میں دشواری کا سامنا کرنا پڑا ، اس حوالے سے تازہ ترین اطلاعات کے مطابق شہید ملت روڈ کے قریب رہائشی عمارت میں لگی آگ پر قابو پالیا گیا۔

    فائر بریگیڈ کی چار گاڑیوں کی مدد سے ریسٹورنٹ کی آگ بجھائی گئی، فائربریگیڈ حکام کا کہنا ہے کہ متاثرہ ریسٹورنٹ میں کولنگ کا عمل جاری ہے۔

    آگ لگنے سے کسی قسم کا کوئی جانی نقصان نہیں ہوا البتہ امدادی کارروائیوں کے دوران علاقہ ایس ایچ او بے ہوش ہوگئے تاہم کسی کے زخمی ہونے کی اطلاعات نہیں ہیں، ریسٹورنٹ میں آگ لگنے کی وجہ کا تعین کیا جارہا ہے۔

  • کراچی: گلستان جوہرمیں دکانوں میں لگی آگ بجھا دی گئی

    کراچی: گلستان جوہرمیں دکانوں میں لگی آگ بجھا دی گئی

    کراچی: شہر قائد کے علاقے گلستان جوہر میں دکانوں کی لگی آگ پر قابو پالیا گیا گیا، کولنگ کا عمل جاری ہے۔

    تفصیلات کے مطابق گلستان جوہر تھانے کی حدود میں دکانوں میں لگنے والی آگ پرکئی گھنٹوں کی جدوجہد کے بعد قابو پالیا گیا۔

    آگ لگنے کی اطلاع ملنے پرفائربریگیڈ کی گاڑیاں فوراً موقع پرپہنچیں،آپریشن میں فائربریگیڈ کی 3 گاڑیوں نے حصہ لیا۔

    فائربریگیڈ حکام کے مطابق آگ پہلوان گوٹھ میں رہائشی عمارت کے نیچے قائم دکانوں میں لگی تھی جس پر قابو پالیا گیا۔

    کراچی : شیرشاہ میں روئی کے گودام میں لگی آگ پرقابو پالیا گیا

    یاد رہے کہ گزشتہ ماہ کراچی کے علاقے شیرشاہ میں روئی کے گودام میں لگنے والی آگ پرکئی گھنٹوں کی جدوجہد کے بعد قابو پالیا گیا تھا۔

    فائرآفیسر لیاری اسٹیشن کے مطابق آپریشن کے دوران 2 فائرفائٹرزجھلس کرمعمولی زخمی ہوئے تھے۔

    کراچی: ایف ٹی سی بلڈنگ میں لگی آگ پرقابو پا لیا گیا

    واضح رہے کہ 17 مارچ کو کراچی کے علاقے شارع فیصل پرواقع ایف ٹی سی بلڈنگ میں لگی آگ پر کئی گھنٹوں کی جدوجہد کے بعد قابو پالیا گیا تھا۔

  • کراچی : شیرشاہ میں روئی کے گودام میں لگی آگ پرقابو پالیا گیا

    کراچی : شیرشاہ میں روئی کے گودام میں لگی آگ پرقابو پالیا گیا

    کراچی: شہر قائد کے علاقے شیرشاہ میں روئی کے گودام میں لگی آگ پر قابو پالیا گیا، کولنگ کا عمل جاری ہے۔

    تفصیلات کے مطابق کراچی کے علاقے شیرشاہ میں روئی کے گودام میں لگنے والی آگ پرکئی گھنٹوں کی جدوجہد کے بعد قابو پالیا گیا

    آگ لگنے کی اطلاع ملنے پرفائربریگیڈ کی گاڑیاں فوراً موقع پرپہنچیں،آپریشن میں فائربریگیڈ کی 6 گاڑیوں نے حصہ لیا۔

    فائرآفیسر لیاری اسٹیشن کے مطابق آپریشن کے دوران 2 فائرفائٹرزجھلس کرمعمولی زخمی ہوئے، متاثرہ روئی کے گودام میں کولنگ کاعمل جاری ہے۔

    فائرآفیسرسعیداللہ کا کہنا ہے کہ آگ لگنے کی وجہ کا تعین کولنگ کا عمل مکمل ہونے کے بعد ہوسکے گا۔

    کراچی: ایف ٹی سی بلڈنگ میں لگی آگ پرقابو پا لیا گیا

    یاد رہے کہ دو روز قبل کراچی کے علاقے شارع فیصل پرواقع ایف ٹی سی بلڈنگ میں لگی آگ پر کئی گھنٹوں کی جدوجہد کے بعد قابو پالیا گیا تھا۔

    وفاقی وزیربحری امور علی زیدی نے کے پی ٹی فائرفائٹنگ ٹیم کوموقع پرپہنچنے کی ہدایت کرتے ہوئے کہا تھا کہ فائرفائٹنگ ٹیم آگ بجھانے کے عمل میں مدد کرے۔

    کراچی : شیرشاہ میں کپڑے کے گودام میں آتشزدگی

    واضح رہے کہ گزشتہ ہفتے کراچی کے علاقے شیرشاہ کی کباڑی مارکیٹ میں واقع کپڑے کے گوادم میں آگ لگ گئی تھی جسے کئی گھنٹوں کی جدوجہد کے بعد بجھا دیا گیا تھا۔

  • کراچی: ٹیکسٹائل مل کے گودام میں لگی آگ پر قابو نہ پایا جاسکا

    کراچی: ٹیکسٹائل مل کے گودام میں لگی آگ پر قابو نہ پایا جاسکا

    کراچی: شہر قائد کے علاقے سائٹ ایریا میں واقع ٹیکسٹائل مل کے گودام میں لگی آگ پر10 گھنٹے بعد بھی قابوپایا نہ جاسکا۔

    تفصیلات کے مطابق کراچی کے علاقے سائٹ ایریا میں حبیب چورنگی کے قریب واقع ٹیکسٹائل مل کے گودام رات گئے اچانک آگ بھڑک اٹھی جس نے دیکھتے ہی دیکھتے گودام کو اپنی لپیٹ میں لے لیا۔

    واقعے کی اطلاع ملتے ہی فائربریگیڈ کا عملہ جائے وقوعہ پر پہنچا، 12 سے زائد فائربریگیڈ کی گاڑیاں آگ بجھانے میں مصروف ہیں۔

    فائربریگیڈ حکام کے مطابق آتشزدگی کے باعث گودام کے ایک حصے کی چھت منہدم ہوگئی ہے۔

    چیف فائر آفیسر کا کہنا ہے کہ گودام میں 80 فیصد سے زائد آگ پرقابو پالیا گیا ہے، پانی کے ساتھ فوم کی مدد سے آگ بجھانے میں مدد لی جا رہی ہے۔

    انہوں نے کہا کہ آگ کوپھیلنےسے روک لیا گیا ہے، آگ لگنے کی وجہ تاحال معلوم نہیں ہوسکی۔

    فائربریگیڈ حکام کے مطابق ٹیکسٹائل مل کے گودام میں لگنے والی آگ کے تیجےمیں لاکھوں روپے مالیت کا سامان خاکسترہوگیا۔

    دوسری جانب میئر کراچی وسیم اختر نے گودام میں لگنے والی آگ کو بجھانے کے لیے خصوصی ہدایات جاری کی ہیں۔

    یاد رہے کہ دو روز قبل کراچی کے علاقے کلفٹن میں بلاول ہاؤس کے قریب رہائشی عمارت میں واقع دکانوں میں آگ لگ گئی تھی۔ کلفٹن اور کے ایم سی فائر بریگیڈ نے 5 گاڑیوں کی مدد سے آگ پرقابو پالیا تھا۔

  • لاہور: فرنیچرمارکیٹ میں لگنے والی آگ پرقابو پالیا گیا

    لاہور: فرنیچرمارکیٹ میں لگنے والی آگ پرقابو پالیا گیا

    لاہور: لاہور کے علاقے جوہر ٹاؤن کی فرنیچر مارکیٹ میں لگنے والی ہولناک آگ پر قابو پالیا گیا، کولنگ کا عمل جاری ہے۔

    تفصیلات کے مطابق لاہور کے علاقے جوہرٹاؤن میں واقع فرنیچر مارکیٹ میں آگ لگنے کے باعث مارکیٹ میں موجود لاکھوں روپے کا سامان جل کر خاکستر ہوگیا۔

    ریسکیو ذرائع کے مطابق آگ بجھانے کے عمل میں دس سے زائد فائر ٹینڈرز نے حصہ لیا۔

    فائربریگیڈ عملے کے مطابق آگ لگنے کی وجہ تاحال سامنے نہیں آسکی ہے تاہم خوش قسمتی سے کسی جانی نقصا ن کی اطلاع نہیں ہے۔

    یاد رہے کہ گزشتہ سال فروری میں لاہور کے علاقے جوہرٹاؤن میں ایل پی جی گیس سلنڈر کی دکان میں ری فلنگ کے درمیان ہونے والے دھماکے کے نتیجے میں لگنے والی آگ نے فرنیچر مارکیٹ کو اپنی لپیٹ میں لے لیا تھا۔

    آگ لگنے کے نتیجے میں 3 افراد زخمی اور لاکھوں روپے کا سامان جل کر خاکستر ہوگیا تھا۔

    لاہور: بیکری میں آگ لگنے سے 5 افراد جاں بحق

    واضح رہے کہ 3 اپریل 2018 کو لاہور کے علاقے گارڈن ٹاؤن میں بیکری میں آگ لگنے کے باعث 5 افراد دم گھٹنے سے جان کی بازی ہار گئے تھے۔

  • کراچی: سٹی کورٹ کے مال خانے میں لگنے والی آگ پرقابوپالیا گیا

    کراچی: سٹی کورٹ کے مال خانے میں لگنے والی آگ پرقابوپالیا گیا

    کراچی : کراچی سٹی کورٹ کے مال خانے میں لگنے والی آگ پرقابو پالیا گیا، آگ بجھانے کے بعد کولنگ کا عمل جاری ہے۔

    تفصیلات کے مطابق کراچی سٹی کورٹ کے مال خانے میں رات گئےلگنے والی آگ سے عمارت کا ایک حصہ گرگیا، مال خانے میں لگنے والی آگ کے باعث دھماکوں کی آوازیں بھی سنی گئیں جس سے شہریوں میں خوف وہراس پھیل گیا۔

    دھماکوں کے باعث بم ڈسپوزل اسکواڈ کو طلب کیا گیا جبکہ رینجرز اور پولیس نے سٹی کورٹ کو مکمل طور پرخالی کرالیا۔ مال خانے میں اسلحہ، گولیاں اور بارودی مواد بھی موجود تھا۔

    فائر بریگیڈ کے عملے نے سٹی کورٹ کے مال خانے میں لگنے والی آگ پر 14 گاڑیوں کی مدد سے قابو پالیا، جس کے بعد کولنگ کا عمل جاری ہے۔

    ایس ایس پی سٹی ڈویژن کا کہنا ہے کہ مال خانے میں آگ شارٹ سرکٹ سے لگی ہے جبکہ دھماکوں کی وجہ ملزمان سے قبضے میں لیا گیا ہے اسلحہ اور بارودی مواد ہے جس کو مال خانے میں رکھا جاتا ہے۔

    دوسری جانب آئی جی سندھ اے ڈی خواجہ نے جائے وقوعہ پر میڈیا سے گفتگو کرتے ہوئے کہا کہ ممکنہ طور پرآگ شارٹ سرکٹ کے باعث لگی ہے، ابتدائی طورپر نقصانات کا اندازہ لگانا مشکل ہے، آگ لگنے سے مال خانے کی چھت کا ایک حصہ گرا ہے۔

    ادھر چیف فائر آفیسرتحسین صدیقی نے میڈیا سے گفتگو کرتے ہوئے کہا کہ سٹی کورٹ کے مال خانے میں لگنے والی آگ پرقابو پالیا گیا، آگ بجھانے کے عمل میں 12 فائرٹینڈرز،2 باؤزرنے حصہ لیا۔

    چیف فائر آفیسر کا کہنا تھا کہ مال خانےمیں لگنے والی آگ بجھانے میں مشکلات پیش آئیں، احتیاط کے ساتھ کام کیا جس کے باعث وقت لگا، آگ لگنے سے کسی قسم کا جانی نقصان نہیں ہوا۔

    تحسین صدیقی کا کہنا تھا کہ آگ سے مال خانے کی چھت کا ایک حصہ منہدم ہوگیا، آگ لگنے سے سامان مکمل طورپرجل کر خاکسترہوگیا ہے۔

    چیف فائر آفیسرتحسین صدیقی کا کہنا تھا کہ مال خانے کی عمارت کوبم ڈسپوزل اسکواڈ سے کلیئرکرایا جائے گا۔

    کراچی: کورنگی کےگھر میں آتشزدگی‘ میاں بیوی جاں بحق

    خیال رہے کہ گزشتہ ہفتے کراچی کے علاقے کورنگی ساڑھے 3 نمبر کے قریب واقع گھر میں آگ لگنے سے میاں بیوی جان کی بازی ہار گئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی: سپرہائی وے پرگودام میں لگی آگ پر14 گھنٹے بعد قابو پالیاگیا

    کراچی: سپرہائی وے پرگودام میں لگی آگ پر14 گھنٹے بعد قابو پالیاگیا

    کراچی: شہرقائد کے علاقے سپرہائی وے سبزی منڈی کے قریب گزشتہ شام گودام میں لگنے والی آگ پر چودہ گھنٹے کی جدوجہد کےبعد قابو پا لیا گیا۔

    تفصیلات کے مطابق کراچی میں سپر ہائی وے سبزمنڈی کے قریب جھنجھال گوٹھ میں واقع گودام میں گزشتہ شام لگنے والی آگ پر14 گھنٹے کے بعد قابو پالیا گیا۔

    گودام میں آگ لگنے سےلاکھوں روپے کا مال جل کر خاکستر ہوگیا جبکہ آگ لگنے کی وجہ تاحال معلوم نہیں ہوسکی ہے۔

    فائربریگیڈ حکام کے مطابق آگ پیاز لہسن اور لنڈا کے گودام میں لگی تھی جس پر مکمل طور پر قابو پا لیا گیا ہے۔

    کراچی میں پٹرول پمپ میں لگی آگ پرقابوپالیا گیا

    خیال رہے کہ رواں ماہ 3 دسمبر کو کراچی کےعلاقے اورنگی ٹاؤن ساڑھے11 نمبرمیں پیٹرول پمپ پرلگنے والی سے پٹرول پمپ کے ایک حصے کو نقصان پہنچا تھا۔

    یاد رہے کہ گزشتہ ماہ 23 ستمبر کو کراچی کے علاقے اورنگی ٹاؤن نمبر پانچ میں شارٹ سرکٹ سے فرنیچر مارکیٹ میں لگنے والی آگ سے لاکھوں مالیت کا فرنیچر خاکستر ہوگیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی میں پٹرول پمپ میں لگی آگ پرقابوپالیا گیا

    کراچی میں پٹرول پمپ میں لگی آگ پرقابوپالیا گیا

    کراچی: شہر قائد کے علاقے اورنگی ٹاؤن میں پٹرول پمپ پر لگنے والی آگ پرقابو پا لیا گیا ہے جبکہ کولنگ کا عمل جاری ہے۔

    تفصیلات کے مطابق کراچی کے علاقے اورنگی ٹاؤن ساڑھے11نمبرمیں پیٹرول پمپ پرلگنے والی آگ پرقابو پالیا گیا ہے،آتشزدگی سے پٹرول پمپ کے ایک حصے کو نقصان پہنچا۔

    فائربریگیڈ حکام کا کہنا ہے کہ آگ بجھانے کے عمل میں فائربریگیڈ کی 6 گاڑیوں نے حصہ لیا، آتشزدگی سے کوئی جانی نقصان نہیں ہوا۔

    فائرآفیسر کا کہنا ہے کہ پمپ پر آگ ٹینکرسے فیول کی منتقلی کے دوران لگی تاہم آگ پرقابو پالیا گیا ہے اور کولنگ کا عمل جاری ہے۔

    کراچی : سائٹ ایریا میں جوتوں کی فیکٹری میں آتشزدگی

    خیال رہے کہ رواں برس یکم ستمبر کو کراچی کےعلاقے سائٹ ایریا میں جوتوں کی فیکٹری میں لگنے والی آگ کے سے فائربریگیڈ کے 3 اہلکاروں سمیت پانچ افراد زخمی ہوگئے تھے۔

    یاد رہے کہ رواں سال 20 ستمبر کو کراچی کے علاقے شارع فیصل نرسری کے قریب کاسمیٹکس فیکٹری میں آگ لگ گئی تھی جس میں ایک شخص جاں بحق دو زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی: گارمنٹس فیکٹری میں لگنے والی آگ پرقابو پالیا گیا

    کراچی: گارمنٹس فیکٹری میں لگنے والی آگ پرقابو پالیا گیا

    کراچی : شہر قائد کے علاقے نیو کراچی میں گارمنٹس فیکٹری میں لگنے والی آگ پرقابو پالیا گیا جس کےبعد فیکٹری میں کولنگ کا عمل جاری ہے۔

    تفصیلات کے مطابق نیوکراچی نالہ اسٹاپ کے قریب گارمنٹس فیکٹری میں اچانگ آگ بھڑک اٹھی،آگ نے فیکٹری گودام کو بھی لپیٹ میں لے لیا ہے جس کے نتیجے میں لاکھوں روپے مالیت کا سامان جل کر خاکسترہوگیا۔

    چیف فائر آفیسرتحسین احمد کے مطابق آگ فیکٹری کی تیسری منرل پر لگی تھی جس کو فائربریگیڈ نے مزید پھیلنے سے روک لیا، آگ بجھانے کے عمل میں فائربریگیڈ کی 8 گاڑیوں اور ایک اسنارکل نے حصہ لیا۔

    انہوں نے بتایا کہ فیکٹری میں آگ لگنےکی اطلاع11 بجےکے قریب دی گئی جبکہ 3 گھنٹےبعد آگ پرقابو پا لیا لیکن آگ لگنےکی وجوہات تاحال سامنے نہ آسکیں۔

    بوٹ بیسن کے قریب ریسٹورنٹ میں لگنےوالی آگ پرقابوپا لیا گیا

    یاد رہے کہ تین روز قبل کراچی میں بوٹ بیسن کے قریب کثیرالمنزلہ عمارت کے گراؤنڈ فلور پرواقع ریسٹورنٹ میں آگ گئی تھی جس نے دیکھتے ہی دیکھتے ریسٹورنٹ سمیت عمارت کی تین منزلوں کو اپنی لپیٹ میں لے لیا تھا۔

    واضح رہے کہ فائربریگید کی 7 گاڑیوں اورایک اسنارکل نے آگ بجھانے کے عمل میں حصہ لیا تھا جبکہ آگ لگنےسے ریسٹورنٹ میں موجود فرنیچراوردیگرسامان جل گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔