ARYNews.tv | Urdu – Har Lamha Bakhabar

Tag: فائرنگ

  • دہشت گردوں کی فائرنگ سے 2 پولیس اہلکار شہید

    دہشت گردوں کی فائرنگ سے 2 پولیس اہلکار شہید

    لکی مروت: بیگوخیل روڈ میلہ شہاب خیل کے قریب دہشت گردوں نے فائرنگ کرکے 2 پولیس اہلکاروں کو شہید کردیا۔

    اے آر وائی نیوز کے مطابق دونوں پولیس اہلکار ڈیوٹی پر جانے کے لئے نکلے تھے کہ دہشت گردوں کی فائرنگ کا نشانہ بن گئے۔ جبکہ حملہ آور فرار ہونے میں کامیاب ہوگئے۔

    پولیس کا کہنا ہے کہ بیگوخیل روڈ میلہ شہاب خیل کے قریب دہشت گردوں نے حملہ کیا، شہید اہلکار سمیع اللہ اور اسد خان کے جسد خاکی گورنمنٹ سٹی اسپتال منتقل کردیئے گئے ہیں۔

    دونوں شہید اہلکار گاؤں بیگو خیل سے پولیس لائنز جا رہے تھے، افسوسناک واقعے کے بعد علاقے میں پولیس کی بھاری نفری نے سرچ آپریشن شروع کردیا ہے۔

    اس سے قبل بنوں میں تھانہ کینٹ کی حدود میں نامعلوم افراد کی فائرنگ سے ایک پولیس اہلکار شہید ہوگیا تھا۔

    کراچی: 10 سے زائد ڈاکوؤں نے فیکٹری لوٹ لی

    پولیس حکام مطابق شہید اہلکار کی شناخت ریاض شاہ کے نام سے ہوئی، پولیس نے واقعے کا مقدمہ درج کر کے مزید تحقیقات شروع کردی ہے۔

  • لاس اینجلس میں پولیس کی فائرنگ سے سکھ ہلاک (ویڈیو)

    لاس اینجلس میں پولیس کی فائرنگ سے سکھ ہلاک (ویڈیو)

    امریکی ریاست کیلی فورنیا کے شہر لاس اینجلس میں پولیس نے فائرنگ کرکے ایک 36 سالہ سکھ کو موت کے گھاٹ اتار دیا، فائرنگ کے واقعے میں ہلاک سکھ کی شناخت گرپریت سنگھ کے نام سے ہوئی ہے۔

    بین الاقوامی خبر رساں ادارے کی رپورٹ کے مطابق یہ واقعہ 13 جولائی کو لاس اینجلس کے مصروف ترین علاقے کرپٹو ڈاٹ کام ایرینا کے قریب رونما ہوا، جہاں سکھ شخص اپنا روایتی سِکھ مارشل آرٹ ’گَٹکا‘ کے انداز میں سڑک پر تلوار لہرارہا تھا۔

    رپورٹس کے مطابق لاس اینجلس پولیس ڈیپارٹمنٹ (ایل اے پی ڈی) کا کہنا ہے کہ مذکورہ شخص گُرپریت سنگھ نے اپنی گاڑی سڑک کے بیچ میں کھڑی کرکے دو دھاری تلوار سے لوگوں کو ڈرایا۔

    پولیس نے گرپریت سنگھ کو بار بار تلوار پھینکنے کے احکامات دیے مگر اس نے پولیس کے ساتھ تعاون نہیں کیا اور تلوار لہرانے میں مصروف رہا۔

    پولیس کا کہنا ہے کہ گرپریت سنگھ نے پہلے پولیس افسران کی جانب بوتل پھینکی اور پھر موقع سے فرار ہونے کی کوشش کی، تعاقب کرنے پر اپنی گاڑی کو پولیس کی گاڑی سے ٹکرایا، جب پولیس اس کے قریب پہنچی تو اس نے تلوار سے حملہ کرنے کی کوشش کی جس پر افسران نے فائرنگ کی۔

    سوشل میڈیا پر بلاک کیوں کیا؟ نوجوان نے گرل فرینڈ کا گلا کاٹ دیا

    غیر ملکی میڈیا کے مطابق گرپریت سنگھ کو زخمی حالت میں اسپتال منتقل کیا گیا مگر اسپتال پہنچنے سے قبل ہی وہ جان کی بازی ہار گیا۔

    پولیس کے مطابق پولیس نے جائے وقوعہ سے دو فٹ لمبا ’کھنڈا‘ (دو دھاری تلوار) برآمد کر کے ثبوت کے طور پر محفوظ کر لیا ہے، اس واقعے میں کوئی پولیس اہلکار یا عام شہری زخمی ہونے کی اطلاعات نہیں ملیں۔

  • کراچی: گارڈن میں بھتہ نہ دینے پر فائرنگ سے 2 مزدور زخمی

    کراچی: گارڈن میں بھتہ نہ دینے پر فائرنگ سے 2 مزدور زخمی

    کراچی: گارڈن کے علاقے میں شادی ہال کے قریب زیر تعمیر عمارت میں فائرنگ کے نتیجے میں 2 مزدور زخمی ہوگئے۔

    اے آر وائی نیوز کے مطابق پولیس کا اس حوالے سے کہنا ہے کہ ملزمان نے ٹانگ پر گولی مار کر 2 مزدوروں کو زخمی کردیا، عمارت کے مالک سے ایک سال پہلے بھی بھتہ مانگا گیا تھا۔

    زخمی مزدوروں کا اپنے بیان میں کہنا ہے کہ ملزمان آئے اور پرچہ دیکرکہا اس نمبر پر فون کرو۔

    پولیس کے مطابق ملزمان نے سپروائزر کو گولی ماری جو اس کو لگ کر دوسرے مزدور کو جا لگی، واقعے کی مزید تفصیلات حاصل کی جا رہی ہیں۔

    اس سے قبل کراچی کے علاقے بن قاسم میں فائرنگ سے اے ایس آئی محمد خان ابڑو جاں بحق ہوگیا۔

    پولیس حکام کا کہنا ہے کہ اے ایس آئی محمد خان ابڑو کو اسٹیل ٹاؤن میں گھر کے باہر گولیاں ماری گئیں۔ پولیس کے مطابق مقتول اے ایس آئی اسٹیل ٹاؤن تھانے میں تعینات تھے۔

    پولیس حکام کے مطابق محمد خان ابڑو کو شدید زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔

    تفتیشی حکام کے مطابق محمد خان ابڑو، پولیس افسر جاوید ابڑو کے بھائی ہیں۔

    پولیس کی بھاری نفری موقع پر پہنچ گئی اور کرائم سین یونٹ کی جانب سے تفتیش کا عمل شروع کردیا گیا ہے، ابتدائی تحقیقات مکمل ہونے کے بعد لاش کو پوسٹ مارٹم کے لیے اسپتال منتقل کیا جائے گا۔

    کراچی میں فائرنگ سے ایک پولیس اہلکار شہید، دو زخمی

    بعدازاں لواحقین نے بتایا کہ شہید اے ایس آئی کے خلاف گزشتہ روز اسٹیل ٹاؤن تھانے میں مقدمہ درج ہوا تھا، وہ عدالت سے بھائی کے ہمراہ گھر واپس آیا تھا۔

    لواحقین کے مطابق اے ایس آئی بڑے بھائی جاوید کو گھر چھوڑ کر اپنے گھر کی جانب گیا تھا، وہ جیسے ہی گاڑی سے اترا ملزمان نے فائرنگ کردی، شہید اے ایس آئی چار بچوں کا باپ تھا۔

  • بنوں: نامعلوم مسلح افراد کی فائرنگ سے پولیس اہلکار شہید

    بنوں: نامعلوم مسلح افراد کی فائرنگ سے پولیس اہلکار شہید

    (29 اگست 2025): بنوں میں تھانہ کینٹ کی حدود میں نامعلوم افراد کی فائرنگ سے ایک پولیس اہلکار شہید ہوگیا۔

    پولیس حکام مطابق شہید اہلکار کی شناخت ریاض شاہ کے نام سے ہوئی ہے، پولیس نے واقعے کا مقدمہ درج کر کے مزید تحقیقات شروع کردی ہے۔

    اس سے قبل ضلع بنوں کے سپینہ تانگی چشمہ کے علاقے میں دہشت گردوں سے مسلح جھڑپ کے دوران انسداد دہشت گردی ڈیپارٹمنٹ کے 3 اہلکار شہید اور 2 دیگر زخمی ہو گئے تھے۔

    اس واقعے سے ایک روز قبل، کوٹ عادل کے قریب فائرنگ کے تبادلے میں ایک دہشت گرد ہلاک جب کہ 2 پولیس اہلکار، جن میں ایک افسر بھی شامل تھا، زخمی ہو گئے تھے۔

  • ایکواڈور، نائٹ کلب میں فائرنگ سے 8 افراد جان سے گئے

    ایکواڈور، نائٹ کلب میں فائرنگ سے 8 افراد جان سے گئے

    جنوبی امریکا کے ملک ایکواڈور میں قائم ایک نائٹ کلب میں فائرنگ سے 8 افراد جان کی بازی ہار گئے۔

    غیر ملکی میڈیا کا اس حوالے سے کہنا ہے کہ فائرنگ کا یہ واقعہ ایکواڈور کے سب سے خطرناک سمجھے جانے والے ساحلی صوبے گوایاس کے دیہی علاقے سانتا لوسیا میں پیش آیا۔

    رپورٹس کے مطابق بھاری ہتھیاروں سے لیس مشتبہ افراد موٹر سائیکلوں اور 2 گاڑیوں میں آئے اور اندھا دھند فائرنگ کردی جس کے نتیجے میں 7 افراد لقمہ اجل بن گئے، جبکہ ایک شخص اسپتال میں دم توڑ گیا، فائرنگ سے ہلاک افراد کی عمریں 20 سے 40 سال کے درمیان تھیں۔

    حکام کا کہنا ہے کہ فائرنگ کے واقعے میں 3 افراد زخمی بھی ہوئے جنہیں فوری طبی امداد کیلئے اسپتال منتقل کر دیا گیا۔

    میڈیا رپورٹس کے مطابق فائرنگ کی وجہ تاحال سامنے نہیں آسکی تاہم حکام کا کہنا ہے کہ واقعے کی تحقیقات کی جا رہی ہیں۔

    یاد رہے کہ اس سے قبل امریکی ریاست جارجیا کے فورٹ اسٹیورٹ میں ملٹری بیس پر حملے کے نتیجے میں 5 فوجی زخمی ہو گئے تھے جبکہ شوٹر کو گرفتار کر لیا گیا تھا۔

    اسرائیلی فوج کا حملہ: الجزیرہ کے صحافی انس الشریف 5 ساتھیوں سمیت شہید

    بیس ترجمان نے تصدیق کرتے ہوئے بتایا کہ فائرنگ کے واقعے میں 5 فوجی زخمی ہوئے جنہیں ریسکیو کر کے اسپتال منتقل کر دیا گیا ہے۔

    واقعے کے بعد علاقے میں لاک ڈاؤن نافذ کر کے شہریوں کو گھروں تک محدود رہنے کی ہدایت کی گئی۔ متاثرہ مقام کے اطراف اسکولز کو بند کر دیا گیا اور سیکورٹی بڑھا دی گئی۔

  • لکی مروت: دہشت گردوں کی فائرنگ سے ایف سی اہلکار بیوی سمیت شہید

    لکی مروت: دہشت گردوں کی فائرنگ سے ایف سی اہلکار بیوی سمیت شہید

    لکی مروت(9 اگست 2025): خیبر پختونخوا کے ضلع میں دہشت گردوں کی فائرنگ سے ایف سی اہلکار اپنی بیوی سمیت شہید ہوگئے۔

    تفصیلات کے مطابق خیبر پختونخوا کے ضلع لکی مروت کے علاقے تتہ باشی خیل میں دہشت گردوں نے فائرنگ کرکے ایف سی اہلکار معراج الدین اور ان کی بیوی کو شہید کردیا۔

    پولیس کا کہنا ہے کہ میاں بیوی رکشہ میں تترخیل سے گاؤں تتہ باشی خیل جارہے تھے، شہید ایف سی اہلکار بلوچستان میں بطور کلرک تعینات تھا۔

    اس سے قبل لکی مروت کے علاقے خیروخیل پکہ کے قریب دہشت گردوں کی فائرنگ سے 2 پولیس اہلکار شہید ہوگئے تھے، پولیس کا کہنا تھا کہ شہید اہلکاروں میں حکمت اللہ اور خان بہادر شامل ہیں۔

    پولیس نے اس حوالے سے مزید بتایا کہ دونوں اہلکار ڈاک ڈیوٹی پر تعینات تھے اور موٹرسائیکل پر ڈاک لینے تھانوں میں جا رہے تھے، شہید حکمت اللہ تھانہ پیزو اور شہید خان بہادر تھانہ شہباز خیل میں تعینات تھے، واردات کے بعد دہشت گرد موقع سے فرار ہونے میں کامیاب ہوگئے۔

    https://urdu.arynews.tv/lakki-marwat-gas-pipeline-blast/

  • کراچی: سینئر وکیل خواجہ شمس الاسلام قتل کیس میں اہم پیشرفت

    کراچی: سینئر وکیل خواجہ شمس الاسلام قتل کیس میں اہم پیشرفت

    کراچی(8 اگست 2025): فائرنگ سے سینئر وکیل خواجہ شمس الاسلام کے قتل کے مقدمہ میں اہم پیش رفت ہوئی ہے۔

    تفصیلات کے مطابق انسداد دہشت گردی منتظم عدالت میں ڈیفنس فیز 6 میں فائرنگ سے سینئر وکیل خواجہ شمس السلام کے قتل کے مقدمہ میں اہم پیش رفت ہوئی ہے، پولیس نے عمران آفریدی سمیت 8 ملزمان کو مفرور قرار دیتے ہوئے، مفرور ملزمان کو گرفتار کرنے کی ہدایت کردی۔

    پولیس نے ابتدائی اطلاعی رپورٹ عدالت میں جمع کرادی، رپورٹ میں بتایا گیا کہ مقدمہ مقتول کے بھائی خواجہ فیصل کی مدعیت میں درج کیا گیا ہے، مقدمے میں قتل، اقدام قتل اور انسداد دہشت گردی کی دفعہ شامل کی گئی ہے۔

    رپورٹ میں بتایا گیا کہ خواجہ شمس السلام اپنے بیٹے دانیال کے ساتھ خیابان راحت میں واقع قرآن اکیڈی میں نماز جمعہ اور نماز جنازہ میں شرکت کے لیے گئے تھے نماز جنازہ کے بعد خواجہ شمس السلام کو واپسی پر مسجد کی سیڑھیوں کے پاس گولی ماری گئی۔

    رپورٹ کے مطابق ملزم عمران آفریدی نے آتشی اسلحے سے دو فائر کئے تھے ایک گولی خواجہ شمس السلام اور ایک گولی دانیال السلام کو لگی تھی ملزم عمران آفریدی رش کافائدہ اٹھاتے ہوئے فرار ہوگیا۔

    رپورٹ میں کہا گیا ہے کہ مقدمہ میں عمران آفریدی، ضرار آفریدی، انعام خان، عثمان آفریدی، تقدیر، بہار گل، خستہ گل اور شہریار مفرور ہیں۔

    https://urdu.arynews.tv/shamsul-islams-death-sindh-bar-council-boycott/

  • پشاور : فائرنگ سے پولیس افسر سمیت 3 افراد جاں بحق

    پشاور : فائرنگ سے پولیس افسر سمیت 3 افراد جاں بحق

    پشاور : مسلح افراد نے گاڑی پر فائرنگ کرکے 3 افراد کو موت کے گھاٹ اتار دیا، جاں بحق ہونے والوں میں ایک پولیس افسر بھی شامل ہے۔

    اے آر وائی نیوز کی رپورٹ کے مطابق پشاور کے علاقے ورسک روڈ درمنگی میں گاڑی پر فائرنگ کا واقعہ پیش آیا ہے جس میں ایک پولیس افسر سمیت 3 افراد جاں بحق ہوگئے۔

    واردات کے بعد ملزمان باآسانی فرار ہونے میں کامیاب ہوگئے پولیس کے مطابق موٹرسائیکل سوار ملزمان  نے چلتی گاڑی پر فائرنگ کی، گاڑی میں موجود تینوں افراد نے موقع پر ہی جان دے دی۔

    واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی جاں بحق افراد کی لاشیں پوسٹ مارٹم کیلئے اسپتال منتقل کردی گئیں۔

    جاں بحق ہونے والوں میں سب انسپکٹر علی حسین بھی شامل ہے، جو مچنی گیٹ پولیس اسٹیشن کا تفتیشی افسر بھی تھا، پولیس نے علاقے کو گھیرے میں لے کر سرچ آپریشن کا آغاز کردیا ہے۔

    جائے وقوعہ سے شواہد اکھٹے کیے جارہے ہیں پولیس کے مطابق ملنے والے گولیوں کے خولوں سے پتہ چلتا ہے کہ ملزمان نے فائرنگ کیلیے کلاشنکوف اور پستول استعمال کی، ابتدائی تفتیش میں فائرنگ کی وجوہات تاحال سامنے نہ آسکیں۔

  • لاس اینجلس میں پارٹی کے دوران فائرنگ، 2 افراد ہلاک، 6 زخمی

    لاس اینجلس میں پارٹی کے دوران فائرنگ، 2 افراد ہلاک، 6 زخمی

    لاس اینجلس: امریکی ریاست کیلیفورنیا کے شہر لاس اینجلس میں فائرنگ کے باعث 2 افراد لقمہ اجل بن گئے جبکہ 6 زخمی ہوگئے۔

    غیر ملکی ذرائع ابلاغ کے مطابق یہ حملہ ایک پارٹی کے دوران کیا گیا، حملے کی وجوہات سامنے نہیں آسکیں، جبکہ حملہ آوروں کے پکڑے جانے کی بھی کوئی خبر سامنے نہیں آئی۔

    لاس اینجلس پولیس ڈپارٹمنٹ (LAPD) کا کہنا ہے کہ واقعہ پیر کو صبح ایک بجے (0800 GMT) 14ویں پلیس اور گریفتھ ایوینو کے پاس پیش آیا جہاں کئی پارٹیاں ہو رہی تھیں۔

    پولیس کے مطابق پارٹی کو بند کر دیا گیا اور بندوق رکھنے کے الزام میں ایک شخص کو حراست میں لے لیا گیا ہے، پولیس کا کہنا ہے کہ آٹھ افراد کو گولیاں ماری گئی ہیں۔

    رپورٹس کے مطابق زخمی ہونے والوں میں سے دو کی حالت تشویشناک بتائی جارہی ہے، حکام نے کسی گرفتاری کا اعلان نہیں کیا ہے اور نہ ہی کسی ممکنہ وجہ کی نشاندہی کی ہے۔

    واضح رہے کہ جمعہ کے روز بھی امریکی ریاست مونٹانا کے بار میں فائرنگ کے نتیجے میں چار افراد ہلاک ہوگئے تھے۔

    مونٹانا پولیس کے مطابق فائرنگ کے واقعے کے بعد علاقے میں خوف وہراس پھیل گیا اور مشتبہ حملہ آورکی تلاش جاری ہے کئی رہائشی علاقوں کو سیل کردیا گیا ہے۔

    گونگی بہری 7 سالہ بچی سے زیادتی، ملزم آزاد

    حکام کا کہنا ہے کہ حملہ آور کو اناکانڈا کے مغرب میں واقع اسٹمپ ٹاؤن کے علاقے میں دیکھا گیا ہے، پولیس اور سیکیورٹی ادارے علاقے کی مکمل نگرانی کر رہے ہیں۔

  • کراچی : گلستان جوہر میں فائرنگ سے 2 افراد جاں بحق 3 زخمی

    کراچی : گلستان جوہر میں فائرنگ سے 2 افراد جاں بحق 3 زخمی

    کراچی کے علاقے گلستان جوہر میں فائرنگ سے 2 افراد ہلاک اور 3 زخمی ہوگئے، پولیس کے مطابق واقعہ ذاتی دشمنی کا شاخسانہ ہے۔

    اے آر وائی نیوز کی رپورٹ کے مطابق کراچی کے علاقے گلستان جوہر پہلوان گوٹھ کے قریب نامعلوم افراد کی فائرنگ سے 5 افراد زخمی ہوگئے۔

    زخمیوں کو طبی امداد کی فراہمی کیلیے جناح اسپتال منتقل کیا گیا جہاں دوران علاج 2 افراد زخموں کی تاب نہ لاتے ہوئے دم توڑ گئے۔

    اس حوالے سے پولیس حکام کا کہنا ہے فائرنگ کا واقعہ آپس کے جھگڑے کا شاخسانہ ہے۔ فائرنگ پہلوان گوٹھ میں دکان کے باہر کی گئی، عینی شاہدین کے مطابق ملزمان کار اور موٹرسائیکلوں پر سوار تھے۔

    پولیس کے مطابق فائرنگ کے واقعے میں جاں بحق ہونے والوں میں سید مظہر عباس اور علی وارث شامل ہیں، جبکہ زخمیوں کی شناخت علی حسن، محمد علی اور حبیب علی کے ناموں سے ہوئی ہے۔

    واقعے کے فوری بعد پولیس اور رینجرز کی بھاری نفری موقع پر پہنچی اور تحقیقات شروع کردی گئی، فائرنگ کے واقعے کے خلاف علاقہ مکینوں کی جانب سے احتجاج بھی کیا گیا۔

    واقعے کے بعد مشتعل افراد نے احتجاجی مظاہرہ کرتے ہوئے ملزمان کی گرفتاری کا مطالبہ کیا اور آگ جلا کر سڑک کو بلاک جبکہ اطراف کی دکانوں کو بند کروادیا تاہم پولیس نے مظاہرین سے مذاکرات کرکے انہیں منتشر کردیا۔

    مزید پڑھیں : کراچی میں تھانے کے اندر فائرنگ سے ایک شخص جاں بحق

    وزیر داخلہ سندھ ضیا لنجار نے ایس ایس پی ایسٹ سے واقعہ کی تفصیلات طلب کرتے ہوئے ہدایت کی ہے کہ ملزمان کی فوری گرفتاری یقینی بنائی جائے۔