کراچی : مختلف علاقوں میں رات گئے گولی لگنے کے واقعات میں خاتون اور بچے سمیت پانچ افراد زخمی ہوگئے۔
تفصیلات کے مطابق کراچی میں رات گئے فائرنگ کے مختلف واقعات میں بچے سمیت 6 افراد زخمی ہوگئے۔
پولیس نے بتایا کہ فائرنگ کے واقعات لانڈھی،نارتھ کراچی، اورنگی، مچھر کالونی اور سائٹ ایریا میں پیش آئے، زخمی ہونے والے تمام افراد کو نامعلوم سمت سے گولی لگی۔
پولیس حکام نے بتایا کہ ناظم آباد نمبر ایک میں گولی لگنے سے راحیلہ نامی خاتون اور اورنگی ٹاؤن بلوچ گوٹھ میں گولی لگنے سے اقبال نامی شخص زخمی ہوا۔
اس کے علاوہ سائٹ ایریا میٹروویل میں غلام ربانی گھر میں گولی لگنے سے اور مچھر کالونی میں دس سالہ لڑکا گولی لگنے سے زخمی ہوا اور لانڈھی چراغ ہوٹل کے قریب بھی محمد مبشر نامی شخص اندھی گولی کا شکار ہوا۔
کراچی سے متعلق خبریں
دوسری جانب ڈیفنس فیز 2 اور لیاری میں مبینہ پولیس مقابلے میں 4 ملزمان کو گرفتار کرکے اسلحہ برآمد کرلیا۔
وزیرداخلہ سندھ کی ہدایت پرملیرمیں منشیات کے خلاف آپریشن کیا گیا، شرافی گوٹھ میں پولیس اوررینجرز کا مشترکہ سرچ آپریشن ہوا۔
سرچ آپریشن منشیات فروشوں،جرائم پیشہ افرادکی موجودگی کی اطلاع پرکیاگیا، جس میں 100 سے زائد گھروں کی تلاشی لی گئی اور مخصوص مقامات پر چھاپے مارے گئے۔
کراچی:مشکوک افراد کوتلاش ایپ کےذریعے چیک کیا گیا، سرچ آپریشن میں پولیس اوررینجرز کی بھاری نفری نےحصہ لیا،ایس ایس پی ملیر
