غزہ جنگ کے اثرات امریکا میں بھی نظر آنے لگے، نیویارک کے شہر البانی میں یہودی عبادت گاہ کے باہر فائرنگ کا واقعہ رونما ہوا ہے، پولیس نے 28 سال کے مشتبہ ملزم کو حراست میں لے لیا ہے۔
غیر ملکی ذرائع ابلاغ کے مطابق ملزم کی شناخت ظاہر نہیں کی گئی تاہم بتایا گیا ہے کہ وہ مقامی شہری ہے، دعویٰ کیا جارہا ہے کہ فائرنگ سے پہلے ملزم نے فلسطین کی آزادی کا نعرہ لگایا تھا۔ جبکہ فائرنگ کے واقعے میں کسی جانی نقصان کی اطلاع سامنے نہیں آئی۔
مذکورہ معاملہ سامنے آنے پر گورنر نیویارک نے فوری طور پر راہب سے رابطہ کیا اور یہودی کمیونٹی کی سیکیورٹی کے لیے ہر ممکن اقدام کی یقین دہانی کرائی ہے۔
دوسری جانب وائٹ ہاؤس نے کہا کہ غزہ میں جنگ بندی سے متعلق ہر روزبات چیت ہو رہی ہے لیکن کوئی نیا معاہدہ عنقریب نہیں ہورہا، جنگ بندی کے دوسرے معاہدے پردستخط کرنے کے قریب نہیں ہیں۔
ڈنمارک میں قرآن کی بےحرمتی غیرقانونی قرار، سزا اور جرمانے
امریکی وزارت خزانہ کا کہنا ہے کہ امریکا نے یمن کے حوثیوں سے منسلک اداروں پرپابندیاں لگادیں، امریکا نے حوثیوں سے تعلق پر 13 افراد اور اداروں پر پابندیاں لگا دی ہیں۔
