کراچی: ملیر میں فائرنگ سے دو سگے بھائیوں قتل کردیا گیا فائرنگ کے واقعے میں دو افراد زخمی بھی ہوئے۔پولیس کے مطابق صبح سویرے ملیر کے علاقے کھوکھراپار ایک نمبر میں نامعلوم افراد نے دکان پر اندھا دھند فائرنگ کردی جس کے نتیجے میں بتیس سالہ توصیف اور پینتیس سالہ تنویرجاں بحق ہوگئے،
فائرنگ کے اس واقعے میں تیرہ سالہ اذان اور پینتالیس سالہ منور زخمی بھی ہوئے، جاں بحق ہونے والے مقتولین سگے بھائی تھے، پولیس کا کہنا تھا کہ ابتدائی تحقیقات سے واقعہ ذاتی دشمنی کا شاخسانہ معلوم ہوتا ہے۔
کراچی : فائرنگ کے مختلف واقعات میں پولیس اہلکار سمیت 2 افراد جاں بحق9زخمی
کراچی میں فائرنگ کے مختلف واقعات میں پولیس اہلکار سمیت دو افراد جاں بحق اور نو افراد زخمی ہوگئے، فرنٹیرکالونی میں رینجرز نے کالعدم تنظیم کے نو کارندوں کا گرفتار کرلیا۔
پولیس کے مطابق فرید کالونی اورنگی ٹاون میں نامعلوم افراد نے فائرنگ کرکے پولیس اہلکار راشد اقبال کو قتل کردیا، نیوکراچی پانچ نمبر میں بھی فائرنگ سے شہزاد نامی شخص جان سے گیا، فرنٹیرکالونی میں رینجرز نے کالعدم تنظیم کے نو کارندوں کا گرفتار کرلیا ۔
سندھی ہوٹل کے قریب فائرنگ سے چار افراد زخمی ہوئے۔خواجہ اجمیر نگری پولیس نے دو ٹارگٹ کلرز کو گرفتار کرلیا، رینجرز نے بھی لیاقت آباد میں کارروائی کےدوران ٹارگٹ کلر سمیت تین ملزمان کو گرفتار کرلیا۔،
فیصل آباد : احتجاج سنگین صورتحال اختیار کر گیا ، تحریک انصاف کے کارکنان رانا ثنااللہ کے گھر کےباہر جمع ہوگئےجس کے بعد رانا ثنا اللہ نے بھی کارکنوں کو ڈیرے پر بلالیا۔
فیصل آباد میں رانا ثنااللہ کے ڈیرے کے باہر پاکستان تحریک انصاف کے کارکنوں اور پولیس میں تصادم کے نتیجے میں اہلکاروں سمیت متعدد افراد زخمی ہوگئے، مشتعل کارکنوں کو منتشر کرنے کیلئے وقفے وقفے سے شیلنگ کا سلسلہ جاری ہے، پولیس کی اضافی نفری اور بکتر بند گاڑی بھی سابق وزیر قانون کے گھر پہنچادی گئی۔
فیصل آباد میں مبینہ طور پر مسلم لیگ ن کے کارکن کی فائرنگ سے پی ٹی آئی کے کارکن کی ہلاکت کیخلاف احتجاج کا سلسلہ بڑھتا جارہا ہے، پاکستان تحریک انصاف کے کارکن رانا ثنااللہ کے ڈیرے کے باہر جمع ہوگئے، جہاں کچھ مشتعل افراد نے سابق وزیر قانون کے گھر پر پتھراؤ شروع کردیا، پولیس نے مظاہرین کو منتشر کرنے کیلئے شیلنگ شروع کی۔
جس کے جواب میں رانا ثنااللہ کےحامیوں نےتحریک انصاف کی پیشقدمی روکنےکے لئے پتھروں کاذخیرہ جمع کرلیا اور کارکنوں کو طلب کرلیا ،مظاہرین کا کہنا تھا کہ تحریک انصاف کےکارکن حق نواز کی موت مبینہ طو رپررانا ثنا اللہ کے داماد کے گارڈ کی فائرنگ سے ہوئی،عمران خان نے کہا ہے کہ وہ ایف آئی آر کٹوائے بغیر تھانے سے نہیں جائیں گے،گزشتہ روز رانا ثنااللہ نے دھمکی دی تھی کہ وہ تحریک انصاف کو دیکھ لیں گے۔
فیصل آباد : ناولٹی چوک پرایک شخص دن دھاڑے گولیاں برساتا رہا، ماڈل ٹاؤن کی طرح پولیس نےیہاں بھی کوئی مداخلت نہیں کی۔ تحریک انصاف کا دعویٰ کہ ملزم راناثنااللہ کے داماد کاگارڈ ہے۔
فیصل آباد میں ناولٹی پل پر پی ٹی آئی کےکارکن احتجاج کر رہےتھے کہ ایک گلو بٹ ہاتھ میں اسلحہ لئے مخالفین کو للکارتے میدان میں آگیا اورخوب فائرنگ کی۔ فیصل آباد کا گلو بٹ کھلےعام پولیس اہلکاروں کےسامنےفائرنگ کررہاتھا، لیکن پولیس اہلکار تماشائی بنے کھڑے تھے، دن دیہاڑے فائرنگ کرنے والے گلو کو پولیس نے گرفتار نہیں کیا۔
ناولٹی چوک پر ہنگامہ آرائی کے بعد گولیاں لگنے سے سے پی ٹی آئی کے کئی کارکن زخمی ہوئے، جنہیں الائیڈ اسپتال لایا گیا جہاں اصغرعلی اور حق نواز زخموں کی تاب نہ لا کر دم توڑ گئے۔
سی پی اوفیصل آباد سہیل تاجک نے یہ کہہ کر جان چھڑائی کہ ملزم کی نشاندہی ہوگئی ہے، ملزم کو جلدگرفتار کرلیا جائےگا۔
واقع پر شاہ محمود قریشی کہتے ہیں ن لیگ نے پوری منصوبہ بندی کیساتھ ہمارے کارکنوں کو نشانہ بنایا، شاہ محمود قریشی پنجاب میں حکومت ناکام اور گلو بٹ حاوی نظر آرہے ہیں، اس سے پہلے سانحہ ماڈل ٹاؤن میں بھی ایک گلو بٹ نےپولیس اہلکاروں کےسامنےگاڑیوں کونقصان پہنچایا تھا، گوجرانوالہ میں بھی پومی بٹ نے اپنے غنڈوں کے ساتھ مل کر پی ٹی آئی کے قافلے پرفائرنگ کی تھی۔
پی ٹی آئی پنجاب کے صدر اعجا ز چوہدری نے واقعے کی شدید مذمت کی ہے، اعجاز چوہدری کا کہنا تھا کہ کارکنوں کے قتل کے ذمہ دار رانا ثنا اللہ ہیں،اعجاز چوہدری کا مزید کہنا تھا قتل کامقدمہ درج کرائے بغیر وہاں سے نہیں جائیں گے اور احتجاج جاری رکھیں گے۔
لاہور: مسلم لیگ ن کے رہنما راناثنااللہ کا کہنا ہے کہ فائرنگ کرنے والے شخص کا ان کی فیملی سے کوئی تعلق نہیں اور جاں بحق ہونے والے شخص کا بھی پی ٹی آئی سے کوئی تعلق نہیں۔
اے آر وائی نیوز سے خصوصی گفتگو کرتے ہوئے راناثنااللہ نے کہا ہے کہ فیصل آباد میں صبح 10 بجے تک زندگی معمول پر تھی لیکن پی ٹی آئی کے کارکنان نے ٹائر جلائے اور جلاﺅ گھیراﺅ کی سیاست کا آغاز کیا۔
انہوں نے عمران خان کو خبر دار کرتے ہوئے کہا کہ فیصل آباد میں اگر تحریک انصاف کے مشتعل کارکنان نے میرے گھر پر حملہ کیا تو پھر عمران خان کے بنی گالہ کا محل بھی محفوظ نہیں رہے گا۔
راناثنااللہ نے واضح طور پر بتایا کہ جاں بحق ہونے والے شخص کا تحریک انصاف سے کوئی تعلق نہیں ہے جبکہ دوسرے شخص کی ہلاکت نہر میں چھلانگ لگانے سے ہوئی ہے ۔
شکاگو: امریکہ میں لٹیروں کی فائرنگ سے پاکستانی طالب علم جاں بحق ہوگیا ہے ۔
امریکی ریاست شکاگو میں ڈکیتی مزاحمت کے دوران تئیس سالہ طالب علم مطاہر رؤف جاں بحق ہوگیا ہے،مقتول اپنے بھائی کے ہمراہ راگر پارک میں چہل قدمی کررہا تھا کہ نامعلوم مسلح افراد نے انہیں لوٹنے کی کوشش کی مزاحمت پر لوٹیروں نےفائرنگ کردی جس کے نیتجے میں تئیس سالہ مطاہر موقع پر جاں بحق ہوگیا۔
فائرنگ کے بعد ملزمان فرار ہونے میں کامیاب ہوگئے،واقعے کی اطلاع ملتے پولیس کی بڑی تعداد نے جائے وقوع پر پہنچ کر شواہد اکٹھے کرکے تفتیش شروع کردی ہے ۔ مقتول طالب علم لویولا یونی ورسٹی میں زیرتعلیم تھا۔
کراچی : شہرکے مختلف علاقوں میں فائرنگ سے 3افراد جاں بحق اور خاتون سمیت 2افراد زخمی ہوگئے۔رینجرز اور پولیس نے مختلف کارروائیوں میں کالعدم تنظیم کے دہشت گردوں سمیت ایک درجن سے زائد ملزمان کو گرفتار کرکے اسلحہ برآمد کرلیا۔پولیس کے مطابق سخی حسن کے قریب نامعلوم افراد کی فائرنگ سے اہلسنت و الجماعت کا کارکن محمد سعیدجاں بحق اور ایک کارکنان بھی زخمی ہوا۔
ترجمان اہلسنت و الجماعت کے مطابق جاں بحق ہونے والے سعید ان کے مقامی رہنما تھے فائرنگ سے زخمی ہونے والے ساجد کا تعلق بھی اہلسنت و الجماعت سے تھا، ملیر میمن گوٹھ میں نامعلوم افراد نے فائرنگ کرکے عمیر داد نامی شخص کو قتل کردیا۔شاہ فیصل کے علاقے عظیم پورہ میں بھی مسلح ڈاکووں نے ڈکیتی مذاحمت پر فائرنگ کرکے منیر خان نامی شخص کو شدید زخمی کردیا جس نے زخموں کی تاب نہ لاتے ہوئے دم توڑدیا۔
ملیر بن قاسم موڑ پر ڈکیتی مزاحمت پر فائرنگ سے خاتون سمیت 2افراد زخمی ہوگئے۔اورنگی ٹاون میں بھتہ نہ دینے پر نامعلوم ملزمان کپڑے کے تاجر کے گھر پر دستی بم سے حملہ کرکے فرار ہوگئے تاہم خوش قسمتی سے واقعے میں کوئی جانی نقصان نہیں ہوا۔اورنگی کی کنواری کالونی میں رینجرز نے چھاپہ مار کر 3دہشت گردوں کر گرفتار کرلیا ۔
ترجمان رینجرز کے مطابق گرفتار دہشت گردوں کا تعلق کالعدم تنظیم سے ہے ملزمان کے قبضے سے اسلحہ بھی برآمد ہوا ہے۔لانڈھی کے مختلف علاقوں میں پولیس نے سرچ آپریشن کرکے متعدد افراد کو گرفتار کرلیا،پولیس کے مطابق زیرحراست افراد مختلف نوعیت کے جرائم میں ملوث ہیں جن سے پوچھ گچھ جاری ہے۔
نارتھ ناظم آباد اور حسین آباد میں رینجرز کی ٹارگٹڈ کارروائی،تین ملزمان کوگرفتارکرلیا،ترجمان رینجرزکے مطابق گرفتار ملزمان ٹارگٹ کلنگ اور دیگرسنگین جرائم کی وارداتوں میں ملوث ہیں،ملزمان سے اسلحہ بھی برآمد ہوا ہے۔
کراچی: بن قاسم میں فائرنگ سے خاتون سمیت دو افراد زخمی ہوگئے،اورنگی ٹاؤن میں گھرکےباہرکریکرحملہ،لانڈھی میں پولیس نے سرچ آْپریشن کرتے ہوئے تین افراد کو گرفتار کرلیا۔
پولیس ذرائع سے موصول ہونے والی اطلاعات کے مطابق بن قاسم موڑ کے قریب فائرنگ سے سائرہ خاتون اوراکبر نامی شخص زخمی ہوگئے، واقعہ ڈکیتی کے دوران مزاحمت پر پیش آیا،زخمیوں کو جناح اسپتال منتقل کیا گیا۔
اورنگی ٹاؤن بخاری کالونی میں گھرکےباہرکریکرحملہ کیا گیا تاہم کوئی جانی نقصان ہوا۔لانڈھی سیکٹر چھتیس بی اورجی میں پولیس نے سرچ آپریشن کےدوران تین افراد کوگرفتار کیاجن کے قبضے سے اسلحہ بھی برآمد کیا گیا۔،
جبکہ کارروائی کےدوران دس سےزائد مشتبہ افرادکوحراست میں بھی لیا گیا۔پولیس کا کہنا ہے کہ گرفتار افراد مختلف نوعیت کے جرائم میں ملوث ہیں جبکہ زیر حراست افراد سے بھی تفتیش کی جارہی ہے۔
کراچی: شہرِ قائد کے علاقے مومن آباد میں فائرنگ سے خاتون جاں بحق جبکہ تین زخمی ہوگئے جبکہ گلزار ہجری اور منگھوپیر میں مبینہ پولیس مقابلوں میں چھ ملزمان ہلاک ہوگئے ہیں۔
پولیس کے مطابق کراچی کے علاقے مومن آباد میں نامعلوم مسلح افراد نے رکشہ پر فائرنگ کردی، جس سے خاتون جاں بحق اور تین زخمی ہوگئے، جاں بحق اور زخمی ہونیوالوں کو عباسی شہید اسپتال منتقل کردیا گیا، واقعے کی مزید تفتیش کی جارہی ہے، منگھو پیر نادرن بائی پاس کے قریب پولیس موبائل نے موٹر سائیکل سوار دو مشتبہ افراد کو روکنے کا اشارہ کیا، جس پر ملزمان نے پولیس پر فائرنگ کردی پولیس کی جوابی فائرنگ کے نتیجے میں دنوں ملزمان ہلاک ہوگئے جن کی شناخت وسیم عرف بابر اور احسان عرف شاہ رخ کے نام سے ہوئی۔
پولیس کے مطابق ملزمان ٹارگٹ کلنگ، اسٹریٹ کرائم سمیت دیگر سنگین جرائم میں ملوث تھے، ملزمان کیخلاف شہر کے مختلف پولیس اسٹیشن میں مقدمات درج ہیں، ملزمان کے قبضے سے اسلحہ اور موٹر سائیکل برآمد ہوئی ہے۔
ملزمان اے این پی کے مقامی رہنما ڈاکٹرضیاء الدین کے قتل میں بھی ملوث تھے ،گلزار ہجری روفی باڑہ مارکیٹ کے قریب پولیس پارٹی نے خفیہ اطلاع پر چھاپہ مارا، جہاں موجود ملزمان نے پولیس پر فائرنگ کردی، جوابی فائرنگ کے نتیجے میں چار ملزمان ہلاک ہوگئے۔
پولیس کے مطابق ہلاک ملزمان اسٹریٹ کرائم اور دیگر جرائم میں ملوث تھے، ملزمان سپر ہائی وے پر شہریوں سے لوٹ مار کرتے تھے، ملزمان کے قبضے سے اسلحہ اور تین موٹر سائیکلیں بھی برآمد ہوئی ہیں۔
کراچی :سپرہائی وے پرڈکیتی کےدوران فائرنگ کرکے باپ کوہلاک اوربیٹے کوزخمی کردیا گیا۔ لیاری میں رینجرزسےمقابلے میں گینگ وارکاکارندہ ماراگیا۔
تفصیلات کے مطابق کراچی میں جرائم پیشہ عناصر کی سرگرمیاں جاری ہیں سپر ہائی وے پر چاکر ہوٹل کے قریب مسلح افراد نے ڈکیتی میں مزاحمت پرفائرنگ کردی جس کے نتیجے میں باپ موقع پر جاں بحق جبکہ بیٹا زخمی ہوگیا۔
لیاری جونا مسجد کے قریب رینجرز سے مقابلے میں گینگ وار کا اہم ملزم مارا گیا۔ہلاک ملزم قتل کی تیرہ وارداتوں اور بھتہ خوری میں ملوث تھا۔رات گئے ایم اے جناح روڈپر نامعلوم افراد کی فائرنگ سے ایک شخص جاں بحق ایک زخمی ہوگیا دونوں افراد کا تعلق سیاسی جماعت سے تھا۔
کورنگی بلال کالونی میں فائرنگ سے ایک شخص زخمی ہوگیا جبکہ بلدیہ نمبر پانچ میں ایک شخص گولیوں کا نشانہ بنا۔کورنگی میں پولیس نے جرائم پیشہ عناصر کے خلاف کاروائی کرتے ہوئے پانچ مشتبہ افراد کو گرفتار کرلیا۔
ڈاکس پولیس نے سلطان آباد میں کارروائی کرتے ہوئے دومنشیات فروشوں کو گرفتار کرتے ہوئے منشیات برآمد کرلی۔