ARYNews.tv | Urdu – Har Lamha Bakhabar

Tag: فائرنگ

  • ایم کیوایم سینٹرل پنجاب کے صدرعامربلوچ پرفائرنگ،ماموں جاں بحق

    ایم کیوایم سینٹرل پنجاب کے صدرعامربلوچ پرفائرنگ،ماموں جاں بحق

    لاہور: سندھ اور پنجاب میں دہشت گردسرگرم ہوگئے، تفصیلات کے مطابق سکھرمیں جے یوآئی کے رہنماخالد سومرو کے قتل کےبعدلاہورمیں ایم کیوایم سینٹرل پنجاب کے صدر عامر بلوچ پر بھی قاتلانہ حملہ کیا گیا۔

    وہ لاہور گرین ٹاؤن کے علاقے میں ماموں کے ہمراہ جارہےتھے کہ گھات لگا کر بیٹھے موٹرسائیکل سوارپانچ مسلح دہشت گردوں نےگاڑی پراندھا دھندفائرنگ کردی،

    دہشت گردی کی کارروائی میں عامر بلوچ معجزانہ طور پر محفوظ رہے لیکن ان کے ماموں گولیاں لگنے سے موقع پر جاں بحق ہوگئے،واقعے کی اطلاع ملتے ہیں پولیس نے موقع پر پہنچ گئی، اور واقعے کی تحقیقات شروع کردی۔

    اس سے قبل اٹھارہ جون دوہزار چودہ کو بھی ایم کیوایم کی پنجاب سے تعلق رکھنے والی رکن قومی اسمبلی آصفہ طاہر کو بھی لاہور میں ٹارگٹ کیاگیا تھا۔

  • پولیو ورکرز کا قتل ملک کیخلاف سازش ہے،الطاف حسین

    پولیو ورکرز کا قتل ملک کیخلاف سازش ہے،الطاف حسین

    لندن : متحد ہ قومی موومنٹ کے قائد الطاف حسین نے صوبہ بلوچستان کے دارالحکومت کوئٹہ میں پولیو ورکر ز پر مسلح دہشت گردوں کی فائرنگ کی سخت الفاظ میں مذمت کی ہے ۔

    ایک مذمتی بیان میں الطاف حسین نے کہا کہ دہشت گردوں کی جانب سے ملک کے مختلف علاقوں میں پولیو ورکرز کو نشانہ بنا نے کا مقصد در اصل آئندہ نسلوں کو معذوری اور اپاہجی کے اندھیروں میں دھکیل کر ملک کے مستقبل کو بیساکھیوں پرکھڑا کرنا ہے ۔

    اسی لئے مختلف منفی پروپیگنڈوں  یا مسلح کارروائیوں کے ذریعے پولیو مہم کو ناکام بنانے کی کوششیں کی جارہی ہیں لیکن تمام تر خطرات اور دہشت گردی کی کارروائیوں کے باوجود جو خواتین و مرد رضا کارا ن گلی گلی جارہے ہیں اور بچوں کو پولیو کے قطرے پلا کر خدمت خلق کر رہے ہیں میں انہیں زبردست خراج تحسین پیش کرتا ہوں۔

    الطاف حسین نے واقعہ کے نتیجے میں 4پولیو ورکرز کی ہلاکت اور متعدد کے زخمی ہونے پر افسوس کا اظہار کرتے ہوئے دعا کی کہ اللہ تعالیٰ جاں بحق ہونے والی پولیو ورکرز کے درجات بلند فرمائے اور زخمیوں کو جلد و مکمل صحتیابی عطا کرے ۔

    الطاف حسین نے وزیر اعظم پاکستان میاں محمد نواز شریف ، وفاقی وزیر داخلہ چوہدری نثار علی خان اور بلوچستان کے وزیر اعلیٰ ڈاکٹر عبد المالک بلوچ سے مطالبہ کیا کہ وہ کوئٹہ میں پیش آنے والے افسوسناک واقعے میں ملوث دہشت گرد عناصر کو فوری گرفتار کریں ۔

     پولیو رضاکاران کی حفاظت میں کوتاہی برتنے والے ذمہ داران کے خلا ف کارروائی عمل میں لانے کے ساتھ ساتھ ملک بھر میں پولیو ورکرز کو تحفظ فراہم کرنے کیلئے اقدامات کرکے پولیو رضاکاران کے معاوضے و مراعات میں بھی اضافہ کیا جائے۔

  • کراچی: اورنگی میں فائرنگ، اے این پی کاضلعی عہدیدار جاں بحق

    کراچی: اورنگی میں فائرنگ، اے این پی کاضلعی عہدیدار جاں بحق

    کراچی: اورنگی ٹاون میں عوامی نیشنل پارٹی کے ضلعی عہدیدار ڈاکٹر ضیاء الدین جاں، اورنگی ٹاون ہی میں ایک اور فائرنگ کے واقعے کے دوران ایم کیو ایم کا کارکن جان کی بازی ہار گیا۔

    پولیس کے مطابق اورنگی ٹاون چار نمبر میں ڈاکٹر ضیاء الدین کو ان کے گھر کے قریب نامعلوم افراد نے فائرنگ کرکے قتل کیا ، عوامی نیشنل پارٹی کے ترجمان کے مطابق ڈاکٹر ضیاء الدین اے این پی ڈسٹرکٹ ویسٹ کے عہدیدار تھے جنھیں نماز عشاء کے بعد گھر جاتے ہوئے مسلح افراد نے فائرنگ کرکے قتل کیا۔

    ڈاکٹر ضیاء الدین کی لاش کو ضابطے کی کاروائی کیلئے عباسی شہید اسپتال منتقل کردیا گیا ہے، اس واقعے کے ایک گھنٹے بعد اورنگی ٹاون چستی نگر کے علاقے میں نامعلوم افراد کی فائرنگ سے ایم کیو ایم کا کارکن وحید جاں بحق اور دانش زخمی ہوگیا، کورنگی کراسنگ کے قریب فائرنگ کے واقعے میں پولیس ہلکار محمد عمران زخمی ہوگیا، زخمی اہلکار بلوچ کالونی تھانے میں تعینات تھا،حسین آباد میں نامعلوم افراد نے فائرنگ کرکے فلاحی اسپتال کے رضا کار کو زخمی کردیا۔

    دوسری جانب رینجرز نے قائدآباد میں کارروائی کرتے ہوئے کالعدم تنظیم کے دو افراد کوگرفتار کیا،ماری پور میں پولیس مقابلے کے دوران دوملزمان کو گرفتار کرکے اسلحہ اور دستی بم برامد کرلیا گیا، کلفٹن میں پولیس مقابلے کے بعد ایک ملزم کو زخمی حالت میں گرفتار کرلیا گیا۔

  • شادی کی تقریب میدانِ جنگ بن گئی،فائرنگ سے چارافرادہلاک

    شادی کی تقریب میدانِ جنگ بن گئی،فائرنگ سے چارافرادہلاک

    چارسدہ: شادی کی تقریب میں مخالفین لڑپڑے، ایک دوسرے پر اندھا دھند فائرنگ سے چار افراد جان سے گئے جبکہ گولیاں لگنے سے سولہ افراد زخمی ہوگئے۔

    تفصیلات کے مطابق چارسدہ کے علاقے ماہی خان میں شادی کی ایک تقریب میں دو متحارب گروپوں کو بھی مدعو کیا گیا تھا،جب ان کا ایک دوسرے سے آمنا سامنا ہوا تو دونوں طرف سے ایک دوسرے پر فائرنگ شروع کر دی گئی، جس سے کئی افراد کو گولیاں لگیں۔

    فائرنگ سے شادی کی تقریب میں بھگدڑمچ گئی،چار افراد گولیاں لگنے سے موقع پر ہی دم توڑ گئے،زخمیوں کو فوری طور پر قریبی اسپتالوں میں منتقل کیا گیا،جہاں انہیں طبی امداد فراہم کی گئی، متعدد زخمیوں کی حالت تشویشناک ہے ۔

    زخمیوں کو شدید نوعیت کے زخم آنے کے باعث ہلاکتوں میں اضافے کا خدشہ ہے، واقعے کی اطلاع ملتے ہی پولیس کی بھاری نفری نے علاقے کو گھیرے میں لے کر تحقیقات شروع کردی۔تاہم اب کسی ملزم کی گرفتاری عمل میں نہ آسکی۔

  • ْکوئٹہ: نیشنل پارٹی کے رہنما کی گاڑی پرفائرنگ،گارڈ زخمی

    ْکوئٹہ: نیشنل پارٹی کے رہنما کی گاڑی پرفائرنگ،گارڈ زخمی

    کوئٹہ : کسٹم کے قریب مستونگ روڈ پر نامعلوم افراد کی نیشنل پارٹی کے مرکزی رہنماءکے قافلے پر فائرنگ کی گئی جس کے نتیجے میں دو محافظ زخمی ہوگئے ۔

    خاندانی ذرائع کے مطابق نیشنل پارٹی کے مرکزی رہنماءمیر کبیر احمد قبائلی جرگے میں شرکت کے لئے جارہے تھے کہ نامعلوم افراد نے مستونگ روڈ پر شیخ زید ہسپتال کے قریب ان کے قافلے کو نشانہ بنایا۔

    حملے میں میر کبیر محمد شہی محفوظ رہے تاہم شدید فائرنگ کے نتیجے میں ان کے دو محفوظ شدید زخمی ہوگئے جنہیں بولان میڈیکل کمپلیکس منتقل کردیا گیا، مقامی انتظامیہ واقعہ سے متعلق مزید کارروائی کررہی ہے۔

  • کراچی: پولیس موبائل پر دستی بم حملہ اور فائرنگ،ایک اہلکار جاں بحق، 4زخمی

    کراچی: پولیس موبائل پر دستی بم حملہ اور فائرنگ،ایک اہلکار جاں بحق، 4زخمی

    کراچی: شہرِ قائد میں دہشت گرد سرگرم ہے، صبح سویرے کراچی کے مختلف علاقوں میں پولیس موبائل پر دستی بم حملہ اور فائرنگ کی گئی، جس کے نتیجے میں اے ایس آئی ارشد تنولی شہید جبکہ پانچ اہلکار زخمی ہوگئے ہیں۔

    پہلا واقعہ صبح سویرے کراچی کے علاقے لائنزایریا میں پیش آیا ، جہاں موٹر سائیکل پر سوار نامعلوم افراد نے پولیس کی موبائل پر اندھا دھند فائرنگ کر دی، جس کے نتیجے میں اےایس آئی ارشد تنولی شہید اور دواہلکار زخمی ہوگئے۔

    زخمی اہلکاروں کو فوری طور پر جناح اسپتال منتقل کیا گیا، جہاں اے ایس آئی ارشد تنولی زخموں کی تاب نہ لاتے ہوئے دم توڑ گئے جب کہ 2 شدید زخمیوں کو طبی امداد دی جا رہی ہے۔

    دوسرا واقعہ ایم اے جناح روڈ پر تبت سینٹر کے قریب پیش آیا، جب نامعلوم افراد نے پریڈی تھانے کی موبائل پر کریکر حملہ کیا، جس کے نتیجے میں چار اہلکار زخمی ہوگئے، زخمیوں کو فوری طور پر سول اسپتال منتقل کیا گیا، جہاں انہیں طبی امداد دی جا رہی ہے۔

    واضح رہے کہ 3 روز قبل  بھی ایم اے جناح روڈ پر تبت سینٹر کے قریب موٹر سائیکل سواروں نے پولیس موبائل پر کریکر حملہ کیا تھا، جس کے نتیجے میں 2 اہلکار جاں بحق جب کہ 3 زخمی ہوگئے تھے۔

  • کوئٹہ میں نامعوم افراد کی فائرنگ سے5افرادہلاک 2زخمی

    کوئٹہ میں نامعوم افراد کی فائرنگ سے5افرادہلاک 2زخمی

    کوئٹہ: عثمان روڈ اور بلوچی اسٹریٹ پر نامعلوم موٹر سائیکل سوار مسلح افرادکی فائرنگ سے پانچ افراد جاں بحق جبکہ دو زخمی ہوگئے۔

    پولیس کے مطابق ,ملزمان نے سب سے پہلے عثمان روڈ پر ایک حمام اور درزی کی دکان کو نشانہ بنایا جس کے بعد بلوچی اسٹریٹ پر گول گپے کی ریڑھی پر فائرنگ کی گئی جس سے چار افراد موقع ہی پرجاں بحق جبکہ تین زخمی ہوئے جنہیں فوری طور سول اسپتال کوئٹہ منتقل کردیا گیا جہاں ایک زخمی نے دم توڑ دیا،ملزمان عثمان روڈ پرفائرنگ کے بعدبلوچی اسٹریٹ پرفائرنگ کرتے ہوئےفرار ہونے میں کامیاب ہوگئے ۔

  • میر پور خاص میں فائرنگ، 3افراد جاں بحق 2زخمی

    میر پور خاص میں فائرنگ، 3افراد جاں بحق 2زخمی

    میر پور خاص: میرپورخاص میں نامعلوم افراد کی فائر نگ سے کار میں سوار تین افراد جاں بحق ہوگئے اور دیگر 2شدید زخمی ہو گئے، وزیر اعلیٰ سندھ کی جانب سے واقع کا نوٹس لے لیا گیا اور ملزمان کی فوری گرفتاری کے احکامات جاری کردیئے گئے۔

    پولیس کے مطابق میرپورخاص میں حیدرآبادروڈ پرنامعلوم موٹرسائیکل سواروں نےمجلس عزا سے واپس آنے والی کارپرفائرنگ کردی جس کی زد میں آکر دو افراد موقع پر ہی جان سے گئے اور تین زخمی ہوگئے تھے۔ لاشوں اور زخمیوں کو پولیس کاروائی اور طبی امداد دینے کے لئے سول اسپتال میر پور خاص منتقل کیا گیا۔

    پولیس کے مطابق ایک شخص زخموں کی تاب نہ لاتے ہوئے دوران علاج اسپتال میں دم توڑ گیا۔ جاں بحق افراد کی شناخت اللہ ڈنوملا، سنیل سونہڑواورمنورمری کے ناموں سے ہوئی۔

    واقع کا فوری نوٹس لیتے ہو ئے وزیر اعلیٰ سندھ قائم علی شاہ نے پولیس کو ملزمان کو فوری طور پر گرفتار کرنے کے احکامات جاری کئے۔ دوسری جانب الطاف حسین سمیت دیگر سیاسی رہنماوں نے واقع کی شدید الفاظ میں مذمت کی۔

  • کراچی:فائرنگ و پرتشدد واقعات میں چار افراد جاں بحق

    کراچی:فائرنگ و پرتشدد واقعات میں چار افراد جاں بحق

    کراچی میں فائرنگ کے مختلف واقعات میں چار افراد جاں بحق ہوگئے، کورنگی اور میمن گوٹھ میں مبینہ پولیس مقابلوں میں دو اغواء کار سمیت چار ملزمان مارے گئے۔

    پولیس حکام کے مطابق اورنگی ٹاون قصبہ کالونی میں نامعلوم افراد نے فائرنگ کرکے اسلم نامی شخص کو قتل کردیا۔ قائد آباد میں حسینی چورنگی کے قریب مسلح ڈاکووں نے مزاحمت پر باپ بیٹے کو گولیاں مار کر شدید زخمی کردیا جو دوران علاج اسپتال میں دم توڑ گئے۔

    پولیس اور سی پی ایل سی نے لنک روڈ کے قریب اغواء کاروں کی گرفتاری کے لیے چھاپہ مارا ، اغواء کاروں نے پولیس کو دیکھتے ہی فائرنگ شروع کردی ، جوابی فائرنگ میں دو اغواء کار مارے گئے۔

    کورنگی گودام چورنگی کے قریب سی آئی ڈی پولیس سے مبینہ مقابلے میں کالعدم تنظیم کے دو ملزمان ہلاک ہوگئے۔۔رینجرز نے شاہ فیصل کالونی سے چھ مشتبہ افراد کو حراست میں لے کر اسلحہ برآمد کرلیا۔

  • اے این پی کارکنان پرفائرنگ، متحدہ اپوزیشن کا سینٹ اجلاس سے واک آؤٹ

    اے این پی کارکنان پرفائرنگ، متحدہ اپوزیشن کا سینٹ اجلاس سے واک آؤٹ

    اسلام آباد:کراچی میں اے این پی کارکنوں پر فائرنگ کے واقعہ پر متحدہ اپوزیشن نے سینٹ اجلاس سے واک آؤٹ کردیا ،سینٹ کا اجلاس نیئرحسین بخاری کی صدارت میں ہوا،

    اجلاس میں نکتہ اعتراض پر بات کرتے ہوئے اے این پی کے سینٹر شاہی سید کاکہناتھاکہ اے این پی پر کب تک پابندیاں رہیں گی کیا سندھ میں پختونوں کو سیاست کا حق نہیں ہے۔

    سینٹر ایم حمزہ نے نقطہ اعتراض پر بات کرتے ہوئے کہاکہ بلوچستان میں شناختی کارڈ دیکھ کر مزدوروں کو قتل کیا گیا جو قابل مذمت ہے،سینٹر فرح عاقل کا نکتہ اعتراض پر بات کرتے ہوئے کہناتھاکہ دھرنے کیلئے لائی گئی پنجاب پولیس کو اسپورٹس کمپلیکس میں ٹھہرایاگیا ہے ۔

    جس سے اسپورٹس کمپلیکس میں سیف گیمز کی تیاری کیلئے آنے والی لڑکیوں کو مشکلات کا سامنا ہے اگر یہی صورتحال رہی تو اگلے ماہ لڑکیا ں سیف گیمز میں کیا کارکردگی دکھا پائیں گی۔

    قبل ازیں وقفہ سوالات کے دوران وزیر مملکت برائے پانی و بجلی عابد شیر علی نے سینٹ اجلاس کو بتایا کہ ایسے پلانٹ لگائے جارہے ہیں جن سے اٹھارہ ماہ میں بجلی حاصل ہو جائے گی، تمام آئی پی پییز کو آڈٹ کے مطابق ادائیگیاں کی گئی ہیں۔