Tag: فائرنگ

کراچی میں قتل وغارت گری کا سلسلہ تھم نہ سکا، پرتشدد واقعات میں آٹھ سالہ بچی سمیت دس افراد جاں بحق ہو گئے ۔ جبکہ ٹارگٹڈ کارروائیوں میں درجنوں ملزمان گرفتار کر لیے گئے۔

کراچی میں امن خواب بن کر رہ گیا۔ ٹارگٹڈ کارروائیوں ، چھاپوں ، گرفتاریوں کے باوجود قاتل سرگرم ہیں۔ تازہ ترین واقعے میں لیاری کے علاقے کھڈا مارکیٹ میں فائرنگ سے ایک شخص زخمی ہوا ، جو زخموں کی تاب نہ لاتے ہوئے اسپتال میں دم توڑ گیا۔ اس سے پہلے پاک کالونی کے علاقے ریکسر پل کے قریب سےتشدد زدہ چھ لاشیں ملیں۔ مقتولین کو گولیاں مار کر موت کے گھاٹ اتارا گیا تھا۔

جن کی شناخت گلزار، دلاور، شہزاد، ساجد، رضوان اور عامرکےنام سے ہوئی۔ابتدائی تحقیقات کے مطابق قتل کا معاملہ گینگ وار کا نتیجہ لگتا ہے۔ تمام مقتولین کا تعلق پرانا گولیمار سے تھا۔ اُدھر ڈیفنس فیز ایٹ میں بھی فائرنگ سے ایک شخص جان سے ہاتھ دھو بیٹھا۔ مچھر کالونی لیاری ندی سے ایک شخص کی لاش ملی۔ خالد بن ولید روڈ پر گھر پر ہونے والے کریکر حملے کے نتیجے میں آٹھ سالہ بچی جاں بحق ہو گئی۔ پی آئی بی بم دھماکے کا زخمی بھی دم توڑ گیا ہے۔ ناردرن بائی پاس پر ایرانی پٹرول کے ٹرالر پر فائرنگ ہوئی تاہم کوئی جانی نقصان نہیں ہوا۔

کراچی میں فائرنگ اور پرتشدد واقعات میں ایک شخص جاں بحق اور دو زخمی ہوگئے، سی آئی ڈی انسداد دہشت گردی یونٹ نے کارروائی کرتے ہوئے بینک ڈکیتی میں ملوث نو رکنی گروہ گرفتار کرلیا۔

کراچی میں فائرنگ اور پرتشدد واقعات کا سسلسلہ تھم نہ سکا۔۔پولیس حکام کے مطابق بلدیہ ٹاون میں تھانہ سعیدا ٓباد کے حدود سے بائیس سالہ نوجوان کی تشدد زدہ لاش ملی، کورنگی اور اورنگی ٹاؤن میں فائرنگ سے دو افراد زخمی ہوئے۔

پولیس اور رینجرز کی کارروائیاں بھی جاری ہیں ۔سی آئی ڈی انسداد دہشت گردی یونٹ نے کارروائی کرتے ہوئے بینک ڈکیتی میں ملوث نو رکنی گروہ کو گرفتار کرلیا، ملزمان سے لوٹی گئی رقم اور سیکیورٹی گارڈ سے چھینا گیااسلحہ برآمد ہوا۔۔یوسف پلازہ کی حدود میں پولیس نے کارروائی کرکے ایک ملزم کو گرفتار کرلیا۔ لیاری کے علاقے شاہ بیگ لین میں رینجرز نے کارروائی کرتے ہوئے گینگ وار کے ایک ملزم کو گرفتارپکڑ لیا۔

تھانہ شریف آباد کی حدود میں پولیس نے اسٹریٹ کرائم اور ڈکیتی وارداتوں میں ملوث ملزم کو حراست میں لے لیا ۔۔۔گذشتہ روز ہر کے مختلف علاقوں میں ہونے والے چار دھماکوں کے مقدمات متعلقہ تھانہ جات میں درج کردیے گئے ۔