ARYNews.tv | Urdu – Har Lamha Bakhabar

Tag: فائنل میچ

  • نیوزی لینڈ کیخلاف فائنل میچ کیلیے پاکستان الیون کا اعلان، ایک بڑی تبدیلی

    نیوزی لینڈ کیخلاف فائنل میچ کیلیے پاکستان الیون کا اعلان، ایک بڑی تبدیلی

    سہ فریقی سیریز کا فائنل آج نیوزی لینڈ اور پاکستان کے درمیان کھیلا جا رہا ہے میچ کیلیے پاکستانی الیون کا اعلان کر دیا گیا ہے۔

    سہ فریقی سیریز کا فائنل میچ اب سے کچھ دیر بعد کراچی کے نیشنل اسٹیڈیم میں کھیلا جائے گا۔ میچ کے لیے پاکستان الیون کا اعلان کر دیا گیا ہے۔

    پاکستان کے وننگ کمبینیشن میں ایک تبدیلی کرتے ہوئے فاسٹ بولر محمد حسنین کی جگہ آل راؤنڈر فہیم اشرف کو شامل کیا گیا ہے۔

    پاکستان ٹیم ان کھلاڑیوں پر مشتمل ہے۔

    محمد رضوان (کپتان)، سلمان علی آغا (نائب کپتان)، فخر زمان، بابر اعظم، سعود شکیل، طیب طاہر، فہیم اشرف، خوشدل شاہ، شاہین شاہ آفریدی، نسیم شاہ اور ابرار احمد۔

     

    https://urdu.arynews.tv/champions-trophy-2025-icc-announced-prize-money/

  • ورلڈکپ 2019: فائنل میچ میں گیند کی انوکھے انداز سے انٹری، ویڈیو وائرل

    ورلڈکپ 2019: فائنل میچ میں گیند کی انوکھے انداز سے انٹری، ویڈیو وائرل

    لندن: ورلڈکپ 2019 کے فائنل میچ میں بال انوکھے انداز سے اسٹیڈیم میں لائی گئی جس کے لیے برٹش آرمی نے اپنی خدمات پیش کیں۔

    تفصیلات کے مطابق ورلڈکپ 2019 کامیابی سے اپنے اختتام کی جانب پہنچ گیا، اس ضمن میں نیوزی لینڈ اور میزبان ٹیم انگلینڈ کی ٹیموں کے درمیان فائنل کھیلا جارہا ہے۔

    کرکٹ کی تاریخ میں پہلی بار ایک ایسی ٹیم عالمی چیمپئن بننے جائے گی جس نے ماضی میں کبھی ٹرافی اپنے نام نہیں کی۔ بارشوں نے کئی میچز کو متاثر کر کے  ایونٹ کے حسن کو کم کیا البتہ فائنل کو یادگار بنانے کے لیے آئی سی سی نے منفرد کوشش کی۔

    ورلڈ کپ 2019 کے فائنل میچ کو انٹرنیشنل کرکٹ کونسل نے منفرد انداز میں شروع کرنے کی غرض سے ایک انوکھا انداز اپنایا جسے شائقین کرکٹ نے بھی بہت پسند کیا۔

    فائنل میچ کے آغاز سے قبل اسٹیڈیم میں بال کی انوکھے انداز سے انٹری ہوئی اور برٹش آرمی کےپیرا شوٹ رجمنٹ کے سپاہیوں نے پہلے گیند کو فضا کی سیر کرائی اور پھر اسے امپائر کے سپرد کیا۔

    کرکٹ کی تاریخ میں یہ پہلا موقع ہے کہ گیند کو فضاؤں کی سیر کرائی گئی اور پھر مقابلہ شروع ہوا۔ چھاتہ بردار برطانوی فوج کے پیر شوٹ رجمنٹ نے گیند کو فضا کی سیر کرائی اور پھر انہوں نے لارڈز کے تاریخی میدان میں لینڈنگ کی۔

    پیراشوٹ اہلکاروں نے اسٹیڈیم میں آنے کے بعد گیند میچ کے چوتھے پاکستانی امپائر علیم ڈار کے سپرد کی اور پھر وہاں سے چلے گئے، یہ تمام مرحلہ ٹاس کے بعد ہوا۔

  • پاکستان اورورلڈ الیون کے درمیان فیصلہ کن معرکہ آج ہوگا

    پاکستان اورورلڈ الیون کے درمیان فیصلہ کن معرکہ آج ہوگا

    لاہور: پاکستان اورورلڈ الیون کے درمیان آزادی کپ کا تیسرا اور فیصلہ کن ٹی ٹوئنٹی میچ آج کھیلا جائےگا، پاکستانی شاہین اہم ٹی ٹوئنٹی میچ میں جیت کے لیے پرعزم ہیں۔

    تفصیلات کےمطابق پاکستان اور ورلڈ الیون کے درمیان فیصلہ کن ٹی ٹوئنٹی میچ آج قذافی اسٹیڈیم میں کھیلا جائے گا، میچ پاکستانی وقت کے مطابق شام 7بجے شروع ہوگا۔

    پاکستانی ٹیم کے کپتان سرفرازاحمد کا کہنا ہے کہ پاکستان ٹی ٹوئنٹی سیریز جیت کر پاکستان کی انٹرنیشنل رینکنگ کو بہتر کرنے کی کوشش کرے گی۔

    دوسری جانب ورلڈ الیون کے کپتان فاف ڈوپلیسی کا کہنا ہے کہ ورلڈ الیون نے دوسرے میچ میں شاندار کم بیک کیا اور تیسرے میچ میں بہتر کارکردگی کا مظاہرہ کرکےسیریز جیتنے کی کوشش کریں گے۔

    ہاشم آملہ کی شاندار بیٹنگ، ورلڈ الیون کو فتح

    یاد رہے کہ ہاشم آملہ اورپریرا کی شاندار بیٹنگ کی بدولت ورلڈ الیون نے دوسرے ٹی ٹوئنٹی میچ میں پاکستان کو 7 وکٹوں سے شکست دی تھی جبکہ پریرا کو شاندار بیٹنگ کرنے پر مین آف دی میچ کا ایوارڈ دیا گیا تھا۔

    آزادی کپ: پاکستان نے ورلڈ الیون کو شکست دے دی

    واضح رہے کہ آزادی کپ کے پہلے ٹی ٹوئنٹی میچ میں پاکستانی ٹیم نے عمدہ بیٹنگ کا مظاہرہ کرتے ہوئے ورلڈ الیون کو 20 رنز سے شکست دی تھی،میچ میں عمدہ کارکردگی دکھانے پر بابر اعظم کو مین آف دی میچ کا ایوارڈ دیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔