Tag: فارن فنڈنگ

لاہور : لاہور ہائی کورٹ نے فارن فنڈنگ سے متعلق قانون سازی کی درخواست ناقابل سماعت قرار دیتے ہوئے مسترد کردی۔

تفصیلات کے مطابق لاہور ہائی کورٹ میں فارن فنڈنگ سے متعلق قانون سازی کے لیے درخواست پر سماعت ہوئی۔

جسٹس شاہد وحید نے فرید عدیل ایڈووکیٹ کی درخواست پر سماعت کی ، سماعت میں عدالت نے درخواست ناقابل سماعت قرار دیتے ہوئے مسترد کردی۔

عدالت نے کہا کہ درخواست گزار کے متاثرہ فریق نہ ہونے پر درخواست کی سماعت نہیں کی جاسکتی۔

لاہور ہائی کورٹ میں دائر درخواست میں کہا گیا کہ فارن فنڈنگ کی قانون سازی نہ ہونے سے ملک سیاسی ہیجان میں ہے۔

درخواست گزار کا کہنا تھا کہ قانون سازی میں بیرون ملک سے آنے والی رقم کےاستعمال کا پتہ لگایا جائے اور بیرون ملک سے رقوم بھیجنے والے پاکستانیوں اور غیرملکیوں کا تعین کیا جائے۔

درخواست میں استدعا کی گئی کہ قومی مفاد کےخلاف فارن فنڈنگ کو ممنوع قرار دیا جائے۔

پیرمحل: الیکشن کمیشن نے فیصلے میں پاکستانی کمپنی کی فنڈنگ کو فارن فنڈنگ ظاہر کردیا، زین کاٹن پاکستانی شہری میاں اخترجاوید کی ملکیت ہے، جس نے پارٹی فنڈمیں 10ہزار روپےمالیت کا چیک دیا تھا۔

تفصیلات کے مطابق الیکشن کمیشن کے پی ٹی آئی فارن فنڈنگ کے فیصلے میں سنگین غلطیاں سامنے آنے لگیں۔

الیکشن کمیشن نے پی ٹی آئی فنڈنگ کیس میں مقامی کمپنی بھی شامل کردی ، زین کاٹن پرائیویٹ لمیٹڈ ملتان روڈپرواقع اور پاکستانی شہری میاں اخترجاوید کی ملکیت ہے۔

میاں اختر جاوید 2013 میں پی پی نواسی سے پی ٹی آئی کے امیدوار تھے، میاں اختر جاوید نے پارٹی فنڈ میں 10 ہزار روپے مالیت کا چیک دیا تھا۔

زین کاٹن پرائیویٹ لمیٹڈ1992میں فیصل آباد میں رجسٹرڈ کرائی گئی۔

کمپنی مالک میاں اخترجاوید نے اے آر وائی نیوزسے خصوصی گفتگو کرتے ہوئے کہا کہ کمپنی ہمارے خاندان کی ملکیت ہے اور ہم پاکستانی شہری ہیں۔

میاں اخترجاوید کا کہنا تھا کہ زین کاٹن پرائیویٹ لمیٹڈ کا نام تبدیل کرکے زین ٹیک پرائیویٹ لمیٹڈ رکھا گیا ، بیرون ملک رہنے والے پاکستانیوں کے نام بھی فنڈنگ کیس میں ڈال دیے گئے۔

کمپنی مالک نے کہا کہ بیرون ملک رہنے والے پاکستانیوں کے نام فنڈنگ کیس میں ڈال کر زیادتی کی گئی ہے۔

اس حوالے سے تحریک انصاف کے رہنما فرخ حبیب نے اپنے ٹوئٹ میں لکھا میاں اختر جاوید 10ہزار روپےزین کاٹن ملز سے فنڈ دیتے ہیں، ان کا نام بھی فنڈنگ کیس میں ڈال دیا گیا ، ان کا بیان بھی سامنے آگیا ہے، الیکشن کمیشن کی چارج شیٹ پڑھتےجائیں اتنےہی مضحکہ خیزانکشاف سامنے آرہے ہیں۔

میاں اختر جاوید 10000 روپے زین کاٹن ملز سے فنڈ دیتے ہے ان کا نام بھی فنڈنگ کیس میں ڈال دیا گیا ہے ان کا بیان بھی سامنے آگیا ہے۔ جیسے جیسے ECP کی چارج شیٹ کو پڑھتے جائے تو اتنی ہی مضحکہ خیز انکشافات سامنے آتے جارہے ہے pic.twitter.com/dyX77cIC0U

— Farrukh Habib (@FarrukhHabibISF) August 2, 2022

لاہور: صوبائی وزیر فیاض الحسن چوہان نے کہا کہ کل پریس کانفرنس کروں گا، فارن فنڈنگ کیس کے شواہد لے کرآؤں گا، پی پی، ن لیگ فارن فنڈنگ کے کچے چٹھے سامنے رکھوں گا۔

تفصیلات کے مطابق صوبائی وزیر فیاض الحسن چوہان کا کہنا ہے کہ گزشتہ 2 دن سے فارن فنڈنگ کیس پر واویلا مچایا جا رہا ہے،بجٹ آیا تو کہا بجٹ پاس نہیں کریں گے تو شاید حکومت گرجائے گی، مولانا کو آگے لگایا وہ پلان 420 لے آئے، ناکام ہو کر نو دو گیارہ ہوگئے۔

انہوں نے کہا کہ کل پریس کانفرنس کروں گا، فارن فنڈنگ کیس کے شواہد لے کرآؤں گا، پی پی، ن لیگ فارن فنڈنگ کے کچے چٹھے سامنے رکھوں گا۔

فیاض الحسن چوہان نے کہا کہ ہمارے اگلے 4 سال سکون سے گزریں گے، ہرمائیکرو، میکرو انڈیکیٹر ترقی کی طرف جا رہا ہے،ان کو ڈر ہے اگلے 4 سال حکومت رہی تو ان کی سیاست ختم ہوجائے گی۔

صوبائی وزیر نے کہا کہ نوازشریف اپنی پلیٹیں ٹھیک کرتے کرتے چمچوں کو پیچھے چھوڑ گئے، احسن اقبال نے یواے ای میں خاکروب کا اقامہ بنایا کس لیے بنایا۔ انہوں نے کہا کہ ہم نے ساڑھے 10 ارب ڈالرکا قرضہ ایک سال میں اتارا ہے۔

فارن فنڈنگ کیس سے پی ٹی آئی کو کوئی خطرہ نہیں، فیصل چوہدری

واضح رہے کہ تحریک انصاف کے سابق وکیل فیصل حسین چوہدری کا کہنا ہے کہ معاملہ فارن فنڈنگ کا نہیں بلکہ ممنوعہ فنڈنگ کا ہے، پی ٹی آئی کوکوئی خطرہ نہیں ہے۔

اسلام آباد: وزیر اعظم کے معاون خصوصی افتخار درانی نے کہا ہے کہ غیر ملکی فنڈنگ کی کہانی جھوٹ پر مبنی ہے۔

تفصیلات کے مطابق معاون خصوصی افتخار درانی نے ٹویٹر پیغام کے ذریعے کہا ہے کہ انتخابی دھاندلی سے غیر ملکی فنڈنگ تک کی کہانی جھوٹ پر مبنی ہے۔

افتخار درانی کا کہنا تھا کہ حادثاتی چیئرمین اعداد و شمار کے آئینے میں اپنا چہرہ دیکھ لیں، علی بابا کے گروہ کو اپنا چہرہ چھپانے کے لیے کوئی بھی مؤثر مُہرہ نہیں ملا، کنٹینر پر چڑھ کر حماقت کرنے والے بھی اپنا چہرہ آئینے میں دیکھ لیں۔

خیال رہے کہ تحریک انصاف کے سابق وکیل فیصل حسین چوہدری نے بھی آج کہا ہے کہ یہ معاملہ فارن فنڈنگ کا نہیں بلکہ ممنوعہ فنڈنگ کا ہے، پی ٹی آئی کو اس سے کوئی خطرہ نہیں ہے، تحریک انصاف کے ساتھ مسلم لیگ ن اور پیپلز پارٹی کی ممنوعہ فنڈنگ کے کیسز کو بھی دیکھا جائے۔

یہ بھی پڑھیں:  فارن فنڈنگ کیس سے پی ٹی آئی کو کوئی خطرہ نہیں، فیصل چوہدری

انھوں نے کہا کہ سپریم کورٹ 2018 کے حنیف عباسی کیس میں واضح کر چکی ہے، ممنوعہ فنڈنگ کے معاملے کو وفاقی حکومت دیکھنے کا اختیار رکھتی ہے، میڈیا میں کچھ دوست پرانے قانون کا حوالہ دے رہے ہیں، اپوزیشن رہنما بھی پرانے قانون کا حوالہ دے رہے ہیں جو ختم ہو چکا۔

واضح رہے کہ گزشتہ روز الیکشن کمیشن نے فیصلہ کیا تھا کہ 26 نومبر سے ہر روز پی ٹی آئی کے فارن فنڈنگ کیس کی سماعت کرے گا، اس سلسلے میں اپوزیشن کی درخواست منظور کر لی گئی تھی، ای سی نے اسکروٹنی کمیٹی کو کام تیز کرنے کی ہدایت بھی کی۔