Tag: فاروق ستار
-
حکومت قوم کو دہشت گردی سے نجات دلانے کیلئے ٹھوس لائحہ عمل بنائیں، فاروق ستار
ایم کیو ایم رہنما ڈاکٹر فاروق ستار نے کہا ہے کہ طالبان دہشت گردوں کی جانب سے مسلح افواج اور عام شہریوں کو مسلسل نشانہ بنایاجارہا ہے لیکن حکومت اور قومی سلامتی کے ادارے اب تک یہ فیصلہ نہیں کرسکے کہ طالبان سے مذاکرات کرنا چاہے یا نہیں، بابر غوری کہتے ہیں کہ ملک سے دہشت گردی کے خاتمے کیلئے بلاتاخیر ٹھوس لائحہ عمل تشکیل دیا جائے ۔
ڈاکٹر فاروق ستار نےکہاکہ الطاف حسین مسلسل مطالبہ کررہے ہیں کہ حکومت اور قومی سلامتی کے ادارے طالبان سے مذاکرات کرنے یا نہ کرنے میں تاخیر نہ کریں ، حکومت اور مسلح افواج کے سربراہان سرجوڑ کربیٹھیں اور ملک وقوم کو دہشت گردی سے نجات دلانے کیلئے ٹھوس لائحہ عمل بنائیں ۔
ڈاکٹر فاروق ستارنے کہاکہ اب وفاقی حکومت اور مسلح افواج کواب یا کبھی نہیں کی بنیاد پر طے کرنا ہوگا کہ انہیں طالبان سے مذاکرات کرنے ہیں یا کوئی اورفیصلہ کرنا ہے۔سینیٹ میں ایم کیوایم کے پارلیمانی لیڈربابر خان غوری نے کہاہے کہ حکومت اور قومی سلامتی کے اداروں کی جانب سے طالبان سے مذاکرات کرنے یا نہ کرنے کے اہم ترین معاملہ پر مسلسل تاخیر کی جارہی ہے ۔
اگر مسلح افواج ، رینجرز اورپولیس کے افسران واہلکار مسلسل دہشت گردوں کا نشانہ بنتے رہیں گے تو مسلح افواج اور قانون نافذ کرنے والے اداروں کے اہلکاروں کی مایوسی میں اضافہ ہوسکتا ہے ۔ بابرغوری نے وزیراعظم ، وفاقی وزیرداخلہ اور مسلح افواج کے سربراہان سے کہاکہ ملک سے دہشت گردی کے خاتمے اور شہریوں کی جان ومال کے تحفظ کیلئے ہرممکن اقدامات بروئے کار لائے جائیں۔
-
الطاف حسین کے بیان کو سیاق و سباق سے ہٹ کر پیش کیا گیا، رابطہ کمیٹی
ایم کیو ایم رابطہ کمیٹی کے رکن خالد مقبول صدیقی نے کہا ہے کہ الطاف حسین نے سندھ کو توڑنےکی بات نہیں کی ان کے خطاب کو سیاق و سباق سے ہٹ کر پیش کیا گیا۔
فاروق ستار کا کہنا ہے کہ سندھ حکومت نے صوبے کی دو بڑی اکائیوں میں منافرت پھیلانے کی کوشش کی۔
کراچی میں پریس کانفرنس کرتے ہوئے ایم کیو ایم رابطہ کمیٹی کے رکن ڈاکٹر خالد مقبول صدیقی کا کہنا تھا کہ قائد تحریک الطاف حسین کے خطاب کو سیاق و سباق سے ہٹ کر پیش کیا گیا، الطاف حسین نے سندھ کو توڑنے ک بات نہیں کی۔
انکا کہنا تھا اس سے پہلے اسفندیار ولی کالا باغ ڈیم کے معاملے پر اور سراج الحق صوبے کے حق معاملے پر ملک ٹوٹنے کی بات کرچکے ہیں لیکن کوئی شور نہیں مچا۔ڈاکٹر فاروق ستار نے کہا کہ سندھ کی عملی زندگی میں اردو بولنے ولوں کے ساتھ سوتیلی ماں جیسا سلوک کیا جا رہا ہے ، فاروق ستار کا مزید کہنا تھا کہ حکومت نے من مانی حلقہ بندیاں کر کے ایم کیو ایم کے مینڈیٹ پر ڈاکا ڈالنے کی کوشش کی ہے۔
-
حکومت کی اپیل پر ایم کیوایم کا مؤقف سنے بغیرحکم نہ دیا جائے،فاروق ستار
متحدہ قومی موومنٹ نے بلدیاتی قانون میں ترمیم پر سپریم کورٹ میں اپیل دائر کردی، ڈاکٹر فاروق ستار کہتے ہیں حکومت کی اپیل پر ایم کیو ایم کا موقف سنے بغیر حکم نہ دیا جائے۔
سندھ میں اٹھارہ جنوری کو ہونے والے بلدیاتی انتخابات کھٹائی میں پڑتے ہوئے دکھائی دے رہے ہیں، بلدیاتی قانون میں ترمیم پر متحدہ قومی موومنٹ کی جانب ڈاکٹر فاروق ستار نے سپریم کورٹ میں درخواست دائر کردی۔
بلدیاتی قانون پر فاروق ستار کی درخواست حکومت کی اپیل سے پہلے داخل کی گئی، ایم کیوایم کی جانب سے درخواست ایڈووکیٹ مظہر چوہان نے دائر کی، حکومت سندھ نے سندھ ہائی کورٹ کے فیصلے کیخلاف آج اپیل داخل کرنا ہے۔
ڈاکٹر فاروق ستار کا کہنا تھا کہ حکومت کی اپیل پر ایم کیوایم کا موقف سنے بغیر حکم نہ دیا جائے، سندھ ہائی کورٹ میں ایم کیو ایم سمیت مسلم لیگ ن، فنکشنل لیگ، جماعت اسلامی اور دیگر اپوزیشن جماعتوں نے صوبے میں پیپلز پارٹی کی جانب سے بلدیاتی حلقہ بندیوں اور لوکل گورنمنٹ ترمیمی ایکٹ کے خلاف درخواستیں دائر کیں تھی، جس پر عدالت نے صوبائی حکومت کی جانب سے منظور کردہ ترامیم کو کالعدم قرار دے دیا تھا۔
-
متحدہ قومی موومنٹ بلدیاتی انتخابات میں حصہ لے گی، فاروق ستار
ایم کیو ایم کے رہنما ڈاکٹر فاروق ستار کا کہنا ہے کہ متحدہ قومی موومنٹ بلدیاتی انتخابات میں حصہ لے گی، احتجاج میں بھرپور شرکت پر شہریوں کے شکر گزار ہیں۔
لندن سے واپسی پر کراچی ایئرپورٹ پر ڈاکٹر فاروق ستار کا کہنا تھا کہ معاشی اور سماجی ترقی کیلئے بلدیاتی انتخابات میں بھرپور حصہ لیا جائے گا، یہی قائد الطاف حسین کا پیغام ہے۔
ڈاکٹر فاروق ستار نے کہا کہ ایم کیو ایم کا مینڈیٹ چوری کرنے کی سازش کی جارہی ہے، لیکن دھاندلی کی ہرسازش کو ناکام بنادیں گے۔
ایم کیو ایم کے رہنما کا کہنا تھا کہ برطانیہ میں کسی کیخلاف کوئی مقدمہ نہیں، قانونی معاملات کا قانونی طریقے سے جواب دیا جائے گا۔
ڈاکٹر فاروق ستار کا کہنا تھا کہ ایم کیو ایم سے رہنماؤں کے جانے کی خبریں محض افواہیں ہیں، جن کا مقصد پارٹی کو بلدیاتی انتکابات میں نقصان پہنچانا ہے۔