Tag: فاسٹ بولرز

پاکستان کے فاسٹ بولر نسیم شاہ نے کہا ہے کہ سہ فریقی ٹورنامنٹ کے لیے بنائی گئی پچز پر فاسٹ بولرز کے لیے کچھ نہیں اسپنرز کا اہم کردار ہے۔

اے آر وائی نیوز کے مطابق پاکستان کے فاسٹ بولر نسیم شاہ نے کراچی میں پریس کانفرنس کرتے ہوئے اعتراف کیا ہے کہ ہم نے پچھلے میچ میں اتنا اچھا نہیں کھیلا لیکن ان پچز پر فاسٹ بولرز کو زیادہ مدد نہیں ملتی بلکہ اسپنرز کا کردار یہاں اہم ہے۔

پیسر کا یہ بھی کہنا تھا کہ گراؤنڈ میں سب اپنا بہترین کھیل پیش کرنے کی کوشش کرتے ہیں، لیکن ایک بولر کا ہر میچ میں زیادہ وکٹیں لینا ممکن نہیں ہے۔

نسیم شاہ نے کہا کہ یقین ہے اس ٹورنامنٹ میں اگلے میچ میں ہم اچھی کرکٹ کھیلیں گے اور بطور بولنگ یونٹ بہتر کارکردگی کا مظاہرہ کریں گے۔

انہوں نے کہا کہ بڑی پرفارمنس دکھانے کے بعد توقعات بڑھ جاتی ہیں اور جب مسلسل پرفارمنس ہو رہی ہو تو غلطیاں بھی چھپ جاتی ہیں۔

نسیم شاہ نے اپنی کارکردگی پر بھی عدم اطمینان کا اظہار کیا اور کہا کہ میں نے گزشتہ میچز میں اچھی بولنگ نہیں کی اور میں خود سے جس پرفارمنس کی توقع رکھتا ہوں وہ میدان میں کر نہیں پا رہا ہوں۔

واضح رہے کہ سہ فریقی ٹورنامنٹ کے ابتدائی میچ میں پاکستان کو نیوزی لینڈ کے ہاتھوں 78 رنز کے بھاری مارجن سے شکست ہوئی۔ نسیم شاہ نے اس میچ میں کوٹے کے 10 اوورز میں بغیر کوئی وکٹ لیے 70 رنز دیے تھے۔

دوسری جانب چیمپئنز ٹرافی کے لیے اعلان کردہ پاکستانی اسکواڈ پر تنقید کا سلسلہ جاری ہے بالخصوص پاکستان کی پچز کے پیش نظر جب دیگر ٹیمیں اسکواڈ میں تین، تین اسپنرز کے ساتھ آ رہی ہیں۔ قومی سلیکشن کمیٹی نے صرف ایک ریگولر اسپنر ابرار احمد کو شامل کیا ہے جب کہ شائقین اور سابق کرکٹرز فہیم اشرف اور خوشدل شاہ کی سرپرائز انٹری پر بھی سوالات اٹھا رہے ہیں۔

https://urdu.arynews.tv/matthew-bratz-sa-opener-set-world-record-150-runs-on-debut-one-day-international/

اسپورٹس تجزیہ کار کا کہنا ہے کہ فاسٹ بولرز کو خدا کے واسطے پہلے فرسٹ کلاس کرکٹ کھلائیں، پھر اس کے بعد انھیں ٹیسٹ میچ کھلایا جائے۔

اے آر وائی کے پروگرام میں گفتگو کرتے ہوئے شاہد ہاشمی کا کہنا تھا کہ حارث رؤف ریڈ بال کرکٹ کا کرکٹر نہیں ہے۔ آپ نے اسے ریڈ بال کا کرکٹر ہی نہیں بنایا۔ انھوں نے اب تک 9 فرسٹ کلاس میچ کھیلے ہیں اور ڈیڑھ دو سال پہلے انھوں نے آخری فرسٹ کلاس میچ کھیلا تھا۔

سینئر اسپورٹس رپورٹر نے کہا کہ ایک ٹیسٹ میچ آپ نے اسے کھلانے کی کوشش کی تو وہ 78 گیندیں کرنے کے بعد ان فٹ ہوگئے۔ وہ بولنگ کرتے ہوئے زخمی نہیں ہوئے بلکہ فیلڈنگ کرتے ہوئے زخمی ہوئے۔ اس کے بعد سے انھوں نے فرسٹ کلاس کرکٹ نہیں کھیلی۔

حارث رؤف، عباس آفریدی نے 9،9 فرسٹ کلاس میچز کھیلیے ہیں جبکہ محمد حسنین نے 7 فرسٹ کلاس میچ کھیلے۔ ان بولرز کو خدا کے واسطے پہلے فرسٹ کلاس کرکٹ کھلائیں تاکہ یہ کسی طرح تو بن سکیں، پھر آپ انھیں ٹیسٹ میچ کھلائیں۔

شاہد ہاشمی کا کہنا ہے حارث رؤف ریڈ بال کرکٹ کا کرکٹر ہے ہی نہیں۔ ہمارے زیادہ تو نوجوان پیسرز فرسٹ کلاس کرکٹ کھیلے ہی نہیں ہیں۔ بغیر فرسٹ کلاس کھیلے کوئی کھلاڑی کس طرح ٹیسٹ کرکٹ میں پرفارم کرسکتا ہے؟ pic.twitter.com/EsV8i4vqzY

— Najeeb ul Hasnain (@ImNajeebH) November 28, 2023

شاہد ہاشمی نے کہا کہ وہ تو توصیف بھائی تھے جو کھیل گئے مگر وہ اسپنر تھے۔ آْپ پہلے بولرز سے 20، 25 اوورز ایک دن میں کرائیں پھر اسے ٹیسٹ میچ میں لائیں۔

پاکستان میں ٹی ٹوئنٹی کی پرفارمنس پر ون ڈے میں سلیکٹ ہوئے ہیں پھر فوراً ہی انھیں ٹیسٹ میچ کھلا دیا گیا۔ اس طرح نہیں ہونا چاہیے، نسیم شاہ جیسے کرکٹر کم ہوتے ہیں جنھوں نے 17 ٹیسٹ میچز کھیل لیے، ون ڈے اور ٹی ٹوئنٹی بھی کھیل لیے۔

انھوں نے کہا کہ ہم نے ان کا ورک لوڈ مینج نہیں کیا اس لیے وہ ورلڈکپ میں نہ جاسکے اور ہمیں یہ اتنا مہنگا پڑ گیا۔