پاکستان کرکٹ ٹیم کے فاسٹ بولر شاہین شاہ آفریدی نے بیٹے کی ولادت کے بعد پہلی بار سوشل میڈیا پر جھلک شیئر کرتے ہوئے پیغام جاری کیا ہے۔
فوٹو اینڈ شیئرنگ ایپ انسٹاگرام پر ٹی ٹوئنٹی کے سابق کپتان شاہین شاہ آفریدی نے ایک تصویر شیئر کی ہے جس میں شاہین، اہلیہ اور نوزائیدہ بچے کا ہاتھ دیکھا جاسکتا ہے۔
View this post on Instagram
شاہین شاہ آفریدی نے پوسٹ کے کیپشن میں لکھا ہے کہ ’ اس لمحے نے سب کچھ بدل دیا، میرا دل اور زندگی اب مزید بہتر ہو گئی ہے، 24 اگست 2024 کی تاریخ ہمارے لیے ہمیشہ خاص رہے گا۔
فاسٹ بولر نے کیپشن میں لکھا کہ دنیا میں خوش آمدید میرے بیٹے علی یار آفریدی، میں اپنی اہلیہ کا ہمیسہ شکر گزار رہوں گا، وہ ہماری اس چھوٹی سی فیملی کا سپورٹ سسٹم ہیں۔
شاہین شاہ آفریدی نے مبارکباد اور دعائیں کرنے پر سب کا شکریہ ادا کرتے ہوئے لکھا کہ ’تمام پیاری خواہشات اور دعاؤں کا شکر گزار ہوں، میری چھوٹی سی فیملی کو اپنی دعاؤں میں یاد رکھیں‘۔
واضح رہے کہ شاہین شاہ آفریدی کے ہاں 24 اگست کو پہلے بچے کی پیدائش ہوئی ہے، انہوں نے اپنے بیٹے کا نام ”علی یار ‘‘ رکھا ہے۔
میڈیا رپورٹس کے مطابق شاہین آفریدی بیٹے کی پیدائش کے بعد گزشتہ رات کراچی چلے گئے تھے، شاہین آفریدی کل اسلام آباد پاکستان ٹیم کو جوائن کریں گے۔
