Tag: فاطمہ قتل کیس

خیرپور: فاطمہ قتل کیس میں پیراسد شاہ کی حویلی سے مزید ملازمین کے ڈی این اے ٹیسٹ سیمپل لے لئے گئے، اب تک پندرہ افراد کے سیمپلز لیے جا چکے ہیں۔

تفصیلات کے مطابق فاطمہ قتل کیس میں اہم پیش رفت ہوئی ، پیراسد شاہ کی حویلی سے مزید ملازمین کے ڈی این اے ٹیسٹ سیمپل لے لئے گئے۔

پولیس کا کہنا ہے کہ ملازمین کے ڈی این اے سیمپل لیبارٹری ٹیسٹ کیلیے کراچی بھجوا دیئے گئے ہیں، اب تک پندرہ افراد کے سیمپلز لیے جا چکے ہیں۔

یاد رہے اس سے قبل کمسن گھریلو ملازمہ فاطمہ قتل کیس میں اسد شاہ سمیت 4افراد کے سیمپل ڈی این اے کیلئے لیبارٹری بھیجے گئے تھے۔

ایس ایس پی روحل کھوسو کا کہنا تھا کہ حویلی میں رہنے والےافراد اور ملازمین کےڈی این اے کیلئےسیمپل لیے جائیں گے اور واقعےمیں جو بھی ملوث ہوگا ان کیخلاف کارروائی کی جائے گی۔

دوسری جانب تفتیشی افسر نے کہا تھا کہ فاطمہ کےنمونے لیبارٹری بھجوائے جاچکے ہیں، جیسے ہی رپورٹ آئےگی منظرعام پر ہوگی کسی کورعایت نہیں ملےگی۔

کراچی : نگراں سندھ حکومت نے فاطمہ قتل کیس کو منطقی انجام تک پہنچانے کا اعلان کرتے ہوئے کہا کہ واقعات میں ڈارک ویب کے کردارکو بھی دیکھ رہے ہیں۔

تفصیلات کے مطابق نگراں وزیرداخلہ سندھ حارث نواز نے اپنے بیان میں کہا ہے کہ فاطمہ قتل کیس میں کوئی سمجھوتا نہیں کریں گے، کیس کے مرکزی ملزم کو گرفتارکیا گیا جبکہ ملزم اسدشاہ کی اہلیہ نے عدالت سے ضمانت کرائی۔

حارث نواز کا کہنا تھا کہ فاطمہ قتل کیس میں بہترین جےآئی ٹی بنائی ہے،ملزم کو رانی پور اسٹیشن سے خیرپور اسٹیشن منتقل کیاگیا ہے،خیرپور پولیس اسٹیشن کے سامنے ایس ایس پی کا آفس ہے۔

نگراں وزیرداخلہ سندھ نے بتایا کہ حویلی سے دیگرخواتین اور بچوں کو بازیاب کرایاگیا تاہم ایک بچی لاپتہ ہے جس کی تحقیقات جاری ہیں، تحقیقات کر رہے ہیں واقعات میں ڈارک ویپ کا کردار تو نہیں۔

دوسری جانب فاطمہ قتل کیس میں گرفتار تین ملزمان کو چھوڑنے کی تیاری جاری ہے ، پولیس ذرائع نے دعویٰ کیا تھا کہ غفلت برتنے پر گرفتار ڈاکٹر، کمپاؤنڈر اور ایم ایس کو چھوڑنے کی ڈیل ہوگئی ہے۔

رانی پور میں پیروں کی حویلی میں بے دردی سے قتل ہونے والی معصوم فاطمہ کے کیس کو خراب کرنے کیلئے پولیس کا بڑا افسر سرگرم ہے۔

ایس ایچ او سمیت ڈاکٹراورکمپاؤنڈر کو بچا کر کیس کو خراب کیا جا رہا ہے، ایک بڑے افسر نے اپنے ایجنٹ کی معرفت ڈیل کی اوران سے پچاس لاکھ روپے نقد حاصل کیے۔

ملزمان اب تک قید میں ہیں اور انہیں بے قصور ثابت کرنے کیلئے مذکورہ افسر باقاعدہ لیٹر بھی جاری کرے گا۔

خیرپور: ڈی آئی جی سکھر جاویدجسکانی نے میڈیا سے درخواست کی کہ فاطمہ قتل کیس سے متعلق کوئی شواہد موجود ہیں تو پولیس کے حوالے کریں۔

تفصیلات کے مطابق حویلی میں تشدد سے کمسن ملازمہ کی ہلاکت کے معاملے پر ڈی آئی جی سکھر جاویدجسکانی نے رانی پورتھانےمیں تفتیش سے متعلق میڈیا کو بریفنگ دیتے ہوئے کہا کہ کچھ مسائل ہیں شفاف انکوائری کیلئےجےآئی ٹی کیلئے بھی لکھادیا، فوٹیج کی فرانزک کیلئےڈی وی آرپنجاب فارنزک لیب بھیجا ہے۔

جاوید جسکانی کا کہنا تھا کہ دن رات تفتیشی عمل جاری ہے،ملزمان کو ہر صورت سزا دلانا چاہتے ہیں، بے قصورافراد کو سزا نہیں ملنی چاہئے۔

ڈی آئی جی سکھر نے میڈیا سے درخواست کی کہ کوئی شواہد موجود ہیں تو پولیس کےحوالےکریں، کیس کی تفتیش ہرزاویے سے کی جارہی ہے، ملزمہ حناشاہ کی عبوری ضمانت ختم ہورہی ہے، کوشش ہوگی ملزمہ حنا شاہ کو مزید ضمانت نہ ملے اور گرفتار کر لیا جائے۔

ان کا کہنا تھا کہ اسدشاہ کی والدہ نے جن افراد کے نام لئے انہیں شامل تفتیش کیاجائیگا، میڈیکل بورڈمیں لیڈی ڈاکٹرز نے بچی سے زیادتی اور تشدد کی تصدیق کی ہے۔

جاوید جسکانی نے بتایا کہ 20 سالہ ثنا کی گمشدگی پر سہیل شاہ سے تھانے میں انکوائری شروع کردی ہے ، ورثا چاہیں گے تو مقدمہ درج کریں گے اور ملزم کوگرفتار کرکے تفتیش کی جائے گی، یہ کیس ڈیڑھ سال پرانا ہے لیکن ورثا کو انصاف فراہم کریں گے۔

خیر پور : فاطمہ قتل کیس کےمرکزی ملزم اسد شاہ کی والدہ بڑی پیرنی کا وڈیو بیان سامنے آگیا ، جس میں ان کا کہنا ہے کہ میرا بیٹا بے گناہ ہے، بچیاں دو دو ماہ فیاض شاہ کے گھر رہ کر آتی تھیں۔

تفصیلات کے مطابق رانی پور کے پیر کے گھرملازمت کرنے والی فاطمہ کےقتل کیس کے مرکزی ملزم اسد شاہ کی والدہ بڑی پیرنی کا وڈیو بیان سامنے آگیا۔

صحافیوں کے سوالات پر بیٹے کے سسر فیاض شاہ پر برس پڑیں اور الزمات لگاتے ہوئے کہا کہ بچیاں دو دو ماہ فیاض شاہ کے گھر رہ کر آتی تھیں، ہمیں کیا معلوم۔

ویڈیو میں اسدشاہ کی والدہ دھمکی آمیز گفتگو کرتی رہی اور بچیوں پر بھی الزامات لگاتی رہی۔

مرکزی ملزم اسدشاہ کی والدہ بڑی پیرنی کا کہنا تھا کہ میرا بیٹا بے گناہ ہے، ملک کی کسی بھی لیبارٹری سے اسد شاہ کا ڈی این اے ٹیسٹ کرایاجائے۔

بڑی پیرنی کا کہنا تھا کہ میں نے کبھی بھی فاطمہ پر تشدد ہوتے نہیں دیکھا، اجالا اور ثانیہ پہلے فیاض شاہ کے پاس رہتی تھیں، اس نے دونوں کو اپنی بیٹی حنا شاہ کا دیا۔

انھوں نے مزید کہا کہ فاطمہ 3 ماہ پہلے فیاض شاہ کے پاس تھی، وہ جب ہمارے پاس آئی تو بیمار تھی ، تحقیقات کرکے ہمارے ساتھ انصاف کیا جائے۔

رانی پور : کمسن گھریلو ملازمہ فاطمہ قتل کیس میں اسد شاہ سمیت 4افراد کے سیمپل ڈی این اے کیلئے لیبارٹری بھیج دیئے۔

تفصیلات کے مطابق پولیس کی جانب سے پیروں کی حویلی میں کام کرنے والی دس سالہ فاطمہ پر تشدد و قتل کیس کی تحقیقات جاری ہیں۔

ایس ایس پی روحل کھوسو نے بتایا کہ اسدشاہ سمیت 4افراد کے سیمپل ڈی این اے کیلئے لیبارٹری بھیج دیئے، فاطمہ کےپوسٹ مارٹم کی حتمی رپورٹ کچھ دن بعد آئے گی۔

روحل کھوسو کا کہنا تھا کہ حویلی میں رہنے والےافراد اور ملازمین کےڈی این اے کیلئےسیمپل لیے جائیں گے اور واقعےمیں جو بھی ملوث ہوگا ان کیخلاف کارروائی کی جائے گی۔

دوسری جانب تفتیشی افسر نے کہا ہے کہ فاطمہ کےنمونے لیبارٹری بھجوائے جاچکے ہیں، جیسے ہی رپورٹ آئےگی منظرعام پر ہوگی کسی کورعایت نہیں ملےگی۔

آئی او کا کہنا تھا کہ ملزم اسد شاہ کے سیمپل بھی لیئے گئے ہیں اور اسپتال میں اسد شاہ کےٹیسٹ کروائےجا رہےہیں، اگر افسران کا حکم ہوا تو حنا شاہ کی ضمانت کیخلاف درخواست دیں گے۔

گذشتہ روز حویلی میں تشدد سے جاں بحق فاطمہ کی ابتدائی پوسٹ مارٹم رپورٹ میں زیادتی کا خدشہ ظاہرکیا گیا تھا، بچی کے جسم پر تشدد کے نشانات ہیں، چہرہ ایک طرف سےنیلااوردوسری جانب سے ہرا ہوچکا تھا جبکہ آنکھ ، کمر، پیشانی، پاؤں، گھٹنے اور ہاتھ پر بھی نشانات تھے۔

خیرپور : سیشن جج کی عدالت نے فاطمہ قتل کیس میں بچی کی قبر کشائی کی اجازت دیتے ہوئے سول جج رانی پور کو لیٹربھیج دیا۔

تفصیلات کے مطابق خیرپور میں فاطمہ قتل کیس میں سیشن جج کی عدالت نے بچی کی قبر کشائی کی اجازت دے دی، سیشن جج نے سول جج رانی پور کو لیٹربھیج دیا۔

جس میں کہا کہ سول جج محکمہ صحت کولیٹر جاری کریں گے، جس کے بعد بورڈ بٹھایا جائے گا ، قبرکشائی کے دوران ڈاکٹرز اورمجسٹریٹ اورتفتیشی افسر بھی موجود ہوں گے۔

سیشن جج کا کہنا تھا کہ قبر کشائی میں 4 گورکندموجود ہوں گے، قبر کشائی کے بعد لاش کے سیمپل لیے جائیں گے، جو لیبارٹری بھیجے جائیں گے۔

اس سے قبل رانی پور میں گھریلوملازمہ کی مبینہ تشدد سے ہلاکت سے متعلق کیس پر بات کرتے ہوئے اے ایس پی گمبٹ نعمان ظفر نے کہا تھا کہ عدالت کی اجازت کےبعد بچی کی قبرکشائی کی جائے گی۔

نعمان ظفر کا کہنا تھا کہ واقعہ اور قبر کا الگ ضلع ہے، اس لئے سیشن عدالت سے رجوع کیا جائے گا، بچی کی موت جس کمرے میں ہوئی اسے کرائم سین ڈکلیئرکردیا گیا ہے۔

جائے وقوع کا جائزہ لینے کیلئے کرائم سین ٹیم پہنچ گئی ہے ، کمرے سے شواہداکٹھے کرکے کیس کا حصہ بنایا جائے گا۔