اسلام آباد : وزیراعظم عمران خان نے کہا فاٹاکے عوام کےچاہتےہیں ان کی بھی آواز ہواور سنی بھی جائے، تمام صوبوں سےدرخواست کی کہ فاٹا کیلئے ترقیاتی منصوبوں کی رقم میں حصہ ڈالیں۔
تفصیلات کے مطابق وزیراعظم عمران خان نے قومی اسمبلی اجلاس میں اظہار خیال کرتے ہوئے کہا فاٹاکےعوام چاہتےہیں وہ بھی مین اسٹریم میں ہوں، فاٹاکے عوام کے چاہتے ہیں ان کی بھی آواز ہو اور سنی بھی جائے، فاٹا سے متعلق بل پر تمام جماعتوں نے اتفاق کیا ہے، اتفاق کرنے پر تمام جماعتوں کو مشکور ہوں۔
وزیراعظم کا کہنا تھا فیصلہ کیاتھا تمام صوبےاین ایف سی میں3 فیصد فاٹا کو دیں گے، فاٹا میں دہشت گردی کیخلاف جنگ کے باعث بہت نقصان ہوا، فاٹامیں ترقیاتی منصوبے کیلئے بڑی رقم کی ضرورت ہے۔
جوعلاقے پیچھے رہ گئے ہمیں، ان علاقوں کوترقی دینی ہے
عمران خان نے کہا خیبرپختونخوا کے ترقیاتی فنڈ سے فاٹاکے ترقیاتی منصوبے مکمل نہیں ہوسکتے، تمام صوبوں سے درخواست کی کہ فاٹا کیلئے ترقیاتی منصوبوں کی رقم میں حصہ ڈالیں۔
ان کا کہنا تھا ہماری زندگی میں ایک حادثہ ہوا، مشرقی پاکستان الگ ہوا، مشرقی پاکستان احساس محرومی کے باعث الگ ہوا، مشرقی پاکستان کےلوگوں میں احساس محرومی پایاجاتاتھا۔
وزیراعظم نے کہا فاٹاکےعوام بھی پاکستانی شہری ہیں، جوعلاقے پیچھے رہ گئے ہمیں، ان علاقوں کوترقی دینی ہے، ہمارے دشمن احساس محرومی کو استعمال کر رہے ہیں ، ماضی کی نسبت ہمیں اب سوچ تبدیل کرنی ہوگی۔
عمران خان کا کہنا تھا جو پاکستان میں رہنے والے ہیں انہیں احساس محرومی نہیں ہوناچاہیے، احساس محرومی ختم کرنے کیلئے ہمیں اقدامات کرنا ہوں گے، دشمن کچھ علاقوں میں احساس محرومی کو استعمال کر رہے ہیں۔
جو پاکستان میں رہنے والے ہیں انہیں احساس محرومی نہیں ہوناچاہیے
ان کا مزید کہنا تھا عمران خان نے بلوچستان، سندھ اور فاٹاسمیت سب لوگ پاکستانی ہیں۔
اس سے قبل وزیراعظم عمران خان کی اسپیکرقومی اسمبلی سےملاقات ہوئی تھی ، ملاقات میں شاہ محمودقریشی اورنورالحق قادری بھی موجود تھے۔
ملاقات میں فاٹامیں نشستوں سےمتعلق ترمیمی بل اور ایوان کاماحول ساز گاربنانے پرتبادلہ خیال کیا گیا۔
خیال رہے 26ویں آئینی ترمیم کی منظوری کا عمل شروع ہوگیا ہے ، دستورترمیمی بل2019رکن اسمبلی محسن داوڑنےپیش کیا تھا ، ترمیمی بل کی منظوری سےقبائلی اضلاع کی قومی نشستیں 6 سے 12 جبکہ صوبائی نشستیں 16سے24 ہوجائیں گی۔
