Tag: فتنہ الخوارج

لکی مروت : پولیس اورمحکمہ سی ٹی ڈی کے مشترکہ انٹیلی جنس بیسڈ آپریشن میں فتنہ الخوارج کے مقامی کمانڈر اور انتہائی مطلوب خوارج انعام عرف سرہ لمبہ ہلاک ہوگیا۔

تفصیلات کے مطابق ضلع لکی مروت میں پولیس اور سی ٹی ڈی پولیس نے طور لونگ خیل کے قریب مشترکہ انٹیلی جنس بیسڈ آپریشن کرکے فتنہ الخوارج کے مقامی کمانڈر اور انتہائی مطلوب خوارج انعام عرف سرہ لمبہ ہلاک کردیا۔

پولیس ذرائع نے بتایا پولیس اور انسداد دہشت گردی فورس نے طور لونگ خیل کے قریب دہشتگردوں کی موجودگی پر چھاپہ مارا تو فتنہ الخورج کے کارندوں نے پولیس پر خودکار ہتھیاروں سے فائرنگ کردی۔

فائرنگ کے تبادلے میں ایک خوارج انعام عرف سرہ لمبہ ہلاک ہوگیا، دوسرا خوارج ولایت عرف گل بالا ایک اور ساتھی کے ہمراہ فرار ہوگیا تاہم مفرور خوارج کی گرفتاری کیلئے علاقے میں سرچ اپریشن جاری ہے۔

پولیس کا کہنا ہے ہلاک دہشت گرد ٹارگٹ کلنگ، بھتہ خوری، بم دھماکوں اور پولیس پر حملوں میں بھی مقامی پولیس اور سی ٹی ڈی بنوں کو مطلوب تھا تاہم ہلاک خوارج سے خودکار اسلحہ بھی برامد کرلیا ہے۔

ساہیوال : محکمہ انسداد دہشت گردی نے کالعدم تنظیم فتنہ الخوارج کے دہشت گرد کو گرفتار کرلیا، دہشت گرد سے مذہبی منافرت پھیلانے والا لٹریچر اورکتابیں برآمد ہوئی ہیں۔

تفصیلات کے مطابق ساہیوال میں سی ٹی ڈی نے خفیہ اطلاع پر کارروائی کرتے ہوئے دہشت گرد کو گرفتار کرلیا۔

حکام نے بتایا کہ امان اللہ نامی دہشت گرد کا تعلق کالعدم تنظیم فتنہ الخوارج سے ہے، دہشت گرد سے مذہبی منافرت پھیلانے والا لٹریچر اورکتابیں برآمد ہوئی ہیں۔

حکام کا کہنا تھا کہ دہشت گرد کیخلاف مقدمہ درج کرکے تفتیش کی جارہی ہے۔

یاد رہے سی ٹی ڈی شعبہ تفتیش نے سائٹ کے علاقے میں کارروائی کرتے ہوئے کالعدم ٹی ٹی پی کے دہشتگرد ہدایت اللہ عرف عبدالحکیم کو حراست میں لے لیا۔

ترجمان کا کہنا ہے کہ ملزم کا تعلق کالعدم ٹی ٹی پی سوات گروپ سے ہے، گرفتار ملزم کالعدم ٹی ٹی پی کراچی ولایہ کے تعلیمی امور کا ذمہ دار بھی ہے۔

ترجمان کے مطابق ملزم کو کالعدم ٹی ٹی پی کے کارندوں کیلئے چندہ جمع کرتے ہوئے گرفتار کیا گیا، گرفتار ملزم سے چندے کی رقم اور بک بھی برآمد کرلی گئی تھی۔

اسلام آباد : فتنہ الخوارج کی پاکستان میں ڈاکے مارنے اور بھتہ خوری میں بھی ملوث نکلی، جس کے دستاویزی ثبوت سامنے آگئے۔

تفصیلات کے مطابق فتنہ الخوارج کی پاکستان میں ڈاکازنی اوربھتہ خوری کی تفصیلات سامنے آگئیں ، سیکیورٹی ذرائع نے بتایا کہ فتنہ الخوارج کے حالیہ ہلاک دہشت گردوں سے دستاویزی ثبوت برآمد ہوئے۔

سیکیورٹی ذرائع نے کہا کہ کالعدم ٹی ٹی پی کے دہشت گرد ڈاکے مارنے میں ملوث ہیں، دہشت گردوں نے ڈی آئی خان میں بینک کی گاڑیوں سے 56 ملین لوٹے۔

ذرائع کا کہنا تھا کہ دہشت گردوں نے گاڑیاں جلادیں،4 لاکھ روپےخارجی سیلاب کودیئے جبکہ خارجی عباس کے13دہشت گردوں میں 17 لاکھ سے زائد کی رقم تقسیم کی گئی۔

سیکیورٹی ذرائع نے مزید بتایا کہ لوٹی رقم حوالہ ہنڈی سےافغان علاقوں میں چھپےخارجی دہشتگردوں کوبھیجی گئی، لوٹی رقم کی غیر منصفانہ تقسیم سےخارجی گروپوں میں لڑائی رہتی ہے۔