اسلام آباد : کشمیر کمیٹی کے چیئرمین سید فخر امام کا کہنا ہے کہ مودی کشمیریوں کی نسل کشی اور کشمیرمیں آبادیاتی تبدیلی چاہتا ہے۔
تفصیلات کے مطابق چیئرمین پارلیمانی کشمیرکمیٹی فخرامام نے کشمیر کانفرنس سے خطاب کرتے ہوئے کہا کہ مسئلہ کشمیر طویل عرصہ کے بعد عالمی سطح پر بھرپور اجاگر ہوا ہے، 50 سال بعد سلامتی کونسل میں کشمیر پر پاکستانی موقف سنا گیا۔
فخر امام نے کہا کہ چین نے سلامتی کونسل میں مسئلہ کشمیر پر پاکستان کی حمایت کی، مسئلہ کشمیرکی بنیاد عدل وانصاف پر ہے، مسئلہ کشمیر کا سلامتی کونسل میں زیربحث آناخوش آئند ہے۔
چیئرمین کشمیر کمیٹی نے کہا کہ مسئلہ کشمیر دنیا کی طاقتور پارلیمانوں میں زیربحث آ رہا ہے، کشمیرکی خصوصی حیثیت کاخاتمہ عالمی قوانین کی خلاف ورزی ہے، مودی کشمیریوں کی نسل کشی اور کشمیرمیں آبادیاتی تبدیلی چاہتا ہے۔
بھارت سے جنگ ہوئی تو میں خود مقبوضہ کشمیر میں داخل ہوجاؤں گا، سید فخرامام
یاد رہے کہ رواں سال اگست میں کشمیر کمیٹی کے چیئرمین سید فخر امام کا کہنا تھا کہ بھارت سے جنگ ہوئی تو میں خود مقبوضہ کشمیر میں داخل ہوجاؤں گا، میں پیچھے ہٹنے والوں میں سے نہیں۔
