پیرس: فرانس میں سمندری طوفان نے تباہی مچادی، سمندر میں طغیانی کے نتیجے میں تین ریسکیو اہلکار ہلاک ہوگئے۔
تفصیلات کے مطابق فرانس کے مغربی حصے میں سمندر میں کشتی طغیانی کے باعث ڈوب گئ، تین ریسکیو کے اہلکار ہلاک ہوگئے، جبکہ دوسری کشتی میں سوار سات لوگوں کو بچالیا گیا۔
غیر ملکی خبر رساں ادارے کے مطابق موسم سے متعلق فرانس کے دس شعبوں نے طوفان کا الرٹ جاری کررکھا تھا، فرانس کے مشرقی حصوں میں ہواؤں کی رفتار تقریباً 147 کلو میٹر فی گھنٹہ ریکارڈ کی گئی ہے۔
ملکی محکمہ موسمیات کا کہنا ہے کہ یہ طوفان غیر معمولی ہے، جبکہ موسم گرما کے آغاز میں ہی سیاحوں کی بڑی تعداد فرانس کا رخ کرتی ہے، البتہ اس طوفانی سے شعبہ سیاحت کو مالی نقصان کا بھی سامنا کرنا پڑسکتا ہے۔
اس سے قبل جمعرات کو شمالی مغربی حصے میں تیز ہوائیں چلی تھیں جس کے باعث متعدد عمارتوں کو بھی نقصان پہنچا تھا، شہر کے میئر کا کہنا ہے کہ تین ریسکیو عملے کی موت پر افسوس ہے۔
فرانس: سیلاب نے تباہی مچادی، 10 افراد ہلاک، متعدد زخمی
حکام نے علاقے میں ایمرجنسی نافذ کررکھی ہے، جبکہ ریسکیو اہلکاروں اور متعلقہ شعبوں کو ہرممکن اقدامات کرنے کی ہدایت بھی کی ہے۔
خیال رہے کہ گذشتہ سال جون میں فرانس میں سیلاب نے 13 لوگوں کو نگل لیا تھا، جبکہ کئی افرد سیلابی ریلے میں بہہ کر لاپتہ بھی ہوگئے تھے بعد ازاں انہیں ریسکیو کرلیا گیا تھا جبکہ کئی مردہ حالت میں پائے گئے۔
