Tag: فرحان سعید

پاکستان میوزک و ڈرامہ انڈسٹری سے وابستہ اداکار و گلوکار فرحان سعید نے انکشاف کیا ہے کہ مجھے بھارتی اداکارہ اروشی روٹیلا کے ساتھ بالی وڈ فلم میں ڈیبیو کی پیشکش کی گئی لیکن میں نے آخرہ وقت پر انکار کر دیا۔

اداکار و گلوکار فرحان سعید کی ایک انٹرویو کی ویڈیو حال ہی میں سوشل میڈیا پر گردش کر رہی ہے جس میں ایک سوال کے جواب میں فرحان سعید نے انکشاف کیا تھا کہ جب ماضی میں انہوں نے اپنے میوزیکل بینڈ ’جل‘ کے ہمراہ بھارت میں پرفارمنس کی تو وہ راتوں رات وہاں مشہور ہوگئے۔

پاکستانی اداکار نے بتایا کہ جب میں جل بینڈ کے ہمراہ بھارت میں پرفارم کیا کرتا تھا ان دنوں بالی وڈ سے مجھے اداکاری کے لیے متعدد پیشکشیں موصول ہوئیں تاہم میں نے انکار کر دیا۔

اداکار نے بتایا کہ متعدد پیشکش موصول ہونے کے بعد ایک فلم سائن کرنے کا ارادہ کیا، جس میں مجھے بھارتی اداکار و سیاسی رہنما متھن چکروتی کے بیٹے ماہاکشے چکروتی اور اروشی روٹیلا کے ساتھ کاسٹ کیا گیا تھا، اس میں میرا موسیقار کا ہی کردار تھا۔

گلوکار نے بتایا کہ وہ فلم میری اور اروشی روٹیلا کی ڈیبیو فلم ہوتی لیکن جب معاملات طے کرنے کی باری آئی تو میں نے فلم کرنے سے انکار کر دیا کہ یہ میرے بس کی بات نہیں اور شکر ہے کہ انکار کر دیا  کیونکہ مذکورہ فلم فلاپ ہو گئی تھی۔

پاکستان شوبز انڈسٹری کی معروف جوڑی اداکارہ عروہ حسین اور اداکار و گلوکار فرحان سعید کے ہاں جَلد ننھے مہمان کی آمد متوقع ہے۔

عروہ حسین نے اپنے انسٹاگرام اکاؤنٹ سے اپنی تصویر شیئر کیں جن میں انہیں اور فرحان سعید کو سیاہ رنگ کا خوبصورت لباس زیب تن کیے خوشگوار موڈ میں دیکھا جا سکتا ہے۔

اداکارہ عروہ حسین نے فوٹو اینڈ شیئرنگ ایپ انسٹاگرام پر اس خوشخبری سے متعلق ذکر کیا ہے۔

 

View this post on Instagram

 

A post shared by URWA TUL WUSQUA HOCANE (@urwatistic)

عروہ حسین نے شوہر فرحان سعید کے ہمراہ تصویر شیئر کرتے ہوئے بتایا ہے کہ ’آج کی رات ہم تین ہیں، ماشاء اللّٰہ‘۔

یاد رہے کہ عروہ حسین اور فرحان سعید 2016 میں رشتہ ازدواج میں منسلک ہوئے تھے۔

رواں سال اپریل میں جوڑے میں علیحدگی کی افواہیں سوشل میڈیا پر پھیلی تھیں جس کے بعد عروہ حسین نے شوہر کے ساتھ تصاویر شیئر کر کے انہیں غلط اور بے بنیاد ثابت کیا تھا۔

پاکستان کے اداکار و گلوکار فرحان سعید نے پاکستاب میں تھرلر فلمیں نہ بنیں کی وجہ بتائی ہے۔

اے آر وائی کے شو ہوشیاریاں میں فرحان سعید اور اداکارہ عروہ حسین نے شرکت کی، جہاں اداکار و گلوکار فرحان سعید سے سوال کیا گیا کہ پاکستان میں تھرلر فلمیں کیوں نہیں بن رہی ہیں۔

جس پر اداکار کا کہنا تھا کہ پاکستان کے زیادہ تر لوگ مزاحیہ مووی دیکھنے کے شوقین ہیں، عوام مزاحیہ اسٹوری پر زیادہ پیار دکھاتے ہیں اس لیے مزاحیہ فلمیں بنتی ہیں۔

انکا کہنا تھا کہ اگر تھرلر اور ایکشن سے بھرپور فلمیں بنیں گی تو لوگ اسے بھی پسند کریں گے، ہمارے پاس جب کبھی بھی تھرلر فلمیں بنتی ہیں تو شائقین کی جانب سے پزیرائی بھی خوب ملی ہے۔

اس موقع پر موجود اداکارہ عروہ حسین نے کہا کہ ٹچ بٹن کی کہانی کو اس طرح پروڈیوس کیا ہے کہ ایک پیغام بھی لوگوں تک پہنچ جائے ساتھ ہی لوگ اس سے انٹرٹین بھی ہوسکے۔

عروہ نے بتایا کہ اس فلم کی مضبوطی اس کا میوزک اور ویژولز ہیں، میں بہت فخر سے کہہ سکتی ہوں کہ ہمارا ایک ایک کردار کہانی میں فٹ ہوتا ہے۔

عروہ حسین کی پروڈکشن میں بننے والی فلم ’ٹِچ بٹن‘ رواں ماہ  25 نومبر کو ریلیز ہوگی۔

ٹچ بٹن کے پروڈیوسر جرجیس سیجا، عروہ حسین اور فرحان سعید ہیں جبکہ صدر اور سی ای او اے آروائی ڈیجیٹل نیٹ ورک سلمان اقبال ‘ٹچ بٹن’ کے ایگزیکٹو پروڈیوسر ہیں۔

اے آر وائی ڈیجیٹل کے ڈرامہ سیریل ’میرے ہمسفر‘ میں حمزہ نے خرم کو دادی کے جنازے کو کاندھا دینے سے روک دیا۔

ڈرامہ سیریل ’میرے ہمسفر‘ میں فرحان سعید (حمزہ)، ہانیہ عامر (ہالا)، صبا حمید (شاہجہاں)، وسیم عباس، زویا ناصر، عمر شہزاد (خرم)، حرا خان (رومی)، ثمینہ احمد (ہالا کی دادی) ودیگر مرکزی کردار نبھا رہے ہیں۔

ڈرامے کی 30ویں قسط میں دکھایا گیا کہ ’دادی کو آخری آرام گاہ کی جانب لے جایا جارہا ہوتا ہے اسی دوران خرم دادی کے جنازے کو کاندھا دینے کے لیے بڑھتے ہیں۔‘

حمزہ، خرم کو روکتے ہوئے کہتے ہیں کہ ’خبردار میں تمہارا سایہ اپنے خاندان کی کسی عورت پر برداشت نہیں کرسکتا چاہے وہ مر ہی کیوں نہ گئی ہو۔‘

ڈرامہ کی 31 ویں قسط کے پرومو میں دکھایا گیا ہے کہ ہالا دادی کی قبر پر جاکر رو رہی ہیں۔

ہالا کہتی ہیں کہ ’دادی ہالا کے آنسو پوچھنے والا اب کوئی نہیں ہے آپ کی ہالا رُل گئی ہے سب کچھ برباد ہوگیا۔‘

ادھر ’شاہجہاں ہالا کو گھر سے نکالنے پر تُلی ہوئی ہیں اور اپنے شوہر سے ہالا کو گھر سے نکالنے کا کہتی ہیں جس پر وہ کہتے ہیں کہ تمہیں ہالا کو نکالنا ہے نکال دینا کوئی کچھ نہیں کہے گا۔‘

کیا شاہجہاں اپنے مقصد میں کامیاب ہوجائیں گی؟ یا پھر حمزہ اور ہالا کو دل سے قبول کرلیں گی؟ یہ سب جاننے کے لیے ’میرے ہمسفر‘ کی 31ویں قسط دیکھنا نہ بھولیں۔