Tag: فرخ حبیب

اسلام آباد : پاکستان تحریک انصاف کے رہنما فرخ حبیب کا کہنا ہے کہ مریم نواز خاندان کی لوٹی دولت واپس لا کر خزانے میں جمع کرا دیں ، لوٹی دولت واپس ہوتو شاید معاشی بحران سے نکلنے میں مدد مل سکے۔

تفصیلات کے مطابق پاکستان تحریک انصاف کے رہنما فرخ حبیب نے مریم نواز کی گفتگو پر ردعمل کا اظہار کرتے ہوئے کہا کہ امپورٹڈ حکومت کےغلط فیصلوں کادفاع مجرمہ اپنی پیشی پر کر رہی ہے، آل شریف نے ہمیشہ پاکستان کے نظام پرنقب لگائی، آل شریف اب بھی اپنی نااہلی کا ملبہ عمران خان پر ڈال رہے ہیں۔

فرخ حبیب کا کہنا تھا کہ مریم نواز خاندان کی لوٹی دولت واپس لا کر خزانے میں جمع کرا دیں ، لوٹی دولت واپس ہوتوشاید معاشی بحران سے نکلنے میں مدد مل سکے۔

امپورٹڈ حکومت پر تنقید کرتے ہوئے رہنما پی ٹی آئی نے کہا کہ امپورٹڈ سرکار نے پاکستان کی بنیادیں ہلا کر رکھ دی ہیں، مغرب کے غلاموں کو عوام کی کچھ پرواہ نہیں ، مغرب کے غلاموں کو صرف غلامی کرنا اورجھوٹے بھاشن دیناآتاہے۔

انھوں نے بتایا کہ عمران خان نے پیٹرولیم مصنوعات پرسبسڈی دے کر ریلیف دیا، مریم صفدرکو عوام کو دی گئی سہولتیں ایک آنکھ نہیں بھاتیں، عوام کوغلامی کا طوق پہنے ہوئے دیکھنا اس خاندان کامشغلہ ہے۔

فرخ حبیب کا مزید کہنا تھا کہ سرکاری اعدادوشمارمیں ہےہمارےدور میں معیشت کاپہیہ تیزی سےچل رہاتھا، چھوڑی ہوئی بہترین معیشت سنبھالنے کی سکت نہیں تھی توسازش کیوں کی؟

شریف خاندان کے حوالے سے تحریک انصاف کے رہنما نے کہا کہ آل شریف کی کرپشن،نااہلی،اور تکبر سے ملک اس حالات پرپہنچ گیاہے، آل شریف کو مقبولیت دیکھنی ہے توایک بار عوام میں جائیں لگ پتہ جائےگا، الیکشن سے فرار حاصل کرنا ان کے خوف کی علامت ہے۔

ان کا کہنا تھا کہ عوام اس مجرموں کے گلدستے کا کڑا احتساب کریں گے، عمران خان اس لیے حواس پر سوار ہے کیونکہ وہ ہی انہیں کیفرکردار تک پہنچائے گا۔

اسلام آباد : تحریک انصاف کے رہنما فرخ حبیب نے شہباز اسپیڈ کے 60 روز کی کارکردگی رپورٹ جاری کردی۔

تفصیلات کے مطابق تحریک انصاف کے رہنما فرخ حبیب نے سماجی رابطے کی ویب سائٹ ٹوئٹر پر نے شہباز حکومت کی 60 روزہ کارکردگی رپورٹ جاری کردی۔

فرخ حبیب نے بتایا کہ ڈالر کی ڈبل سنچری، روپیہ کی قدرمیں25 روپے کمی، پٹرولیم مصنوعات میں60 روپے اضافہ، آٹا گھی بھی مہنگا جبکہ بجلی فی یونٹ8 روپے ، گیس45 فیصد مہنگی اور لوڈ شیڈنگ 8 سے 12 گھنٹے ہوگئی۔

شہباز سپیڈ کے 60 روز
ڈالر کی ڈبل سنچری روپیہ کی قدر میں25روپے کمی
سٹاک ایکسچینج میں کمی
ایکسپورٹس میں کمی
پٹرول60روپے اضافہ سے ڈبل سنچری
20کلو آٹا تھیلا 200سے300روپےاضافہ
گھی فی کلو 200 روپےاضافہ
بجلی فی یونٹ 8روپےاضافہ کیساتھ25روپے یونٹ
گیس 45%اضافہ
لوڈ شیڈنگ 8 سے 12 گھنٹہ

— Farrukh Habib (@FarrukhHabibISF) June 8, 2022

رہنما پی ٹی آئی کا کہنا تھا کہ شہباز اسپیڈ 60 روز ،5 غیر ملکی دورے 11 روز پاکستان سے باہر گزارے، وزیراعظم ہاؤس میں دعوتیں اور کھابےچل رہےہیں۔

انھوں نے کہا کہ ای سی ایل میں سے اپنی کابینہ کے لوگوں کے نام نکال دئیے ،ایف آئی اے ڈائریکٹر ،تفتیشی اور اسپیشل پراسیکوٹر تبدیل کردیئے اور ساتھ ہی نیب قانون میں ترامیم،نواز، شہباز، مریم، زرداری کے کیس ختم کردیئے ،این آراوٹو۔

شہباز سپیڈ 60 روز
5 غیر ملکی دورے 11 روز پاکستان سے باہر گزارے
وزیراعظم ہاؤس میں دعوتے اور کھابہ شروع
ECL میں سے اپنی کابینہ کے لوگوں کے نام نکال دئیے
FIA کا ڈائریکٹر ،تفتیشی اور سپیشل پراسیکوٹر تبدیل
نیب قانون میں ترامیم کے ذریعے نواز، شہباز، مریم، ذرداری کیس ختم NRO2

— Farrukh Habib (@FarrukhHabibISF) June 8, 2022

اسلام آباد :تحریک انصاف کے رہنما فرخ حبیب نے مطالبہ کیا ہے کہ حکمران ناموس رسالت ﷺ کی خاطر تجارتی کونسلر تعیناتی کا فیصلہ واپس لے۔

تفصیلات کے مطابق تحریک انصاف کے رہنما فرخ حبیب نے سماجی رابطے کی ویب سائٹ ٹوئٹر پر اپنے بیان میں کہا کہ حکمرانوں نے مسجد نبوی واقعے پر سیاسی مخالفین پر جھوٹے مقدمات کرائے، ان کے واٹس ایپ میڈیا مینجمنٹ نےطوفان برپا کردیا، اب نہ کوئی سفیر نکالنے کا مطالبہ کررہا ہے نہ کوئی اسلام آباد مارچ ، سرد مہری اس لئے کہ شریف خاندان کے بھارت سے ذاتی کاروباری تعلقات ہیں۔

موجودہ حکمرانوں نے مسجد نبوی واقعہ پر سیاسی مخالفین پر جھوٹے توہین کے مقدمات درج کروادئے انکے what’s app میڈیا مینیجمینٹ نے طوفان برپا کردیااب نہ کوئی سفیر نکالنےکامطالبہ کررہاہے نہ کوئی اسلام آباد مارچ کررہا ہےسرد مہری اس لئے ہے کہ شریف خاندان کےبھارت میں ذاتی کاروباری تعلقات ہے

— Farrukh Habib (@FarrukhHabibISF) June 6, 2022

فرخ حبیب کا کہنا تھا کہ بی جے پی رکن کی گستاخی پرمسلم دنیا سے بھارتی اشیا کا بائیکاٹ،سخت ردعمل آیا، حکمران ناموس رسالت ﷺکی خاطر تجارتی کونسلر تعیناتی کا فیصلہ واپس لے۔

انتہا پسند حکمران جماعت BJP کی رکن کی جانب سے گستاخی کے بعد پوری عرب ممالک سمیت مسلم دنیا سے بھارتی اشیا کا بائیکاٹ سمیت سخت ردعمل آیا ہے۔پاکستانی حکمران مودی کیساتھ ذاتی تعلقات نہ نبھائے بلکہ ناموس رسالت ﷺ کی خاطر فوری طور پر تجارتی کونسلر تعینات کرنے کا فیصلہ واپس لے

— Farrukh Habib (@FarrukhHabibISF) June 6, 2022

اس حوالے سے ڈاکٹر شہباز گل نے اپنے ٹوئٹ میں کہا کہ بھارت میں نبی پاکﷺ کی شان میں گستاخی کی گئی، بھارت کیخلاف متعدد عرب اور مسلم ممالک نےاقدامات کا اعلان کیا، میرصادق اورجعفر کی طرف سے بھارت سے تجارت شروع کی جا رہی ہے، ان کے کاروباری مفادات بھارت سےہیں جو انہیں ہرشے سے زیادہ عزیز ہیں۔

اور تو اور ہندوستان میں جو ہمارے نبی پاک ﷺ کی شان میں جو گستاخی ہوئی اسکے جواب میں متعدد عرب اور مسلم ممالک نے اقدامات کا اعلان کیا لیکن میر صادق اور جعفر کی طرف سے مسلم ممالک کی پیروی کرنے کی بجائے بھارت سے تجارت شروع کی جا رہی ہے اس اقدام واپس لینے تک کا اعلان نہیں کیا گیا

— Dr. Shahbaz GiLL (@SHABAZGIL) June 6, 2022

شہبازگل کا کہنا تھا کہ انہوں نےزیادہ توجہ جعلی آڈیوویڈیوبنانےپرمرکوز کررکھی ہے، اگریہ اس سےنصف توجہ بھی عوامی مسائل پر ڈالتے تو عوام اس حالت کونہ پہنچتے، لگتا ہے اللہ نے انکے دلوں پر مہر لگادی ہے۔

اسکی وجہ صرف یہ کہ ان کے کاروباری مفادات انڈیا کے ساتھ وابستہ ہیں جو انہیں ہر شے سے زیادہ عزیز ہیں
جتنی توجہ انہوں نے جعلی آڈیو ویڈیو بنانے پر مرکوز رکھی ہے اس کا نصف بھی اگر عوامی مسائل پر ڈالتے تو آج عوام اس حالت کو نہ پہنچ چکی ہوتی
لگتا ہے اللّٰہ نے انکے دلوں پر مہر لگادی ہے

— Dr. Shahbaz GiLL (@SHABAZGIL) June 6, 2022