Tag: فرخ حبیب

اسلام آباد : وزیر مملکت اطلاعات ونشریات فرخ حبیب کا کہنا ہے کہ روٹی، کپڑا ، مکان کے نعرے کی آڑ میں زرداری نے ملکی دولت لوٹی، پرچی چیئرمین مگرمچھ کے آنسو نہ بہائے بلکہ ذخیرہ اندوز مافیا کیخلاف ایکشن لیں۔

تفصیلات کے مطابق وزیر مملکت اطلاعات ونشریات فرخ حبیب نے بلاول بھٹوکے بیان پر ردعمل دیتے ہوئے کہا روٹی، کپڑا ،مکان نعرے کی آڑ میں زرداری نے  ملکی دولت لوٹی، زرداری نے منی لانڈرنگ کی، جعلی اکاؤنٹس ،سرے محل بنائے ، سندھ میں تیسری بار پیپلز پارٹی کی حکومت ہے،سوائے غربت، کرپشن اور لوٹ مار کے اور کون سا کارنامہ سر انجام دیا۔

فرخ حبیب کا کہنا تھا کہ احساس ایمرجنسی کیش میں 57ارب 13 کروڑ39لاکھ 96 ہزارسندھ میں تقسیم کیے ، سندھ میں مجموعی فنڈز کا 35 فیصد تقسیم کیاگیا ہے، بلاول بتائےسندھ کے عوام کو مفت علاج کیلئے ہیلتھ کارڈ کیوں نہیں دےرہے۔

وزیر مملکت نے کہا 2008سے 2013سندھ میں فصلوں کی گروتھ اوسطا1.25،آبادی کی گروتھ2فیصدتھی،آپ کی وجہ سے ملک میں فوڈ سکیورٹی کے مسائل پیدا ہوئے، عمران خان کی قیادت میں حکومت غذائی تحفظ میں خود کفالت کیلئے کام کررہی ہے۔

ان کا کہنا تھا کہ پرچی چیئرمین مگرمچھ کے آنسو نہ بہائے بلکہ ذخیرہ اندوز مافیا کیخلاف ایکشن لیں، اسوقت بھی سب سے زیادہ مہنگا20کلوآٹےکاتھیلا کراچی میں فروخت ہورہا ہے، پہلی بارعمران خان نے غریب،مستحقین کو سہارا ادیا ،چھت بنا کر دےرہےہیں۔

فرخ حبیب نے مزید کہا کم آمدن گھروں کی تعمیر کے لئے 70 ارب کی درخواستیں موصول ہو چکی ہیں، بلاول صاحب، ایساکوئی عوامی منصوبہ یاپروگرام ہے تو سامنے لائیں، سندھ کے چوہے 14 ارب کی گندم کھاگئے، عوام خود اندازہ لگا لیں کہ وہاں کے حکمراں کتنے کرپٹ ہوں گے؟

وزیر مملکت کا کہنا تھا کہ 18ویں ترمیم کے بعدزراعت تمام صوبوں کی طرح سندھ حکومت کی ذمہ داری ہے، سندھ میں کپاس کی پیداوار بڑھنے کے بجائے کم کیوں ہوگئی ؟زرداری کے فرنٹ گروپ اومنی گروپ نے 11شوگر ملز لگالی ، شوگرملزلگانےسےسندھ میں کاٹن ایریا پر گنے کی کاشت شروع ہوگئی جبکہ پیپلز پارٹی کے دور میں ایک سال میں سب زیادہ مہنگائی 25فیصد پر تھی۔

اسلام آباد : وزیر مملکت برائے اطلاعات و نشریات فرخ حبیب کا کہنا ہے کہ مختلف چیلنجزکےباوجودعمران خان نےمعیشت درست سمت میں ڈالی ، حکومت نے صنعت کے لیے پیکج دیے، سہولتیں دیں، آئندہ سالوں میں معیشت میں مزیدبہتری ہوگی۔

تفصیلات کے مطابق وزیر مملکت برائے اطلاعات و نشریات فرخ حبیب نے میڈیا سے گفتگو کرتے ہوئے کہا پہلےسال میں حکومت نے10ارب کےقرض واپس کرنے تھے، تباہی کے دہانے پر پہنچی معیشت کو موجودہ حکومت نے سراہا دیا۔

ن لیگی حکومت کے حوالے سے فرخ حبیب کا کہنا تھا کہ اسحاق ڈار اسے کریڈٹ کارڈ معیشت بناکر گئے تھے، وہ ترقی مانگے تانگے کے قرض پر منحصر اور مصنوعی تھی، موجودہ دور میں 40 ارب ڈالر کا تجارتی خسارہ تھا، گزشتہ دورحکومت میں اسٹیٹ بینک کے ذخائر9ارب ڈالررہ گئے تھے، 7.5ارب ڈالرکاقرض لیا گیا تھا،ترسیلات زرمیں اضافہ نہیں ہواتھا، برآمدات گزشتہ دورمیں بڑھنے کے بجائے کم ہوئی تھیں، گروتھ جعلی اکاؤنٹ اورنوازشریف کی منی لانڈرنگ میں تھی۔

وزیر مملکت نے کہا مختلف چیلنجزکےباوجودعمران خان نےمعیشت درست سمت میں ڈال دی، پاکستان کی جی ڈی پی گزشتہ روز3.9فیصدبتائی گئی، ہماراماڈل برآمدات اورپیداواربڑھانے کا ماڈل ہے، حکومت نے صنعت کے لیے پیکج دیے، سہولتیں دیں۔

ان کا کہنا تھا کہ ہماری ٹیکس وصولی زیادہ ہوگی،برآمدات میں تاریخی 25ارب ڈالرتک اضافہ متوقع ہے، چاول ،مکئی اورگندم کی پیداوارکے ریکارڈ ٹوٹ گئے ہیں، پر کپیٹا انکم ہمیں 1456ڈالر ملی تھی، آج 1608 ڈالر ہوگئی ہے۔

فرخ حبیب نے مزید بتایا کہ 10ماہ میں 24ملین ڈالرسےزائدترسیلات موصول ہوئی ہیں، پاکستان کی تاریخ میں کبھی اتنا ڈالرکا ان فلو نہیں ہوا، ن لیگ کے دور کاماڈل سرخی پاؤڈروالاماڈل تھا،اصل حالت خراب تھی۔

وزیر مملکت کا کہنا تھا کہ پاکستان کاروپیہ دنیاکی بہترین کرنسیوں میں شامل ہے، آئی ٹی برآمدات میں44فیصداضافہ ہوا، حکومت کی آمدن اس وقت اخراجات کےبرابرہے، ہماری حکومت نےسب سے کم قرض لیے ہیں۔

انھوں نے کہا کہ زراعت میں اضافہ کاشتکاروں پرتوجہ دینےکی وجہ سےہواہے، آئندہ سالوں میں معیشت میں مزیدبہتری ہوگی، وزیراعظم تربیلا 5 کے منصوبے کا عن قریب افتتاح کریں گے۔

فرخ حبیب نے کہا عمران خان نےجومیچ بھی کھیلاہےوہ پاکستان کے لیے کھیلا کوئی ذاتی مفاد نہیں، عمران خان کے پاس کوئی کالا دھن نہیں ہے جسے سفید کرناہو، مہنگائی کے جن کو بھی قابو میں کیا جائے گا۔

وزیر مملکت کا مزید کہنا تھا کہ این سی اے کے اجلاس میں کوئی سیاست دان نہیں بیٹھتا، اجلاس میں ٹیکنیکل لوگ ہی بیٹھتےہیں، ہم نےوہ تمام اہداف بتانےہیں، جوہم نے3سال میں حاصل کیے، تمام چیلنجزکےباوجودہم نےبہترین کارکردگی دکھائی ہے۔

انھوں نے کہا کہ نوازشریف پاکستان کےبھگوڑےہیں لندن میں بیٹھےہیں، آفس آنےوالوں کےچہرےواضح ہیں ان کی رپورٹ کرادیں، پی ڈی ایم کے تیتر بیٹر کے ناشتے ہوتے رہتےہیں، پی ڈی ایم والےاب اکٹھےہوکرجیل ہی جائیں گے۔