Tag: فرخ حبیب

فیصل آباد: پارلیمانی سیکریٹری فرخ حبیب نے کہا ہے کہ میں کرونا وبا کے خلاف شہید ڈاکٹروں کو خراج عقیدت پیش کرتا ہوں، حکومت نے کرونا میں غیر معمولی خدمات انھیں پر سول ایوارڈ دینے کا فیصلہ کیا ہے۔

اے آر وائی نیوز کے مطابق فرخ حبیب نے اپنے بیان میں کہا ہے کہ وزیر اعظم نے تمام صوبوں سے ہیلتھ سے متعلق تفصیلات مانگی ہیں، وبا کے دوران غیر معمولی خدمات پر حکومت نے سول ایوارڈ دینے کا فیصلہ کر لیا ہے۔

انھوں نے کہا کہ وبا کے دوران میڈیا نے بھی سخت حالات میں فرائض انجام دیے۔

دریں اثنا، پارلیمانی سیکریٹری ریلوے فرخ حبیب نے ڈی ایچ کیو اسپتال فیصل آباد کا دورہ کیا، اس موقع پر انھوں نے کہا کہ کرونا وبا میں ڈاکٹرز، پیرا میڈیکس نے فرنٹ لائن سولجرز کا کردار ادا کیا ہے، حکومت نے فیصلہ کیا ہے کہ ہیلتھ سیکٹر کو اپ گریڈ کیا جائے۔

اپوزیشن پر تنقید کرتے ہوئے انھوں نے کہا کہ شریف فیملی کا علاج صرف لندن کے ایون فیلڈ فلیٹس میں ہو سکتا ہے، 40 سال اقتدار میں رہنے والے 1 اسپتال نہ بنا سکے جس میں ان کا علاج ہو سکے۔

فرخ حبیب نے کہا کہ پہلے ان لوگوں نے کراچی کا امن تباہ کیا، اب سندھ کے لوگ بارش کے پانی میں ڈوب رہے ہیں، سندھ میں ایک پرچی چیئرمین کی حکومت ہے۔

اسلام آباد: تحریک انصاف کے رہنما فرخ حبیب کا کہنا ہے کہ عید کے بعد ایس او پیز کے ساتھ شادی ہال اور ریسٹورنٹ کھولیں گے۔

تفصیلات کے مطابق پارلیمانی سیکریٹری ریلوے فرخ حبیب نے کہا ہے کہ عیدالاضحیٰ کے بعد ایس او پیز کے ساتھ شادی ہال اور ریسٹورنٹ کھولیں گے۔انہوں نے کہا کہ ایس او پیز کے تحت پورے ہفتے کاروبار کھولنے کی بھی کوشش کریں گے۔

فرخ حبیب کا کہنا تھا کہ این سی او سی سفارشات تیار کر رہا ہے،تاجر برادری بھی ذمےداری کا مظاہرہ کرے۔

خیال رہے کہ گزشتہ ہفتے حکومت پنجاب نے صوبے میں لاک ڈاؤن 15 روز کی توسیع کرتے ہوئے اس کی مدت 30 جولائی تک بڑھا دی تھی۔

سیکرٹری پرائمری اینڈ سیکنڈری ہیلتھ کیئر کیپٹن (ر) محمد عثمان کی جانب سے جاری نوٹیفکیشن میں کہا گیا تھا کہ 30 جولائی تک تعلیمی ادارے، شادی ہال، ریسٹورنٹ اور سینما ہال بدستور بند رہیں گے۔

اس سے قبل 30 جون کو پنجاب حکومت نے لاک ڈاؤن میں 15 روز کی توسیع کرتے ہوئے 15 جولائی تک کے لیے لاک ڈاؤن نافذ کیا تھا۔

اسلام آباد: پاکستان تحریک انصاف کے رہنما فرخ حبیب کا کہنا ہے کہ نوازشریف نے پارٹی اکاؤنٹس کو منی لانڈرنگ کے لیے استعمال کیا، نوازشریف اور شہبازشریف کو جواب دینا پڑے گا۔

تفصیلات کے مطابق اسلام آباد میں پارلیمانی سیکریٹری فرخ حبیب نے میڈیا سے گفتگو کرتے ہوئے کہا کہ پی ٹی آئی نے 40 ہزار ڈونرز کا ریکارڈ اسکروٹنی کمیٹی کو جمع کرا دیا ہے۔

فرخ حبیب نے کہا کہ اب لمبی لمبی تاریخوں کا وقت ختم ہوگیا ہے، انہوں نے کبھی سوچا نہیں ہوگا کہ ریکارڈ جمع کرانا ہوگا، اب ان کے سارے چور دروازے بند ہوچکے ہیں۔

تحریک انصاف کے رہنما نے کہا کہ الیکشن کمیشن نے سیاسی پارٹیز کی شفاف طریقے سے جانچ کرنی ہے، ہم امید کرتے ہیں اسکروٹنی کمیٹی کا اجلاس روزانہ کی بنیاد پر ہوگا۔

فرخ حبیب نے کہا کہ یہ جو گڑھا پی ٹی آئی کے لیے کھود رہے تھے وہ ناکام ہوچکے، چوروں کی آزادی کے لیے دھرنا ناکام ہوچکا ہے۔ انہوں نے کہا کہ نوازشریف نے پارٹی اکاؤنٹس کو منی لانڈرنگ کے لیے استعمال کیا، نوازشریف اور شہبازشریف کو جواب دینا پڑے گا۔

’جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں‘

یاد رہے کہ گزشتہ روز پاکستان تحریک انصاف کے رہنما فرخ حبیب کا کہنا تھا کہ جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں۔

اسلام آباد: پاکستان تحریک انصاف کے رہنما فرخ حبیب کا کہنا ہے کہ جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں۔

تفصیلات کے مطابق اسلام آباد میں پارلیمانی سیکریٹری فرخ حبیب نے میڈیا کو بریفنگ کے دوران بتایا کہ ن لیگ، پی پی فنڈنگ سے متعلق پٹیشن دائر کی، کل پارٹی فنڈنگ اسکرونٹی کمیٹی سماعت کرے گی۔

فرخ حبیب نے کہا کہ سیاسی پارٹیزکے گوشواروں کی جانچ الیکشن کمیشن کا اختیار ہے، خدشہ ہے ن لیگ نے پارٹی اکاؤنٹ منی لانڈرنگ کے لیے استعمال کیا۔ انہوں نے کہا کہ ن لیگ یوکے لمیٹڈ کمپنی کے طور پر رجسٹرڈ ہے، ن لیگ یوکے لمیٹڈ کمپنی برطانوی قانون کے مطابق کاروبارکرسکتی ہے۔

انہوں نے کہا کہ ن لیگ یوکے لمیٹڈ کمپنی برطانوی قانون کے مطابق تجارت کرسکتی ہے، ن لیگ یوکے لمیٹڈ کمپنی کے سربراہ زبیر گل ہیں، ن لیگ یوکے سے کتنا پیسہ پاکستان آیا ن لیگ نے جواب نہیں دیا۔

پارلیمانی سیکریٹری نے کہا کہ پارٹی فنڈنگ کیس پر ن لیگ راہ فرار اختیار کر رہی ہے، ہوسکتا ہے تاخیر کی وجہ کسی اور قطری خط کی صورت میں سامنے آئے، نوازشریف نے ن لیگ کو 10کروڑ دیے، اگلے دن 4 کروڑ اپنے اکاؤنٹ منتقل کیے۔

فرخ حبیب نے کہا کہ پی پی اور ن لیگ کے وکلاعدالت میں پیش تک نہیں ہوتے، پی پی کی یوکے میں کمپنی کا سربراہ امریکی شہری مارک سیگل ہے، مارک سیگل بینظیر شہید کیس میں بھی خط لے کر آئے تھے، آصف زرداری پیپلزپارٹی کی اس کمپنی کے پرنسپل ہیڈ ہیں۔

انہوں نے کہا کہ جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں، پی ٹی آئی نے 40 ہزار ڈونرز کا ڈیٹا فراہم کردیا ہے، پی ٹی آئی سے جو جواب مانگا جائے گا وہ الیکشن کمیشن کو دیں گے۔

پارلیمانی سیکریٹری نے کہا کہ ن لیگ، پی پی عوام کو مزید گمراہ نہیں کرسکتی، 2013 سے 2018 تک حکومت ن لیگ کی تھی، ن لیگ یہ کیسے کہہ سکتی ہے کہ 5 سال سے جواب نہیں دیا، ن لیگ کی حکومت انہوں نے پی ٹی آئی پر کیس کیوں نہیں کیا۔

فرخ حبیب نے کہا کہ الیکشن کمیشن کی اسکروٹنی کمیٹی پر بڑی ذمہ داری ہے، تمام سیاسی جماعتوں کے کیس کی روزانہ سماعت ہونی چاہیے، جن ٹی او آرز پر پی ٹی آئی کیس سنا جا رہا ہے ن لیگ اور پی پی کا کیس بھی سنا جائے۔

تحریک انصاف کے رہنما نے کہا کہ پی پی، ن لیگ کی جگہ جگہ ٹی ٹیز، منی لانڈرنگ کے ثبوت موجود ہیں، پی پی اور ن لیگ کو رسیدیں، منی ٹریل دینا ہوگی۔ انہوں نے کہا کہ عمران خان نے ہر دور میں اپنے اثاثے ڈکلیئر کیے، عمران خان نے کرکٹ سمیت ہر آمدن کی تفصیلات دیں۔

اسلام آباد: پاکستان تحریک انصاف کے رہنما فرخ حبیب کا کہنا ہے کہ ریاست کی رٹ چیلنج کرنے کی اجازت نہیں دیں گے، فضل الرحمان کرپشن کا دفاع کرنے جا رہے ہیں۔

تفصیلات کے مطابق فیصل آباد سے پاکستان تحریک انصاف کے رکن قومی اسمبلی فرح حبیب نے کہا کہ مولانا اپنی باتوں سے پیچھے ہٹنے کے عادی ہیں، امید ہے فضل الرحمان اس بار بھی مان جائیں گے۔

انہوں نے کہا کہ مولانا صاحب کو ہر موقع پر ناکامی کا سامنا کرنا پڑا ہے، فضل الرحمان کرپشن کا دفاع کرنے جا رہے ہیں، مولانا اندھے کنویں میں چھلانگ لگا رہے ہیں۔

تحریک انصاف نے رہنما نے مزید کہا کہ ریاست کی رٹ چیلنج کرنے کی اجازت نہیں دیں گے، حکومت اپنی مدت پوری کرے گی۔

مولانا فضل الرحمان ریاستی رٹ کو چیلنج کرنے سے دور رہیں، شوکت یوسفزئی

یاد رہے کہ چار روز قبل وزیراطلاعات خیبرپختونخوا شوکت یوسفزئی کا کہنا تھا کہ مولانا فضل الرحمان کے غیرقانونی اقدام کے خلاف ایکشن ہوگا، وہ ریاستی رٹ کو چیلنج کرنے سے دور رہیں۔

شوکت یوسفزئی کا کہنا تھا کہ حکومت جاتی ہے تو کیا مولانا وزیراعظم بن جائیں گے، ہم احتساب کا عمل روک دیں تو سارا معاملہ ٹھیک ہوجائے گا، کیا مولانا کے مارچ سے بے روزگاری مہنگائی ختم ہوجائے گی۔

اسلام آباد: پارلیمانی سیکریٹری برائے ریلوے فرخ حبیب نے کہا ہے کہ ریلوے کی سواریوں میں ایک کروڑ سواریوں کا اضافہ ہو چکا ہے، ہم نے ریلوے ملازمین کی تنخواہوں اور پنشنز میں بھی اضافہ کیا۔

تفصیلات کے مطابق پارلیمانی سیکریٹری فرخ حبیب نے قومی اسمبلی اجلاس میں محکمہ ریلوے سے متعلق وضاحت کرتے ہوئے کہا کہ ایک سال میں ریلوے میں ایک کروڑ سواریوں کا اضافہ ہوا۔

انھوں نے کہا ریلوے ملازمین کی تنخواہوں اور پنشنز میں بھی اضافہ کیا گیا، دوسری طرف ریلوے کے اخراجات کم کیے گئے، ریلوے اپنے ٹریک پر رواں دواں ہے بلکہ پھل پھول رہا ہے۔

فرخ حبیب کا کہنا تھا کہ فیصل آباد ریلوے اسٹیشن بھوت بنگلے کا منظر پیش کرتا تھا، اب اس کی تزئین و آرایش شروع کر دی گئی ہے۔

یہ بھی پڑھیں:  محکمہ ریلوے کی بدانتظامی، ٹرینیں حسب معمول تاخیر کا شکار، مسافر اذیت میں مبتلا

پارلیمانی سیکریٹری نے کہا محدود وسائل میں رہ کر ریلوے کو ترقی کی راہ پر گامزن کیا جا رہا ہے۔

واضح رہے کہ محکمہ ریلوے کی بد انتظامی اور حادثات سے ٹرینوں کی آمد و رفت کا شیڈول کچھ عرصے سے مسلسل تاخیر کا شکار ہے، ریلوے حکام ٹرین آپریشن کو معمول پر لانے میں ناکام رہے ہیں جس سے مسافروں کو انتظار کی کوفت اور اذیت کا سامنا ہے۔

وزیر ریلوے شیخ رشید نے رواں ماہ کہا تھا کہ 5 سال میں ریلوے کا خسارہ ختم کرنا ہے، ہم 138 ٹرینیں روزانہ چلا رہے ہیں، ساری ٹرینیں افسران اور مزدوروں کی محنت سے چلی ہیں، میں چاہتا ہوں سیاست سے بالاتر ہوکر ریلوے چلایا جائے۔

اسلام آباد: وفاقی پارلیمانی سیکریٹری ریلوے فرخ حبیب نے اپوزیشن کے رویے پر کڑی تنقید کرتے ہوئے کہا ہے کہ اپوزیشن میں بڑے عہدوں پر بیٹھے حقیقت میں چھوٹے لوگ ہیں۔

تفصیلات کے مطابق پارلیمانی سیکریٹری برائے ریلوے فرخ حبیب نے میڈیا سے گفتگو کرتے ہوئے کہا کہ 80 سے زائد سفیروں کی موجودگی میں اپوزیشن نے احتجاج کیا، اپوزیشن والوں کو پارلیمنٹ میں کشمیری رہنماؤں کی تصاویر لانی چاہیے تھیں، لیکن انھوں نے جیل میں قید لوگوں کی تصاویر لائیں۔

فرخ حبیب کا کہنا تھا کہ عوام نے لسانی بنیادوں پر نعرے لگانے والوں کو مسترد کر دیا ہے، اپوزیشن کو چاہیے مسئلہ کشمیر پر وزیر اعظم عمران خان کا ساتھ دیں۔

تازہ خبریں پڑھیں:  جمہوریت کی آڑ میں لوٹ مار اور کرپشن عوام کے ساتھ ظلم ہے، عثمان بزدار

پارلیمانی سیکریٹری نے کہا کہ دنیا کشمیر پر پاکستان کے مؤقف کو تسلیم کر رہی ہے لیکن حادثاتی چیئرمین ابو بچاؤ مہم چلا رہے ہیں، انھیں کشمیر سے غرض نہیں، مریم نواز بھی کشمیر ریلی کی بجائے این آر او مانگ رہی تھی۔

انھوں نے حکومتی مؤقف دہراتے ہوئے کہا کہ اپوزیشن کے گرفتار اراکین قوم کی لوٹی دولت قومی خزانے میں جمع کرائیں گے تو پھر ان کے ساتھ کوئی ڈیل ہو سکتی ہے۔

یاد رہے کہ آج دنیا بھر میں جمہوریت کا عالمی دن منایا گیا، اس موقع پر وزیر اعلیٰ پنجاب نے اپنے پیغام میں کہا کہ جمہوریت عوام کی حکمرانی کا نام ہے، جمہوریت کی آڑ میں لوٹ مار اور کرپشن عوام کے ساتھ ظلم ہے، سابق حکمرانوں نے ذاتی مفادات کو ترجیح دے کر جمہوریت کو نقصان پہنچایا۔