لاہور : پارلیمانی سیکرٹری ریلوے فرخ حبیب نے کہا شہبازشریف نے دھیلے کی نہیں بلکہ اربوں کھربوں کی کرپشن کی، حمزہ شہباز تایا کو اداروں کے ساتھ ٹکر نہ لینے کے مشورے دیتے تھے، اب تلملا رہے ہیں۔
تفصیلات کے مطابق پارلیمانی سیکرٹری ریلوے فرخ حبیب نے بات کرتے ہوئے کہ کہ شہبازشریف نے سچ بولا انھوں نے ایک دھیلے کی نہیں، اربوں، کھربوں کی کرپشن کی، یہ ان کے کالے کرتوتوں کیخلاف کارروائی ہے۔
فرخ حبیب کا کہنا تھا کہ شہباز شریف پریہ کیس گزشتہ حکومت کے دورمیں بنائے گئے، پارلیمانی سیکرٹری موصوف اتنےسیانے تھے کہ کرپشن کے ثبوتوں کو جلا دیا جاتا تھا۔
انھوں نے کہا حمزہ شہبازتایا کومشورہ دیتے تھے، اداروں سے ٹکراؤ نہ کریں اور اب پھڑپھڑارہے ہیں ، تلملا رہے ہیں۔
پارلیمانی سیکرٹری ریلوے کا کہنا تھا کہ کہ راناثنااللہ نے پنجاب میں جنگل کا قانون بنائے رکھا، حق نواز کا کیس کسی سے ڈھکا چھپا نہیں ہے۔
خواجہ سعد رفیق کے حوالے سے انھوں نے کہا کہ خواجہ سعدرفیق کو بھی قانون کے مطابق سزا ملے گی۔
مزید پڑھیں : نوازشریف بھی بانی ایم کیوایم بن چکے ہیں،رہنما پی ٹی آئی فرخ حبیب
فرخ حبیب کا کہنا تھا کہ تجاوزات کےخلاف آپریشن میں انتظامیہ کی نااہلی نظرآرہی ہے، بلدیاتی سسٹم پروہ احتجاج کررہے ہیں، جو پنجاب کو مفلوج دیکھنا چاہتے ہیں۔
رہنما پی ٹی آئی نے مزید کہا کہ تجاوزات کیخلاف کارروائی ریڑھی والوں کیخلاف نہیں ، زمین و اگزار نہ کرانے والے افسران کیخلاف کارروائی کی جائے گی، کسی ایک کوٹارگٹ نہیں کیا جائے گا، تجاوزات کے خلاف آپریشن ہوگا۔
ان کا کہنا تھا کہ ریلوے مسافروں کی سیکورٹی کو یقینی بنایا جائے گا ، جتنے مسافر بھی سفر کرتے ہے، ان کی انشورنس ہوتی ہے۔
