ARYNews.tv | Urdu – Har Lamha Bakhabar

Tag: فردجرم عائد

  • جنوبی کوریا کے سابق صدر پر فرد جرم عائد

    جنوبی کوریا کے سابق صدر پر فرد جرم عائد

    جنوبی کوریا کے سابق صدر یون سک یول پر 3 دسمبر کو ملک میں مختصر مارشل لاء لگانے پر فرد جرم عائد کر دی گئی۔

    بین الاقوامی خبر رساں ادارے کی رپورٹ کے مطابق جنوبی کوریا کے پراسیکیوٹرز کی جانب سے سابق صدر یون سک یول پر فرد جرم عائد کی، اینٹی کرپشن نے گزشتہ ہفتے فردِ جُرم عائد کرنے کی سفارت کی تھی۔

    واضح رہے کہ 3 دسمبر کو جنوبی کوریا کے سابق صدر یون سک یول نے ملک میں مختصر مارشل لاء لگانے کا اعلان کیا تھا، تاہم اپوزیشن جماعتوں اور عوام کے شدید ردعمل کے باعث کچھ گھنٹوں بعد ہی مارشل لاء کا فیصلہ واپس لے لیا گیا تھا۔

    رپورٹس کے مطابق تحقیقاتی اداروں نے سابق صدر یون سک یول کے خلاف بغاوت اور اختیارات کے ناجائز استعمال کی تحقیقات شروع کر رکھی تھیں اور سابق صدر یون سک یول کو چند روز قبل حراست میں بھی لے لیا تھا۔

    تفتیش کار ایک ہزار کے قریب اہلکاروں کے ساتھ صدارتی محل پہنچے تھے، اس دوران تفتیش کاروں اور صدارتی محافظوں کے درمیان جھگڑا بھی ہواتھا۔

    یمنی حوثیوں نے 153 جنگی قیدی رہا کردیے

    جنوبی کوریا کے معطل صدر کے ہزاروں حامیوں کی جانب سے ڈھال بننے کی کوشش کو ناکام بنادیا گیا تھا جبکہ یون سک یول کو حراست میں لے لیا گیا تھا۔

  • میڈیا ہاؤسز حملہ کیس ، فاروق ستار اور عامر خان سمیت 60 ملزمان پرفردجرم عائد

    میڈیا ہاؤسز حملہ کیس ، فاروق ستار اور عامر خان سمیت 60 ملزمان پرفردجرم عائد

    کراچی : اےآروائی نیوزحملہ اوراشتعال انگیزتقریر میں سہولت کاری کے الزام میں ایم کیو ایم رہنما فاروق ستار  اور عامر خان سمیت ساٹھ ملزمان پرفردجرم عائدکردی گئی۔ ملزمان کے صحت جرم سے انکار پرعدالت نے کہا خداکاخوف کریں اورسچ بولیں۔

    تفصیلات کے مطابق کراچی کی انسداد دہشت گردی عدالت میں میڈیا ہاؤسز پر حملے اور اشتعال انگیزتقریرکے مقدمات کی سماعت ہوئی، سماعت میں ایم کیوایم رہنماؤں سمیت ساٹھ ملزمان پر فرد جرم عائد کردی گئی۔

    ملزمان میں فاروق ستار، عامر خان، کنور نوید جمیل ، قمر منصور، شاہد پاشا، گلفراز خٹک، ساتھی ایم اسحاق ، محفوظ یار خان اور دیگر شامل ہیں۔

    کراچی کی انسداد دہشت گردی عدالت نےانگریزی میں ٹائپ فرد جرم اردو میں پڑھ کر سنائی، جس میں کہا گیا کہ بائیس اگست دو ہزار سولہ کو کراچی پریس کلب کےباہراشتعال انگیزتقریرکی گئی، ملزمان نےتقریرمیں سہولت کاری کی۔

    فرد جرم میں مزید کہا گیا کہ تقریرمیں بغاوت کااعلان اور ملکی سالمیت کے خلاف بات ہوئی، بانی ایم کیو ایم نے اے آر وائی نیوزسمیت دو میڈیا ہاؤسز پر حملے کا کہا۔

    اس موقع پر عدالت نے ملزمان سےاستفسار کیا کہ کیا آپ لوگوں نے یہ سنا؟ کمرہ عدالت میں موجود تمام ملزمان نے بیک وقت صحت جرم سے انکار کرتے ہوئے کہاہم نےایسا کچھ نہیں سنا۔

    ملزمان کے جواب پر عدالت نے کہا خدا کا خوف کریں اور سچ بولیں کیا ایسا کچھ نہیں کہا؟ ملزمان نے پھر جواب دیا ہم نے ایسا کچھ نہیں سنا۔

    مزید پڑھیں : اشتعال انگیز تقریر، 21 مقدمات میں مئیر کراچی وسیم اختر، فاروق ستار سمیت دیگر رہنماؤں پر فردجرم عائد

    عدالت نے تفتیشی افسراورگواہوں کو یکم دسمبرتک طلب کرلیا۔

    یاد رہے 23 اکتوبر کو بھی اشتعال انگیز تقریرسے متعلق مقدمات میں مئیر کراچی وسیم اختر، فاروق ستار، عامر خان ،خواجہ اظہارپر فردجرم عائد کی گئی تھی۔

    عدالت نے ملزم ارشد،اشرف نور،جہانگیر،حسن عالم کی عدم پیشی پرشدید برہمی کا اظہار کیا ، ارشادبندھانی ایڈووکیٹ نے کہا تمام ملزمان کوپابندکیاتھاوہ لازمی آئیں۔

    عدالت نے کہا کہ یہ عدالت ہےہرسماعت پرکوئی نہ کوئی غیرحاضرہوتاہے، سب غیر حاضر ملزمان کی ضمانت منسوخ کرکےجیل بھیجا جائے گا۔

  • اشتعال انگیز تقریر، 21 مقدمات میں مئیر کراچی وسیم اختر، فاروق ستار سمیت دیگر رہنماؤں پر فردجرم عائد

    اشتعال انگیز تقریر، 21 مقدمات میں مئیر کراچی وسیم اختر، فاروق ستار سمیت دیگر رہنماؤں پر فردجرم عائد

    کراچی : اشتعال انگیز تقریرسے متعلق مقدمات میں مئیر کراچی وسیم اختر، فاروق ستار، عامر خان ،خواجہ اظہارپر فردجرم عائد کردی گئی۔

    تفصیلات کے مطابق کراچی کی انسداد دہشت گردی میں میڈیا ہاؤسز پر حملے اور اشتعال انگیزتقریرکے مقدمات کی سماعت ہوئی،عامرخان، فاروق ستار، قمر منصور، خواجہ اظہار و دیگرعدالت میں پیش ہوئے۔

    اشتعال انگیز تقریر سے متعلق اکیس مقدمات میں مئیر کراچی وسیم اختر، ایم کیوایم کے رہنما فاروق ستار، عامرخان، خواجہ اظہار،رؤف صدیقی، قمر منصور اور ریحان ہاشمی پر فرد جرم عائد کردی گئی۔

    فاروق ستار، میئر کراچی اور دیگر نے یک زبان صحت جرم سے انکار کیا، جس پر عدالت نے اکیس مقدمات میں گواہوں کو طلب کرلیا۔

    دس نومبرکو آئندہ سماعت پر مزید پانچ مقدمات میں فرد جرم عائد کی جائے گی۔

    عدالت نے ملزم ارشد،اشرف نور،جہانگیر،حسن عالم کی عدم پیشی پرشدید برہمی کا اظہار کیا ، ارشادبندھانی ایڈووکیٹ نے کہا تمام ملزمان کوپابندکیاتھاوہ لازمی آئیں۔

    عدالت نے کہا کہ یہ عدالت ہےہرسماعت پرکوئی نہ کوئی غیرحاضرہوتاہے، سب غیر حاضر ملزمان کی ضمانت منسوخ کرکےجیل بھیجا جائے گا۔

    ملزم ارشد تاخیرسے پیش ہوا، جسے عدالت نےگرفتارکرکے جیل بھجوادیا۔

  • سانحہ ماڈل ٹاؤن استغاثہ کیس ، سابق آئی جی مشتاق سکھیرا پر فرد جرم عائد

    سانحہ ماڈل ٹاؤن استغاثہ کیس ، سابق آئی جی مشتاق سکھیرا پر فرد جرم عائد

    لاہور: انسداد دہشت گردی عدالت میں سانحہ ماڈل ٹاؤن استغاثہ کیس  میں سابق آئی جی مشتاق سکھیرا پر فرد جرم عائد کردی گئی جبکہ عدالت نے گواہان کو شہادتوں کے لیے کل طلب کر لیا۔

    تفصیلات کے مطابق لاہور کی انسداد دہشت گردی عدالت میں سانحہ ماڈل ٹاؤن استغاثہ کیس کی سماعت ہوئی، سابق آئی جی پنجاب مشتاق سکھیرا عدالت میں پیش ہوئے۔

    ملزم کی جانب سے فرد جرم عائد کرنے کی کارروائی ایک ہفتہ کے لیے ملتوی کرنے کی استدعا کی گئی، جسے عدالت نے مسترد کرتے ہوئے فرد جرم پر دستخط کرنے کا حکم دیا لیکن مشتاق سکھیرا نے فرد جرم پر دستخط کرنے سے انکار کر دیا۔

    جس پر عدالت نے قرار دیا کہ آپ فرد جرم پڑھ کر دستخط کریں ورنہ عدالت اپنا حکم جاری کرے گی۔ عدالتی حکم کے بعد مشتاق سکھیرا نے دستخط کر دیئے۔

    دوران سماعت مشتاق سکھیرا کے موبائل فون کی گھنٹی بجنے پر پاکستان عوامی تحریک کے وکیل نے نشاندہی کی، جس پر مشتاق سکھیرا اور وکیل میں تلخ کلامی ہوئی۔

    موبائل کی بیل بجنے پر عدالت نے برہمی کا اظہار کرتے ہوئے موبائل فون قبضہ میں لینے کا حکم دے دیا۔

    بعد ازاں عدالت نے کیس کی سماعت کل تک ملتوی کرتے ہوئے گواہان کو شہادتوں کے لیے طلب کر لیا۔

    گذشتہ روز سماعت میں انسداد دہشت گردی عدالت میں مشتاق سکھیرا کے وکلا کو استغاثہ کی نقول فراہم کی گئیں اورعدالت نے فرد جرم عائد کرنے کے لیے سابق آئی جی کو طلب کیا گیا تھا۔

    مشتاق سکھیرا کے وکلا نے عدالت سے استدعا کی تھی کہ مشتاق سکھیرا کو سیکیورٹی کے پیش نظر حاضری سے استثنی سے دیا جائے جبکہ منہاج القرآن کے وکیل نے دلائل دیے کہ طویل عرصے کے بعد مشتاق سکھیرا عدالت میں پیش ہوئے اس لیے انھیں استثنی نہ دیا جائے۔

    عدالت نے مشتاق سکھیرا کی درخواست پر وکلا کو بحث کے لیے طلب کرلیا ۔

    خیال رہے مشتاق سکھیرا نےانسداد دہشت گردی عدالت کی طلبی کے خلاف لاہور ہائی کورٹ سے حکم امتناعی حاصل کر لیا تھا تاہم ہائی کورٹ کے فل بنچ نے اپیل مسترد کرتے ہوئے انھیں پیش ہونے کا حکم دیا تھا۔

    یاد رہے چند روز قبل سپریم کورٹ نے سانحہ ماڈل ٹائون کے واقعہ کی تحقیقات کے لیے نئے جوائنٹ انویسٹیگیشن ٹیم بنانے کی عوامی تحریک کی درخواست پر پنجاب حکومت پراسیکیوشن اور ملزمان کو نوٹس کر دئیے تھے ۔

    چیف جسٹس پاکستان جسٹس میاں ثاقب نثار کی سربراہی میں دو رکنی بنچ نے سانحہ ماڈل ٹائون کی متاثرہ لڑکی بسمہ کی درخواست پر سماعت کی تو عوامی تحریک کے سربراہ ڈاکٹر طاہر القادری روسٹم پر آگئے اور انہوں نے چیف جسٹس پاکستان کی عوام کی دادرسی کے لیے اقدامات کو سنہرا باب قرار دیا تھا۔

    عدالت نے انسداد دہشت کی عدالت کو سانحہ ماڈل ٹاون کے مقدمات میں سرکاری افسران کو طلب کرنے اور سماعت روزانہ کی بجائے ہفتے میں دو بار ہ سماعت کا حکم دیا تھا۔

  • پرویزمشرف پرغداری کے مقدمے میں یکم جنوری کوفردجرم عائد ہوگی

    پرویزمشرف پرغداری کے مقدمے میں یکم جنوری کوفردجرم عائد ہوگی

    سابق صدر اورملزم پرویزمشرف پرغداری کے مقدمے میں یکم جنوری کوفردجرم عائد ہوگی۔ خصوصی عدالت نے تحریری حکم نامہ جاری کردیا۔

    تین صفحات پرمشتمل اس حکم نامے پرتین ججز کے دستخط موجود ہیں۔ حکم نامے میں کہا گیا ہے کہ ملزم کوسمن جاری کئے گئے لیکن وہ حاضر نہیں ہوا۔

    مشرف کے وکلاء نے خصوصی عدالت کے سامنے موقف اختیارکیا کہ وفاقی حکومت کی طرف سے مناسب سکیورٹی کے انتظامات ہونے تک مشرف عدالت میں حاضر نہیں ہوسکتے۔

    انھوں نے درخواست کی کہ مشرف کوحاضری سے مستثنی قراردیا جائے جس پرعدالت نے کہا کہ ملزم کاکیس ناقابل ضمانت ہے پہلے انھیں ضمانت لینی ہوگی۔

    ملزم کی جانب سے پیش کی جانیوالی درخواست میں کوئی خاص وجہ نہیں پیش کی جاسکی ملزم کوایک دن کیلئےاستثنی دیا جاچکاہےاورآئندہ سماعت پرملزم کوعدالت حاضر ہوناہوگا۔

    حکم نامے میں وفاقی حکومت کو کہاگیا ہے کہ وہ ملزم کی عدالت میں حاضری کویقینی بنانے کیلئے تمام سکیورٹی اقدامات کرے۔