ARYNews.tv | Urdu – Har Lamha Bakhabar

Tag: فردوس شمیم

  • فردوس شمیم کا سرکلر ریلوے متاثرین کو متبادل جگہ فراہم کرنے کا مطالبہ

    فردوس شمیم کا سرکلر ریلوے متاثرین کو متبادل جگہ فراہم کرنے کا مطالبہ

    کراچی : سندھ اسمبلی میں اپوزیشن لیڈر فردوس شمیم نقوی نے سرکلر ریلوے متاثرین کو متبادل جگہ فراہم کرنے کا مطالبہ کر دیا۔

    تفصیلات کے مطابق تحریک انصاف کے رہنما فردوس شمیم نقوی کا کہنا ہے کہ سرکلر ریلوے متاثرین کو پہلےرہائش فراہم کی جائے، ریلوے ٹریک بچھانے کے دوران مکانات کو مسمار کیا جائے۔

    فردوس شمیم نقوی کا کہنا تھا کہ متاثرین کو سرکاری اسکیموں میں رہائش فراہم کی جائے، ہرخاندان کو 3 کمروں کی رہائش فراہم کی جائے۔ انہوں نے مزید کہا کہ تجاوزات کی اجازت دینے والوں کو سزا دی جائے، ایسی کارروائی نہ کی جائے جو سپریم کورٹ کے احکامات کے منافی ہو۔

    یاد رہے کہ گزشتہ روز سپریم کورٹ نے سندھ حکومت کو حکم دیا تھا کہ ایک ہفتے میں کراچی کی سرکلر ریلوے کے لیے زمینوں سے قبضے ختم کرائے جائیں۔

    سپریم کورٹ نے حکم دیا کہ جو کچھ راستے میں آتا ہے سب توڑ دیں، ریلوے کی ہاوسنگ سوسائٹیز ہوں یا پیٹرول پمپ سب گرائیں، ہمیں اصل حالت میں کراچی سرکلر ریلوے چاہیے۔

  • سندھ حکومت نفرتوں کا جال پھیلا رہی ہے، کارکردگی کی بات نہیں کرتی: فردوس شمیم

    سندھ حکومت نفرتوں کا جال پھیلا رہی ہے، کارکردگی کی بات نہیں کرتی: فردوس شمیم

    کراچی: سندھ اسمبلی میں اپوزیشن لیڈر فردوس شمیم نقوی نے کہا ہے کہ سندھ حکومت نفرتوں کا جال پھیلا رہی ہے، کارکردگی بات نہیں کرتی، انھوں نے جو پیسے خود جمع کرنے تھے وہ چالیس فی صد کم ہوئے۔

    تفصیلات کے مطابق پی ٹی آئی سندھ کے رہنما فردوس شمیم نے صوبائی حکومت سندھ پر تنقید کرتے ہوئے کہا ہے کہ صوبے میں نفرتوں کا جال پھیلایا جا رہا ہے، یہ کارکردگی کی بات کیوں نہیں کرتے، مراد علی شاہ کو شکایت ہے کہ وزیر اعظم نے ان سے ہاتھ نہیں ملایا، جھوٹ اتنا بولو جتنا ہضم ہو سکے۔

    فردوس شمیم نے کہا کہ دور نہیں جب میں شہر کے مسائل کے حل کے لیے ہائی کورٹ چلا جاؤں، اور ہائی کورٹ میں کہوں کہ مرکز شہر کے لیے اپنا حق ادا کرے۔

    انھوں نے کہا کہ کسی کے پاس سے 35 تولے سونا نکلے تو کیا وہ کرسی پر بیٹھنے کا حق دار ہے؟ ہم نہیں کہتے کہ آرٹیکل 62،63 لاگو ہو، ورنہ سندھ اسمبلی خالی ہو جائے گی۔

    یہ بھی پڑھیں:  سندھ کو اسکیموں میں جائز حصہ نہیں دیا گیا: وزیر اعلیٰ سندھ کی این ای سی فیصلوں پر تنقید

    پی ٹی آئی رہنما کا کہنا تھا کہ اسپیکر سندھ اسمبلی آغا سراج درانی کے خلاف کیس دائر کیا گیا ہے، کیا وہ نام صاف کیے بغیر اسپیکر کی کرسی پر بیٹھنا چاہیں گے؟ علیم خان کے خلاف انکوائری شروع ہوئی تو انھوں نے عہدہ چھوڑ دیا۔

    فردوس شمیم نقوی نے کہا کہ 11 جون کو حکومت پاکستان بجٹ پیش کرے گی، اس کے بعد 12 جون کو شیڈو بجٹ انصاف ہاؤ س میں پیش کیا جائے گا۔ مزید کہا کہ ملک میں صدارتی نظام آنے کی بات درست نہیں۔

  • تقریبات میں تاخیر سے اسٹریٹ کرائم میں اضافہ ہوا، فردوس شمیم

    تقریبات میں تاخیر سے اسٹریٹ کرائم میں اضافہ ہوا، فردوس شمیم

    کراچی: وزیرِ اعلیٰ سندھ مراد علی شاہ کو اپوزیشن لیڈر فردوس شمیم نے خط لکھ کر درخواست کی ہے کہ شہرِ قائد میں شادی ہالز میں تقریبات کا وقت 11 بجے تک کیا جائے۔

    تفصیلات کے مطابق سندھ اسمبلی میں اپوزیشن لیڈر فردوس شمیم نے ایک خط کے ذریعے اسٹریٹ کرائمز کے حوالے سے وزیرِ اعلیٰ کو ایک اہم مسئلے کی طرف راغب کیا۔

    [bs-quote quote=”شادی کی تقریبات میں ون ڈش کے احکامات سے عام آدمی کو فائدہ پہنچے گا: فردوس شمیم” style=”style-7″ align=”left” color=”#dd3333″][/bs-quote]

    فردوس شمیم نقوی نے لکھا کہ تقریبات میں تاخیر سے اسٹریٹ کرائم میں اضافہ ہوا، آئی جی سندھ ڈاکٹر کلیم امام نے بھی اس کا ذکر پریس کانفرنس میں کیا ہے۔

    اپوزیشن لیڈر نے کہا کہ شادی کی تقریبات میں ون ڈش کا حکم جاری ہوا، ون ڈش کے احکامات سے عام آدمی کو فائدہ پہنچے گا، عام لوگوں کے فائدے کے لیے احکامات جاری کریں۔

    پی ٹی آئی رہنما فردوس شمیم نے مزید کہا کہ اگر ہمارا ساتھ درکار ہوگا تو ہم وزیرِ اعلیٰ سندھ کے ساتھ ہیں۔

    یہ بھی پڑھیں:  اسٹریٹ کرائم کے خاتمے کیلئے سندھ حکومت اہم اقدامات کرے گی، مراد علی شاہ

    خیال رہے کہ وزیرِ اعلیٰ سندھ سید مراد علی شاہ نے بھی کہا تھا کہ شہر میں اسٹریٹ کرائمز کو کنٹرول کرنے اور اس کے خاتمے کے لیے سندھ حکومت اہم اقدامات کرے گی۔

    ان کا کہنا تھا کہ اسٹریٹ کرائمز کی ذمہ دار پولیس ہوتی ہے، پچھلے دو سے 3 ماہ پولیس کسی اور کام میں مصروف رہی لیکن اب کراچی میں پولیس کے ذریعے ہی اسٹریٹ کرائم میں کمی آئے گی۔

  • فردوس شمیم کا بیان ذاتی رائے ہے، ایم کیوایم سے اتحاد مجبوری نہیں حکمت عملی ہے، نعیم الحق

    فردوس شمیم کا بیان ذاتی رائے ہے، ایم کیوایم سے اتحاد مجبوری نہیں حکمت عملی ہے، نعیم الحق

    اسلام آباد : پاکستان تحریک انصاف کے رہنما نعیم الحق نے کہا ہے کہ فردوس شمیم نقوی کا بیان ان کی ذاتی رائے ہے، ایم کیوایم سے اتحاد مجبوری نہیں بلکہ حکمت عملی ہے۔

    یہ بات انہوں نے میڈیا پر چلنے والے بیانات کے حوالے سے وضاحتی بیان دیتے ہوئے کیا، نعیم الحق کا کہنا تھا کہ چیئرمین پی ٹی آئی عمران خان نے تحریک انصاف کراچی کے صدر فردوس شمیم نقوی کے بیان کا سختی سے نوٹس لیا ہے۔

    ان کا بیان پارٹی پالیسی کےخلاف ہے، فردوس شمیم کے بیان سے پارٹی کو کوئی فائدہ نہیں ہوا بلکہ نقصان ہوا ہے، فردوس شمیم کا بیان ان کی ذاتی رائے ہے۔

    نعیم الحق نے واضح کیا کہ متحدہ قومی موومنٹ پاکستان سے کیا گیا سیاسی اتحاد شہر کراچی کی ترقی کیلئے ہے، ایم کیوایم سے اتحاد مجبوری نہیں بلکہ پی ٹی آئی کی حکمت عملی ہے۔

    واضح رہے کہ کراچی پریس کلب میں صحافیوں سے گفتگو کرتے ہوئے فردوس شمیم نقوی نے کہا تھا کہ ایم کیو ایم اپنے میئر کراچی کی وجہ سے الیکشن میں ہاری۔

    مزید پڑھیں: عمران خان ہماری حمایت کے بغیر وزیراعظم نہیں بن سکتے، وسیم اختر اور فیصل سبزواری

    ان کا کہنا تھا کہ پی ٹی آئی مجبوری میں ایم کیوایم کے پاس گئی کیونکہ تحریک انصاف کو وفاق میں اپنے نمبرز پورے کرنے تھے، وہ متحدہ پر لگائے گئے اپنے الزامات پر تاحال قائم ہیں۔