ARYNews.tv | Urdu – Har Lamha Bakhabar

Tag: فردوس عاشق اعوان

  • ‘کرتارپور راہداری امن، آشتی اور محبت کی راہداری ہے’

    ‘کرتارپور راہداری امن، آشتی اور محبت کی راہداری ہے’

    اسلام آباد : معاون خصوصی برائے اطلاعات فردوس عاشق اعوان کا کہنا ہے کہ کرتارپور راہداری امن،آشتی اور محبت کی راہداری ہے ، گروگوبندسنگھ کےجنم دن کی شاندار تقریب کا بھارتی پراپیگنڈے کی نفی ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹویٹر پر اپنے بیان میں کہا ہے کہ گردوارہ کرتارپورمیں گروگوبندسنگھ کےجنم دن کی شاندار تقریب ہوئی، تقریب کاشاندار انعقاد بھارتی پراپیگنڈے کی نفی ہے۔

    فردوس عاشق اعوان کہنا تھا کہ سیکڑوں سکھ یاتریوں کی شرکت پاکستان کے پر امن چہرے کی آئینہ دار ہے، یہاں اقلیتیں آزادی کے ساتھ مذہبی رسومات ادا کر سکتی ہیں۔

    معاون خصوصی نے مزید کہا کہ کرتارپور راہداری امن،آشتی اور محبت کی راہداری ہے، تقریب میں مختلف مذاہب کےافرادنےشرکت کی، سکھوں سےاظہار یکجہتی بھائی چارے اور باہمی ہم آہنگی کاثبوت ہے۔

    خیال رہے گذشتہ سال9 نومبر کو  وزیر اعظم عمران خان نے کرتارپور راہداری کا  افتتاح  کیا تھا ،  تقریب سے خطاب کرتے ہوئے کہا تھا کہ راہداری کھولنے کی مجھے بہت خوشی ہوئی، اندازہ نہیں تھا کرتارپورکی سکھ کمیونٹی میں کیا اہمیت تھی، کرتارپور سے متعلق ایک سال پہلے پتہ چلا اس کی کیا اہمیت ہے۔

    امریکی محکمہ خارجہ، اقوام متحدہ اورعالمی میڈیا کی جانب سے کرتارپور راہداری کھولنے کا خیرمقدم کیا گیا تھا۔

  • وزیراعظم خطے کو تباہ ہونے سے بچانے کے لیے کوششیں کر رہے ہیں،فردوس عاشق

    وزیراعظم خطے کو تباہ ہونے سے بچانے کے لیے کوششیں کر رہے ہیں،فردوس عاشق

    سیالکوٹ: معاون خصوصی برائے اطلاعات فردوس عاشق اعوان نے کہا کہ وزیراعظم عمران خان خطے کو تباہ ہونے سے بچانے کے لیے کوششیں کر رہے ہیں۔

    تفصیلات کے مطابق ڈاکٹر فردوس عاشق اعوان نے سیالکوٹ میں جلسے سے خطاب کرتے ہوئے کہا کہ وزیراعظم عمران خان عوام کی امیدوں کا محور ہیں، پاکستان اور وزیراعظم عمران خان لازم وملزوم ہیں۔

    معاون خصوصی نے کہا کہ کشمیریوں کو ان کاحق دلا کر رہیں گے، جذبوں کے آگے زنجیریں نہیں باندھی جاسکتیں، بھارت نے مکاری کے ساتھ دنیا کو گمراہ کرنے کی کوشش کی۔

    فردوس عاشق اعوان نے کہا کہ بھارت نے مقبوضہ کشمیرکو یرغمال بنایا ہوا ہے، مودی کے خلاف پورا بھارت احتجاج کر رہا ہے، بھارت میں مسلمانوں کو ٹارگٹ کر کے نسل کشی کی جا رہی ہے، آج ثابت ہوگیا کہ قائداعظم کا دو قومی نظریہ درست تھا۔

    انہوں نے کہا کہ عمران خان مذاکرات کے ذریعے ہرمسئلے کا حل چاہتے ہیں، عمران خان کوششیں کر رہے ہیں کہ خطے کا امن تباہ نہ ہو، پاکستان خطے میں امن واپس لے کر آئے گا۔

    معاون خصوصی نے کہا کہ عمران خان پاکستان کا روشن اور ترقی یافتہ چہرہ دنیا کو دکھا رہے ہیں، عمران خان دنیا کو بتا رہے ہیں کہ آئیں اور پاکستان میں سرمایہ کاری کریں۔

    ڈاکٹر فردوس عاشق اعوان نے مزید کہا کہ ایران کے ساتھ ہمارا مذہب، ثقافت، تہذیب وتمدن کا رشتہ ہے، خطے میں موجودہ کشیدگی کی لہر تباہ کن ثابت ہوسکتی ہے۔

  • خطے میں کشیدگی کم کرنے کے لیے پاکستان پل کا کردار ادا کرے گا، فردوس عاشق

    خطے میں کشیدگی کم کرنے کے لیے پاکستان پل کا کردار ادا کرے گا، فردوس عاشق

    سیالکوٹ: معاون خصوصی برائے اطلاعات فردوس عاشق اعوان نے کہا کہ خطے میں کشیدگی کم کرنے کے لیے پاکستان پل کا کردار ادا کرے گا۔

    تفصیلات کے مطابق سیالکوٹ میں معاون خصوصی فردوس عاشق اعوان نے پریس کانفرنس کے دوران کہا کہ بھارت مقبوضہ کشمیرمیں آئینی، انسانی، قانونی حقوق پامال کر رہا ہے۔

    فردوس عاشق اعوان نے کہا کہ آج پاکستان کشمیریوں کی حمایت کے عزم کی تجدید کرتا ہے، وزیراعظم کی قیادت میں کشمیریوں کا مقدمہ ہرسطح پر پیش کریں گے۔

    انہوں نے کہا کہ پاکستان نے خطے میں امن یقینی بنانے کے لیے بےمثال قربانیاں دیں، پاکستان نے دہشت گردی کے خلاف جنگ میں بڑی قربانیاں دے کر کامیابی حاصل کی، وزیراعظم عمران خان امن کے علمبردار بن کر ابھرے ہیں۔

    معاون خصوصی برائے اطلاعات نے کہا کہ خطے میں کشیدگی کم کرنے کے لیے پاکستان پل کا کردار ادا کرے گا، پاکستان امن کے لیے کاوشوں کو بھرپور طاقت سے آگے بڑھاتا رہے گا، خطےمیں امن بحال رکھنے کی ہر ممکن کوشش کی جائے گی۔

    فردوس عاشق اعوان نے کہا کہ افغان امن عمل کی کامیابی بھی خطے کے امن سے جڑی ہے، خطے میں بدامنی ہوگی تو افغان امن عمل بھی متاثر ہوگا جو کسی کے مفاد میں نہیں، خطے کو پرامن بنانے کے لیے پاکستان ہر سطح پر اپنا کردار ادا کرے گا۔

  • عمران خان کی قیادت میں پاکستان قائد اعظم کے وژن کی عملی تصویر بن رہا ہے، فردوس عاشق

    عمران خان کی قیادت میں پاکستان قائد اعظم کے وژن کی عملی تصویر بن رہا ہے، فردوس عاشق

    اسلام آباد : معاون خصوصی برائے اطلاعات فردوس عاشق اعوان نے کہا کہ عمران خان کی قیادت میں پاکستان قائد اعظم کے وژن کی عملی تصویر بن رہا ہے جبکہ سیکولرازم کے نام پر بننے والا بھارت تعصب،نفرت کی آگ میں جل رہا ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر بھارت میں متنازع بل پر  مظاہروں کے حوالے سے  اپنے بیان میں کہا پاکستان سب پاکستانیوں کا یکساں وطن ہے، وزیراعظم کی قیادت میں ملک قائداعظم کے وژن کی عملی تصویر بن رہا ہے، رنگ و نسل اور مذہب کی بنیاد پر کوئی تفریق نہیں ، ملک کی تمام اقلیتیں پاکستان سے والہانہ محبت کرتی ہیں، اقلیتوں کے حقوق محفوظ ہیں۔

    فردوس عاشق اعوان کا کہنا تھا کہ سیکولرازم کے نام پر بننے والا بھارت تعصب،نفرت کی آگ میں جل رہا ہے, بھارت میں اقلیتیں سراپااحتجاج ہیں، بھارت میں اقلیتوں کو ان کی شہریت کے حق سے محروم کیا جارہا ہے۔

    معاون خصوصی نے مزید کہا بھارتی معاشرےپرہندوتواکاغلبہ ہے، گاندھی اورنہروکاہندوستان مٹتادکھائی دیتاہے، ہندوتواستان میں اقلیتوں کوبدترین تشدد،ستم کا نشانہ بنایا جارہا ہے۔

    واضح رہے کہ بھارت میں متنازع شہریت قانون کے خلاف احتجاج جاری ہے اب تک پولیس سے جھڑپوں میں 30 افراد جاں بحق ہوچکے ہیں، مودی سرکار کے بنائے گئے شہریت کے متنازع قانون میں مسلمانوں کےعلاوہ تمام مذاہب کے افراد کوبھارتی شہریت کاحق دیاگیا ہے۔

  • جمہوری عمل کا آغاز ہوچکا اسی عمل کے ذریعے ترمیم کو یقینی بنانا ہے، فردوس عاشق

    جمہوری عمل کا آغاز ہوچکا اسی عمل کے ذریعے ترمیم کو یقینی بنانا ہے، فردوس عاشق

    اسلام آباد : معاون خصوصی برائے اطلاعات فردوس عاشق اعوان نے کہا ہے کہ جمہوری عمل کا آغاز ہوچکا اسی عمل کے ذریعے ترمیم کو یقینی بنانا ہے، اس جمہوری عمل سے قومی مفاد کے تحفظ میں مدد ملے گی۔

    تفصیلات کے مطابق معاون خصوصی برائے اطلاعات فردوس عاشق اعوان نے میڈیا سے گفتگو کرتے ہوئے کہا آج پارلیمنٹ میں اہم قومی سلامتی کےمسئلے پر قانون سازی ہوئی، یہ سویلین بالادستی کی طرف اہم پیش رفت ہے ، عوام کی بنائی پارلیمنٹ کےذریعے اس قانون کو درست کیا جارہا ہے۔

    فردوس عاشق اعوان کا کہنا تھا کہ افواج پاکستان کےساتھ پوری قوم شانہ بشانہ کھڑی ہے، قیادت میں بصیرت ہو تو ہر چیلنج کومواقع میں بدل سکتی ہے، سیاسی مفادات کو پس پشت رکھتے ہوئے قومی مفادات کو ترجیح دینی چاہیے، قومی مفاد میں بردباری دکھانے پرتمام سیاسی جماعتوں کو مبارکباد دیتی ہوں۔

    معاون خصوصی نے کہا جب سرحدوں پرکشیدگی ہےتو افواج پاکستان کو تقویت دینےکی ضرورت ہے، وزیراعظم کی قیادت میں انشااللہ ادارے متحد رہیں گے، پاکستان کا آئین ملکی دفاع کی ذمہ داری وزیراعظم کو دیتا ہے، اس جمہوری عمل سے قومی مفاد کے تحفظ میں مدد ملے گی۔

    ان کا کہنا تھا کہ آج وزیراعظم نےپارلیمنٹیرین سےخطاب کرتےہوئےاس ضرورت پرزوردیا، جوعوامی نمائندہ پارلیمنٹ کارکن ہے ، وہ عوام کو جواب دہ ہوتاہے، پارلیمنٹ کومضبوط بناناہے ،جمہوری عمل کا آغاز ہوگیا ہے۔

    فردوس عاشق اعوان نے کہا دفاعی کمیٹی میں بھی سیاسی نمائندے ملک کے بہترین مفاد میں فیصلےکریں گے ،پارلیمنٹ کے فورم سے یکجہتی کی آواز اٹھے گی، ووٹ کو عزت عمل سے دینی ہے الفاظ سے نہیں۔

    معاون خصوصی برائے اطلاعات کا کہنا تھا کہ پارلیمان کوعوام کی ضروریات کو پورا کرنے کیلئے بنایاگیا ہے، ہرمہذب جمہوریت میں گورننس، ملکی دفاع کی ذمہ داری وزیراعظم کے پاس ہے، جمہوری عمل کا آغاز ہوچکا اسی عمل کے ذریعے ترمیم کو یقینی بنانا ہے۔

    انھوں نے کہا کہ موجودہ حالات میں سیاسی ٹیمپریچر نیچے لانے کی ضرورت ہے، سیاسی اکھاڑے میں باکسنگ جاری رہے گی کیونکہ یہ سیاست کا حصہ ہے، قومی مفاد پر کوئی بھی سیاسی جماعت سمجھوتہ نہیں کرے گی، جہاں قومی مفاد ہوگا وہاں ایک دوسرے کوناک آؤٹ نہیں کرنا۔

    فردوس عاشق اعوان کا کہنا تھا کہ جب افراتفری ختم ہوتی ہےتووہاں ترقی،خوشحالی،عوامی مفادات پرآگےبڑھتےہیں ، ہم جمہوری عمل کو آگے لیکر چلیں گے ، وزیراعظم نےکہاپاکستان کومستحکم معاشی محاذ پر رواں دواں رکھ کر آگے بڑھنا ہے۔

    معاون خصوصی نے مزید کہا کہ نیب قانون سےمتعلق ترمیم بھی پارلیمنٹ میں آگئی ہے، ملک سےوفاداری مولانافضل الرحمان کے خون میں شامل ہے، امید ہے فضل الرحمان محب وطن ہوتے ہوئے بل کی حمایت کریں گے۔

    ان کا کہنا تھا کہ وزیراعظم ہوں یاپی ٹی آئی، کوئی بھی قانون عوام اور ملک کی بہتری کیلئے بنایا جاتا ہے، کسی شخصیت یا مخصوص حکومت کے مفاد کیلئے قانون نہیں بنتے، سینیٹ میں ہم اکثریت میں نہیں وہاں سے بھی بل پاس کرانا ہے۔

    فردوس عاشق اعوان نے کہا سب کوساتھ لے کرچلنا چاہئے اور چل رہے ہیں، سیاسی مفاد میں سب کچھ چلتا رہتا ہے لیکن ملکی مفاد میں نہیں۔

  • اپوزیشن کی تمام جماعتیں محب وطن اور سلامتی کی ضامن ہیں، فردوس عاشق اعوان

    اپوزیشن کی تمام جماعتیں محب وطن اور سلامتی کی ضامن ہیں، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا کہ پاکستان کے ادارے قومی سلامتی کے ضامن ہیں، اہم قومی مسئلے پر پارلیمنٹ سے رجوع کیا گیا ہے، اپوزیشن کی تمام جماعتیں محب وطن اور سلامتی کی ضامن ہیں۔

    تفصیلات کے مطابق وفاقی دارالحکومت اسلام آباد میں میڈیا سے گفتگو کرتے ہوئے کہا کہ سمندر پار پاکستانیوں نے ہمیشہ ملک سے محبت کا اظہار کیا، سمندر پار پاکستانی ملکی ترقی، تعمیرمیں پیش پیش ہیں۔

    فردوس عاشق اعوان نے کہا کہ ملک میں کاروبار کے طریقہ کار کو سہل بنانا وزیراعظم کی ترجیح ہے، رواں سال امید اور ترقی کا سال ہے، پاکستان کھلے دل سے دنیا بھر سے سرمایہ کاروں کو ویلکم کر رہا ہے۔

    معاون خصوصی برائے اطلاعات نے کہا کہ نوجوان ملک کا اثاثہ ہیں، اوورسیز پاکستانیوں کے کردار کو تقویت دی جائے گی، نوجوانوں کو باصلاحیت بنا رہے ہیں، پاکستان کو معاشی مضبوط بنانے کے لیے دوست ممالک تعاون کر رہے ہیں۔

    انہوں نے کہا کہ پاکستان کے ادارے قومی سلامتی کے ضامن ہیں، اہم قومی مسئلے پر پارلیمنٹ سے رجوع کیا گیا ہے، اپوزیشن کی تمام جماعتیں محب وطن اور سلامتی کی ضامن ہیں۔

    ڈاکٹر فردوس عاشق اعوان نے کہا کہ اس اہم قومی مسئلے کو حل کرنے کے لیے پارلیمنٹ کلیدی کردار ادا کرے گی، قومی سلامتی ، دفاع سے جڑے معاملات کو سیاست سے پاک ہونا چاہیے، اداروں کو سیاست زدہ بنانے کا رجحان ختم ہونا چاہیے۔

    معاون خصوصی نے کہا کہ وزیراعظم کا ایگزیکٹیو اختیار پارلیمنٹ کو ریفر کیا گیا ہے، امید ہے پارلیمنٹ آئینی کردار ادا کر کے مسئلے کو ہمیشہ کے لیے حل کرے گی۔

    انہوں نے کہا کہ سول اور ملٹری لیڈرشپ معاشی، سفارتی محاذ پر پاکستان کا مثبت تشخص بڑھانے کے لیے کردار ادا کرتی رہے گی،امید کرتے ہیں میڈیا بھی قومی مفاد کو ترجیح دیتا رہے گا۔

  • چند سکوں کےعوض زندگی کے ساتھ کھیلنے والوں کے خلاف ایکشن ہوگا، فردوس عاشق

    چند سکوں کےعوض زندگی کے ساتھ کھیلنے والوں کے خلاف ایکشن ہوگا، فردوس عاشق

    12اسلام آباد: معاون خصوصی برائے اطلاعات فردوس عاشق اعوان نے کہا کہ چند سکوں کےعوض زندگی کے ساتھ کھیلنے والوں کے خلاف ایکشن ہوگا۔

    تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے اپنے پیغام میں کہا کہ وزیراعظم کی زیرصدارت اشیا ضروریہ کی قیمتوں کا جائزہ اجلاس ہوا۔ اجلاس میں چاروں صوبائی سیکریٹریز نے شرکت کی۔

    فردوس عاشق اعوان نے کہا کہ وزیراعظم نے کہا اشیا ضروریہ میں ملاوٹ ظلم ہے، ملاوٹ کے نتیجے میں سنگین امراض کی شرح میں اضافہ ہوا۔ وزیراعظم نے ملاوٹ کے خاتمے کے لیے جدید ٹیکنالوجی کے استعمال کو بروئے کار لانے کی ہدایت کی۔

    معاون خصوصی برائے اطلاعات نے کہا کہ ملاوٹ کے مرتکب عناصر کسی رعایت کے مستحق نہیں ہیں، چند سکوں کےعوض زندگی کے ساتھ کھیلنے والوں کے خلاف ایکشن ہوگا۔

    فردوس عاشق اعوان نے اپنے پیغام میں مزید کہا کہ وزیراعظم عمران خان نے چاول، ٹماٹر، آلو کی قیمتوں میں کمی پر اطمینان کا اظہار کیا۔

  • نیا سال معاشی استحکام اور عام آدمی کی خوشحالی کا سال ہوگا، فردوس عاشق اعوان

    نیا سال معاشی استحکام اور عام آدمی کی خوشحالی کا سال ہوگا، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا کہ نیا سال معاشی استحکام،عام آدمی کی خوشحالی کاسال ہو گا، وزیراعظم کے جراتمندانہ  فیصلوں کے ثمرات جلد عوام تک پہنچیں گے۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر نئے سال کی مبارک باد دیتے ہوئے کہا نیا سال معاشی استحکام،عام آدمی کی خوشحالی کاسال ہو گا، عوام کی زندگیوں میں خوشیوں، خوشخبریوں اور خوشحالی کا وقت آرہا ہے، انشااللہ ان کی امیدیں اورامنگیں پوری ہوں گی۔

    وزیراعظم نےجراتمندانہ فیصلوں سےمعیشت درست سمت پرڈال دی ہے، ان فیصلوں کے ثمرات آنیوالےماہ و سال میں عوام تک پہنچیں گے، اللہ سے دعا ہے نیا سال امن اور سلامتی لائے،آمین۔

    خیال رہے ملک بھر میں نئے سال کا استقبال پرجوش انداز میں کیاگیا، شہر شہر آتش بازی اورجشن منایاگیا۔

  • پسے ہوئے طبقات کے ساتھ وزیراعظم کا احساس کا رشتہ ہے، فردوس عاشق اعوان

    پسے ہوئے طبقات کے ساتھ وزیراعظم کا احساس کا رشتہ ہے، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا کہ پسے ہوئے طبقات کے ساتھ وزیراعظم کا احساس کا رشتہ ہے، پسے طبقات کی مالی معاونت اورصحت کارڈ کی سہولت دی جائے گی۔

    تفصیلات کے مطابق وفاقی دارالحکومت اسلام آباد میں ڈاکٹر فردوس عاشق اعوان نے پریس کانفرنس کے دوران کہا کہ اجلاس میں سال 2019 کے چیلنجزسے متعلق گفتگو ہوئی۔

    فردوس عاشق اعوان نے کہا کہ 2020عوام کی ترقی، خوشحالی اور ریلیف کا سال ہوگا، کابینہ نے وزیراعظم کے پناہ گاہ اور لنگرخانہ کیمپ کے اقدام کو سراہا۔

    معاون خصوصی نے کہا کہ یوٹیلٹی اسٹورز کے ذریعےعوام کو 6 ارب روپے کی سبسڈی دی جائے گی، جنوری میں مالیاتی معاونت کا اجرا کیا جا رہا ہے، ہیلتھ کارڈ کے ذریعےغریب طبقے کو صحت کی سہولتیں دی جائیں گی۔

    انہوں نے کہا کہ پسے ہوئے طبقات کے ساتھ وزیراعظم کا احساس کا رشتہ ہے، وزیراعظم پسے ہوئے طبقات کی ذمہ داری اٹھانے جا رہے ہیں، پسے طبقات کی مالی معاونت اورصحت کارڈ کی سہولت دی جائے گی۔

    ڈاکٹر فردوس عاشق اعوان نے کہا کہ کرنٹ اکاؤنٹ خسارے میں گزشتہ سال کی نسبت 73 فیصد بہتری آئی، برآمدات 10 اعشاریہ 3 ارب ڈالر تک پہنچ چکی ہیں، ٹیکس وصولی میں 17 فیصد اضافہ ہوا ہے۔

  • سابقہ دور کے لوگ ریاستی اداروں کے خلاف سازشوں میں مصروف رہے: فردوس عاشق اعوان

    سابقہ دور کے لوگ ریاستی اداروں کے خلاف سازشوں میں مصروف رہے: فردوس عاشق اعوان

    اسلام آباد: وزیر اعظم کی معاون خصوصی برائے اطلاعات فردوس عاشق اعوان کا کہنا ہے کہ سابقہ دور کے لوگ ریاستی اداروں کے خلاف سازشوں میں مصروف عمل رہے، وزیر اعظم اداروں کے درمیان پل کا کردار ادا کر رہے ہیں۔

    تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے تقریب سے خطاب کرتے ہوئے کہا کہ تحریک پاکستان کا قیمتی اثاثہ اگلی نسل تک منتقل کرنا ہمارا فرض ہے۔ قائد کے دو قومی نظریے کا پرچار کتابوں میں پڑھا تھا اب دیکھ بھی لیا۔

    معاون خصوصی نے کہا کہ آج خطے میں بھارت کی روایتی ہٹ دھرمی جاری ہے، بھارت میں آج انسانی حقوق کا استحصال جاری ہے۔ مظلوم کشمیریوں کو ان کے آئینی حقوق سے محروم کر دیا گیا۔

    انہوں نے کہا کہ ہمیں سیاسی، سماجی اور مالی برتری کے لیے قائد کے افکار کی روشنی میں متحد ہونا ہے، قائد کے وژن کے مطابق وزیر اعظم آج اصلاحات کی طرف رواں دواں ہیں۔ قائد اعظم کا پاکستان محفوظ ہاتھوں میں ہے۔ ہر شعبے میں گلے سڑے نظام کے لیے ریفارمز ایجنڈا متعارف کروایا جا رہا ہے۔

    معاون خصوصی کا کہنا تھا کہ کچھ لوگ جنہیں حکومت سے باہر 2 سال نہیں ہوئے وہ تڑپ رہے ہیں، سابقہ دور کے لوگ ریاستی اداروں کے خلاف سازشوں میں مصروف عمل رہے۔ وہ لوگ ریاستی ڈھانچے کو کمزور کرنے کے لیے اداروں میں ٹکراؤ کرواتے رہے۔ اداروں کو کمزور کرنے کی پس پردہ کاوشیں ٹوٹ گئی ہیں۔

    انہوں نے کہا کہ وزیر اعظم اداروں کے درمیان پل کا کردار ادا کر رہے ہیں۔ وزیر اعظم اپنے سیاسی مفاد اور اپنے بچوں کے لیے نہیں بلکہ قوم کے لیے فکر مند ہیں، معیشت کا جو پہیہ رکا ہوا تھا اس میں بہتری کے لیے کچھ ترامیم کی گئیں۔

    معاون خصوصی کا کہنا تھا کہ روایتی ہتھکنڈے وزیر اعظم کی ذات پر کیچڑ اچھالنے کے سوا کچھ نہیں، حکومت قانون کی عملداری اور صادق و امین بیورو کریٹ کو تحفظ دیتی ہے۔ وزیر اعظم کی قیادت میں کرپشن فری پاکستان کے لیے کوشاں ہیں۔

    انہوں نے کہا کہ حکومت نے نیب اور ایف آئی اے جیسے اداروں کو آزاد کیا۔ نیب کے شکنجے میں آنے والا ہر شخص یہی کہتا ہے یہ سیاسی اور انتقامی کارروائی ہے، سابقہ دورمیں تو ایف آئی اے کو گھر کی لونڈی بنا کر رکھا تھا، آج ایف آئی اے میں پیش ہونا پڑ رہا ہے تو یہی تبدیلی ان کو ہضم نہیں ہو رہی۔ آپ قانون کو جوابدہ ہیں نہ کہ قانون آپ کو۔