Tag: فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا کہ اداروں کو آئینی حدود میں رہ کر کام کرنا چاہیے، حکومت فرض ادا کرے گی۔

تفصیلات کے مطابق ڈاکٹر فردوس عاشق اعوان نے میڈیا سے گفتگو کرتے ہوئے کہا کہ کل کے فیصلےسے دنیا بھر میں جگ ہنسائی ہوئی، حکومت اپنی ذمہ داری ادا کرنے جا رہی ہے، کوئی آئینی حدود سے تجاوز کرتا ہے تو قانون حرکت میں آتا ہے۔

انہوں نے کہا کہ سپریم کورٹ میں ریفرنس فائل کرنا قانونی حق ہے، اداروں کو آئینی حدود میں رہ کر کام کرنا چاہیے، حکومت فرض ادا کرے گی۔

معاون خصوصی برائے اطلاعات ونشریات نے کہا کہ ایک طرف وزیراعظم سرمایہ داروں کی حوصلہ افزائی کر رہے ہیں، منفی پروپیگنڈا پاکستان کی معیشت کو نقصان پہنچاتا ہے۔

حکومت کا جج وقار سیٹھ کے خلاف ریفرنس دائر کرنے کا فیصلہ

یاد رہے کہ گزشتہ روز وزیراعظم عمران خان کی زیرصدارت میڈیا اسٹرٹیجی کمیٹی کا اجلاس ہوا تھا جس میں خصوصی عدالت کے جج وقار سیٹھ کے خلاف ریفرنس دائر کرنے کا فیصلہ کیا گیا تھا۔

وزیراعظم کا کہنا تھا کہ حکومت ملک میں عدم استحکام پیدا نہیں ہونے دے گی، حکومت اداروں کے درمیان تصادم کی صورت حال نہیں بننے دے گی، تفصیلی فیصلے پروزیر قانون حکومتی ردعمل تیار کر رہے ہیں۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ اداروں کی مضبوطی جمہوریت کے فروغ کے لیے ناگزیر ہے۔

تفصیلات کے مطابق فردوس عاشق اعوان نے اپنے ٹویٹر اکاؤنٹ پر تازہ پیغام میں کہا ہے کہ بیرونی عناصر اور ان کے اندرونی آلہ کار ملک کو عدم استحکام اور اداروں کو کم زور کرنے کے مذموم عزائم میں ناکام ہوں گے۔

انھوں نے ٹویٹ میں لکھا ’ادروں کی مضبوطی ملکی ترقی، جمہوریت کے فروغ اور عوامی فلاح کے لیے ناگزیر ہے۔‘

فردوس عاشق کا کہنا تھا کہ وزیر اعظم عمران خان کی قیادت میں ملک کے روشن مستقبل کے خلاف سازشی عناصر کو شکست دیں گے، ملک کے تمام اداروں میں ہم آہنگی اور باہمی اعتماد وقت کی اہم ترین ضرورت ہے۔

بیرونی عناصر اور انکے اندرونی آلہ کار ملک کو عدم استحکام اور اداروں کو کمزور کرنے کے مذموم عزائم میں ناکام ہوں گے۔وزیراعظم عمران خان کی قیادت میں ملک کے روشن مستقبل کے خلاف سازشی عناصر کوشکست دیں گے۔

— Firdous Ashiq Awan (@Dr_FirdousPTI) December 20, 2019

معاون خصوصی نے مزید لکھا کہ وزیر اعظم عمران خان اور عسکری قیادت مل کر احسن انداز سے ملک کو درپیش چیلنجز سے نکال رہے ہیں، ملک معاشی استحکام اور ترقی کی منزل پر گام زن ہے۔

خیال رہے کہ خصوصی عدالت کی جانب سے سابق صدر اور آرمی چیف جنرل ریٹائرڈ پرویز مشرف کے خلاف سنگین غداری کیس میں سزائے موت کے فیصلے کے بعد ملک میں اداروں کے مابین ایک نیا تناؤ پیدا ہو گیا ہے۔

اسلام آباد: معاون خصوصی برائے اطلاعات فردوس عاشق اعوان نے کہا کہ حق دار کو حق دلانا تحریک انصاف کی حکومت کا مشن ہے، اصلاحات کے خلاف سب سے زیادہ مزاحمت مافیا کرتا ہے۔

تفصیلات کے مطابق ڈاکٹر فردوس عاشق اعوان نے تقریب سے خطاب کرتے ہوئے کہا کہ شفافیت کو یقینی بنانا حکومت کی اولین ترجیح ہے، پی آئی ڈی میں اصلاحات لا رہے ہیں، اصلاحات کے خلاف سب سے زیادہ مزاحمت مافیا کرتا ہے۔

معاون خصوصی برائے اطلاعات نے کہا کہ علاقائی پریس کا کام اپنےعلاقے کے مسائل اجاگر کرنا ہوتا ہے، پی آئی ڈی کو علاقائی صحافت کے مسائل بھی حل کرنے چاہئیں۔

فردوس عاشق اعوان نے کہا کہ وزیراعظم کے وژن کے تحت پی آئی ڈی کو آٹومیشن پر ہونا چاہیے، حق دار کو حق دلانا تحریک انصاف کی حکومت کا مشن ہے، نئی میڈیا اور اشتہارات پالیسی کے لیے روڈمیپ ترتیب دیا جا رہا ہے، ضلعی سطح پر پریس کلبوں کو بااختیار بنا رہے ہیں۔

پاکستان تحریک انصاف قانون کے ساتھ کھڑی ہے، فردوس عاشق اعوان

یاد رہے کہ گزشتہ روز معاون خصوصی برائے اطلاعات فردوس عاشق اعوان کا کہنا تھا کہ پاکستان تحریک انصاف قانون کے ساتھ کھڑی ہے، انصاف کے لیے تحریک انصاف مسلسل جدوجہد کرتی رہی ہے۔

اسلام آباد: معاون خصوصی برائے اطلاعات فردوس عاشق اعوان نے کہا کہ پاکستان تحریک انصاف قانون کے ساتھ کھڑی ہے، انصاف کے لیے تحریک انصاف مسلسل جدوجہد کرتی رہی ہے۔

تفصیلات کے وفاقی دارالحکومت اسلام آباد میں ڈاکٹر فردوس عاشق اعوان نے پریس کانفرس کے دوران کہا کہ پرویزمشرف کے فیصلے پر لیگل کمیٹی نے کورکمیٹی کو بریفنگ دی۔

فردوس عاشق اعوان نے کہا کہ علی ظفر اور بابراعوان نے کور کمیٹی کو عدالتی فیصلے پر بریفنگ دی، علی ظفراور بابراعوان نے فیصلے میں قانونی سقم سے آگاہ کیا۔

معاون خصوصی برائے اطلاعات نے کہا کہ ملکی مفاد ہرحال میں مقدم ہے، اداروں کو تقویت دینا ہے، کابینہ اور ہر سطح پر فیصلے کے جائزے کے بعد حتمی مؤقف دیا جائے گا۔

فردوس عاشق اعوان کے مطابق وزیراعظم عمران خان نے کہا ادارے ریاست کے ستون ہیں، ہم نے اپنے اداروں کو مضبوط کرنا ہے، ریاست کا مفاد ہرحال میں مقدم ہے۔

انہوں نے کہا کہ پاکستان کسی انفرادی ملک سے نہیں مسلم امہ سے یکجہتی کا خواہاں ہے، پاکستان مسئلہ نہیں مسائل کا حل بننا چاہتا ہے، مسلم امہ کو یکجا کرنے میں پاکستان اپنا کردار ادا کرتا رہے گا، پاکستان مسلم امہ میں اتحاد کے فروغ کے لیے کوشاں رہے گا۔

اسلام آباد: معاون خصوصی برائے اطلاعات فردوس عاشق اعوان نے کہا کہ سی پیک منصوبے سے خطے کی تقدیر بدل جائے گی اور خوشحالی کے ایک نئے دور کا آغاز ہوگا۔

تفصیلات کے مطابق وفاقی دارالحکومت اسلام آباد میں تقریب سے خطاب کرتے ہوئے ڈاکٹر فردوس عاشق اعوان نے کہا کہ حکومت سی پیک سے متعلق تمام منصوبوں پر تیزی سے عملدرآمد کے لیے پرعزم ہے۔

معاون خصوصی برائے اطلاعات نے کہا کہ سی پیک منصوبے سے خطے کی تقدیر بدل جائے گی اور خوشحالی کے ایک نئے دور کا آغاز ہوگا۔ انہوں نے سی پیک منصوبوں میں سرمایہ کاری کو سہولت فراہم کرنے سے متعلق حکومت کے عزم کا بھی اظہار کیا۔

ڈاکٹر فردوس عاشق اعوان نے کہا کہ ون بیلٹ ون روڈ پراجیکٹ نے دنیا کو ایک کمیونٹی میں تبدیل کر دیا ہے۔

کوئی کہتا ہے کہ سی پیک سے ہمارا قرضہ بڑھے گا تو یہ غلط ہے: وزیر خارجہ

یاد رہے کہ گزشتہ ماہ وزیر خارجہ شاہ محمود قریشی کا کہنا تھا کہ سی پیک گیم چینجر ہے معاشی طور پر ہماری تبدیلی کا باعث بنے گا، کوئی کہتا ہے کہ سی پیک سے ہمارا قرضہ بڑھے گا تو یہ غلط ہے۔

شاہ محمود قریشی کا کہنا تھا کہ پاکستان امریکی نائب وزیر خارجہ ایلس ویلز کی رائے سے متفق نہیں ہے اس لیے ان کی رائے کو مسترد کر دیا گیا ہے، ایلس ویلز کی رائے کا سی پیک پر کوئی اثر نہیں پڑے گا۔

اسلام آباد: معاون خصوصی برائے اطلاعات فردوس عاشق اعوان نے کہا کہ اسرائیل اور بھارت میں مسلمانوں کے لیے مزاحمت کے یکساں جذبات ہیں۔

تفصیلات کے مطابق ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے پیغام میں کہا کہ اسرائیل اوربھارت انسانی حقوق کی پامالی کر رہا ہے، اسرائیل، بھارت میں مسلمانوں کے لیے مزاحمت کے یکساں جذبات ہیں۔

معاون خصوصی برائے اطلاعات نے کہا کہ بھارت اور اسرائیل میں مسلمانوں پر جبرکی تصویریں ایک جیسی ہیں، ایک تصویر ویسٹ سے ہے جہاں فلسطینی لڑکی اسرائیلی فوج کے خلاف مزاحمت کر رہی ہے، دونوں جگہوں پر جذبوں اور مزاحمت میں یکسانیت ہے۔

One photo is from West Bank, where an Israeli soldier is witnessing defiance of a Palestenian girl. The other is from India, where an Indian girl is showing defiance to an Indian Policeman. Common emotion "Resistance”. #AligarhMuslimUniversity pic.twitter.com/4UEx8CfqNk

— Firdous Ashiq Awan (@Dr_FirdousPTI) December 16, 2019

علی گڑھ یونیورسٹی میں بھی پولیس اور طلبا آمنے سامنے، طلبا کے خلاف لاٹھی چارج

واضح رہے کہ بھارتی دارالحکومت نئی دہلی کی مرکزی جامعہ میں غیر مسلموں کو شہریت دینے کے نئے قانون کے خلاف احتجاج کرنے والوں پر پولیس کی جانب سے آنسو گیس اور لاٹھی چارج کے استعمال سے 100 سے زائد طلبہ زخمی ہوگئے۔