Tag: فردوس عاشق اعوان

اسلام آباد : معاون خصوصی برائے اطلاعات فردوس عاشق اعوان کا کہنا ہے کہ وزیراعظم لیٹرآف ایڈمنسٹریشن اینڈ سکسیشن سرٹیفکیٹس آرڈیننس2019کا چھ دسمبرکو باقاعدہ نفاذ کرنے جارہے ہیں، یہ قانون ملکی تاریخ میں حق وراثت کے تعین میں سنگِ میل ہے ، ملک اور باہر بسنے والے پاکستانی استفادہ کریں گے۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا انفورسمنٹ وومن پراپرٹی آرڈیننس ترمیم کی کابینہ سے توثیق وزیراعظم کے خواتین کو بااختیار اور جائیدادمیں حصہ داربنانے کے عزم کی طرف ایک قدم ہے، خواتین کو طاقتور اور فعال کردار یقینی بنانا نئے پاکستان کا مشن ہے۔

انفورسمنٹ آف ویمن پراپرٹی رائٹس آرڈیننس میں ترمیم کی کابینہ سے توثیق وزیراعظم عمران خان کے خواتین کو بااختیار اور جائیداد میں حصہ دار بنانے کے عزم کی تکمیل کی جانب ایک عملی قدم ہے۔خواتین کو طاقتور اور معاشرے میں ان کے فعال کردار کو یقینی بنانا نئے پاکستان کا مشن ہے۔

— Firdous Ashiq Awan (@Dr_FirdousPTI) December 4, 2019

خواتین کو بااختیار بنانے کی جانب اہم پیشرفت ہے، ایڈمنسٹریشن اینڈ سکسیشن سرٹیفکیٹس آرڈیننس 6دسمبر سے نافذ ہوگا ، قانون ملکی تاریخ میں حق وراثت کے تعین میں سنگ میل ہے، دہائیوں سے زیر سماعت مقدمات دنوں میں نمٹیں گے۔

وزیراعظم عمران خان لیٹرآف ایڈمنسٹریشن اینڈ سکسیشن سرٹیفکیٹس آرڈیننس2019کا چھ دسمبرکو باقاعدہ نفاذ کرنے جارہے ہیں۔یہ قانون ملکی تاریخ میں حق وراثت کے تعین میں سنگِ میل ہے۔دہائیوں سے زیرسماعت مقدمات دنوں میں نمٹیں گے۔

— Firdous Ashiq Awan (@Dr_FirdousPTI) December 4, 2019

معاون خصوصی نے مزید کہا کہ ملک اور باہر بسنے والے پاکستانی استفادہ کریں گے۔

ملک اورملک سے باہردنیا بھر میں بسنے والے پاکستانی اس سے استفادہ کریں گے۔

— Firdous Ashiq Awan (@Dr_FirdousPTI) December 4, 2019

اسلام آباد : وزیراعظم عمران خان ضرور جائیں گے مگر 4سال بعد اور عوام دوبارہ عمران خان کو منتخب کریں گے، عدالت نے زرداری کی صحت سےمتعلق ہی فیصلہ کرنا ہے۔

تفصیلات کے مطابق معاون خصوصی برائے اطلاعات فردوس عاشق اعوان نے اے آر وائی نیوز کے پروگرام باخبر سویرا میں گفتگو کرتے ہوئے کہا بدقسمتی ہے،عوام نےجن کورہبرسمجھا وہ رہزن ثابت ہوئے، شریف خاندان نے بلیک منی کا کام نہیں کیا تو واپس آکرجواب دیں، شریف خاندان تعاون نہیں کرےگاتونیب قانون کےمطابق فیصلےکرے گا۔

فردوس عاشق اعوان کا کہنا تھا کہ طاقتوراورکمزورسب پرایک قانون لاگوہوگا، بلاول بھٹوکابیان غیرجمہوری اورغیرپارلیمانی ہے، آصف زرداری پاکستان کے قانون کے مجرم ہیں، عدالت نےزرداری کی صحت سےمتعلق ہی فیصلہ کرناہے۔

معاون خصوصی نے مزید کہا کہ وزیراعظم عمران خان ضرور جائیں گے مگر 4سال بعد، چار سال بعد بھی ٹی ٹی،فالودےوالے،جعلی اکاؤنٹس والوں کو عوام مسترد کریں گے اور وزیراعظم عمران خان کو 4سال بعد بھی عوام دوبارہ منتخب کریں گے۔

مزید پڑھیں : آصف زرداری کو ان کی خواہش کے مطابق نہیں چھوڑ سکتے، فردوس عاشق اعوان

ان کا کہنا تھا کہ عوامی وسائل پرڈاکہ ڈالنے پرآصف زرداری عدالتوں کاسامنا کررہے ہیں۔

گذشتہ روز فردوس عاشق اعوان نے کہا تھا کہ عمران خان کو وزیراعظم کا مینڈیٹ ملا ہے، اب نیا وزیراعظم آئندہ الیکشن کے بعد ہی آئے گا، وزیراعظم نے اپوزیشن پر ہاتھ ہلکا رکھنے کی کوئی بات نہیں کی تھی، اپوزیشن ہمیشہ قانون سازی کیلئے مک مکا کی بلیک میلنگ کرتی ہے، وزیراعظم قانون کی بالادستی اور احتساب چاہتے ہیں۔

ان کا کہنا تھا کہ آصف زرداری کو ان کی خواہش کے مطابق نہیں چھوڑ سکتے، شہنشاہ عالم والا مخصوص ٹولہ اپنی مرضی سے علاج چاہتا ہے، کسی بھی شخص کی بیماری کو جانچنے کے پیرامیٹرز ہوتے ہیں، آصف زرداری کی بیماری کی تصدیق کرنا مشکل ہے۔

اسلام آباد : معاون خصوصی برائے اطلاعات فردوس عاشق اعوان کا کہنا ہے کہ وزیراعظم اپوزیشن کوآنکھوں میں اس لئے کھٹکتے ہیں کیونکہ وہ اپنی ذات کی نہیں پاکستان کی جنگ لڑرہے ہیں ، بلاول صاحب کسی معاملے میں سیاسی بلیک میلنگ سے باہر آ کر بھی سوچیں۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا وزیراعظم اپوزیشن کوآنکھوں میں کھٹکتے ہیں کیونکہ وہ ذات نہیں پاکستان کی جنگ لڑرہےہیں، قانون سازی پارلیمان کی بنیادی ذمےداری اور فرض ہے اور بلاول کا قانون سازی سیاسی ایجنڈے سےمشروط کرنا غیر جمہوری ہے۔

وزیراعظم عمران خان اپوزیشن کی آنکھوں میں اس لئے کھٹکتے ہیں کہ وہ اپنی ذات کی نہیں پاکستان کے کاز کی جنگ لڑ رہے ہیں۔قانون سازی پارلیمان کی بنیادی ذمہ داری اور فرض ہے۔بلاول کا اسے اپنے سیاسی ایجنڈے سے مشروط کرنا غیر پارلیمانی، غیر آئینی اور غیر جمہوری سوچ ہے۔

— Firdous Ashiq Awan (@Dr_FirdousPTI) December 3, 2019

فردوس عاشق اعوان کا کہنا تھا کہ بلاول صاحب کسی معاملے میں سیاسی بلیک میلنگ سے باہر آ کر بھی سوچیں ، پارلیمان بطوربلیک میلنگ استعمال کرنے کی سوچ منفی اور دعوؤں کی نفی ہے، پاکستان کےمفاد میں قانون سازی میں روڑے اٹکانے والے مفاد پرست کہلائیں گے۔

بلاول صاحب کسی معاملے میں تو سیاسی بلیک میلنگ سے باہر آ کر بھی سوچیں۔ پارلیمان کو سیاسی بلیک میلنگ کیلئے استعمال کرنے کی سوچ انتہائی منفی اور پی پی پی کے اپنے دعوؤں کی نفی ہے۔پاکستان کے مفاد میں ہونے والی قانون سازی کی راہ میں روڑے اٹکانے والے مفاد پرست کہلائیں گے۔

— Firdous Ashiq Awan (@Dr_FirdousPTI) December 3, 2019

یاد رہے چیئرمین پیپلز پارٹی بلاول بھٹو نے کہا تھا کہ پیپلزپارٹی حالیہ قانونی معاملے پر اتفاق رائے کی کوشش کرے گی لیکن وزیراعظم کے رویے سے لگتا ہے وہ اتفاق رائے نہیں چاہتے ، لگتا نہیں حکومت چھے ماہ میں قانون سازی پراپوزیشن کواعتماد میں لے گی۔

اسلام آباد : معاون خصوصی برائے اطلاعات فردوس عاشق اعوان کا کہنا ہے کہ عمران خان ہرمحاذپرشاطرانہ چالوں کامقابلہ کر رہے ہیں اورکرتےرہیں گے، جنرل جیلانی کے سائے میں پروان چڑھنے والے بغض پر بیانات دے رہے ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر ن لیگ پر تنقید کرتے ہوئے اپنے بیان میں کہا لیگی ترجمانوں کواپنےقائدکےپلیٹ لیٹس کےبجائے سیاست کی فکر ہے، آج ظل سبحانی کی صحت سےمتعلق دعاکی اپیل کیوں نہیں کی؟ آپ منتخب وزیراعظم پر تنقید کرکے اپنا قد اونچا کرنے کی کوشش کر رہےہیں۔

لیگی ترجمانوں کو اپنے قائد کے پلیٹلیٹس کی بجائے سیاست کی فکر پڑ گئی ہے۔آج ظل سبحانی کی صحت سے متعلق دعا کی اپیل کیوں نہیں کی؟آپ پاکستان کے مقبول رہنما اور منتخب وزیراعظم پر تنقید کر کے اپنا قد اونچا کرنے کی کوشش کر رہے ہیں.

— Firdous Ashiq Awan (@Dr_FirdousPTI) November 29, 2019

فردوس عاشق اعوان کا کہنا تھا کہ عمران خان ہر محاذ پر شاطرانہ چالوں کا مقابلہ کر رہے ہیں اور کرتے رہیں گے۔

عمران خان ہر محاذ پر شاطرانہ چالوں کا مقابلہ کر رہے ہیں اور کرتے رہیں گے۔

— Firdous Ashiq Awan (@Dr_FirdousPTI) November 29, 2019

معاون خصوصی نے مزید کہا کہ ہاں آپ نے ٹھیک کہا وزیراعظم عمران خان کرپشن کے فارمولوں سےآگاہ نہیں ہیں، وزیراعظم نہ تو اپنے رفقاکے ذاتی کاروبار کو تحفظ دیتے ہیں، جنرل جیلانی کے سائے میں پروان چڑھنے والے بغض پر بیانات دے رہے ہیں۔

ہاں آپ نے ٹھیک کہا وزیراعظم عمران خان کرپشن کے فارمولوں سے آگاہ نہیں ہیں اور نہ ہی اپنے رفقاء کے ذاتی کاروبار کو تحفظ دیتے ہیں۔جنرل جیلانی کے سائے میں پروان چڑھنے والے منتحب وزیراعظم کے حوالے سے بغض پر مبنی بیانات داغ رہے ہیں۔

— Firdous Ashiq Awan (@Dr_FirdousPTI) November 29, 2019

جدہ : معاون خصوصی برائے اطلاعات فردوس عاشق اعوان نے کہا ہے کہ سعودی عرب سےقریبی تعلقات ہیں، ہمارے20بلین سے زائد کے پروجیکٹ  سعودی  حکومت کیساتھ چل رہے ہیں ، او آئی سی پلیٹ فارم کےذریعے کشمیر میں جاری مظالم بند کرائے جائیں۔

تفصیلات کے مطابق معاون خصوصی برائے اطلاعات فردوس عاشق اعوان نے جدہ قونصلیٹ میں پاکستانی کمیونٹی سےملاقات کی ، اس موقع پر پاکستان کےسی جی خالد مجید اور سفیر پاکستان راجہ علی اعجاز بھی موجود تھے۔

معاون خصوصی فردوس عاشق اعوان نے پاکستانی کمیونٹی سے گفتگو میں کہا سعودی عرب کے ساتھ ہمارےبرادرانہ تعلقات ہیں، ہمارے20بلین سے زائد کے پروجیکٹ سعودی حکومت کیساتھ چل رہےہیں، حج میں روڈ ٹو مکہ پروجیکٹ وزیر اعظم عمران خان کے کہنےپر شروع کیا۔

فردوس عاشق اعوان کا کہنا تھا کہ سعودی عرب سےقریبی تعلقات ہیں، او آئی سی پلیٹ فارم کےذریعے کشمیر میں جاری مظالم بندکرائے جائیں، لاکھوں لوگ مقبوضہ کشمیر میں محصور ہو کر رہ گئے ہیں۔

مزید پڑھیں : او آئی سی کو زیادتی کا شکار مسلمانوں کے لیے مزید فعال کردار ادا کرنا ہے: فردوس عاشق اعوان

معاون خصوصی نے کہا پاکستان سمیت ہم سب کی خواہش ہے اوآئی سی مسئلہ کشمیرپرنوٹس لے، بابری مسجدجیسےمقدس مقامات کےتحفظ کیلئےدنیاکوجھنجھوڑتےرہیں گے ، بھارت کا انتہا پسندانہ چہرہ دنیاکودکھاتے رہیں گے، سعودی عرب کی ترقی میں پاکستانی کمیونٹی کا بھی بڑا کردار ہے۔

اس سے قبل فردوس عاشق اعوان کا کہنا تھا کہ اسلامی تعاون تنظیم (او آئی سی) کی گولڈن جوبلی تقریبات میں پاکستان کی نمائندگی میرے لیے باعث اعزاز ہے ، اسلامی سربراہ ممالک کا یہ فورم مسلم امہ کے رشتے کو مضبوط بنانے اور جوڑنے کا سب سے بڑا پلیٹ فارم ہے۔

معاون خصوصی نے مزید کہا کہ مظلوم کشمیریوں کی حمایت اور ان کے ساتھ اظہار یکجہتی پر سکریٹری جنرل او آئی سی کا شکریہ ادا کرتے ہیں، اس فورم سے کشمیریوں کے جمہوری بنیادی حق اور وادی میں سنگین صورتحال کو اجاگر کرنے کے لیے مزید آواز بلند کرنا ہوگی۔

خیال رہے کہ معاون خصوصی فردوس عاشق اعوان (او آئی سی) کے قیام کی گولڈن جوبلی تقریبات میں شرکت کے لیے 2 روزہ دورے پر سعودی عرب میں موجود ہیں، وہ گولڈن جوبلی کی تقریبات میں پاکستان کی نمائندگی کریں گی۔