ARYNews.tv | Urdu – Har Lamha Bakhabar

Tag: فردوس عاشق اعوان

  • مولانا صاحب، اپنی آواز مظلوم کشمیریوں کے حق میں بلند کریں، فردوس عاشق اعوان

    مولانا صاحب، اپنی آواز مظلوم کشمیریوں کے حق میں بلند کریں، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان کا کہنا ہے کہ مولانا صاحب پروٹوکول اورمراعات کا قرض ادا کرنے کا وقت آگیا۔

    تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ مولانا صاحب، اپنی آواز مظلوم کشمیریوں کے حق میں بلند کریں۔

    معاون خصوصی برائے اطلاعات نے کہا کہ کشمیریوں کے لیے آواز بلند کرنے پر ہی آپ کی پذیرائی ممکن ہوگی، مولانا صاحب،2 سیاسی جماعتوں کے عزائم کو بھانپیں۔

    انہوں نے کہا کہ 2 سیاسی جماعتیں آپ کو ذاتی مفاد کی بھینٹ چڑھانا چاہتی ہیں، ایک سیاسی نبض شناس عوام کی نبض کوکیوں نہیں سمجھ پا رہا؟۔

    معاون خصوصی برائے اطلاعات نے کہا کہ مولانا صاحب پروٹوکول اورمراعات کا قرض ادا کرنے کا وقت آگیا، مولانا صاحب،الفاظ کے تیروں کا رخ فسطائی مودی کی جانب موڑیں۔

    بلاول بھٹو کے اعلان پر فردوس عاشق اعوان کا ردعمل

    یاد رہے کہ گزشتہ ماہ بلاول بھٹو کی جانب سے دھرنے میں شرکت نہ کرنے کے اعلان پر فردوس عاشق اعوان کا کہنا تھا کہ پہلے ہی دن کہہ دیا تھا کہ اپوزیشن آپس میں سیاست کر رہی ہے۔

    فردوس عاشق اعوان کا کہنا تھا کہ پہلے بھی کہا تھا، اپوزیشن کوخود اپوزیشن سے خطرہ ہے، مولانا صاحب پارٹیاں آپ کو قربانی کا بکرا بنانے کی سازش کررہی ہیں۔

  • زلزلے میں جاں بحق افراد کے لواحقین کے لیے 10 لاکھ روپے امداد کا اعلان

    زلزلے میں جاں بحق افراد کے لواحقین کے لیے 10 لاکھ روپے امداد کا اعلان

    مظفر آباد: حکومت نے زلزلے میں جاں بحق افراد کے لواحقین کے لیے 10 لاکھ روپے امداد کا اعلان کردیا، فردوس عاشق اعوان کا کہنا ہے کہ 5 لاکھ روپے وفاقی حکومت اور 5 لاکھ آزاد کشمیر حکومت دے گی۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان آزاد کشمیر کے زلزلے سے متاثرہ علاقوں میں پہنچیں۔ میڈیا سے گفتگو کرتے ہوئے ان کا کہنا تھا کہ کئی گھرانوں کے مستقبل بھی زلزلے کی نذر ہوگئے، پریشانی کی گھڑیاں ہم سب کے لیے امتحان ہیں۔

    فردوس عاشق اعوان کا کہنا تھا کہ مشکلات کا مقابلہ کرنے والی قوم کے سامنے دکھ اور زخم اہمیت نہیں رکھتے، وزیر اعظم پاکستان نے زلزلہ متاثرین کے دکھ کو محسوس کیا۔ زلزلہ متاثرین کا دکھ اور تمام صورتحال کو خود دیکھا۔

    انہوں نے کہا کہ متاثرہ افراد کے دکھ میں کمی کے لیے حکومت ہر ممکن مدد کرے گی، وزیر اعظم پاکستان کی حکمت عملی ہے کہ آپ کو ریلیف فراہم کیا جائے۔ ترجیح ہے کہ زلزلہ متاثرین کی گھروں میں واپسی ممکن بنائی جاسکے۔

    معاون خصوصی کا کہنا تھا کہ پاک فوج نے متاثرین کے لیے ریسکیو اور ریلیف میں کردار ادا کیا، حکومت پاکستان آزاد کشمیر حکومت کے شانہ بشانہ کھڑی ہے، تمام چیلنجز کا مقابلہ ایک ساتھ نہیں ہوسکتا، یہ وقت سیاست کا نہیں۔

    انہوں نے کہا کہ یہ آزمائش کی گھڑیاں ہیں۔ میں سنہ 2005 میں مظفر آباد کے لیے امدادی سامان کے پہلے طیارے میں پہنچی تھی، جاں بحق افراد کے اہلخانہ کو فی کس 5 لاکھ روپے امداد فراہم کریں گے، آزاد کشمیر حکومت کی جانب سے بھی 5 لاکھ روپے لواحقین کو دیے جائیں گے۔

    معاون خصوصی نے کہا کہ 150 افراد ایسے ہیں جو زیادہ زخمی ہوئے ہیں، شدید زخمیوں میں پہلے مرحلے میں 1 ایک لاکھ کے چیک تقسیم کریں گے، معمولی 600 زخمیوں میں بھی امدادی چیک تقسیم کیے جائیں گے، ایک ہزار گھروں کی تعمیر کے لیے 2 لاکھ روپے فراہم کیے جائیں گے۔

    انہوں نے کہا کہ معذور ہونے والوں کو ایک لاکھ روپے کا امدادی چیک دیا جائے گا، زلزلے سے زخمی افراد کو پچاس ہزار روپے فی کس دیا جائے گا۔ 12 سو 56 جزوی متاثر گھروں کی تعمیر کے لیے بھی 50 ہزار روپے فراہم کریں گے۔

    معاون خصوصی نے مزید کہا کہ آزاد کشمیر کے تمام محکموں کی انتظامیہ کو خراج تحسین پیش کرتی ہوں، وزیر اعظم پاکستان زلزلہ متاثرین کی بحالی تک چین سے نہیں بیٹھیں گے، تمام معلومات کمپیوٹرائزڈ کی جارہی ہیں تاکہ کوئی انگلی نہ اٹھا سکے۔ مشکل وقت میں ساتھ دینے پر افواج پاکستان کی شکر گزار ہوں، افواج پاکستان کوئی لمحہ ضائع کیے بغیر وسائل بروئے کار لائی۔

  • ای کامرس پالیسی کاروباری سرگرمیوں میں اضافے کا باعث بنے گی: فردوس عاشق اعوان

    ای کامرس پالیسی کاروباری سرگرمیوں میں اضافے کا باعث بنے گی: فردوس عاشق اعوان

    اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ ای کامرس پالیسی پاکستان کی معیشت کو دور حاضر کے جدید تقاضوں سے ہم آہنگ کرے گی۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ای کامرس وزیر اعظم کے وژن کے تحت کاروبار میں آسانیاں پیدا کرنے، نوجوانوں اور چھوٹے کاروباری طبقے کی حوصلہ افزائی کی جانب اہم حکومتی قدم ہے۔

    فردوس عاشق اعوان کا کہنا تھا کہ ای کامرس پالیسی پاکستان کی معیشت کو دور حاضر کے جدید تقاضوں سے ہم آہنگ کرے گی اور کاروباری سرگرمیوں میں اضافے کا باعث بنے گی۔

    انہوں نے کہا کہ اس سے کاروباری آسانیوں کے نئے افق روشن ہوں گے۔ مالی معاملات کو ڈیجیٹلائز کرنے سے سرمایہ کاری اور صارفین کے حقوق کا تحفظ یقینی بنایا جائے گا۔

    معاون خصوصی نے کہا کہ پالیسی کے تحت سالانہ 10 لاکھ تک کاروبار کرنے والی کمپنیوں کی ایس ای سی پی سے رجسٹریشن ضروری ہوگی، تاجروں کو ڈیجیٹل آن بورڈنگ پر اسٹیٹ بینک آف پاکستان گائیڈ لائنز فراہم کرے گا۔

    انہوں نے مزید کہا کہ دوہرے ٹیکس سے بچنے کے لیے آسان سنگل ٹیکس ریٹرن فارم متعارف کروایا جائے گا اور لاجسٹک کے شعبے کو مؤثر اور تیز رفتار بنانے کے لیے ای کامرس پر منتقل کیا جائے گا۔

  • حکومت کا زلزلہ میں جاں بحق افراد کے لواحقین کو 5 لاکھ روپے دینے کا اعلان

    حکومت کا زلزلہ میں جاں بحق افراد کے لواحقین کو 5 لاکھ روپے دینے کا اعلان

    اسلام آباد : معاون خصوصی برائے اطلاعات فردوس عاشق اعوان نے کہا زلزلے میں جاں بحق افرادکےلواحقین کو5لاکھ روپےفی کس دیے جائیں گے، مالی امداد سے زلزلہ متاثرین کی بحالی میں مدد ملے گی۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر کہا کہ مالی امداد سے زلزلہ متاثرین کی بحالی میں مدد ملے گی اور گھروں، مال مویشیوں کیلئے زرتلافی سے نقصانات کا ازالہ ممکن ہوگا، بچوں کی تعلیم کا سلسلہ جاری رکھنے اور خواتین کی سہولیات کیلئےاقدامات کیےجارہےہیں۔

    فردوس عاشق اعوان کا کہنا تھا کہ وزیراعظم کےدورےسےزلزلہ متاثرہ کشمیریوں کوحوصلہ ملاہے، امداداوربحالی تک تعاون کاسلسلہ بھرپوراندازسےجاری رہے گا۔

    معاون خصوصی نے مزید کہا کہ جاں بحق افراد کے لواحقین کو5 لاکھ روپے فی کس دیےجائیں گے، مکمل تباہ مکانوں کیلئے 2 لاکھ، جزوی متاثر کا معاوضہ 1لاکھ ہوگا جبکہ 38 اسکولوں کیلئے بڑے ٹینٹ فراہم کیے جا رہے ہیں۔

    ان کا مزید کہنا تھا کہ متاثرہ علاقوں میں انفرااسٹرکچرکی بحالی کاتخمینہ1200ملین لگایاہے، تاجربرادری کو50ہزارفی دکان،جزوی متاثر دکان مالک کو 25ہزار دیے جائیں گے، حکومت50ہزار روپےفی مویشی مددفراہم کرے گی۔

  • فلمی صنعت کی بحالی کےحوالےسےعملی اقدامات کیےجائیں گے، فردوس عاشق اعوان

    فلمی صنعت کی بحالی کےحوالےسےعملی اقدامات کیےجائیں گے، فردوس عاشق اعوان

    اسلام آباد : معاون خصوصی فردوس عاشق اعوان نے کہا ہے کہ حکومت ملک میں فلمی صنعت کی بحالی کے حوالے سے عملی اقدامات کرے گی، ہم نے پاکستان کا روشن چہرہ پوری دنیا میں روشناس کرانا ہے۔

    ان خیالات کا اظہار انہوں نے اسلام آباد میں فلم پروڈیوسرز ایسوسی ایشن کے وفد سے ملاقات کے موقع پر گفتگو کرتے ہوئے کیا.

    وزیر اعظم کی معاون خصوصی برائے اطلاعات فردوس عاشق اعوان سے فلم پروڈیوسرز ایسوسی ایشن کے وفد نے ملاقات کی وفد کی سربراہی ایسوسی ایشن کے چیئرمین شیخ امجد رشید نے کی۔

    شیخ امجد رشید نے ڈاکٹر فردوس عاشق اعوان کو فلمی صنعت کے مسائل سے تفصیلی آگاہ کرتے ہوئے کہا کہ فلمی صنعت کی ترقی کیلئے حکومتی سرپرستی اور حوصلہ افزائی ضروری ہے۔

    فردوس عاشق اعوان کا کہنا تھا کہ ہم نے پرعزم، پرامن اور پرکشش پاکستان کی تصویر دنیا کے سامنے پیش کرنی ہے اور پاکستان کاروشن چہرہ پوری دنیا میں روشناس کرانا ہے۔

    ڈاکٹرفردوس عاشق اعوان کا مزید کہنا تھا کہ فلمیں معاشرے کی اصلاح اور ہماری اقدار کو اجاگر کرنے کا اہم ذریعہ ہوتی ہیں، اسٹیک ہولڈرز فلم پالیسی کا جائزہ لیں، ہم مثبت تجاویز کا خیرمقدم کریں گے۔

    انہوں نے بتایا کہ پاکستان ٹیلی وژن نئی بننے والی فلموں کے تعارف کیلئے پروگرام ترتیب دے گا اور حکومتی سطح پر فلمی صنعت کی بحالی کے حوالے سے عملی اقدامات کیے جائیں گے، اس ضمن میں وزارت اطلاعات فوکل پرسنز تعینات کرے گی۔

  • وزیراعظم کی زلزلہ متاثرین کی مدد کے لئے آزاد کشمیر حکومت کو مکمل تعاون کی یقین دہانی

    وزیراعظم کی زلزلہ متاثرین کی مدد کے لئے آزاد کشمیر حکومت کو مکمل تعاون کی یقین دہانی

    اسلام آباد: وزیر اعظم نے زلزلہ متاثرین کی مدد کے لئے آزاد کشمیر حکومت کو مکمل تعاون کی یقین دہانی کرا دی.

    معاون خصوصی برائے اطلاعات فردوس عاشق اعوان نے  میڈیا سے بات کرتے ہوئے کہا کہ ناگہانی آفت کی زد میں 40 قیمتی جانیں چلی گئی، انسانی جانوں کی کوئی قیمت نہیں ہوتی، البتہ جاں بحق افراد کے  لواحقین کو فی کس 5 لاکھ روپے امداد دی جائے گی.

    فردوس عاشق اعوان نے کہا کہ جو گھر مکمل طور پر تباہ ہیں، ان کے  متاثرین کو  2 لاکھ روپے دیے جائیں گے، کچھ متاثر ہونے والے گھر کے متاثرین کو ایک لاکھ دیے جائیں گے، مکمل طو  پر تباہ گھروں کی تعداد ایک ہزار اور کچھ متاثرہ گھروں کی تعداد 3500 ہے.

    انھوں نے کہا کہ زلزلے سے 100 کے قریب دکانیں تباہ ہوئی ہیں، مکمل طورپر تباہ دکان پر 50 ہزار اور کچھ متاثرہ دکانوں پر25 ہزاردیے جائیں گے، مالی مدد کے طورپر فی جانور 50 ہزار دیے جائیں گے.

    مزید پڑھیں: وزیر اعظم عمران خان کی زلزلے سے متاثرہ علاقوں میں آمد، زخمیوں کی عیادت

    اسکول، اسپتال، ہیلتھ کیئرسینٹرز کے لیے 1200 ملین لاگت کا تخمینہ لگایا گیا ہے، آزاد کشمیرحکومت کے ساتھ مل کر  زلزلہ متاثرین کی بحالی پرکام کریں گے،  زلزلہ متاثرین کی بحالی کے لئے ابتدائی طورپر  1200 ملین رکھےگئے ہیں.

    رقم  آگے بڑھائی بھی جاسکتی ہے، آزاد کشمیر حکومت کے ساتھ رابطے میں ہیں، حکومت زلزلہ متاثرہ علاقوں میں فوری طورپرٹینٹ اسکول بنارہی ہے، فوری طورپر38ٹینٹ اسکول فوری شروع کیے جا رہے ہیں.

  • اسلام کا نام لے کر چندہ مہم پر نکلے قائدین ہوش کے ناخن لیں، فردوس عاشق اعوان

    اسلام کا نام لے کر چندہ مہم پر نکلے قائدین ہوش کے ناخن لیں، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا ہے کہ اسلام کا نام لے کر چندہ مہم پر نکلے قائدین ہوش کے ناخن لیں، نام نہاد سیاست دانوں کا چورن اب کہیں بکنے والا نہیں ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے میڈیا سے گفتگو کرتے ہوئے کہا کہ وزیراعظم نے اقوام متحدہ میں امت مسلمہ کی قیادت کا حق ادا کردیا، کشمیریوں کو مشکلات سے نکالنے کے لیے سب کردار ادا کریں۔

    انہوں نے کہا کہ عمران خان نے بھارتی سازش کو دنیا کے سامنے بے نقاب کردیا، قوم نے یک زبان ہوکر وزیراعظم کو خراج تحسین پیش کیا، دلوں میں بسنے والے تاریخ کے اوراق میں زندہ رہتے ہیں۔

    مزید پڑھیں: وزیر اعظم نے مظلوموں کا مقدمہ پوری قوت کے ساتھ دنیا کے سامنے رکھ دیا: فردوس عاشق اعوان

    فردوس عاشق اعوان نے کہا کہ وزیراعظم کی آمد پر ایئرپورٹ پر تل دھرنے کی جگہ نہیں تھی، عمران خان کل میرپور آزاد کشمیر جائیں گے، وزیراعظم اور حکومت زلزلہ متاثرین کو اکیلا نہیں چھوڑے گی۔

    واضح رہے کہ گزشتہ روز فردوس عاشق اعوان کا کہنا تھا کہ وزیر اعظم عمران خان کی تقریر کو دنیا بھر میں ملنے والی پذیرائی اس بات کا ثبوت ہے کہ وہ مشن کشمیر میں کامیاب ہوئے ہیں۔

    ان کا کہنا تھا کہ وزیراعظم نے مظلوموں کا مقدمہ پوری قوت کے ساتھ دنیا کے سب سے بڑے فورم پر رکھ دیا ہے، اب عالمی ضمیر کا امتحان ہے کہ وہ تاریخ کے کس رخ پر کھڑا ہوتا ہے، مہذب دنیا مظلوموں کا ساتھ دیتی ہے یا کاروبار کو انسانیت پر فوقیت دیتی ہے۔

  • گھر بیٹھی خواتین کو معاشی عمل کا حصہ بنانا ہے: فردوس عاشق اعوان

    گھر بیٹھی خواتین کو معاشی عمل کا حصہ بنانا ہے: فردوس عاشق اعوان

    سیالکوٹ: وزیر اعظم کی معاون خصوصی فردوس عاشق اعوان کا کہنا ہے کہ پاکستان کی معاشی برتری تک دنیا اس کی بات توجہ سے نہیں سنے گی، 52 فیصد گھر بیٹھی خواتین کو معاشی محاذ پر لانا ہے۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے اسٹیٹ بینک کی ایس ایم ایز فنانس کی آگاہی پر ہونے والی تقریب میں شرکت کی۔ ان کا کہنا تھا کہ خواتین کو معاشی ترقی میں سہولت دینا وزیر اعظم کے مشن کا عکاس ہے۔

    معاون خصوصی نے کہا کہ ملک کے ساتھ ناانصافیاں ہوئی ہیں، ملک کو گدھ بن کر نوچا گیا۔ صنعتی پالیسی میں ایس ایم ایز کا کردار ہوگا۔ سنہ 2023 تک ایک کھرب 900 ارب روپے کا حجم رکھا گیا ہے۔

    انہوں نے کہا کہ وزیر اعظم گھریلو صنعت کو فروغ دینا چاہتے ہیں، خواتین کو با اختیار بنانے کے لیے 6 ارب رکھے گئے ہیں۔ خواتین کو قرضوں کی مد میں ہر ممکن سہولیات دی جائیں گی۔

    معاون خصوصی کا کہنا تھا کہ سرحدوں پر لڑی جانے والی جنگوں کا رواج ختم ہو چکا ہے، اب جنگ وہی جیتے گا جو معاشی طور پر مستحکم ہوگا۔ 52 فیصد گھر بیٹھی خواتین کو معاشی محاذ پر لانا ہے۔ پاکستان کی معاشی برتری تک دنیا اس کی بات توجہ سے نہیں سنے گی۔

    انہوں نے مزید کہا کہ خواتین کو مضبوط کرنے تک ملکی معیشت میں استحکام نہیں لایا جا سکتا، حکومت خواتین کو اپنی صلاحیتیں منوانے کے مواقع دے گی۔ خواتین ملک کی طاقت بنیں۔

    معاون خصوصی کا کہنا تھا کہ وزیر اعظم نے احسن طریقے سے مسلمانوں اور کشمیریوں کا مقدمہ لڑا، وزیر اعظم نے اقوام متحدہ میں اسلام کے حقیقی چہرے کو پیش کیا۔ کپتان نے کہا مسئلہ فلسطین کے حل تک اسرائیل تسلیم نہیں، وزیر اعظم نے دنیا پر واضح کیا کہ اسلام ایک ہی ہے۔ وزیر اعظم ہمیشہ پسے ہوئے طبقے کی آواز بنے۔

  • وزیر اعظم نے مظلوموں کا مقدمہ پوری قوت کے ساتھ دنیا کے سامنے رکھ دیا: فردوس عاشق اعوان

    وزیر اعظم نے مظلوموں کا مقدمہ پوری قوت کے ساتھ دنیا کے سامنے رکھ دیا: فردوس عاشق اعوان

    اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ وزیر اعظم نے مظلوموں کا مقدمہ دنیا کے سامنے رکھ دیا ہے۔ اب عالمی ضمیر کا امتحان ہے کہ وہ مظلوموں کا ساتھ دیتے ہیں یا کاروبار کو انسانیت پر فوقیت دیتے ہیں۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان کی تقریر کو دنیا بھر میں ملنے والی پذیرائی اس بات کا ثبوت ہے کہ وہ مشن کشمیر میں کامیاب ہوئے ہیں۔

    معاون خصوصی کا کہنا تھا کہ انہوں نے مظلوموں کا مقدمہ پوری قوت کے ساتھ دنیا کے سب سے بڑے فورم پر رکھ دیا ہے۔ اب عالمی ضمیر کا امتحان ہے کہ وہ تاریخ کے کس رخ پر کھڑا ہوتا ہے۔

    انہوں نے کہا کہ مہذب دنیا مظلوموں کا ساتھ دیتی ہے یا کاروبار کو انسانیت پر فوقیت دیتی ہے۔

    خیال رہے کہ وزیر اعظم عمران خان نے گزشتہ روز جنرل اسمبلی سے اپنا تاریخی خطاب کیا جس میں انہوں نے مقبوضہ کشمیر میں بھارتی بربریت کا پردہ چاک کردیا تھا۔

    وزیراعظم عمران خان نے کہا تھا کہ نائن الیون کے بعد اسلامو فوبیا خطرناک رفتار سے بڑھا، یورپ اور مغربی ممالک میں لاکھوں مسلمان اقلیت کے طور پر رہتے ہیں، مغرب میں حجاب کو ہتھیار سمجھا جاتا ہے۔ اسلامو فوبیا اس لیے ہوا کہ کچھ مغربی رہنماؤں نے دہشت گردی کو اسلام سے جوڑا۔

    عمران خان نے کہا تھا کہ ایک لاکھ کشمیریوں سے زائد کو قتل، 11 ہزار سے زائد خواتین کو زیادتی کا نشانہ بنایا گیا۔ کشمیر میں 80 لاکھ لوگ گھروں میں محصور ہیں، 80 لاکھ لوگوں پر 9 لاکھ بھارتی فوجی تعینات ہیں۔

    انہوں نے کہا کہ کشمیر شدت پسندی کی طرف آیا تو اس کی وجہ اسلام نہیں ناانصافی ہوگی، جب ناانصافی ہوتی ہے تو انسان انتہائی قدم اٹھانا ہے، ناانصافی کے خلاف انسانی ردعمل کا تعلق مذہب سے نہیں ہوتا ہے، کشمیریوں کو شدت پسندی کی طرف دھکیلا جارہا ہے۔

  • وزیر اعظم سفارت کاری سے کشمیریوں کی آواز دنیا تک پہنچا رہے ہیں: فردوس عاشق اعوان

    وزیر اعظم سفارت کاری سے کشمیریوں کی آواز دنیا تک پہنچا رہے ہیں: فردوس عاشق اعوان

    اسلام آباد: معاون خصوصی برائے اطلاعات فردوس  عاشق اعوان نے کہا ہے کہ وزیر اعظم سفارت کاری سے کشمیریوں کی آوازدنیا تک پہنچا رہے ہیں.

    ان خیالات کا اظہار انھوں نے میڈیا سے گفتگو کرتے ہوئے کیا، انھوں نے کہا کہ ظلم کی سیاہ رات ختم ہوگی، آزادی کاسورج کشمیری دیکھیں گے، .

    ان کا کہنا تھا کہ حکومت کی جانب سے سیاحت کے فروغ کے لئے ان ارائیول ویزا کی سہولت دی گئی، روڈ انفرا اسٹرکچراور ہوٹل انڈسٹری کوبہتر کیا جارہا ہے، ہمیں اپنی ثقافت کوسیاحت کےساتھ جوڑنا ہے.

    فردوس عاشق اعوان نے کہا کہ پاکستانی قوم مہمان نواز ہے، شناخت کو دنیا میں مارکیٹ کرنا ہے، ہمیں کلچرکو ٹور ازم کے ساتھ جوڑنا ہے.

    مزید پڑھیں: عمران خان اقوام متحدہ میں کشمیر کے لیے جنگ لڑ رہے ہیں، محمود خان

    وزیراعظم کرتارپورراہداری کا نومبر میں افتتاح کرنے جا رہے ہیں، معاشی اورمعاشرتی ترقی بھی سیاحت کےساتھ جاری ہے، سیاحت کے فنکشنل ہونے سے 5 لاکھ نوکریاں مل سکتی ہیں.

    ان کا کہنا تھا کہ آج اسلام آباد میں بڑی اسکرین نصب کی گئی ہے، جس پر  وزیراعظم کی تقریر لائیو دکھائی جائے گی، مظفرآباد میں یو این میں وزیراعظم کی تقریراسکرین پر دکھائیں گے.