Tag: فردوس عاشق اعوان

میرپورآزادکشمیر: معاون خصوصی برائے اطلاعات خصوصی فردوس عاشق اعوان نے کہا کہ میرے بیان کو زلزلے سے جوڑ کر غلط اینگل دینے کی مذمت کرتی ہوں، وزیراعظم امریکامیں بیٹھےہیں مگر ہر لمحے کی رپورٹ لے رہے ہیں۔

تفصیلات کے مطابق میرپورآزادکشمیر میں معاون خصوصی برائے اطلاعات خصوصی فردوس عاشق اعوان نے میڈیاسے گفتگو
کرتے ہوئے کہا وزیراعظم،عوام کی طرف سے قومی سانحہ پر دلی افسوس کا اظہار کرتی ہوں ، وزیراعظم نے قومی سانحہ کے بعد فوری رپورٹ طلب کی اور زخمیوں کے علاج، بروقت اقدامات کی ہدایت کی ہے۔

فردوس عاشق اعوان کا کہنا تھا کہ این ڈی ایم اے سمیت تمام اداروں کو متحرک کرنے کی ہدایت کی گئی، وزیراعظم نے قومی سانحہ پر ہر گھنٹے میں رپورٹ طلب کی ہے۔

وزیراعظم نے قومی سانحہ پر ہر گھنٹے میں رپورٹ طلب کی ہے

معاون خصوصی نے کہا کل جب یہ سانحہ ہواتوسوشل میڈیا ورکشاپ میں گفتگو کررہی تھی ، تقریر کے دوران اس کیفیت پر بات کرنا مناسب نہیں تھا اور ہمارے سامنے حقائق، نقصانات نہیں تھے۔

ان کا کہنا تھا کہ کچھ الیکٹرانک میڈیانے بیان کو زلزلےسے جوڑ کر غلط رنگ دیا، مخصوص جماعت نے اپنے میڈیا سیل کےذریعے ٹاپ ٹرینڈ بنایا، میرے بیان کو زلزلے سے جوڑ کر غلط اینگل دینے کی مذمت کرتی ہوں۔

مخصوص میڈیا گروپ نے میرے بیان کو توڑ مروڑ کرپیش کیا

فردوس عاشق اعوان نے کہا کہ یہ قومی سانحہ اور المیہ ہےاسے ذاتیات سےہٹ کر دیکھنا چاہیے، میرے بیان کو زلزلے سے جوڑا گیا جس کی مذمت کرتی ہوں، مخصوص میڈیا گروپ نے میرے بیان کو توڑ مروڑ کرپیش کیا۔

معاون خصوصی کا کہنا تھا کہ بیان بازی ،کیچرا چھالنے کےبجائے مشکل وقت میں بھائیوں کی مدد کریں، این ڈی ایم اے اور آزاد کشمیر حکومت مل بیٹھ کر آگے کا لائحہ عمل بنائے گی، ہر مشکل وقت میں حکومت مظلوم کشمیریوں کے ساتھ ہے۔

بیان بازی ،کیچرا چھالنے کےبجائے مشکل وقت میں بھائیوں کی مدد کریں

انھوں نے کہا کہ قدرتی آفات کسی کے بس میں نہیں ،اس کامقابلہ یکجہتی سے کیا جاتا ہے، کل دوران تقریر زلزلے کی تباہ کاریوں کا علم نہیں تھا، ہم سب کو ملکرزلزلہ متاثرین کی زندگیوں کو آسان بنانا ہوگا، حکومت پاکستان ہر مشکل میں کشمیریوں کے ساتھ ہیں، قوم نے ماضی بھی قدرتی آفات کا مقابلہ کیا ،دنیا میں مثال قائم کی۔

قدرتی آفات کسی کے بس میں نہیں ،اس کامقابلہ یکجہتی سے کیا جاتا ہے

فردوس عاشق اعوان کا کہنا تھا کہ میرپورضلع میں زلزلے سے24افرادجاں بحق ہوئے، ڈی ایچ کیو اسپتال کے ایم ایس کے مطابق 500 زخمی لائے گئے ، 377 زخمیوں کو طبی امداد کے بعد اسپتال سے ڈسچارج کیا گیا۔

معاون خصوصی نے مزید کہا جب بھی کوئی آفت آئی قوم متحد ہوجاتی ہے ، متاثرہ اہلخانہ کو معاوضہ دینے کیلئے بیت المال کو ذمہ داری دی گئی ہے، زلزلے کے باعث زخمی ہونے والوں کیلئے میکنزم بنائیں گے ، متاثرین املاک ، مال مویشی کے نقصانات پر معاوضہ دیا جائے گا۔

متاثرہ اہلخانہ کو معاوضہ دینے کیلئے بیت المال کو ذمہ داری دی گئی ہے

ان کا کہنا تھا کہ اوورسیزپاکستانی ہمیشہ اپنی مددآپ کےتحت آگے آتے ہیں، وزیراعظم امریکا میں بیٹھے ہیں مگر ہر لمحے کی رپورٹ لے رہے ہیں۔

سیالکوٹ: معاون خصوصی برائے اطلاعات ڈاکٹرفردوس عاشق اعوان نے کہا وزیراعظم مسئلہ کشمیرپر عالمی ضمیر کو جھنجوڑیں گے اور کشمیریوں کے مؤقف کو مؤثر انداز سے پیش کریں گے، مودی ہویا کوئی اور،پاکستان بھارت سے کوئی مذاکرات نہیں کرے گا۔

تفصیلات کے مطابق معاون خصوصی برائے اطلاعات ڈاکٹرفردوس عاشق اعوان نے پریس کانفرنس کرتے ہوئے کہا وزیراعظم امریکا کا اہم دورہ کرنے جارہے ہیں، دورہ سعودی عرب میں انھوں نے اہم ملاقاتیں کیں۔

فردوس عاشق اعوان کا کہنا تھا کہ دورہ امریکا میں وزیراعظم کی ملاقاتوں کا محور مسئلہ کشمیر رہے گا، مقبوضہ کشمیر میں انسانی حقوق کی برح طرح پامالی کی جارہی ہے۔

دورہ امریکا میں وزیراعظم کی ملاقاتوں کا محور مسئلہ کشمیر رہے گا

معاون خصوصی نے کہا کہ جنرل اسمبلی کےاجلاس پردنیا کی نظریں مرکوز ہیں، مظلوم کشمیری جنرل اسمبلی اجلاس سے توقعات لگائے بیٹھے ہیں، اقوام متحدہ کو کمزور کی داد رسی اور طاقتور کے احتساب کیلئے بنایا گیا تھا، دیکھنا ہے اقوام متحدہ مظلوم کشمیریوں کو حقوق دلانے میں کیا کردار ادا کرتا ہے۔

ان کا کہنا تھا کہ وزیراعظم عمران خان دورےکےدوران عالمی رہنماؤں سے ملاقات کریں گے، امریکی صدرٹرمپ نے ثالثی کی پیش کی تھی، عمران خان امریکی صدر سے ثالثی کی پیشکش پر بات کریں گے۔

عمران خان امریکی صدر سے ثالثی کی پیشکش پر بات کریں گے

فردوس عاشق اعوان نے کہا بھارت مظلوم کشمیریوں کا محاصرہ ختم نہیں کررہا، بھارت اپنی فوج کو مقبوضہ کشمیر سے نہیں ہٹارہا، مودی ہویا کوئی اور،پاکستان بھارت سے کوئی مذاکرات نہیں کرے گا۔

معاون خصوصی کا کہنا تھا کہ بھارت قومی سلامتی کارکن بننےکےخواب دیکھ رہاہے، انسانیت کی تذلیل کرنےوالا قومی سلامتی کارکن بننے کا اہل نہیں ، بھارت کبھی بھی اپنے خواب کی تعبیرنہیں پاسکتا۔

مودی ہویا کوئی اور،پاکستان بھارت سے کوئی مذاکرات نہیں کرے گا

انھوں نے مزید کہا ہم بھارتی قیادت کے انسانیت سوز کارنامے دنیا کے سامنے رکھیں گے، وزیراعظم نے امریکا میں پاکستانیوں سے خطاب کرکے ٹرینڈ سیٹ کیا۔

فردوس عاشق اعوان کا کہنا تھا کہ وزیراعظم کی نقل کرنےکی مودی کی کوشش ناکام ہورہی ہے، وزیراعظم نے قومی بیانیے کے لیے پاکستانیوں سےخطاب کیاتھا، راہول گاندھی نے کہا کہ مودی سرکاری پیسے سے ذاتی تشہیر کررہا ہے۔

معاون خصوصی نے کہا امریکی صدر کا فاشسٹ مودی کےساتھ کھڑے ہونا انسانیت کی تذلیل ہے، ٹرمپ کو مودی کےساتھ کھڑےنہیں ہونا چاہیے۔

امریکی صدر کا فاشسٹ مودی کےساتھ کھڑے ہونا انسانیت کی تذلیل ہے

ان کا کہنا تھا کہ وزیراعظم مسئلہ کشمیرپرعالمی ضمیرکوجھنجوڑیں گے، نئے روشن پاکستان کا چہرہ دنیا کے سامنے بھی رکھیں گے اور کشمیریوں کے مؤقف کو مؤثر انداز سے پیش کریں گے۔

فردوس عاشق اعوان نے مزید کہا ریاست کے باقی ستونوں کی طاقت میڈیا سے جڑی ہے، میڈیا سے متعلق حکومت ایک لائحہ عمل تیار کررہی ہے، لائحہ عمل سے متعلق مسودے پر حکومت شراکت داروں کی رائے لے گی۔

معاون خصوصی کا کہنا تھا کہ میڈیا کی آزادی اور مؤثر کردار پر کوئی قدغن لگانے نہیں جارہی، میڈیا کو حکومت کی جانب سے کنٹرول کرنے کا تاثر غلط ہے، کشمیریوں پر پابندیاں نرم کرنے تک حکومت لچک کا مظاہرہ نہیں کرے گی۔