Tag: فردوس عاشق اعوان

سیالکوٹ: معاون خصوصی برائے اطلاعات فردوس عاشق اعوان نے کہا ہے کہ کشمیریوں کی آزادی کے جذبے کو قید نہیں رکھا جاسکتا ہے۔

تفصیلات کے مطابق معاون خصوصی برائے اطلاعات فردوس عاشق اعوان نے میڈیا سے گفتگو کرتے ہوئے کہا کہ مودی ہٹلر نے مقبوضہ کشمیر میں کربلا کی یاد تازہ کردی ہے، مودی نے کشمیریوں کو عید کی نماز ادا کرنے سے بھی روک دیا۔

فردوس عاشق اعوان نے کہا کہ مقبوضہ کشمیر دنیا کی سب سے بڑی جیل میں تبدیل ہوچکا ہے، بھارتی مظالم کی پرزور مذمت کرتے ہیں، کشمیریوں کی آزادی کے جذبے کو قید نہیں رکھا جاسکتا ہے۔

انہوں نے کہا کہ وزیر خارجہ شاہ محمود قریشی نے چین جاکر چینی قیادت کو اعتماد میں لیا ہے، شاہ محمود کے دورہ چین کے بعد بھارتی وزیر خارجہ کی دوڑیں لگ گئیں۔

مزید پڑھیں: مودی سرکار کو حریت پسندوں کے آگے ہتھیار ڈالنا ہوں گے، فروس عاشق اعوان

معاون خصوصی برائے اطلاعات نے کہا کہ بھارت فوج نے طاقت کے نشے میں کشمیریوں کو قربانی سے روک دیا ہے، مسئلہ کشمیر مفادات کا نہیں بلکہ نظریات کا ٹکراؤ ہے۔

فردوس عاشق اعوان نے کہا کہ برہان وانی کو سوشل میڈیا پر بھارت مظالم عیاں کرنے پر نشانہ بنایا گیا، ہر نوجوان کو برہان وانی بننے اور بھارتی مظالم بے نقاب کرنے کی ضرورت ہے۔

انہوں نے کہا کہ مسئلہ کشمیر اب ہر قریے میں لڑی جارہی ہے، مسئلہ کشمیر کو پاکستانی قوم اپنا مقدمہ سمجھ کر لڑے گی، کشمیر ہمارا اٹوٹ انگ اور شہ رگ ہے۔

اسلام آباد: مقبوضہ کشمیر میں بھارتی فورسز کے مظالم میں بے پناہ اضافہ ہو گیا ہے، نہتے کشمیریوں نے بھارتی قبضے کے خلاف سخت احتجاج شروع کر دیا ہے، جس پر بھارتی فورسز نے گولیاں چلا دیں۔

ادھر پاکستان میں حکومتی اور اپوزیشن سے تعلق رکھنے والے سیاست دانوں نے متفقہ طور پر نہتے کشمیریوں پر مظالم کی شدید مذمت کی ہے۔

معاون خصوصی برائے اطلاعات فردوس عاشق اعوان نے کہا ہے کہ مودی نئے دور کا ہٹلر ہے، کشمیر پر حملہ پاکستان پر حملے کے مترادف ہے، بھارت کشمیر کا جغرافیہ بدلنا چاہ رہا ہے، کشمیری اپنے حق کے لیے کھڑے ہوئے ہیں۔

انھوں نے کہا کہ کشمیر کو گھیرے میں لے کر جیل میں تبدیل کر دیا گیا ہے، بھارت کشمیریوں کے حق کی آواز طاقت سے دبانا چاہتا ہے، لیکن یہ کرفیو زیادہ دیر نہیں چل سکے گا، مقبوضہ وادی لہو لہو ہے، آزادی کی تحریک ضرور کام یاب ہوگی۔

تازہ ترین خبریں پڑھیں:  یوم آزادی پر کشمیر سے منسوب لوگو تیار، کشمیری جھنڈے کی طلب بھی بڑھ گئی

وزیر ریلوے شیخ رشید احمد نے بھی کشمیریوں پر مظالم کے خلاف آواز بلند کرتے ہوئے کہا ہے کہ کشمیری کرفیو میں بھی نکل آئے ہیں، ابھی تھوڑا صبر کریں بہت کچھ ہونے والا ہے، مودی سرکار کے آخری دن شروع ہو گئے ہیں، کشمیریوں کی جدوجہد مزید تیز ہوگی۔

وفاقی وزیر برائے مواصلات مراد سعید کہتے ہیں آج کشمیر کا بچہ بچہ بھارتی فوج کے لیے برہان وانی بن گیا ہے، کشمیری کرفیو میں بھی نکل کر کہہ رہے ہیں ہم چاہتے ہیں آزادی، مودی کا اصل چہرہ نئے دور کے ہٹلر کے طور پر سامنے آ گیا ہے۔

انھوں نے کہا کہ مقبوضہ کشمیر میں نہتے لوگوں پر فائرنگ کی گئی، ان کی آواز دبانے کی کوشش کی گئی، برہان وانی کی شہادت کے بعد تحریک آزادی مزید بڑھی، کشمیری کہتے ہیں ہم نے بھارتی آئین کو تو کبھی تسلیم ہی نہیں کیا تھا، بھارت نے خود اپنی بربادی کا آغاز کر دیا، انشاء اللہ کشمیر آزاد ہوگا۔

پیپلز پارٹی سے تعلق رکھنے والی سینئر رہنما سینیٹر شیری رحمان نے کہا بھارت نے مقبوضہ کشمیر کو جیل بنا دیا ہے، مودی سرکار کو منہ کی کھانا پڑے گی، بڑے دکھ کی بات ہے عالمی برادری مقبوضہ کشمیر میں یہ سب ہونے دے رہی ہے، مقبوضہ کشمیر کی کہانی بھارت کسی صورت نہیں دبا سکتا، بھارت غیر قانونی اقدام سے کچھ حاصل نہیں کر سکے گا۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ بیگم صفدر نے عدالت میں ثبوت کے بجائے قطری کی چھتری استعمال کی۔

تفصیلات کے مطابق معاون خصوصی برائے اطلاعات فردوس عاشق اعوان نے کہا ہے کہ بیگم صفدر کا قصور یہ ہے کہ کیلبری فونٹ مارکیٹ میں آنے سے پہلے لانچ کردیا، بیگم صفدر اعوان کیلبری فونٹ کی جعلساز اور بے نامی دار ہیں۔

انہوں نے کہا کہ بیگم صفدر اعوان ٹی ٹیز میں آل شریف کی شراکت دار ہیں، وہ انٹرویوز میں کچھ اور عدالتوں میں کچھ اور کہنے والی فنکار ہیں۔

فردوس عاشق اعوان نے کہا کہ مریم نواز کا قصور یہ ہے کہ مودی کو گھر پر بلا کر قومی سلامتی کو داغدار نہ کرسکیں، سجن جندال جیسے لوگوں سے خفیہ ملاقاتیں کرکے ملک کو کمزور نہ کرسکیں۔

مزید پڑھیں: چوہدری شوگرملز کیس، مریم نواز 21 اگست تک جسمانی ریمانڈ پر نیب کے حوالے

معاون خصوصی برائے اطلاعات نے کہا کہ بیگم صفدر کا قصور یہ ہے کہ غیرملکیوں نے ملین ڈالرز ان کے اکاؤنٹ میں بھیجے لیکن ان کو خبر نہ ہوئی۔

واضح رہے کہ احتساب عدالت نے چوہدری شوگر ملز کیس میں سابق وزیراعظم نواز شریف کی صاحبزادی مریم نواز اور بھتیجے یوسف عباس کو 21 اگست تک جسمانی ریمانڈ پر نیب کے حوالے کردیا، نیب نے دونوں ملزمان کے 15 روزہ جسمانی ریمانڈ کی استدعا کی تھی۔

یاد رہے گزشتہ روز نیب نے چوہدری شوگرملز منی لانڈرنگ کیس میں مریم نواز کو گرفتار کرلیا تھا ، مریم نوا ز کو تفتیش کے لئے بلایا گیا تھا لیکن وہ نیب دفترمیں پیش ہونے کے بجائے والد سے ملنے کوٹ لکھپت جیل چلی گئیں، مریم نواز ملاقات کر کےنکلیں تو نیب ٹیم نے انھیں حراست میں لے لیا جبکہ نواز شریف کے بھتیجے یوسف عباس کو بھی گرفتار کرلیا تھا۔

اسلام آباد: معاون خصوصی برائے اطلاعات فردوس عاشق اعوان کا کہنا ہے کہ مسئلہ کشمیرصرف اقوام متحدہ قرار دادوں کے مطابق حل ہوسکتا ہے۔

تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے کشمیر پر یواین سیکریٹری جنرل کے بیان کا خیر مقدم کیا۔

معاون خصوصی برائے اطلاعات نے کہا کہ پاکستان کے دیرینہ موقف کو تسلیم کرلیا گیا کہ کشمیرمتنازع علاقہ ہے، یہ پاکستان کی سفارتی فتح ہے۔ انہوں نے کہا کہ عمران خان کے اصولی موقف پر یو این، عالمی برادری کے اعتماد کا اظہار ہے۔

I welcome statement given by UN Secretary General on Kashmir dispute. It accepts Pakistan's long standing position that Kashmir is a disputed territory and this dispute can only be solved according to UN resolutions.This is a diplomatic victory of Pakistan.

— Dr. Firdous Ashiq Awan (@Dr_FirdousAwan) August 9, 2019

ڈاکٹر فردوس عاشق اعوان نے کہا کہ مسئلہ کشمیرصرف اقوام متحدہ قراردادوں کے مطابق حل ہوسکتا ہے۔ انہوں نے کہا کہ کشمیریوں کے حق خودارادیت کے لیے حکومت کسی بھی حد تک جائے گی۔

This shows confidence of UN and also of world community on the principled stand taken by PM Imran Khan that his government will go to any extent in support of Kashmiri people to get them their right of self determination according to UN resolutions and wishes of Kashmiri people.

— Dr. Firdous Ashiq Awan (@Dr_FirdousAwan) August 9, 2019

کشمیر کے اسٹیٹس کا فیصلہ یو این چارٹر کے مطابق ہوگا: سیکرٹری جنرل یو این

واضح رہے کہ اقوام متحدہ کے سیکریٹری جنرل نے مقبوضہ کشمیر میں انسانی حقوق کی خلاف ورزی پر تشویش کا اظہار کرتے ہوئے کہا ہے کہ ہم وادی کی صورت حال کا جائزہ لے رہے ہیں

سیکریٹری جنرل کا کہنا تھا کہ ایسے اقدامات سے گریز کیا جائے جن سے جموں و کشمیر کے اسٹیٹس پر فرق پڑے۔

اسلام آباد: معاون خصوصی برائے اطلاعات فردوس عاشق اعوان کا کہنا ہے کہ مسئلہ کشمیرکے حل کے لیے پاکستان ہر آپشن استعمال کرے گا۔

تفصیلات کے مطابق اسلام آباد میں میڈیا سے گفتگو کرتے ہوئے فردوس عاشق اعوان نے کہا کہ پاکستان کے لیے کشمیر شہ رگ ہے، مسئلہ کشمیر کے حل کے لیے پاکستان ہرآپشن استعمال کرے گا۔

فردوس عاشق اعوان نے کہا کہ پارلیمنٹ کی قرارداد نے پاکستان کےعوام کے جذبات کی ترجمانی کی، کورکمانڈر کانفرنس میں بھی کشمیر کا ایشو زیرغورآیا اورلائحہ عمل بنا۔

انہوں نے کہا کہ نریندرمودی نے ثابت کیا کہ بھارت انتہا پسند اسٹیٹ میں تبدیل ہوگیا، مودی نے کشمیریوں کے حقوق پر ڈاکہ ڈالا ہے۔

معاون خصوصی برائے اطلاعات نے کہا کہ بھارت نے مقبوضہ کشمیر میں تمام ذرائع بند کردیے ہیں، مقبوضہ کشمیرمیں رہنے والا اس وقت لینڈ لاک کا شکار ہے۔

فردوس عاشق اعوان نے کہا کہ بھارت کوپیغام دینا چاہتے ہیں کہ عالمی میڈیا کو رسائی دی جائے، تاکہ وہ بھارت کا اصل چہرہ دنیا کے سامنے لائیں۔

انہوں نے مزید کہا کہ حق خودارادیت کی تحریک اب آزادی کی تحریک بن کرسامنے آئے گی، اب بھارت کوکشمیر کے حق میں پاکستان ہر جگہ کھڑا نظر آئے گا۔