Tag: فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ پاکستان اور سعودی عرب کے تعلقات عشروں پر محیط ہیں۔

تفصیلات کے مطابق معاون خصوصی برائے اطلاعات فردوس عاشق اعوان سے سعودی سفیر نے ملاقات کی، سعودی سفیر نے کہا کہ سعودی عرب پاکستان میں ثقافتی سینٹر بنانے کا خواہش مند ہے، وژن 2030 کو مدنظر رکھتے ہوئے ہنر مند لوگوں کو خوش آمدید کہیں گے۔

فردوس عاشق اعوان نے کہا کہ اسلام آباد میں ثقافتی سینٹرز بنانے کے پروگرام کو خوش آمدید کہتے ہیں، ثقافتی سینٹرز قائم کرنے سے متعلق معاونت کریں گے۔

انہوں نے کہا کہ پاکستان اور سعودی عرب کے تعلقات عشروں پر محیط ہیں، سعودی ولی عہد محمد بن سلمان کا حالیہ دورہ انتہائی اہم تھا، محمد بن سلمان کا کہنا مجھے پاکستان کا سفیر جانا جائے، مضبوط تعلقات ظاہر کرتا ہے۔

مزید پڑھیں: پاکستان جاپان سے تعلقات کو انتہائی اہمیت کی نگاہ سے دیکھتا ہے، فردوس عاشق اعوان

فردوس عاشق اعوان نے کہا کہ ہر آزمائش ہر گھڑی میں سعودی عرب نے پاکستان کا ساتھ دیا۔

معاون خصوصی برائے اطلاعات فردوس عاشق اعوان نے پاکستان اور سعودی عرب کے تعلقات مزید مضبوط کرنے میں سعودی سفیر کے کردار کو سراہا۔

واضح رہے کہ گزشتہ روز فردوس عاشق اعوان سے جاپان کے سفیر نے ملاقات کی جس میں پاکستان اور جاپان میں اطلاعات اور ثقافت کے شعبوں میں تعاون بڑھانے اور دونوں ممالک کے نیشنل ٹیلی ویژن نیٹ ورکس میں تعاون کو مضبوط کرنے پر زور دیا گیا تھا۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ بے دردی سے قوم کو لوٹنے والے آج مگرمچھ کے آنسو بہارہے ہیں، بلاول بھٹو آئی ایم ایف کے بارے میں پریشان نہ ہوں۔

تفصیلات کے مطابق معاون خصوصی برائے اطلاعات فردوس عاشق اعوان نے بلاول بھٹو کی گفتگو پر ردعمل دیتے ہوئے کہا کہ بلاول بھٹو آئی ایم ایف کے بارے میں پریشان نہ ہوں، وہ سندھ حکومت کی مالی بے ضابطگیوں پر جواب دیں۔

انہوں نے کہا کہ بلاول بھٹو صوبائی خزانے پر ڈاکا زنی کا جواب دیں، وہ اندرون سندھ ایڈز متاثرین کو تسلی دینے کیوں نہیں گئے، لانچوں، گھروں سے برآمد پیسہ قوم کا ہے، واپس کرنا ہوگا۔

معاون خصوصی برائے اطلاعات نے کہا کہ وفاق کے اربوں روپے ڈکارنے والے وفاق سے کس بات کا گلہ کررہے ہیں، بلاول جواب دیں ان کا اور ایان علی کا مشترکہ اکاؤنٹ کیا حسن اتفاق ہے۔

فردوس عاشق اعوان نے کہا کہ بھٹو کا وارث بننے کے لیے آپ کو کرپشن سے ناطہ توڑنا ہوگا، نوجوان نسل سے تعلق ہونے پر قوم کو بلاول سے نئی سوچ کی توقع تھی، افسوس ہے کہ آپ نے خود کو کرپشن کے دفاع پر مامور کرلیا، ذہین قابل پاکستانیوں پر ملک کے دروازے بند نہیں کرسکتے۔

مزید پڑھیں: سندھ واحد صوبہ ہے جہاں ٹیکس ہدف حاصل کیا جارہا ہے: بلاول بھٹو

واضح رہے کہ بلاول بھٹو نے میڈیا سے گفتگو کرتے ہوئے کہا تھا کہ سندھ وہ واحد صوبہ ہے جہاں ہم ٹیکس کا ہدف حاصل کرتے ہیں۔ ٹیکس وصولی کا ہدف صرف اٹھارویں ترمیم کی وجہ سے پورا ہوتا ہے۔ حکومت اپنی ناکامی چھپانے کے بجائے سندھ سے سیکھے۔

ان کا کہنا تھا کہ اگر ہم طریقہ کار نہیں دیکھیں گے تو کسی کی کارکردگی کا کیسے پتہ چلے گا، کیا آئی ایم ایف فیصلہ کرے گا کہ گورنر اسٹیٹ بینک کون ہوگا۔ حکومت غریب کی مدد کے لیے کوئی قدم نہیں اٹھا رہی۔ ٹیکس اہداف کی وصولی میں حکومت بدترین کارکردگی دکھا رہی ہے۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ سپریم کورٹ سے سزا یافتہ مریم نواز کو ن لیگ کا نائب صدر مقرر کردیا گیا، مریم نواز کو ن لیگ کا نائب صدر بنانا آئین سے مذاق ہے۔

تفصیلات کے مطابق معاون خصوصی برائے اطلاعات فردوس عاشق اعوان نے کہا ہے کہ نواز شریف کی ضمانت میں توسیع کی درخواست دینا یوٹرن تھا، سپریم کورٹ سے سزا یافتہ شخص علاج کے لیے باہر جانا چاہتا ہے، کرپشن اور پاکستان ایک ساتھ نہیں چل سکتے ہیں۔

انہوں نے کہا کہ حکومت مخالف تحریک چلانے والے خود انتشار کا شکار ہیں، ن لیگ والے اپنے قائد کو تلاش کریں، ن لیگ میں عہدوں کی بندر بانٹ ہوئی ہے، حکومت کو اپوزیشن سے کوئی خطرہ نہیں ہے۔

مزید پڑھیں: حکومت غریب اورپسماندہ لوگوں کی فلاح وبہبود کے لیے پُرعزم ہے، فردوس عاشق اعوان

فردوس عاشق اعوان نے کہا کہ وزیراعظم نے آج رینالہ خورد میں ہاؤسنگ اسکیم کا افتتاح کیا، وزیراعظم پسے ہوئے طبقات کے لیے ہر قدم اٹھانے کو تیار ہیں، نیا پاکستان ہاؤسنگ اسکیم سے بے گھر افراد کو گھر ملیں گے، ہاؤسنگ اسکیم سے مشکلات کا شکار عوام کو ریلیف ملے گا۔

انہوں نے کہا کہ رمضان سے پہلے ہاؤسنگ اسکیم کا منصوبہ دے کر مثال قائم کی ہے، نیا پاکستان ہاؤسنگ اسکیم سے عوام کو روزگار ملے گا، غیرملکی سرمایہ کار عمران خان پر اعتماد کا اظہار کررہے ہیں۔

فردوس عاشق اعوان نے کہا کہ عمران خان نہیں چاہیں گے کہ عوام کی مشکلات میں اضافہ ہو، حکومت نہیں چاہتی پیٹرولیم مصنوعات کی قیمتیں بڑھیں مگر عالمی مارکیٹ میں پیٹرولیم مصنوعات کی قیمتوں میں اضافہ ہوا ہے۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ پارلیمانی لیڈر کے طور پر شہباز شریف کی جگہ کسی اور کی نامزدگی این آر او کی طرف پہلا قدم ہے۔

تفصیلات کے مطابق فردوس عاشق نے ریڈیو پاکستان کی تقریب سے خطاب کرتے ہوئے کہا کہ ن لیگ نے آج عمران خان کے بیانیے پر عمل کر کے قیادت بدلی۔

معاون خصوصی برائے اطلاعات نے کہا کہ شہباز شریف کو واپس آنا ہوتا تو اپنی جگہ کسی اور کو نامزد نہ کرتے، یہ لوگ این آر او کی تلاش میں ہیں۔

فردوس عاشق نے کہا کہ عوام کو ورغلا اور بے وقوف بنا کر شہباز شریف باہر چلے گئے، شہباز شریف لاپتا ہیں، خود ساختہ مفروری اختیار کر رکھی ہے، عمران خان کا بیانیہ جیت گیا، اپویشن کی دلیلیں ہار گئیں۔

یہ بھی پڑھیں:  کیا خادم اعلیٰ وطن واپس آئیں گے؟

ان کا کہنا تھا کہ اپوزیشن کی ضد مان کر شہباز شریف کو چیئرمین پی اے سی بنایا گیا تھا، لیکن انھوں نے پارلیمنٹ کی ساکھ کو داؤ پر لگا کر مفروری اختیار کی، نئے نامزد پارلیمانی لیڈر خواجہ آصف تو خود پیشیاں بھگت رہے ہیں۔

معاون خصوصی نے کہا کہ ملک کا تشخص بہتر کرنا سب سے بڑا چیلنج ہے، عمران خان ہر ادارے میں اصلاحات متعارف کرا رہے ہیں، سیکورٹی اداروں اور سیاسی قیادت نے مل کر دہشت گردی کا خاتمہ یقینی بنایا، ادارہ جاتی اصلاحات سے ریاستی ادارے مستحکم ہوں گے۔

فردوس عاشق اعوان کا کہنا تھا کہ وزیر اعظم نے تیراہ میں سینہ تان کر بارود کی بو کو خوشبو میں بدلا، مہمند ڈیم سے ہماری آنے والی نسلوں کی بقا جڑی ہوئی ہے، ایسی قیادت ہی ملک کو ترقی کی طرف لے جا سکتی ہے جسے قوم کی فکر ہو۔