ARYNews.tv | Urdu – Har Lamha Bakhabar

Tag: فرد جرم عائد

  • اسلامی اسکالرطارق رمضان پر جنسی ہراسگی کے الزام میں فرد جرم عائد

    اسلامی اسکالرطارق رمضان پر جنسی ہراسگی کے الزام میں فرد جرم عائد

    پیرس : آکسفورڈ یونیورسٹی میں کلیہ اسلامی اور شعبہ عصر حاضر کے مذاہب کے پروفیسر، معروف اسلامی اسکالر طارق رمضان پر خاتون کو جنسی طور پر ہراساں کرنے کے الزام میں فرد جرم عائد کردی گئی ہے۔

    تفصیلات کے مطابق دو خواتین کو جنسی طور پر ہراساں کرنے کے الزام میں پیرس کی جیل میں قید پروفیسر طارق رمضان پر جمعہ کے روز فرد جرم عائد کردی گئی ہے تاہم انہوں نے الزامات کی کھلے الفاظ میں تردید کی ہے۔

    ذرائع کے مطابق پیرس کی عدالت میں تین رکنی ججز کے بنچ نے اس حساس مقدمے کی سماعت کی جس کے دوران پروفیسر طارق رمضان کے وکلاء نے ضمانت کی درخواست بھی دائر کی تاہم اس پر فیصلہ موخر کردیا گیا چنانچہ انہیں مزید ایک ہفتے جیل میں رہنا ہوگا۔

    دورانِ سماعت 45 سالہ نومسلمہ فرانسیسی خاتون نے اپنا بیان قلم بند کراتے ہوئے جنسی طور پر ہراساں کرنے کا الزام عائد کیا، خاتون کا طارق رمضان سے بالمشافہ ملاقات اور بعد ازاں اسکائپ پر گفتگو کا حوالہ دیتے ہوئے کہنا تھا کہ میں ان سے مختلف امور پر رہنمائی لیا کرتی تھی اور اسی دوران پروفیسر طارق رمضان نے مجھے شادی کی پیشکش بھی کی اور اسکائپ پر عارضی نکاح کا وعدہ بھی کیا۔

    خاتون نے اپنے بیان میں مزید بتایا کہ مذہبی اسکالر طارق رمضان نے لیون میں اسلامو فوبیا اور فلسطین کے موضوع پر ہونے والی ایک کانفرنس میں مجھے بھی مدعو کیا تھا جہاں پہلی مرتبہ بالمشافہ ملاقات ہوئی تاہم لاؤنج میں گفتگو کے دوران انہوں نے مجھے کمرے میں چلنے کو کہا اور وہاں مجھ پر جنسی حملہ کیا۔

    نو مسلمہ فرانسیسی خاتون کی جانب سے عدالت میں قلم بند کرائے گئے کوئی ساڑھے تین گھنٹے پر محیط بیان کے موقع پر طارق رمضان کے وکلاء یاسین بوذر اور جولی گرینیر اور متاثرہ عورت کا وکیل ایرک موریان بھی موجود تھے۔

    غیرملکی میڈیا کے مطابق پروفیسر طارق رمضان نے عدالت کے سامنے مذکورہ خاتون کے بیان کی تردید کرتے ہوئے بیان پر دستخط کرنے سے انکار کردیا تاہم انہوں نے خاتون سے پسندیدگی اور شادی کے وعدے کااعتراف اور ہوٹل میں ملاقات کے وقت مصافحہ و گلے ملنے کا اعتراف کیا۔

     اسی سے متعلق : معروف اسلامی اسکالر پروفیسر طارق زیادتی کے الزام میں گرفتار

    خیال رہے کہ طارق رمضان کے خلاف جنسی ہراسانی کا ایک اور مقدمہ 2017 کے آخر میں انسانی حقوق کی نمائندہ کارکن ہندہ عیاری نے دائر کیا تھا جسے طارق رمضان نے یکسر مسترد کرتے ہوئے اُن کی شہرت کو نقصان پہنچانے کی مذموم کوشش قرار دیا تھا۔

    یاد رہے انسانی حقوق کی کارکن اور نومسلمہ فرانسیسی خاتون کی جانب سے شکایات درج کرانے کے بعد پروفیسر طارق رمضان جو کہ اسلامی تنظیم اخوان المسلمون کے بانی حسن البنا کی صاحبزادی وفا البنا کے صاحبزادے بھی ہیں کو یکم فروری کو حراست میں لیا تھا

    پروفیسر طارق رمضان نے سوئٹزرلینڈ میں ہی گریجویشن کی اور پھر فلسفہ اور فرانسیسی ادب کی تعلیم حاصل کی جس کے بعد عربی اور مطالعہ علوم اسلامی کی تعلیم جامعۃ الازہر سے حاصل کی اور درس و تدریس کو اپنا اوڑنا بچھونا بنایا، وہ عراق پر اتحادی فوجوں کے حملے کے سخت ناقد بھی تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسرائیلی فوجیوں کےآگ ڈٹ جانےوالی فلسطینی لڑکی پرفرد جرم عائد

    اسرائیلی فوجیوں کےآگ ڈٹ جانےوالی فلسطینی لڑکی پرفرد جرم عائد

    یروشلم : قابض اسرائیلی فوجیوں کو تھپڑ رسید کرنے والی فلسطینی لڑکی پر اسرائیل کی فوجی عدالت نے فرد جرم عائد کردی۔

    تفصیلات کے مطابق اسرائیلی فوجیوں کے سامنے مزاحمت کرتے ہوئے فوجیوں کو تھپڑ رسید کرنے والی احد تمیمی پر فوجی عدالت نے فرد جرم عائد کردی۔

    احد تمیمی اور ان کی کزن کی ایک ویڈیو سامنے آئی تھی جس میں وہ اسرائیلی فوجیوں کے سامنے مزاحمت کررہی ہیں۔

    اسرائیلی فوج کا کہنا ہے کہ فوجی فلسطینی مظاہرین کو قریب ہی آتی جاتی گاڑیوں پرپتھرپھینکنے سے روکنے کی کوشش کررہے تھے۔

    اسرائیلی فوجیوں کو تھپڑ رسید کرنے والی فلسطینی خواتین عدالت میں پیش

    بہادر فلسطینی لڑکی احد کی گرفتاری اس وقت ہوئی تھی جب ایک دن قبل امریکی صدر ڈونلڈٹرمپ نے یروشلم کو اسرائیل کا دارالحکومت تسلیم کرنے کے کا اعلان کیا تھا جس کے بعد احتجاج شروع ہوگیا تھا۔

    اسرائیل کے ہاتھوں اپنی گرفتار بیٹی کے عزم و ہمت کو سلام پیش کرتا ہوں، باسم التمیمی

    یاد رہے کہ احد تمیمی کی گرفتاری کے بعد ان کے والد باسم کا کہنا تھا میری بیٹی مزاحمت کار اور جنگجو ہے اُسے ہمدردی یا ترس کی نہیں حوصلہ افزائی کی ضرورت ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نشے میں ڈرائیونگ، معروف برطانوی فٹ بالر پر فرد جرم عائد

    نشے میں ڈرائیونگ، معروف برطانوی فٹ بالر پر فرد جرم عائد

    مانچسٹر: انگلینڈ کی فٹ بال ٹیم کے مایہ ناز سابق کھلاڑی وین رونی پر شراب پی کر گاڑی چلانے کے مقدمے میں فرد جرم عائد کردی گئی۔

    تفصیلات کے مطابق گزشتہ روز مانچسٹر یونائیٹڈ کے سابق فٹبالر ’رونی‘ کو ہمپشائر پولیس نے شراب پی کر گاڑی ڈرائیو کرنے کے الزام میں گرفتار کیا تھا جس کے بعد انہیں مجسٹریٹ کی عدالت میں پیش کیا گیا۔

    ہمپشائر پولیس نے عدالت میں مؤقف اختیار کیا کہ انہوں نے مسلسل غلط ڈرائیو کرنے والی کالی گاڑی کو جمعے کی آدھی رات کو روکا تو اس بات کا انکشاف ہوا کہ گاڑی کو فٹبالر رونی چلا رہے تھے۔

    پولیس کی تفتیش میں یہ بات بھی سامنے آئی کہ فٹبالر نشے میں دھت ہوکر گاڑی چلا رہے ہیں جس کے بعد انہیں گرفتار کر کے حوالات میں بند کردیا گیا۔

    عدالت نے 31 سالہ فٹبالر کو ضمانت پر رہا کرتے ہوئے 18 ستمبر کو دوبارہ عدالت میں پیش ہونے کی ہدایت دی ہے۔

    یاد رہے کہ رونی نے رواں برس اگست میں انٹرنیشنل فٹبال سے ریٹائرمنٹ اور مانجیسٹر یونائیٹڈ چھوڑنے کا اعلان کیا تھا جس کے بعد اب وہ ایورٹن کلب کا حصہ بن گئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • معطل کرکٹر شاہ زیب حسن پر فرد جرم عائد کردی گئی

    معطل کرکٹر شاہ زیب حسن پر فرد جرم عائد کردی گئی

    لاہور : پی ایس ایل اسپاٹ فکسنگ کیس میں معطل کرکٹر شاہ زیب حسن پر پی سی بی نے فرد جرم عائد کر دی، شاہ زیب کے وکیل کا کہنا ہے کہ ٹربیونل کی کارروائی سے مطمئن ہیں۔ عدالت نہیں جائیں گے۔

    تفصیلات کے مطابق اسپاٹ فکسنگ کیس میں معطل کرکٹر شاہ زیب حسن پی سی بی ٹریبونل کے سامنے پیش ہوگئے, اینٹی کرپشن ٹربیونل نے نیشنل کرکٹ اکیڈمی لاہور میں اسپاٹ فکسنگ کیس کی ابتدائی سماعت کی۔

     دوران سماعت شاہ زیب حسن پر پاکستان سپر لیگ (پی ایس ایل ) میں جواریوں کی جانب سے رابطہ کرنے کے بارے میں پی سی بی کو آگاہ نہ کرنے پر اینٹی کرپشن کوڈ کی خلاف ورزی کا مرتکب قرار دیا گیا اور ان پر فرد جرم عائد کی گئی۔

     پی سی بی چار مئی کو شاہ زیب کے خلاف ٹربیونل کو ثبوت پیش کرے گا۔ اٹھارہ مئی کو شاہ زیب الزامات کا جواب دیں گے۔ کیس باقاعدہ سماعت یکم جون سے شروع ہوگی۔

    اس حوالے سے شاہ زیب کے وکیل کا کہنا ہے کہ وہ ٹربیونل کی کارروائی سے متفق ہیں لہٰذا عدالت نہیں جائیں گے۔ اسپاٹ فکسنگ کیس میں شاہ زیب پر اینٹی کرپشن کوڈ کی تین شقوں کی خلاف ورزی کا الزام ہے۔

    ذرائع کے مطابق اینٹی کرپشن ٹربیونل کی سماعت کے دوران کمیٹی کے چیئرمین جسٹس اصغر حیدر، کمیٹی کے ممبران لیفٹیننٹ جنرل ریٹائرڈ توقیر ضیائ، وسیم باری، پی سی بی کے ویجی لینس اور سیکیورٹی ڈیپارٹمنٹ کے سربراہ کرنل ریٹائرڈ محمد اعظم خان موجود تھے جبکہ شاہ زیب حسن اور ان کے وکیل بیرسٹر ملک کاشف رجوانہ پیش ہوئے۔

  • کرپشن کےالزامات‘جنوبی کوریا کی سابق صد پرفرد جرم عائد

    کرپشن کےالزامات‘جنوبی کوریا کی سابق صد پرفرد جرم عائد

    سیول : جنوبی کوریا کی سابق صدر پارک گن پر کرپشن اسکینڈل میں فرد جرم عائد کردی گئی ہے۔انہیں سپریم کورٹ نےرواں سال مارچ میں عہدے سےفارغ کردیاتھا۔

    تفصیلات کےمطابق کرپشن کےالزامات کےباعث مواخذے کےبعد پارک گن کو گزشتہ ماہ صدر کےعہدے سے برطرف کردیاگیاتھا۔

    سرکاری وکلا کاکہناہےکہ پارک گن پر لگائے گئےالزامات میں رشوت، جبروزبردستی،طاقت کا ناجائزاستعمال اور حکومتی راز ظاہر کرنا شامل ہیں۔

    پارک گن ہے اس وقت زیرِ حراست ہیں اور ان پر الزام ہے کہ انھوں نے اپنی قریبی دوست چوئی سون سل کو اجازت دی کہ وہ کمپنیوں سے سیاسی فوائد کے بدلے رقم وصول کر سکیں۔

    جنوبی کوریا کی سابق صدرپارک گن گرفتار

    دوسری جانب چوئی سن سل پر الزام ہے کہ انھوں نے صدر سے اپنے تعلقات کا فائدہ اٹھاتے ہوئے مختلف کمپنیوں پر دباؤ ڈالا تھا کہ وہ لاکھوں ڈالرز کے عطیات ان اداروں کو دیں جن کا انتظام چوئی سون سل کے پاس تھا۔

    ان کمپنیوں میں جنوبی کوریا کی سب سے بڑی کمپنی سام سنگ بھی شامل ہے اور اس کے عبوری سربراہ لی جائے یونگ بھی زیر حراست ہیں۔

    جنوبی کوریا کی صدر عہدے سے برطرف

    واضح رہےکہ اس سال مارچ میں جنوبی کوریا کی سپریم کورٹ نے ان کے مواخذے کو درست قرار دیتے ہوئے انھیں صدر کے عہدے سے برطرف کر دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • قندیل بلوچ قتل کیس : 3 ملزمان پرفرد جرم عائد، ڈرائیورضمانت پررہا

    قندیل بلوچ قتل کیس : 3 ملزمان پرفرد جرم عائد، ڈرائیورضمانت پررہا

    ملتان : عدالت نے قندیل بلوچ قتل کیس میں 3 ملزمان پر فرد جرم عائد کردی، ملزمان میں مقتولہ کے بھائی سمیت تین ملزمان شامل ہیں۔ ایک ملزم کو ضمانت پر رہا کردیا گیا۔

    تفصیلات کے مطابق ملتان کی ایڈیشنل سیشن عدالت نے دوران سماعت قندیل بلوچ قتل کیس کے مرکزی ملزم وسیم سمیت 3 افراد پر فرد جرم عائد کردی ہے جبکہ ڈرائیور عبدالباسط کو ضمانت پر رہا کردیا ہے۔

    مقدمے میں جن 3 ملزمان پر فرد جرم عائد کی گئی ہے ان میں ملزم کا بھائی وسم، کزن حق نواز اور ٹیکسی ڈرائیور عبدالباسط شامل ہیں جب کہ عدالت نے کیس کے ایک اور ملزم ظفر کو اشتہاری قرار دے دیا۔

    قندیل بلوچ قتل کیس کے عبوری چالان میں 5 ملزمان کا تذکرہ کیا گیا ہے، کیس کی مزید سماعت 28 دسمبر تک ملتوی کردی۔

    مزید پڑھیں : ماڈل قندیل بلوچ کو قتل کر دیا گیا

    واضح رہے کہ سوشل میڈیا پر متنازعہ ویڈیوز سے شہرت پانے والی ماڈل گرل قندیل بلوچ کو رواں سال 15 جولائی کو اس کے بھائی وسیم نے اپنے ایک کزن حق نواز کے ہمراہ غیرت کے نام پر قتل کردیا تھا۔

  • بال ٹمپرنگ کا الزام، فاف ڈوپلسی پر فرد جرم عائد

    بال ٹمپرنگ کا الزام، فاف ڈوپلسی پر فرد جرم عائد

    دبئی : جنوبی افریقی کرکٹ ٹیم کے کپتان فاف ڈوپلسی مشکل میں آگئے۔ آئی سی سی نے بال ٹیمپرنگ کے الزام میں فرد جرم عائد کردی۔ 50 فیصد میچ فیس یا دو میچز میں معطلی کا سامنا کرنا پڑ سکتا ہے

    تفصیلات کے مطابق جنوبی افریقہ کے کپتان فاف ڈوپلسی پر آسٹریلیا کے خلاف ہوبارٹ ٹیسٹ میں بال ٹیمپرنگ کا الزام ہے، ہوبارٹ ٹیسٹ میں بال ٹیمپرنگ ہوئی یا نہیں اس بات کا فیصلہ اب آئی سی سی کرے گا۔

    ڈوپلیسی پر میچ کے چوتھے روز مبینہ بال ٹیمپرنگ یا گیند کی شکل خراب کرنے کا الزام عائد کیا گیا ہے۔ ڈوپلیسی نے دوران میچ ٹافی کے لعاب سے گیند کو چمکایا۔ فوٹیج منظر عام پر آنے کے بعد آئی سی سی نے نوٹس لے لیا۔

    آئی سی سی کے مطابق انہوں نے ضابطہ اخلاق کے لیول 2 کی خلا ف ورزی کی ہے ۔ انہیں پچاس فیصد میچ فیس کٹوتی یا دو میچز میں معطلی کی سزا کا سامنا کرنا پڑ سکتا ہے، ڈوپلیسی کو آئی سی سی کی ضابطہ اخلاق کی خلاف ورزی کا مرتکب قرار دیا گیا ہے۔

    کیس کی سماعت میچ ریفری اینڈی پائکرافٹ کریں گے۔ تاریخ کا اعلان آئی سی سی جلد کرے گا۔ ڈوپلیسی اور کرکٹ جنوبی افریقہ نے اس الزام کو مسترد کردیا ہے۔

    مزید پڑھیں : ہوبارٹ ٹیسٹ : پروٹیز کپتان بال ٹمپرنگ کرتے ہوئے پکڑے گئے

    یاد رہے کہ فاف ڈوپلیسی کو 2013 میں بھی پاکستان کے خلاف ٹیسٹ میچ میں بال ٹیمپرنگ کے الزام میں 50 فیصد میچ فیس کٹوتی کی سزا کا سامنا کرنا پڑا تھا۔

  • تارکین وطن کو مارنے والی خاتون کیمرہ مین پر فرد جرم عائد

    تارکین وطن کو مارنے والی خاتون کیمرہ مین پر فرد جرم عائد

    بوداپست: ہنگری کی عدالت نے ہنگری اور سربیا کی سرحد پر بھاگتے ہوئے مہاجرین کو لات مارنے اور ان کو گرانے والی کیمرہ مین خاتون پر نقص امن کا فرد جرم عائد کر دیا گیا ہے۔

    تفصیلات کےمطابق سربیا کی سرحد پر بھاگتے ہوئے مہاجرین کو مارتے وقت کیمرہ خاتون پیٹرا لیزلو کی ویڈیو بنائی گئی جس میں وہ ایک کم عمر مہاجرین کو لات مار رہی تھیں اور پھر انھوں نے ٹانگ ڈال کر ایک مرد جس کی گود میں بچہ تھا گرایا۔
    hungray-post-2

    پیٹرا کو نجی ٹی وی چینل نے اس ویڈیو کے منظر عام پر آنے کے بعد نوکری سے نکال دیا تھا۔

    انہوں نے اپنی حرکت پر معافی مانگی اور کہا کہ تارکین وطن کو سرحد عبور کرتے ہوئے دیکھ کر وہ گھبرا گئی تھیں۔پیٹرا نے کہا کہ اس حرکت کے باعث ان کی زندگی تباہ ہو گئی ہے۔
    hungray-post-image-3

    ہنگری کے استغاثہ کا کہنا ہے کہ یہ ثابت کرنا کہ پیٹرا کی حرکت سے کسی کو چوٹ لگی مشکل ہو گا اسی لیے نقص امن کا فرد جرم عائد کیا گیا ہے۔’یہ بات واضح نہیں ہوئی کہ پیٹرا کی حرکت لسانی بنیادوں پر تھی یا متاثرین کا تارکین وطن ہونےپر تھی۔‘
    hungray-post-4

    ویڈیو میں دیکھا جا سکتا ہے کہ پیٹرا نے ایک مرد کو ٹانگ اڑا کر گرایا جس کی گود میں ایک بچہ بھی تھا۔یہ مرد اسامہ عبدالمحسن تھے جو شام میں فٹ بال کوچ تھے۔
    hungray-post-5

    واضح رہے کہ اسامہ عبدالمحسن اور ان کا خاندان سپین میں رہائش پذیر ہیں اور سپین کے ایک فٹ بال کلب میں کوچ ہیں۔

  • سری لنکن کرکٹ ٹیم پر حملے کے چھ ملزمان پر فرد جرم عائد

    سری لنکن کرکٹ ٹیم پر حملے کے چھ ملزمان پر فرد جرم عائد

    لاہور: انسداد دہشت گردی کی خصوصی عدالت نے سری لنکن کرکٹ ٹیم پر حملے کے چھ ملزمان پر فرد جرم عائد کر دی.

    تفصیلات کے مطابق لاہور کي انسداد دہشت گردی کی خصوصی عدالت کے جج چودھری اعظم نے سری لنکن کرکٹ ٹیم حملہ کیس کی کوٹ لکھپت جیل میں سماعت کی.

    عدالت نے مقدمہ کے چھ ملزمان پر فرد جرم عائد کر دی،تين ملزمان زبير،عبدالوہاب اور عدنان ارشد جیل میں ہیں جبکہ تین ملزمان عبیداللہ جاوید انور اور ابراہیم خلیل ضمانت پر ہیں،مقدمے کے دو ملزمان محسن رشید اور عبدالرحمٰن کو عدالت اشتہاری قرار دے چکی ہے.

    یاد رہےتین مارچ 2009 کو پاکستان کے دورے پر آنے والی سری لنکن کرکٹ ٹیم پر اس وقت حملہ کیا گیا تھا جب وہ میچ کھیلنے کے لیے قذافی اسٹیڈیم جا رہی تھی.

    سری لنکن کرکٹ ٹیم پر حملہ اسٹیڈیم کے قریب گھات لگائے دہشت گردوں نے کیا اور اس کے نتیجے میں سات پولیس اہلکار مارے گئے،اس کے بعد سے پاکستان میں بین الاقوامی کرکٹ کے دروازے بند ہو گئے تھے.

  • عبید کے ٹو سمیت ایم کیو ایم کے دو کارکنان پر فرد جرم عائد

    عبید کے ٹو سمیت ایم کیو ایم کے دو کارکنان پر فرد جرم عائد

    کراچی : عدالت نے ایم کیو ایم کے دو کارکنوں پر فرد جرم عائد کردی۔ عدالت نے آئندہ سماعت پرتفتیشی افسر اورگواہوں کو طلب کرلیا ہے۔

    تفصیلات کے مطابق کراچی کی انسداد دہشت گردی عدالت میں ایم کیو ایم کے مرکز نائن زیرو سےگرفتار عبید کےٹو پر فرد جرم عائد کردی گئی ۔

    سماعت کے دوران ملزم عبید کے ٹو نے صحت جرم سے انکار کیا۔ عدالت نے آئندہ سماعت پرتفتیشی افسر اورگواہوں کو طلب کرلیا۔

    واضح رہے کہ ملزم عبید کے ٹو کو 90 زیرو پر چھاپے کے دوران گرفتار کیاگیا تھا اور اس پر دھماکا خیز مواد رکھنے کے الزام میں مقدمہ چل رہا ہے۔

    علاوہ ازیں عدالت نے گارڈن کے علاقے سے گرفتارایم کیوایم کے کارکن عبدالقادرہنگورہ پر بھی فردجرم عائد کی ہے۔ ملزم عبدالقادرہنگورہ پردھماکہ خیز مواد رکھنےکاالزام ہے۔