Tag: فروخت

کراچی: بورنگ پانی کی آڑ میں پینے کے صاف پانی کو کمرشل استعمال کیلئے فروخت کرنے کا انکشاف ہوا ہے۔

تفصیلات کے مطابق کراچی میں غیر قانونی ہائیڈرنٹس، میٹھے پانی کی چوری کے مکمل خاتمے کیلئے آپریشنز جاری ہے، رینجرز  اور واٹربورڈ کارپوریشن کا مشترکہ آپریشن دوسرے مرحلے میں داخل ہوگیا۔

دوسرے مرحلے میں سب سوائل بور کی آڑ میں میٹھے پانی کی چوری کے خلاف آپریشن کیا گیا اس دوران یہ انکشاف ہوا کہ سب سوائل واٹر ( بورنگ پانی) کی آڑ میں پینے کے صاف پانی کو کمرشل استعمال کیلئے فروخت کیا جارہا ہے۔

ترجمان رینجرز کا بتانا ہے کہ  2 بڑے پیمانے پر پانی کی چوری میں ملوث کنکشن ختم کردیے گئے، پانی چوری میں استعمال ہونے والی ہیوی ڈیوٹی موٹریں اور پمپ کو قبضے میں لے لیا گیا ہے۔

ترجمان نے کہا کہ یہ آپریشن جمشید ٹاؤن میں گارڈن تھانے کی حدود میں کیا گیا، یومیہ 40لاکھ گیلن پانی کی فراہمی بحال کر دی گئی، پانی چوری سے تقریباً 30 کروڑ ماہانہ قومی خزانے کو نقصان ہو رہا تھا۔

ترجمان رینجرز کا کہنا تھا کہ مجموعی طور پر سالانہ تقریباً 2 ارب روپے کا پانی چوری کیا جا رہا تھا، آپریشن کے بعد میراں ناکہ میں پانی کی سپلائی لائن کی سطح 2 فٹ سے بڑھ کر 6 تک پہنچ گئی۔

ریگولیٹری اتھارٹی آف پاکستان (ڈریپ) نے ملک بھر میں غیر قانونی میڈیکل ڈیوائسز کی کھلے عام فروخت ہونے کا انکشاف کیا ہے۔

تفصیلات کے مطابق ریگولیٹری اتھارٹی آف پاکستان نے غیر قانونی میڈیکل ڈیوائسز سے متعلق ہنگامی الرٹ جاری کردیا۔

ڈریپ نے چھ مقامی اور عالمی کمپنیز کی تیارکردہ میڈیکل ڈیوائسز کو غیر رجسٹرڈ قرار دیدیا، ڈریپ نے کہا کہ غیر رجسٹرڈ ڈرپ سیٹ، سرنج، کینولہ فروخت ہو رہی ہیں۔

ڈریپ کا کہنا تھا کہ برطانوی، بھارتی، اماراتی میڈیکل ڈیوائسز غیر قانونی فروخت ہو رہی ہیں، برطانوی، اماراتی کمپنی کا تیار کردہ آئی وی کینولہ غیر قانونی فروخت ہو رہا ہے۔

ڈریپ نے جاری الرٹ میں کہا کہ بھارتی کمپنی کا تیار کردہ ڈرپ سیٹ غیر قانونی فروخت ہو رہا ہے، چھ ملکی، غیر ملکی سرنج، کینولہ، ڈرپ کٹ رجسٹرڈ نہیں ہیں، غیر قانونی میڈیکل ڈیوائسز کی فروخت کے بارے شکایات ملی ہیں۔

 ڈریپ کا کہنا ہے کہ غیر رجسٹرڈ میڈیکل ڈیوائسز مریض کی زندگی کیلئے خطرہ بن سکتی ہیں، غیر رجسٹرڈ میڈیکل ڈیوائسز انفیکشن کے پھیلاو کا سبب بن سکتی ہیں، غیر رجسٹرڈ میڈیکل ڈیوائسز کی تیاری، کوالٹی، سیفٹی غیر یقینی ہے۔

ڈریپ نے کاری کردہ الرٹ میں کہا کہ غیر رجسٹرڈ میڈیکل ڈیوائسز غیر محفوظ ہو سکتی ہیں، غیر رجسٹرڈ میڈیکل ڈیوائسز کی شپنگ، اسٹوریج غیر محفوظ ہو سکتی ہے۔

ڈریپ نے کہا کہ فیلڈ فورس غیر رجسٹرڈ میڈیکل ڈیوائسز ضبطی کیلئے سرویلنس بڑھائیں اور غیر رجسٹرڈ میڈیکل ڈیوائسز کا اسٹاک ضبط کریں ساتھ ہی کیمسٹ غیر رجسٹرڈ میڈیکل ڈیوائسز کی سیل روکنے کیلئے سٹاک چیک کریں۔