سری نگر: مودی سرکار نے مقبوضہ کشمیر کے 6ملین ٹن لیتھیئم ذخائر کو جلد فروخت کرنے کا فیصلہ کر لیا، بی جے پی اگلے انتخابات سے قبل مقبوضہ کشمیر کے زیادہ ترمعدنی ذخائر بیچنا چاہتی ہے۔
تفصیلات کے مطابق مودی سرکار کی طرف سے مقبوضہ کشمیر میں لوٹ مار کا بازار گرم ہے ، مودی سرکار نے مقبوضہ کشمیر کے 6ملین ٹن لیتھیئم ذخائر کو جلد فروخت کرنے کا فیصلہ کر لیا۔
خبر رساں ایجنسی رائٹرز نے بتایا کہ مقبوضہ کشمیر کے ضلع ریاسی میں جنوری میں بڑے پیمانے پر لیتھیئم ذخائر دریافت ہوئے تھے، بی جے پی اگلے انتخابات سے قبل مقبوضہ کشمیر کے زیادہ ترمعدنی ذخائر بیچنا چاہتی ہے۔
ماہرین کا کہنا ہے کہ انتخابی فوائد کیلئے جلد بازی میں کی گئی فروخت کی شفافیت پرشدید خدشات ہوں گے۔
نکی ایشیا کے مطابق مقبوضہ کشمیرمیں دریافت لیتھیئم کے ذخائر دنیا میں ساتویں بڑے ذخائر ہیں، مقامی آبادی کو لیتھیئم ذخائرکی وجہ سےممکنہ جبری دربدری پرشدید تشویش ہے، لیتھیئم کی کان کنی سے مقبوضہ کشمیر کو سنگین ماحولیاتی خطرات کا سامنا ہوگا۔
ڈپلومیٹ نے بتایا کہ دریافت کیے گئے لیتھیئم ذخائر سیزمک زون فور میں واقع ہیں، جسے ماحولیاتی خطرے کے اعتبار سے ہائی رسک زون شمار کیا جاتا ہے، عالمی ماہرین کا مسئلہ کشمیر کے تصفیے تک بھارت کی جانب سے قدرتی وسائل کا استعمال غیرقانونی قرار دیا گیا ہے۔
ایک تجزیہ کار کا کہنا ہے کہ مسئلہ کشمیرکےپرامن حل تک وادی کےوسائل کی فروخت چوری میں شمار ہوگی۔
