بھارتی پنجابی فلموں کی معروف اداکارہ نیرو باجوہ کی فروری کے مہینے سے متعلق دلچسپ ویڈیو سوشل میڈیا پر وائرل ہوگئی۔
نیرو باجوہ نے فوٹو اینڈ ویڈیو شیئرنگ ایپ انسٹاگرام پر اپنے آفیشل اکاؤنٹ پر یہ ویڈیو شیئر کی ہے جس میں وہ لپسنگ کرتی نظر آرہی ہیں جبکہ کیپشن میں انھوں نے اس مہینے کو الوداع کہتے ہوئے ’بائی بائی‘ لکھا۔
ویڈیو میں نیرو کہتی ہیں ’سنو اس مہینے میں آپ سے کم لڑوں گی، آگے سے آواز آتی ہے کہ ارے واہ یہ کیسے ہوگیا، تو اداکارہ کہتی ہیں کیوں کہ یہ مہینہ ہی 28 دنوں کا ہے۔
انھوں نے چند گھنٹوں قبل یہ ویڈیو شیئر کی جسے بڑی تعداد میں مداح دیکھ چکے ہیں اور اس پر پر دلچسپ خیالات کا بھی اظہار کررہے ہیں۔
اس سے قبل بھارتی گلوکار و اداکار دلجیت دوسانجھ اور نیرو باجوہ کی بھی دلچسپ ویڈیو سوشل میڈیا پر وائرل ہوئی تھی، دلجیت دوسانجھ نے یہ دلچسپ ویڈیو شیئر کی تھی جس میں انھیں ہیرا منڈی کے گانے ’ایک بار دیکھ لیجئے‘ کی پیروڈی کرتے دیکھا گیا تھا۔
ویڈیو میں نیرو باجوہ کہتی ہیں کہ ’اک بار دیکھ لیجئے، پانچ دس دے دیجئے، دیوانہ تو ہم خود بن جائیں گے اب بس اپنی پراپرٹی میرے نام کردیجئے۔
واضح رہے کہ دلجیت دوسانجھ اور نیرو باجوہ کی فلم جت اینڈ جیولیٹ تھری کا ٹریلر کل ریلیز کیا جائے گا جبکہ فلم 27 جون کو ریلیز کی جائے گی۔
