ARYNews.tv | Urdu – Har Lamha Bakhabar

Tag: فضائی آپریشن

  • برٹش ایئر ویز لاہور کے لیے اپنا فضائی آپریشن شروع کرنے جا رہی ہے: ذرائع

    برٹش ایئر ویز لاہور کے لیے اپنا فضائی آپریشن شروع کرنے جا رہی ہے: ذرائع

    کراچی: برٹش ایئر ویز اسلام آباد کے بعد لاہور کے لیے بھی اپنا فضائی آپریشن شروع کرنے جا رہی ہے۔

    تفصیلات کے مطابق برٹش ایئر ویز کی ماہرین پر مشتمل ٹیم نے لاہور کے علامہ اقبال انٹر نیشنل ایئرپورٹ کا دورہ کیا۔لاہور ایئرپورٹ منیجر نے برطانوی وفد کو بریفنگ دی۔

    سی اے اے کے ڈائریکٹر سیکیورٹی نے برٹش ایئرویز کی ٹیم کو ایئرپورٹ پر انتظامات سے متعلق بھی بریفنگ دی۔برٹش ایئرویز کی ٹیم نے ایئرپورٹ اور ایئرپورٹ سے ہوٹل جانے و الے راستوں کی بھی مکمل جانچ کی۔

    اے ایس ایف کی جانب سے برٹش ایئرویز کی ٹیم کو ایئر پورٹ پر نصب سیکیورٹی سسٹم سے متعلق بھی بریفنگ دی گئی۔ذرائع کا کہنا ہے کہ برٹش ایئر ویز نے لاہور ایئرپورٹ پر طیاروں کی لینڈنگ سے متعلق سول ایوی ایشن اتھارٹی سے بھی اجازت طلب کی ہے۔

    ذرائع کے مطابق برٹش ایئر ویز اسلام آباد کے بعد لاہور کے لیے بھی اپنا فضائی آپریشن شروع کرنے جا رہی ہے۔

    رواں سال جون سے برٹش ایئر ویز اسلام آباد سے اپنا فضائی آپریشن شروع کرے گی، برٹش ہائی کمشنر

    یاد رہے کہ رواں سال جنوری میں برٹش ہائی کمشنر نے سیکرٹری ایوی ایشن کو خط میں کہا تھا کہ رواں سال جون سے برٹش ایئر ویز اسلام آباد سے اپنا فضائی آپریشن شروع کرے گی۔

    بعدازاں 2 جون کو برطانوی ایئر لائن برٹش ایئر ویز کی پرواز نےگیارہ سال بعد پاکستان کے لیے اڑان بھری، لندن سے طیارہ رات سوا نو بجے اسلام آباد کے لیے روانہ ہوا۔

  • انڈونیشیا کی ایئر لائن کا پاکستان کے لیے فضائی آپریشن شروع کرنے کا فیصلہ

    انڈونیشیا کی ایئر لائن کا پاکستان کے لیے فضائی آپریشن شروع کرنے کا فیصلہ

    کراچی: انڈونیشیا کی ایئر لائن، لائن ایئر نے پاکستان کے لیے فضائی آپریشن شروع کرنے کا فیصلہ کرلیا جس کے لیے پاکستان سول ایوی ایشن اتھارٹی نے اجازت نامہ جاری کردیا۔

    تفصیلات کے مطابق حکومت پاکستان کی مثبت پالیسی کے ثمرات آنا شروع ہوگئے، انڈونیشیا کی ایئر لائن نے بھی پاکستان کے لیے فضائی آپریشن شروع کرنے کا فیصلہ کرلیا۔

    ترجمان سول ایوی ایشن اتھارٹی کے مطابق حکومت پاکستان کی منظوری کے بعد سول ایوی ایشن اتھارٹی نے انڈونیشیا کی ایئر لائن کو پاکستان میں لینڈنگ کی اجازت دے دی۔

    ترجمان کا کہنا ہے کہ انڈونیشیا کی ایئر لائن، لائن ائیر انڈونیشیا سے پاکستان کے لیے اپنی پروازیں آپریٹ کرے گی جس کے لیے سی اے اے کے ڈائریکٹر ایئر ٹرانسپورٹ نے اجازت نامہ جاری کیا۔

    سول ایوی ایشن اتھارٹی کے مطابق غیر ملکی ایئر لائن کے اضافے سے زرمبادلہ میں اضافے کے ساتھ سفری سہولیات بھی میسر آئیں گی۔

    اس سے قبل ترکی کی پیگاسس ایئر لائن نے بھی کراچی سے استنبول کے درمیان پروازیں آپریٹ کرنے کا فیصلہ کیا تھا، اس سلسلے میں جاری اعلامیے میں کہا گیا تھا کہ ترکش ایئر لائن پیگاسس 25 ستمبر سے کراچی سے استنبول کے درمیان پروازیں چلائے گی۔

  • برٹش ایئرویز نے پاکستان کا فضائی آپریشن بحال کردیا

    برٹش ایئرویز نے پاکستان کا فضائی آپریشن بحال کردیا

    اسلام آباد : برٹش ایئرویز کی پرواز بی اے 261 لندن سے اسلام آباد پہنچ گئی، اس موقع پر خصوصی انتظامات کئے گئے تھے، برطانوی سفارتخانے کے حکام نے ایئرپورٹ پر انتظامات کو تسلی بخش قرار دیا ہے۔

    تفصیلات کے مطابق برٹش ایئر ویز نے پاکستان کا فضائی آپریشن بحال کردیا، برٹش ایئرویز کی پرواز بی اے 261 لندن سے اسلام آباد پہنچ گئی، اسلام آباد ایئر پورٹ پر برٹش ایئرویز کی آمد پر خصوصی انتظامات کئے گئے۔

    برٹش ایئرویز کے زریعے 100 سے زائد مسافر اسلام آباد ایئرپورٹ پہنچے ، مسافروں کی ہیلتھ کاؤنٹر اسکریننگ اور طبی جانچ کی گئی ، برطانوی سفارتخانے کا عملہ بھی اس موقع پر موجود تھا۔

    برطانوی سفارتخانے کے حکام نے ایئرپورٹ پر انتظامات کو تسلی بخش قرار دیا ہے۔

    یاد رہے برٹش ایئرویز نے لندن سے پاکستان پروازوں‌ کے دوبارہ آغاز کا اعلان کیا تھا ، اسلام آباد اورلندن کےدرمیان ہفتے میں3 پروازیں چلائی جائیں‌ گی، مسافروں‌ کو ایس او پیز پر عمل کرنا ہوگا۔

    ذرائع کے مطابق لندن سفر کے دوران مسافروں‌ کے لیے ماسک پہننا لازمی ہوگا، برٹش ہائی کمشنر کا کہنا تھا کہ فلائٹس کا آغاز دونو ں ملکوں میں مضبوط تعلقات کی مثال ہے۔

    واضح رہے کہ امریکا ، برطانیہ اور یورپی ممالک کی جانب سے پائلٹس کے جعلی لائسنس کے تحت پروازوں کی معطلی کا اعلان کیا گیا تھا۔

  • پی آئی اے نے ترکی میں فضائی آپریشن کے لیے پاکستانی سفیر سے مدد مانگ لی

    پی آئی اے نے ترکی میں فضائی آپریشن کے لیے پاکستانی سفیر سے مدد مانگ لی

    کراچی: پی آئی اے کے چیف ایگزیکٹو ارشد ملک نے ترکی میں فضائی آپریشن کے لیے پاکستانی سفیر سے مدد مانگ لی۔

    تفصیلات کے مطابق سی ای او پی آئی اے ارشدملک نے انقرہ میں پاکستانی سفیر کو خط لکھا ہے جس میں انہوں نے کہا ہے کہ پی آئی اے اگست میں ترکی کے لیے پروازوں کا آغاز کرنے جا رہی ہے۔

    ارشد ملک نے کہا کہ فضائی رابطوں کی بحالی ترک ائروناٹیکل اتھارٹی کی منظوری سے مشروط ہے،پی آئی اے نے صبیحہ گوکن انتظامیہ کو شیڈول کی کلیئرنس کے لیے خط لکھا ہے۔

    سی ای او پی آئی اے کی جانب سے لکھے گئے خط میں کہا گیا ہے کہ سفارت خانہ پروازوں کی شیڈول کلیئرنس میں منظوری کے لیے مدد کرے۔

    خط کے متن میں کہا گیا ہے کہ پی آئی اے نے ترک ائیر لائن پیگاسس سے معاہدہ کیا، جو کمرشل پروازوں کے کوڈ شیئرنگ سے متعلق ہے، کرونا کی وجہ سے کوڈ شیئرنگ معاہدے پرعملدرآمد نہ ہوسکا۔

  • سعودی عرب اور یو اے ای سے 25 ہزار پاکستانیوں کی واپسی کے لیے بڑا فضائی آپریشن

    سعودی عرب اور یو اے ای سے 25 ہزار پاکستانیوں کی واپسی کے لیے بڑا فضائی آپریشن

    کراچی: قومی ایئرلائن (پی آئی اے) نے سعودی عرب اور متحدہ عرب امارات سے 25 ہزار پاکستانیوں کی واپسی کے لیے بڑا فضائی آپریشن ترتیب دے دیا ہے۔

    اے آر وائی نیوز کے مطابق بیرون ملک موجود پاکستانیوں کی واپسی کے سلسلے میں پی آئی اے کے دفاتر پر مسافروں کے رش کے پیش نظر آئندہ ہفتے میں قومی ایئرلائن نے بڑا فضائی آپریشن ترتیب دے دیا۔

    پی آئی اے آئندہ ہفتے سعودی عرب سے 10 ہزار افراد کو واپس لائے گی، جب کہ یو اے ای سے 15 ہزار افراد کو واپس لایا جائے گا، ان 25 ہزار مسافروں کو واپس لانے کے لیے 100 سے زائد پروازیں چلائی جائیں گی، ترجمان پی آئی اے کا کہنا تھا کہ بڑی تعداد میں پروازوں کا مقصد ٹکٹس کی فراہمی آسان کرنا ہے۔

    واضح رہے کہ ملک میں بین الاقوامی فضائی آپریشن بحال کر دیا گیا ہے، اس سلسلے میں جناح ٹرمینل کراچی سے خلیجی ممالک کی 7 پروازیں آپریٹ کی گئیں، اور ایک ہزار سے زائد مسافر روانہ ہوئے۔

    ذرایع نے بتایا کہ پی آئی اے کی پروازوں میں نشستیں دفاتر، ایجنٹس یا ویب سائیٹ کے ذریعے منٹوں کے اندر فروخت ہو رہی تھیں اور زیادہ تر لوگ ٹکٹ حاصل کرنے سے رہ جاتے تھے، اس لیے پی آئی اے نے حکومت پاکستان سے اضافی افراد کو واپس لانے کے لیے اجازت مانگی تھی، اجازت ملنے پر قومی ایئر لائن نے بڑا فضائی آپریشن ترتیب دیا۔

    بیرون ممالک سے پاکستانیوں کی واپسی، 60 سے پروازیں شیڈول

    بتایا گیا ہے کہ 25 ہزار مسافروں کو 100 سے زائد خصوصی پروازوں کے ذریعے واپس لایا جائے گا، یہ ساری خصوصی پروازیں پاکستان سے خالی جائیں گی۔

    ترجمان پی آئی اے عبداللہ خان کا کہنا تھا کہ پی آئی اے نے اتنی تعداد میں پروازیں اس لیے لگائی ہیں تاکہ ٹکٹیں آرام سے سب کو دستیاب ہو سکیں، پی آئی اے کے دفاتر زیادہ تر جگہوں پر لاک ڈاؤن کی مقامی حکومتوں کی ہدایات کے باعث بند ہیں، اس لیے ٹکٹیں پاکستان میں پی آئی اے کے دفاتر، ویب سائٹ یا ایجنٹوں سے حاصل کیے جاسکتے ہیں، امید کرتے ہیں کہ زیادہ تر پاکستانی ان پروازوں کے ذریعے وطن واپس آ جائیں گے اور دباؤ کم ہو جائے گا۔

  • دنیا بھر میں بین الاقوامی پروازوں کی بحالی سے متعلق بڑی خوش خبری

    دنیا بھر میں بین الاقوامی پروازوں کی بحالی سے متعلق بڑی خوش خبری

    لندن: عالمی ادارے آفیشل ایئرلائن گائیڈ (OAG) نے خوش خبری دی ہے کہ رواں ہفتے دنیا بھر میں 60 فضائی کمپنیاں اپنی بین الاقوامی پروازیں بحال کر دیں گی۔

    تفصیلات کے مطابق ایئر پورٹس اور فضائی کمپنیوں کا ڈیٹا فراہم کرنے والے عالمی ادارے او اے جی کا کہنا ہے کہ بین الاقوامی پروازیں بحال ہونے جا رہی ہیں، گزشتہ ہفتے کے مقابلے میں رواں ہفتے تقریباً 57 لاکھ نشستیں مہیا ہوں گی۔

    او اے جی کے مطابق اس ہفتے 2 لاکھ 67 ہزار پروازیں چلیں گی، یہ گزشتہ ہفتے کے مقابلے میں 16 فی صد زیادہ ہوں گی، تاہم نشستوں کی یہ گنجائش بھی کرونا کی وبا پھیلنے سے قبل کے مقابلے میں 66 فی صد کم ہوگی۔

    خیال رہے کہ فضائی کمپنیوں کے لیے اس وقت سب سے بڑا مسئلہ وہ ایس او پیز ہیں جن کے تحت یہ دیکھنا ضروری ہے کہ کتنے مسافروں کی ریزرویشنز کرائی جائیں گی، او اے جی کے مطابق جون کا یہ پہلا ہفتہ اس سلسلے میں فیصلہ کن ثابت ہوگا تاہم موسم گرما کی بابت توقعات کے حوالے سے محتاط رویہ بھی اپنانا پڑے گا۔

    کرونا وائرس: فضائی کمپنیوں کی درمیانی نشست خالی چھوڑنے کی مخالفت

    ایک مسئلہ یہ بھی ہے کہ بین الاقوامی پروازوں کے سلسلے میں تاحال بے یقینی کی کیفیت برقرار ہے، فضائی کمپنیاں مسافروں کا اعتماد بحال نہیں کر سکی ہیں، جس کی وجہ وہ عوامل ہیں جو فضائی کمپنیوں کے بس سے باہر ہیں۔

    دوسری طرف مشرق وسطیٰ اور وسطی امریکا میں رواں ہفتے کے دوران پروازں کی تعداد میں اضافہ ہوا ہے، سعودی عرب میں بھی داخلی پروازوں کی بحالی سے فضائی سفر کی گنجائش بڑھے گی، امارات ایئر کے چیئرمین کا بھی کہنا تھا کہ آیندہ ماہ سیاح دبئی آنے لگیں گے اور پروازوں میں اضافہ ہوگا۔

    بہرحال، اس سلسلے میں کرونا ویکسین کا انتظار کیا جا رہا ہے، جس کے بعد ہی پروازوں کی حقیقی بحالی ممکن ہو سکے گی، چیئرمین امارات ایئر نے اعتراف کیا ہے کہ آیندہ مہینے فضائی کمپنیوں کے لیے بے حد مشکل ہوں گے۔

  • کرونا کے باعث ڈومیسٹک پروازوں پر لگنے والی پابندی ختم

    کرونا کے باعث ڈومیسٹک پروازوں پر لگنے والی پابندی ختم

    کراچی: ملک میں کرونا وبا کے باعث ڈومیسٹک پروازوں پر لگنے والی پابندی ختم کر دی گئی ہے۔

    اے آر وائی نیوز کے مطابق آج سے ملک کے اندر پروازوں پر پابندی ختم ہو گئی ہے، اس سلسلے میں پی آئی اے کی پہلی پرواز آج ایک بجے کراچی سے لاہور کے لیے شام 4 بجے روانہ ہوگی۔

    ترجمان ایوی ایشن ڈویژن کے مطابق سی اے اے نے کراچی ایئرپورٹ پر ڈومیسٹک پروازوں کے لیے انتظامات مکمل کر لیے ہیں، ایئرپورٹ ڈومیسٹک لاؤنج میں ایس او پیز سے متعلق آگاہی بینرز بھی نصب کر دیے گئے۔

    مسافروں کے درمیان 2 میٹر کا فاصلہ رکھنے کے لیے لاؤنج میں نشانات لگائے گئے ہیں، بینچز پر ایک ساتھ بیٹھنے کی ممانعت کے سائن بھی لگائے گئے، لاؤنج میں داخل ہوتے ہی مسافروں کو ماسک لگانا ہوگا۔

    ترجمان کا کہنا تھا کہ سماجی فاصلے کو یقینی بنانے کے لیے ایئرپورٹ سیکورٹی فورس کو بھی ہدایات جاری کی گئی ہیں۔

    خیال رہے اندرون ملک جانے والے مسافروں کے لیے حکومت نے علاقائی پروازیں گزشتہ روز کھولنے کا فیصلہ کیا تھا، جس کے مطابق 20 فی صد جزوی فلائٹ آپریشن بحال کیا گیا ہے، جزوی ڈومیسٹک فلائٹ آپریشن کے لیے پی آئی اے اور نجی ایئرلائن نے فلائٹ شیڈول بھی جاری کر دیا تھا، یہ علاقائی آپریشن 5 بڑے ایئرپورٹس سے کیا جا رہا ہے، جن میں اسلام آباد، کراچی، لاہور، پشاور اور کوئٹہ ایئرپورٹس شامل ہیں۔

    اس سلسلے میں سول ایوی ایشن نے باضابطہ اجازت نامہ بھی جاری کر دیا تھا، ڈائریکٹر ایئر ٹرانسپورٹ کی جانب سے جاری جزوی بحالی کے نوٹم کے مطابق یہ اجازت 30 جون 2020 تک دی گئی ہے۔ کراچی سے ہفتہ وار 68 پروازیں چلائی جائیں گی، اسلام آباد اور لاہور سے 32 پروازیں، پشاور سے 4 اور کوئٹہ سے 6 پروازیں آپریٹ ہوں گی۔

    ایس او پی کے تحت ڈومیسٹک پروازوں پر مسافروں کا لوڈ کم ہوگا، دوران پرواز مسافروں میں سماجی فاصلوں کو یقینی بنایا جائے گا، مسافروں کو ماسک کا استعمال کرنا لازمی ہوگا، اندرون ملک جانے اور آنے والے تمام مسافروں کی مکمل طبی جانچ ہوگی۔

  • چین کے لیے فضائی آپریشن بحال، پہلی پرواز اسلام آباد پہنچ گئی

    چین کے لیے فضائی آپریشن بحال، پہلی پرواز اسلام آباد پہنچ گئی

    اسلام آباد: چین کے لیے فضائی آپریشن بحال کر دیا گیا ہے، پہلی پرواز نے اسلام آباد ایئر پورٹ پر لینڈنگ کر لی۔

    تفصیلات کے مطابق پاکستان اور چین کے درمیان فضائی آپریشن آج سے بحال ہوگیا، فضائی آپریشن کرونا وائرس کے باعث بند کیا گیا تھا، آج 9 بجے ارومچی سے سدرن چائنا ایئر کی پرواز سی زیڈ 6007 اسلام آباد پہنچی۔

    اے آر وائی نیوز کے مطابق چین سے آنے والی پرواز کے ذریعے 61 پاکستانی وطن واپس پہنچے ہیں، ایئرپورٹ پر معاون خصوصی ڈاکٹر ظفر مرزا بھی موجود تھے جو اسکریننگ کی نگرانی کر رہے ہیں، ان کے ساتھ سیکریٹری ہیلتھ اللہ بخش بھی موجود تھے۔ چین سے دوسری پرواز صبح ساڑھے 9 بجے اسلام آباد پہنچے گی، خیال رہے کہ 40 طلبہ رات گئے دوحا سے پرواز کیو آر 632 میں اسلام آباد ایئر پورٹ پہنچے تھے۔ مجموعی طور پر چین سے 101 پاکستانی اسلام آباد ایئر پورٹ پہنچ

    چین سے پہنچنے والے مسافروں کی اسلام آباد ایئرپورٹ پر اسکریننگ کی جا رہی ہے

    گئے ہیں۔

    پاکستان نے کرونا وائرس کی وجہ سے چین کے لیے 29 جنوری کو فضائی آپریشن عارضی طور بند کر دیا تھا، براہ راست فضائی آپریشن معطلی کا لیٹر 2 فروری تک کے لیے جاری کیا گیا تھا۔

    کرونا وائرس کے علاج میں ابتدائی کامیابی، حوصلہ افزا نتائج

    سینئر جوائنٹ سیکریٹری ایوی ایشن ڈویژن عبدالستار کھوکھر نے بتایا کہ فضائی آپریشن پر پابندی میں مزید اضافہ نہ کرنے کا فیصلہ کیا گیا ہے۔

    خیال رہے کہ چین میں موجود پاکستانیوں نے کرونا وائرس سے نمٹنے کے اقدامات پر اطمینان کا اظہار کر دیا ہے، کراچی کے رہایشی محمد آفتاب نے اہلیہ اور دو بیٹیوں کے ساتھ اپنے پیغام میں کہا کہ یہاں صحت کی بہتر سہولتیں ہیں، علاج ہو رہا ہے، کراچی آئے تو وائرس کے پھیلاؤ کا خدشہ ہے، دعا کریں کہ جلد یہ وائرس ختم ہو۔

    خیال رہے کہ چین میں کرونا وائرس سے ہلاکتوں کی تعداد 304 ہو گئی ہے، جب کہ 15 ہزار سے زائد افراد اس سے متاثر ہو چکے ہیں، چینی ماہرین نے ان تھک محنت سے آٹھ روز میں ایک ہزار بستروں پر مشتمل اسپتال تیار کر لیا ہے۔

  • مختلف ممالک کا پاکستان کے لیے اپنا فضائی آپریشن شروع کرنے کا عندیہ

    مختلف ممالک کا پاکستان کے لیے اپنا فضائی آپریشن شروع کرنے کا عندیہ

    کراچی : دنیا کے مختلف ممالک نے پاکستان میں اپنا فضائی آپریشن شروع کرنے میں دلچسپی کا اظہار کیا ہے، اس سلسلے میں فرانس جرمنی، آذر بائیجان اور ترکی کی نجی ائیر لائنز نے وزارت خارجہ اور وزارت ہوا بازی سے رابطوں کا آغاز کردیا۔

    تفصیلات کے مطابق وزیراعظم عمران خان کی کامیاب خارجہ پالیسی کے ثمرات آنا شروع ہوگئے، پاکستان کا امیج دنیا بھر میں ابھر کر سامنے آنے لگا، ملک میں امن وامان کی صورتحال بہتر ہونے کی وجہ سے ہوابازی کی صنعت کو فروغ حاصل ہونا شروع ہوگئے۔

    یورپی ممالک فرانس جرمنی، آذر بائیجان اور ترکی کی نجی ائیر لائنز نے پاکستان کے لیے اپنا فضائی آپریشن شروع کرنے کیلئے دلچسپی کا اظہار کردیا۔

    اس حوالے سے ذرائع کا کہنا ہے کہ فضائی آپریشن شروع کرنے کیلئے وزارت خارجہ اور وزارت ہوا بازی سے خط وکتابت کے ذریعے رابطے شروع کردیئے، برٹش ایئرویز نے پاکستان کیلئے دوبارہ فضائی آپریشن شروع ہونے کے بعد یورپی ممالک، آذر بائیجان اور ترکی کی فضائی کمپنی پیگاساس ایئرلائن نے دلچسپی کا اظہار کردیا۔

    جرمن ایئرلائن لوفتھنسا ایئر لائن، ایئرفرانس اور ناروے کی ایئرلائن نے بھی پاکستان کیلئے اپنا فضائی آپریشن شروع کرنے میں دلچسپی ظاہر کردی ہے، ذرائع کے مطابق یورپین ایئرلائن کی جانب سے سول ایوی ایشن اتھارٹی سے رابطے شروع کردیئے گئے ہیں۔

    اس سلسلے میں غیرملکی ایئرلائنز کی سیکیورٹی ٹیمیں اسلام آباد اور کراچی ایئرپورٹ کا سروے بھی کرچکی ہیں، فرانسسی ایئرلائن کے وفد نے گزشتہ ہفتے اسلام آباد ایئرپورٹ کا دورہ بھی کیا تھا، غیرملکی سیکیورٹی ایجنسیوں نے پاکستان میں امن وامان کی صورتحال اور ایئرپورٹس پر سیکیورٹی کے انتظامات پر اپنی اطمینان کا اظہار کیا ہے۔

    ذرائع کا مزید کہنا ہے کہ یورپی ممالک کے پاکستان میں فضائی آپریشن شروع ہونے سے ملک میں سرمایہ کاری کے ساتھ ساتھ سیاحت کو فروغ حاصل ہوگا۔

  • برٹش ایئرویزکی پہلی پرواز اسلام آباد ایئرپورٹ پرلینڈ کرگئی

    برٹش ایئرویزکی پہلی پرواز اسلام آباد ایئرپورٹ پرلینڈ کرگئی

    اسلام آباد: برٹش ایئرویز کا بی اے ڈبلیو261 طیارہ 10 سال بعد اسلام آباد ایئرپورٹ پر لینڈ کرگیا، وفاقی وزیر ہوا بازی سمیت دیگر حکومتی شخصیات نے مسافروں کا استقبال کیا۔

    تفصیلات کے مطابق برٹش ایئرویز نے 10 سال بعد پاکستان میں فضائی آپریشن بحال کردیا، برطانوی فضائی کمپنی کی پرواز اسلام آباد ایئرپورٹ پر 240 مسافروں کے ہمراہ لینڈ کرگئی۔

    وفاقی وزیر غلام سرور، مشیر تجارت عبدالرزاق، ذلفی بخاری نے ایئرپورٹ پر مسافروں کا استقبال کیا۔ برٹش ایئرویز کی لندن سے اسلام آباد ہفتہ وار3 پروازیں چلائی جائیں گی۔

    دوسری جانب وفاقی وزیرایوی ایشن غلام سرور خان نے برٹش ایئزویز کے پاکستان میں فضائی آپریشن کی بحالی پر ویڈیو پیغام میں کہا کہ برٹش ایئرویز کے پاکستان میں آپریشن کے بحالی پرخوشی ہے۔

    برٹش ایئرویز کے فضائی آپریشن کی بحالی کے فیصلے کو خوش آمدید کہتے ہیں، غلام سرور خان

    غلام سرور خان نے کہا کہ برٹش ایئرویز کی فضائی آپریشن کی بحالی سے ایوی ایشن ڈویزن کی حوصلہ افزائی ہوگی، برٹش ایئرویز کی بحالی کے باعث دیگر یورپین ملکوں کی فضائی کمپنیاں پاکستان سے رجوع کر رہی ہیں جس سے ایوی ایشن انڈسٹری کو فروغ ملے گا،3 جون کا دن ایوی ایشن کی تاریخ میں اہم دن ثابت ہوگا۔

    یاد رہے کہ 10 سال قبل 2008 میں اسلام آباد میں میریٹ ہوٹل پر بم دھماکے کے بعد برٹش ایئرویز نے پاکستان کے لیے فضائی آپریشن بند کردیا تھا۔