کراچی : برٹش ایئرویز نے پاکستان سے فضائی آپریشن سے پہلے سیکیوریٹی چیک کی شرائط رکھ دی اور رواں سال جون میں برٹش ایئرویز کی پروازیں شروع کرنے کا فیصلہ کرلیا۔
تفصیلات کے مطابق برٹش ایئرویز نے پاکستان سے فضائی آپریشن سے پہلے سیکیورٹی چیک کی شرائط رکھ دی اور رواں سال جون میں برٹش ایئرویزکی پروازیں شروع کرنےکافیصلہ کرلیا ہے، پاکستان اور لندن کے درمیان براہ راست پروازیں آپریٹ ہوں گی۔
برٹش ایئرویز نےنیو اسلام آباد ایئر پورٹ کے دورے کی درخواست کر دی ہے جبکہ برطانوی ہائی کمیشن نے سیکٹری ایوی ایشن ڈویژن اور سول ایوی ایشن اتھارٹی کے ڈائریکٹر جنرل کو تین رکنی وفد کی آمد اور بریفنگ سے متعلق خط لکھ دیا ہے۔
برٹش ایئرویز کی نیو اسلام آباد ایئر پورٹ کے دورے کی درخواست
برطانوی سفارتخانے نے خط میں کہا ہے کہ پاکستان میں سیکیورٹی معاملات میں بہتری آئی ہے، برٹش ایئر ویز مکمل اعتماد کے ساتھ اپنا پاکستان کے لئے فضائی آپریشن شروع کر رہی ہے، برطانوی وفد کے پاکستان آنے کا مقصد فضائی آپریشن کے ساتھ سیفٹی اور سیکیوریٹی اقدامات پر مکمل تسلی کرنا ہے۔
برٹش ایئر ویز کا تین رکنی وفد پاکستان کا دورہ اور حکام سے ملاقاتیں بھی کی کرے گا، وفد کی سربراہی ورلڈ وائڈ ایئر پورٹس ہیڈ پال کاونٹری کریں گے جبکہ تین رکنی ٹیم میں انٹر نیشنل رسک ایڈوائزر ڈیوڈ کریچ اور ڈائریکٹر سیفٹی اینڈ سیکیریٹی جان مونکس بھی ہوں گے۔
رواں ماہ کی 29 اور 30 جنوری کو برطانوی ٹیم نیو اسلام آباد ایئر پورٹ کا دو روزہ دورہ کرے گی، ٹیم کے پاکستان آنے کا مقصد سیکیوریٹی اور سیفٹی کی صورتحال کا جائزہ لینا ہے۔
یاد رہے دسمبر میں برٹش ایئر ویز نے 10 سال بعد پاکستان سے پروازیں بحال کرنے کا اعلان کرتے ہوئے کہا تھا کہ آئندہ سال جون سے فلائٹ آپریشن شروع کیا جائے گا، برٹش ایئر ویز ہفتے میں 3 فلائٹ آپریٹ کرے گی۔
خیال رہے برٹش ایئر ویز نے 10 سال قبل 2008 میں پاکستان میں اپنا فلائٹ آپریشن معطل کردیا تھا۔
