ARYNews.tv | Urdu – Har Lamha Bakhabar

Tag: فضائی میزبانوں

  • قومی ایئرلائن کی نجکاری: فضائی میزبانوں کے کینیڈا میں سلپ ہونے کا سلسلہ تیز ہوگیا

    قومی ایئرلائن کی نجکاری: فضائی میزبانوں کے کینیڈا میں سلپ ہونے کا سلسلہ تیز ہوگیا

    قومی ایئرلائن (پی آئی اے) کی نجکاری کے عمل شروع ہوتے ہی قومی ایئرلائن فضائی میزبانوں کے کینیڈا میں سلپ ہونے کا سلسلہ تیز ہوگیا، اب تک مجموعی طور پر13 فضائی میزبان سلپ ہوئے تاہم ادارے کسی ملازم کو واپس لانے بھی ناکام رہا۔

    تفصیلات کے مطابق پی آئی اے کی نجکاری کے معاملے پر فضائی میزبانوں میں تشویش اور ادارے پر بے یقینی کے سائے منڈلانے لگے۔

    قومی ایئرلائن کی نجکاری کے عمل شروع ہوتے ہی قومی ایئرلائن فضائی میزبانوں کے کینڈا میں سلپ ہونے کا سلسلہ تیز ہوگیا، مجموعی طور 13 فضائی میزبان کینیڈا میں سلپ ہوچکے ہیں۔

    سال دوہزار بائیس میں پانچ فضائی میزبان لاپتہ ہوئے تھے، سال 2023 میں کینیڈا کی پروازوں پر سات فضائی کریو ممبرز سلپ ہوئے جبکہ سال دوہزار چوبیس کے رواں ماہ کے آخری ہفتے میں پہلا کریو ممبربھی گزشتہ روز کینیڈا میں مبینہ طور پر لاپتہ ہوئی۔

    پی آئی اے کی ٹورنٹو فلائٹ پر تعینات ایئر ہوسٹس فائزہ مختار نامی فضائی میزبان اسلام آباد سے ٹورنٹو کی پرواز نمبر پی کے 781 پر تعینات تھی۔

    ترجمان پی آئی اے عبداللہ خان کے مطابق سوشل ویلفیئر اسٹیٹس کریو کے سلپ ہونے کیوجہ پی آئی اے آج تک کسی بھی فضائی میزبان کو واپس لانے میں ناکام رہی۔

    اس حوالے سے انضباطی کارروائی جاری ہے، پی آئی اے کے سب سے زیادہ فضائی میزبان کینیڈا میں سلپ میں ہوئے۔

    فائزہ مختار کے مبینہ سلپ ہونے کا علم واپسی کی پرواز کے لئے عملے کے ساتھ رپورٹ نہ کرنے پر ہوا، مستقبل میں ایسے واقعات کے روک تھام کے لیے پی آئی اے انتظامیہ نے ادارے کے پاس موجود فضائی میزبانوں کے حلف ناموں کے ذریعے ایف آئی اے سے بھی کارروائی کے لئے رابطے کرنے کا انتباہ بھی دے دیا۔

  • پی آئی اے کی فضائی میزبانوں کی نجی ہوٹل میں بدتمیزی کی ویڈیو سامنے آگئی

    پی آئی اے کی فضائی میزبانوں کی نجی ہوٹل میں بدتمیزی کی ویڈیو سامنے آگئی

    کراچی : پی آئی اے کی فضائی میزبانوں کی نجی ہوٹل میں بدتمیزی کی ویڈیو وائرل ہوگئی ، جس کے بعد  فضائی میزبانوں کو گراؤنڈ کردیا گیا۔

    تفصیلات کے مطابق پی آئی اے میزبانوں کی اسلام آباد کے نجی ہوٹل میں بدتمیزی کی ویڈیو سامنے آگئی۔

    ہوٹل مینجر کی ویڈیو ثبوت کیساتھ پی آئی اے انتظامیہ کو شکایت کردی گئی ، جس پر پی آئی اے انتظامیہ نے عملے کے ناروا سلوک پر اظہار ناپسندیدگی کیا۔

    جی ایم فلائٹ آپریشن نے دونوں فضائی میزبانوں کو شوکاز نوٹس جاری کرتے ہوئے 2ماہ کیلئےگراؤنڈ کردیا ہے۔

    نوٹس میں اسلام آباد ہوٹل استقبالیہ پرغیر مناسب رویے پر سنجیدگی اور تشویش کا اظہار کرتے ہوئے کہا ہے کہ ہوٹل عملے سے بدتمیزی اور نازیبا رویہ مکمل طور پر ناقابل قبول ہے۔

    پی آئی اے انتظامیہ کا کہنا تھا کہ ایسا سلوک پی آئی اے تنظیمی ساکھ پر بھی برا اثر ڈالتا ہے، آئندہ کسی بھی واقعے کی صورت میں سخت انتظامی کارروائی کی جائے گی۔

    خاتون ائیرہوسٹس کو 60 دن بطور سزا آف لوڈ کرنے کا بھی حکم دیا گیا ہے۔

  • پی آئی اے کا فضائی میزبانوں کے کینیڈا میں سلپ ہونے کے معاملے کا نوٹس، نیا ہدایت نامہ جاری

    پی آئی اے کا فضائی میزبانوں کے کینیڈا میں سلپ ہونے کے معاملے کا نوٹس، نیا ہدایت نامہ جاری

    کراچی : پی آئی اے انتظامیہ نے فضائی میزبانوں کے کینیڈا میں سلپ ہونے کے معاملے کا نوٹس لیتے ہوئے کیبن کریو کو امیگریشن اور کسٹمز کلیئرنس کے بعد پاسپورٹ جمع کرانا لازم قرار دیا ہے۔

    تفصیلات کے مطابق فضائی میزبانوں کے کینیڈا میں سلپ ہونے کے معاملے پر پی آئی اے انتظامیہ نے نوٹس لے لیا، اس حوالے سے پی آئی اےجنرل منیجرفلائٹ سروسزعامربشیرنے نیا ہدایت نامہ جاری کردیا ہے۔

    ہدایت نامہ میں کہا ہے کہ فضائی میزبانوں کے پاسپورٹ اسٹیشن منیجرکی تحویل میں رہیں گے، کیبن کریو کو امیگریشن اور کسٹمز کلیئرنس کے بعد پاسپورٹ  جمع کرانا لازم ہوگا، پاسپورٹ پروازوں کی روانگی کے وقت چیک ان پرواپس ہو گا۔

    انتظامیہ کا کہنا تھا کہ ہوٹل آمد کو یقینی بنانے کیلئے جانچ پڑتال لازمی ہوگی ، کسی فضائی میزبان کی کمی پرہوٹل عملہ فوری اطلاع دےگا ، کورونا کے باعث  کیبن کریوکی نقل وحرکت بھی محدود کی گئی ہیں۔

    حالیہ دنوں پی آئی اے کے 2 فضائی میزبان کینیڈیا میں سلپ ہو گئے ، انتظامیہ کا کہنا ہے کہ کیبن عملے کے سلپ ہونے کے واقعات کے پیش نظر  اقدامات کئے گئے ہیں۔

    یاد رہے پی آئی اے  کے دو فضائی میزبان رمضان گل  اور زاہدہ بلوچ ٹورنٹو پہنچنے کے بعد مبینہ طور پر لاپتہ ہوگئے تھے  ، زاہدہ بلوچ نامی ایئرہوسٹس پی آئی  اے کی پرواز پی کے797 پرتعینات تھی۔

    ترجمان کے مطابق کینیڈین امیگریشن اتھارٹی کو گمشدگی سے متعلق آگاہ کر دیاگیا، فضائی میزبان جنرل ڈکلیئریشن پر کینیڈا جاتے ہیں ، واپسی پرایک بندے  کی کمی پرکینیڈین امیگریشن کو اطلاع کرنا لازمی ہوتا ہے۔

  • پی آئی اے کی فضائی میزبانوں کی ویڈیو سوشل میڈیا پر وائرل ، انتظامیہ کا نوٹس

    پی آئی اے کی فضائی میزبانوں کی ویڈیو سوشل میڈیا پر وائرل ، انتظامیہ کا نوٹس

    کراچی : پی آئی اے کے فضائی میزبانوں کو سوشل میڈیا کا استعمال مہنگا پڑ گیا ، پی آئی اے انتظامیہ نے وائرل ویڈیو کا نوٹس لیتے ہوئے فضائی میزبانوں کے خلاف تحقیقات کا حکم دے دیا ہے۔

    تفصیلات کے مطابق یونیفارم میں ملبوس فضائی میزبانوں کی ویڈیو سوشل میڈیا پر وائرل ہوئی ، پی آئی اے انتظامیہ نے وائرل ویڈیو کا نوٹس لے لیا اور ویڈیو میں نظر آنے والی فضائی میزبانوں کے خلاف تحقیقات کا حکم دے دیا ہے۔

    انتظامیہ کا کہنا ہے کہ یونیفارم میں ملبوس فضائی میزبانوں کوایسی ویڈیوزبنانےکی اجازت نہیں،پ سوشل میڈیامیں نظر آنے والے فضائی میزبانوں کووارننگ جاری کردی گئی ہے اور تینوں فضائی میزبانوں کو بین الاقوامی فلائٹس سے گراؤنڈ کردیا گیا ہے۔

    یاد رہے 17 ستمبر کو اسلام آباد ایئرپورٹ پر پی آئی اے کی فضائی میزبان زارا سلیم کے سامان سے 380گرام سونا برآمد ہوا تھا، وہ پرواز پی کے 791 پر اسلام آباد سے برمنگھم جارہی تھی۔

    مزید پڑھیں : پی آئی اے کی فضائی میزبان اسمگلنگ میں ملوث نکلی

    یاد رہے گذشتہ ماہ پی آئی اے انتظامیہ نے بڑا فیصلہ کرتے ہوئے جعلی تعلیمی اسناد پر نوکری حاصل کرنے والے اور ایئر لائن قوانین کی خلاف ورزی کرنیوالوں کے خلاف کریک ڈاؤن کا آغاز کیا تھا۔

    انتظامیہ جعلی تعلیمی اسناد اور غیر قانونی چھٹیاں کرنے والے فضائی میزبانوں کو نوکری سے فارغ کیا تھا ، پہلے مرحلے میں شعبہ فلائٹ سروسز سے تین ایئر ہوسٹسز اور دو اسٹیورڈز کو فراغت کے پروانے جاری کئے گئے تھے۔

    ایئر ہوسٹس صدف نواز، ارم قادر،شہاب تنویر پر ایئر لائن قوانین کے برخلاف لمبی رخصت کی وجہ سے ملازمتوں سے برطرف کیا گیا جبکہ ایئر ہوسٹس تھریسا کارڈوزا پر بی اے کی جعلی ڈگری جمع کروانے پر نوکری سے فارغ کیا گیا تھا۔

  • پی آئی اے کے فضائی میزبانوں کیلئے نیا حکم نامہ جاری

    پی آئی اے کے فضائی میزبانوں کیلئے نیا حکم نامہ جاری

    کراچی : پی آئی اے انتظامیہ نے فضائی میزبانوں کے لئے ایمرجنسی چھٹی صرف انتہائی قریبی عزیزکےانتقال پرمنظورکرنے کا فیصلہ کیا ہے ، احکامات جی ایم فلائٹ سروسزعامر بشیر نے جاری کئے۔

    تفصیلات کے مطابق پی آئی اے انتظامیہ نے فضائی میزبانوں کیلئے نیاحکم نامہ جاری کردیا اور ایمرجنسی چھٹی کے لئے نئی تشریح ایجاد کر ڈالی۔

    انتظامیہ نے فضائی میزبانوں کی ایمرجنسی چھٹی صرف انتہائی قریبی عزیز کے انتقال پر منظور کرنے کا فیصلہ کیا گیا ہے اور صرف انٹرنل استعمال کے لئے جاری ہدایت نامہ جای کردیا ہے۔

    احکامات جی ایم فلائٹ سروسزعامربشیرکی جانب سے جاری کئے گئے ، جس میں کہا گیا صرف والدین، سسر ساس یا سگے بھائی بہن کے انتقال کی صورت میں چھٹی منظور ہو گی۔

    یاد رہے انتظامیہ کی جانب سے فضائی میزبانوں کو ہر ماہ کی 20 تاریخ سے پہلے چھٹیوں کی معلومات فراہم کرنے کی ہدایت کی تھی ، احکامات کے مطابق ڈیڈ لائین کے بعد کسی چھٹی کی درخواست پر عمل درآمد نہیں کیا جائے گا۔

    اس سے قبل انتظامیہ نے ایئرلائن کی کارکردگی کو بہتر بنانے کے لئے جہاز کے عملے کو قد اور عمر کے لحاظ سے وزن کم کرنے کیلئے کہا تھا اور فضائی میزبانوں سمیت جہاز کے عملے کو وزن کم کرنے کے لئے چھ ماہ کی مہلت دی گئی تھی۔

  • پی آئی اے کی500 سے زائد فضائی میزبانوں کو ترقی دینے کا فیصلہ

    پی آئی اے کی500 سے زائد فضائی میزبانوں کو ترقی دینے کا فیصلہ

    کراچی : پی آئی اے انتظامیہ نے500سے زائد فضائی میزبانوں کو ترقی دینے کا فیصلہ کرلیا، فضائی میزبانوں کی پے گروپ چار سے5میں ترقی کی منظوری دے دی گئی۔

    تفصیلات کے مطابق پی آئی اے کے فضائی میزبانوں کیلئے عید سے قبل اچھی خبر آگئی، پی آئی اے انتظامیہ نے500سے زائد فضائی میزبانوں کو ترقی دینے کا فیصلہ کرلیا۔

    پی آئی اے فضائی میزبانوں کی ون ٹائم پرموشن کیلئے کارروائی کا آغاز کردیا گیا،ان فضائی میزبانوں کی ترقی سالانہ پرفارمنس رپورٹ کی عدم موجودگی کے باعث زیر التواء تھی۔

    پی آئی اے انتظامیہ نے فضائی میزبانوں کی گروپ چار سے5میں ترقی کی منظوری دے دی۔ اس حوالے سے ذرائع کا کہنا ہے کہ پے گروپ فور میں گزشتہ دس سالوں سے ترقی کے منتظر فضائی میزبانوں کو ترقی دی جائے گی،ترقی پانے والوں میں فلائٹ اسٹیورڈ اور ایئرہوسٹس شامل ہیں۔

    تمام کیبن کرو کی ترقی ون ٹائم پالیسی کے تحت گئی ہے، ذرائع کے مطابق مسلم لیگ نواز سے تعلق رکھنے والی سابقہ سی بی اے ایئر لیگ نے فضائی میزبانوں کی ترقیاں نہیں ہونے دی تھیں۔

    ترقی پانے والوں میں فلائٹ اسٹیورڈ کو سینئر فلائی اسٹیورڈ میں ترقی دے دی گئی جبکہ ایئر ہوسٹس کو سینئر ایئر ہوسٹس میں ترقی دی گئی، قبل ازیں14سے15سال تک کی سروس کرنے والے فضائی میزبان ترقی سے محرو م تھے، موجودہ انتظامیہ کی جانب سے میرٹ کی پالیسی کے تحت فضائی میزبانوں کو ترقیاں دی گئیں۔

  • پی آئی اے کے دفاتر میں ایئرکنڈیشن کے غیر ضروری استعمال پر پابندی عائد

    پی آئی اے کے دفاتر میں ایئرکنڈیشن کے غیر ضروری استعمال پر پابندی عائد

    کراچی : پی آئی اے میں اصلاحات کا عمل جاری ہے، غیر ضروری اخراجات پر قابو پانے کیلئے انتظامیہ نے اقدامات کیے ہیں،دفاتر میں ایئرکنڈیشن کے غیر ضروری استعمال پر پابندی عائد کردی گئی،  فضائی میزبانوں کیلئے بھی نیا حکم نامہ جاری کردیا۔

    مختلف بیسز سے تعلق رکھنے والے فضائی میزبان اپنے ہی بیس سے ڈیوٹیاں سرانجام دیں گے، کراچی بیس سے تعلق رکھنے والے فضائی میزبان اپنے ہی بیس پر رہتے ہوئے اندرون و بیرون ملک جانے والی پروازوں پر اپنے فرائض انجام دیں گے۔

    اس حوالے سے جی ایم فلائٹ سروسز  عامر بشیر کا کہنا ہے کہ ماضی میں کراچی بیس سے سب سے زیادہ بین الاقوامی پروازیں آپریٹ ہوتی تھیں، لاہور اور اسلام آباد سیکٹر سے سب سے زیادہ بین اقوامی پروازیں آپریٹ ہوتی ہیں۔

    ان سیکٹر پر آپریٹ ہونے والی پروازیں مقامی بیس سے تعلق رکھنے والی فضائی میزبانوں کی ڈیوٹیاں لگائی جائیں گی، انہوں نے کہا کہ پشاور سے تعلق رکھنے والے فضائی میزبانوں کو ضرورت پڑنے پر اسلام آباد سے آپریٹ ہونے والی پروازوں کیلئے ان کی خدمات حاصل کی جائیں گی۔

    اس سے قبل مختلف بیسز سے تعلق رکھنے والی فضائی میزبانوں پر ہر ماہ کروڑوں روپے کے اخراجات ہوٹل کی مد میں انتظامیہ کو برداشت کرنا پڑتے تھے۔

    پی آئی اے کے تمام دفاتر میں ایئرکنڈیشن کے غیر ضروری استعمال پر پابندی عائد

    اس کے علاوہ پی آئی اے کے تمام دفاتر میں ایئرکنڈیشن کے غیر ضروری استعمال پر پابندی عائد کردی گئی ہے، پی آئی اے افسران کی شامت آگئی ،خالی کمرے میں اے سی چلتا ہوا پایا گیا تو جرمانہ ہوگا۔

    تمام دفاتر میں ایئرکنڈیشن25 سینٹی گریڈ سے زائد استعمال نہ کیا جائے، کسی بھی افسر یا کمرے میں خالی اے سی چلتا ہوا پایا گیا تو اس افسر پر ایک ہزار روپے جرمانہ عائد کیا جائے گا۔

    پی آئی اے کے چیف پروجیکٹ افسر کی جانب سے احکامات جاری کردیے گئے، ان کا کہنا ہے کہ ویجیلنس کمیٹی احکامات پر عملدرآمد کرنے کیلئے اقدامات کرے۔

  • قوم کو اپنے فضائی پاسبانوں پر فخر ہے، فواد چوہدری

    قوم کو اپنے فضائی پاسبانوں پر فخر ہے، فواد چوہدری

    اسلام آباد: وفاقی وزیر اطلاعات فواد چوہدری نے کہا ہے کہ قوم کو اپنے فضائی پاسبانوں پر فخر ہے جنہوں نے دشمن کے مذموم مقاصد کو خاک میں ملایا ۔

    تفصیلات کے مطابق وفاقی وزیر اطلاعات نے ائیر ہیڈ کوارٹرز کا دورہ کیا جہاں اُن کی ائیر چیف مارشل مجاہد انور سے ملاقات ہوئی، ملاقات خطے کی سلامتی سمیت مختلف امور پر تبادلہ خیال کیا گیا۔  ائیر چیف مارشل مجاہد انور نے دنیا بھر میں پاکستان کے مثبت تشخص کو اجاگر کرنے پر وزارت اطلاعات اور  فواد چوہدری کے کردار کو سراہا۔

    وفاقی وزیر اطلاعات فواد چوہدری نے پاک فضائیہ کی پیشہ ورانہ مہارت کی تعریف کرتے ہوئے کہا کہ قوم کو اپنے فضائی پاسبانوں پر فخر ہے۔ اُن کا کہنا تھا کہ حالیہ کشیدگی میں پاک فضائیہ کے پاسبانوں نے دشمن کے مذموم مقاصدکو خاک میں ملایا۔ پاک فضائیہ کے ترجمان نے اس ضمن میں ملاقات کی ویڈیو بھی جاری کی۔

    یاد رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    مزید پڑھیں: پاک فضائیہ کے شاہین حسن محمود کو تمغہ جرات دینے کا مطالبہ

    ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔ اس سے قبل 26 اور 25 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایونیشن گرا کر فرار ہوگئے تھے۔

  • فضائی میزبانوں کی غیرحاضری پر کارروائی کا فیصلہ

    فضائی میزبانوں کی غیرحاضری پر کارروائی کا فیصلہ

    کراچی : پی آئی اے کی انتظامیہ نے غیرحاضری پر 100 سے زائد فضائی میزبانوں کے‌ خلاف کارروائی کا فیصلہ کرلیا ہے اور فہرست جاری کردی ، فضائی میزبانوں نےبغیراطلاع چھٹیاں کی تھی۔

    تفصیلات کے مطابق پی آئی اے کی فضائی میزبانوں کی غیر حاضری کے معاملے پر انتظامیہ نے 100 سے زائد فضائی میزبانوں کے خلاف کارروائی کا فیصلہ کیا ہے، شعبہ فلائٹ سروسز کی جانب سے فضائی میزبانوں کی فہرست مرتب کرلی گئی ہے۔

    منیجرآپریشن اینڈشیڈولنگ نے شوکازجاری کرنےکی سفارش کی ہے جبکہ غیر حاضرفضائی میزبانوں کی فہرست جاری کردی گئی ہے، جس میں کراچی اسٹیشن سے 54، لاہور سے 65 ، اسلام آباد سے 62 اور پشاور سے15 فضائی میزبان شامل ہیں۔

    انتظامیہ کا کہنا ہے کہ فضائی میزبانوں نےبغیراطلاع چھٹیاں کی تھی جس پر کارروائی عمل میں لائی جارہی ہے، فضائی میزبانوں کو شوکاز کیساتھ عالمی فلائٹس سے آف لوڈ بھی کردیا جائےگا۔

    ذرائع کے مطابق 150 سے زائد فضائی میزبان جن کا وزن زیادہ ہے، پہلےہی آف لوڈ ہیں۔

    مزید پڑھیں : پی آئی اے انتظامیہ کی فضائی میزبانوں کوچھٹیوں کی معلومات فراہم کرنے کی ہدایت

    یاد رہے جنوری میں پی آئی اے انتظامیہ فضائی میزبانوں کو ہر ماہ کی 20 تاریخ سے پہلے چھٹیوں کی معلومات فراہم کرنے کی ہدایت کی تھی ، احکامات کے مطابق ڈیڈ لائین کے بعد کسی چھٹی کی درخواست پر عمل درآمد نہیں کیا جائے گا

    اس سے قبل انتظامیہ نے ایئرلائن کی کارکردگی کو بہتر بنانے کے لئے جہاز کے عملے کو قد اور عمر کے لحاظ سے وزن کم کرنے کیلئے کہا تھا اور فضائی میزبانوں سمیت جہاز کے عملے کو وزن کم کرنے کے لئے چھ ماہ کی مہلت دی گئی تھی۔

  • پی آئی اے انتظامیہ کا یوٹرن : فضائی میزبانوں کے اوقات کار پھر تبدیل

    پی آئی اے انتظامیہ کا یوٹرن : فضائی میزبانوں کے اوقات کار پھر تبدیل

    کراچی : پی آئی اے انتظامیہ نے فضائی میزبانوں کی ڈیوٹی اوقات کار میں اضافے کے فیصلے کو واپس لے لیا، بارہ گھنٹے پر مبنی اوقات کار دوبارہ بحال کردیئے۔ فضائی میزبانوں کے اندرون وبیرون ملک ہوٹل کی سہولت ختم کردی گئی۔

    تفصیلات کے مطابق بغیر تیاری کے احکامات جاری کرنے والی پی آئی اے انتظامیہ نے اپنے ہی فیصلے پر یو ٹرن لے لیا۔ گزشتہ روز پی آئی اے فضائی میزبانوں کے اوقات کار بارہ گھنٹے سے سولہ گھنٹے کرنے کے بعد بحال کردیئے گئے۔

    انتظامیہ نے جمعے کو جاری کردہ احکامات میں درج سولہ گھنٹے ڈیوٹی پر عمل درآمد موخر کرتے ہوئے نیا حکم جاری کردیا۔ ئئے ڈیوٹی اوقات کار کے لئے انتظامیہ نے مالی فوائد کا اعلان بھی کیاتھا۔

    جاری نئےاحکامات میں سول ایوی ایشن اتھارٹی سے درکار اجازت نامہ اور ائرلائن مینول میں تبدیلی تک دس گھنٹے ڈیوٹی ہی برقرار رکھنے کا فیصلہ کیا گیا ہے۔ واضح رہے کہ فضائی میزبانوں نے نئے اوقات کار کو ایئرلائن مینول اور میڈیکل نقطہ نظر سے بھی نقصان دہ قرار دیا تھا۔

    فضائی میزبانوں کے اندرون و بیرون ملک ہوٹل کی سہولت ختم

    علاوہ ازیں قومی ایئرلائن میں اصلاحات کا عمل جاری ہے، اس سلسلے میں غیر ضروری اخراجات کی روک تھام کیلئے اہم اقدامات کیے گئے ہیں، انتظامیہ نے فضائی میزبانوں کے اندرون و بیرون ملک ہوٹل کی سہولت ختم کردی۔

    ذرائع کے مطابق سعودی عرب میں فضائی میزبانوں کے ہوٹل کی سہولت اور قیام پرسالانہ 600ملین روپے کے اخراجات آتے تھے۔ اب جدہ اور مدینہ جانے والی تمام پروازوں پر فضائی میزبانوں کا اپ اینڈ ڈاؤن ہوگا۔

    بینکاک، کوالا لمپور میں بھی ہوٹل کی سہولت ختم کردی گئی، ان مذکورہ سیکٹرز پر ہوٹل کی سہولت ختم کرنے سے پی آئی اے کو سالانہ ایک ارب روپے سے زائد کی بچت ہوگی۔