Tag: فضائی ٹکٹوں

متحدہ عرب امارات میں ٹریول اینڈ ٹورازم ایجنسیوں کے عہدیداروں نے کہا ہے کہ موجودہ فلائٹ ریزرویشن سے معلوم ہورہا ہے کہ یو اے ای کے لئے واپسی کی پروازیں اگست کے وسط تک 100 فیصد فل ہیں۔

غیر ملکی ذرائع ابلاغ کے مطابق عہدیداروں نے بتایا کہ یو اے ای میں نئے تعلیمی سال کا آغاز ہونے جارہا ہے، موسم گرما کی چھٹیاں اختتام پذیر ہیں اس لیے امارات کے رہائشی جلد از جلد واپسی چاہتے ہیں۔

رپورٹس کے مطابق ان دنوں ایئرلائنز پر امارات واپسی کے لیے رش میں اضافہ ہوجاتا ہے، ٹکٹوں کی قیمتوں میں اضافہ 50 فیصد تک پہنچ چکا ہے۔ اس میں کچھ بڑے یورپی اور ایشیائی شہر ہیں جہاں سیٹوں کی زیادہ مانگ ہے۔

ایک ٹورازم کمپنی کے جنرل منیجر کے مطابق موجودہ فلائٹ ریزرویشن سے یہ بات سامنے آرہی ہے کہ یو اے ای واپسی کی پروازیں اگست کے وسط سے 10 ستمبر تک کسی حد تک فل ہوچکی ہیں۔

انہو ں نے بتایا کہ جن ممالک سے واپسی کے ٹکٹوں کی قیمتوں میں 40 فیصد تک کا اضافہ ہے ان میں مصر، اردن، لبنان اور شام ہیں۔ مثال کے طور پر قاہرہ سے واپسی کے لیے فضائی ٹکٹ کی قیمت ان دنوں 3 ہزار درھم تک پہنچ گئی ہے اس کی وجہ تاخیر سے بکنگ ہے۔

امارات میں موجود کم لاگت والی ایئرلائنز کی وجہ سے ٹکٹوں کی قیمتوں میں اضافے کی شرح کم ہے۔ اب یہ مسافر کا اختیار ہے کہ وہ کس ایئر لائن کا اپنے سفر کے لیے انتخاب کرتا ہے۔

ٹورازم ایجنسی کے سیلز ڈائریکٹر کا اس حوالے سے کہنا تھا کہ کچھ معروف عرب مقامات سے واپسی کے لیے ٹکٹ کی قیمت ان دنوں 1700 درھم سے بڑھ کر 2500 درھم تک پہنچی ہوئی ہے۔

مشرق وسطیٰ کے مختلف ممالک زلزلے سے لرز اُٹھے

یورپی ممالک سے واپسی کے لیے ٹکٹ کی قیمت 2200 سے بڑھ کر 3 ہزار درھم تک پہنچ گئی۔ اسی طرح ایک یورپی ملک کے لیے راونڈ ٹرپ کا ٹکٹ 5 ہزار درھم تک پہنچ گیا ہے۔