Tag: فضائی کارروائی

واشنگٹن : امریکی بحری جہاز پریمن سے میزائل حملےکےبعدامریکہ نےجوابی کارروائی کرتے ہوئے یمن کے ساحلی علاقےمیں ریڈار تنصیبات کونشانہ بنایا جس میں تین ریڈار تباہ ہوئے۔

تفصیلات کے مطابق امریکی محکمہ دفاع پینٹاگون کےترجمان پیٹرکوک کاکہناہےکہ امریکی جہازوں نےیمن میں کوسٹل ریڈارسائٹس کونشانہ بنایاہے۔

پینٹاگون کےترجمان پیٹرکوک کے مطابق امریکی فضائی کارروائی میں تین ریڈارزتباہ کردیےگئے۔جوابی کارروائی کامقصدامریکی اہداف کادفاع ممکن بنانا تھا۔

ترجمان پینٹاگون کاکہناہےکہ ایئراسٹرائکس کامقصدیمنی تنازع کومزیدطول دینانہیں ہے۔امریکہ یمن میں تمام فریقوں کی تنازع کےحل کےلیےحوصلہ افزائی کرتاہے۔ان کا مزید کہناتھاکہ ابھی واضح طور پرنہیں بتاسکتےکہ یمن میں یہ ریڈارکس کےکنٹرول میں ہیں۔

مزید پڑھیں: یمن : امریکی بحری جہاز پر میزائل حملہ

یاد رہے کہ دو روز قبل یمن کے شہرالحدیدہ میں امریکی بحری جہاز ’ یو ایس ایس میسن‘ پر پھر میزائل حملہ کیا گیاتھا.میزائل سمندر میں گرا، جس کے باعث جہاز اور عملہ محفوظ رہے تھے۔

پینٹاگون کا کہنا ہے کہ گزشتہ اتوار کو بھی یمن کی حدود سے ایسا ہی ایک حملہ کیا گیا تھا جو ناکام رہا تھا،پینٹاگون نے میزائل حملے کا مناسب وقت پر بھرپور انداز میں جواب دینے کا اعلان کیا تھا۔

شامی تنازع:امریکہ اور روس کادوبارہ مذاکرات شروع کرنے کااعلان

واضح رہے کہ یہ فضائی حملے ایسے وقت پر کیے جارہے ہیں جب ایک بار پھرامریکہ اور روس نے شامی تنازعےسےمتعلق رواں ماہ معطل ہونے والے مذاکرات دوبارہ شروع کرنے کا اعلان کیا ہے۔

حلب : شامی شہر حلب کے علاقے راموسہ میں صدر بشار الاسد کی فوج کی جانب سے شدید بمباری کی گئی،فضائی حملوں میں باغیوں کے زیر انتظام علاقوں کو نشانہ بنایا گیا.

تفصیلات کے مطابق حلب کے علاقے راموسہ میں ہونے والے فضائی حملوں میں روسی جنگی طیاروں نے بھی شرکت کی،فضائی بمباری میں باغیوں کے ٹھکانوں کو نشانہ بنایا گیا.

اس سے قبل حکومت مخالف باغیوں کا کہنا تھا کہ انہوں نے حلب کا کئی ہفتوں سے قائم محاصرہ توڑ دیا ہے تاہم شامی حکومت اس کی تردید کی تھی.

شامی حکومت کا کہنا ہے کہ ان کا حصار بدستور قائم ہے اورباغیوں کو کوئی اہم کامیابی نہیں ملی ہے،بہر حال ایسا نظر آ رہا ہے کہ حکومت باغیوں کو مزید کچھ حاصل کرنے سے باز رکھنے کے لیے مزید فوج تعینات کر رہی ہے.

فضائی حملے کے بعد باغی اتحاد نے کہا ہے کہ وہ جنگجوؤں کی تعداد دوگنی کر دیں گے اور نئے حملے کرکے سارے شہر کو واپس حاصل کر لیں گے.

واضح رہے کہ حلب کبھی شام کا کاروباری دارالحکومت تھا اور اسے اپنی فن تعمیر اور آثار قدیم پر ناز تھا،لیکن پانچ سال سے جاری جنگ میں اس کی بیشتر چیزیں تباہ و برباد ہو چکی ہیں یا لوٹ لی گئی ہیں.