خیبرایجنسی: تحصیل باڑہ میں سیکورٹی فورسز کی جانب سے دہشتگردوں کے خلاف آپریشن خیبر ون جاری،فضائی کارروائی کے دوران شدت پسندوں کے ٹھکانوں پر بمباری سے بائیس دہشتگرد ہلاک ہوگئے۔
ذرائع کے مطابق خیبر ایجنسی کی تحصیل باڑہ میں آج سیکورٹی فورسز کی جانب سے دہشتگردوں کے متعدد ٹھکانوں کو نشانہ بنایا گیا جس کے نتیجے میں بائیس دہشتگرد مارے گئے ،پشاور سانحہ کے بعد سیکورٹی فورسز کی جانب سے جاری آپریشن خیبرون میں مزید تیزی لائی گئی ہے جس کے بعد آج یہ کارروائی عمل میں آئی ہے۔
خیبرایجنسی :آئی ایس پی آر کے مطابق مزید دس دہشت گردوں نےپاک فوج کے سامنے ہتھیار ڈال دیئے۔
پاک فوج ملک سے دہشت گردوں کاصفایا کرنے کیلئے خیبرایجنسی میں خیبرون آپریشن میں مصروف ہے، آپریشن کے نتیجے میں اب تک ساڑھے تین سو دہشت گرد ہتھیارڈال چکے ہیں، آئی ایس پی آر کے مطابق ہتھیارڈالنے والے دہشت گردوں میں بیس کمانڈر بھی شامل ہیں۔
واضح رہے کہ شمالی وزیرستان میں جاری آپریشن کے نتیجے میں خیبر ایجنسی جانے والے دہشت گردوں کے سدباب کیلئے پاک فوج نے آپریشن خیبرون شروع کر رکھا ہے جو کامیابی سے جاری ہے۔
خیبر ایجنسی: نواحی علاقے سنداپل میں پاک فوج نے فضائی کارروائی کے دوران انیس دہشتگرد ہلاک کردیئے ہیں۔
خیبرایجنسی میں آپریشن خیبر ون اور خیبر ٹو کامیابی سے جاری ہیں، آج صبح کی گئی تازہ فضائی کارروائی میں انیس دہشت گرد وں کو ہلاک کردیا گیا ہے، مارے گئے دہشت گردوں میں اہم کمانڈر بھی شامل ہیں۔
آئی ایس پی آر کا کہنا ہے کہ کارروائی میں دہشت گردوں کے 5 ٹھکانوں کو بھی نشانہ بنایا گیا جبکہ دہشت گردوں کے زیرِ استعمال اسلحے کا بڑا ذخیرہ بھی تباہ کردیا گیا ہے۔
خیبر ایجنسی: سیکیورٹی فورسز کی فضائی کارروائی میں واہگہ بارڈرخودکش حملے کے ماسٹر ماینڈ سمیت تیرہ دہشت گرد مارے گئے۔
خیبر ایجنسی میں آپریشن خیبر ون اور خیبر ٹو کامیابی سے جاری ہے،آئی ایس پی آر کے مطابق سیکیورٹی فورسز نے خیبر ایجنسی کے علاقے دراس میں فضائی کارروائی کی جس میں واہگہ بارڈر کے ماسٹر مائنڈ سمیت تیرہ دہشت گرد مارے گئے۔
آئی ایس پی آر کا کہنا ہے کہ ہلاک ہونے والے دہشتگردوں میں غیر ملکی بھی شامل ہیں،فضائی کارروائی میں دہشت گردوں کے تین خفیہ پناہ گاہیں بھی تباہ کردی گئیں۔ فضائی کارروائی علاقے میں دہشت گردوں کی موجودگی کی انٹیلی جنس اطلاعات پر کی گئی۔
خیبرایجنسی :وادی تیراہ میں سیکیورٹی فورسزنے کارروائی میں پچاس دہشت گرد ہلاک ہو گئے۔
پاک فوج دہشتگردوں کے مکمل خاتمے کیلئے پرعزم،خیبر ایجنسی میں آپریشن خیبر ون کامیابی سے جاری، تازہ کارروائی میں سیکیورٹی فورسز نے وادی تیراہ میں بھاری توپ خانےسےگولہ باری کی۔ فوج کی بھرپور کارروائی میں پچاس شدت پسند ہلاک ہوگئے۔
شیلنگ سے شدت پسندوں کے متعدد ٹھکانے تباہ ہو گئے۔ مارے جانے والے دہشتگردوں کا تعلق کالعدم تنظیم لشکر اسلام سےہے،عسکری ذرائع کے مطابق فوجی کارروائی میں اسلحہ گولا بارودبھی تباہ ہواہے۔
خیبر ایجنسی کی تحصیل باڑہ سپن قمرکے علاقے میں سیکورٹی فورسز اور عسکریت پسندوں میں جھڑپ ہوئی،آئی ایس پی آر کی جانب سے جاری بیان میں بتایا گیا ہے کہ پاک فوج کے جوانوں نے یہ آپریشن کامیابی سے جاری رکھا ہوا ہے تاہم اس کاروائی کے دوران 8 جوان بھی شہید ہو گئے ہیں۔
سپن قمرکے علاقے میں شدت پسندوں کے خلاف جاری کلیرنس آپریشن میں 21 دہشت گرد ہلاک جبکہ متعدد زخمی ہو گئے ہیں۔
حکام نے تصدیق کی ہے کہ جھڑپ میں 3 فوجیوں کی ہلاکت کے ساتھ ساتھ 4 اہلکار زخمی بھی ہوئے ہیں۔
خیبرایجنسی: باڑہ میں پاکستان سیکیورٹی فورسسز کی فضائی کارروائی میں 18شدت پسند ہلاک ہو گئے۔ آئی ایس پی آرکے مطابق حملے میں اہم شدت پسند کمانڈر سمیت بھی ہلاک ہوا ہے۔ حملے میں شدت پسندوں کا اسلحہ و گولہ بارود بھی تباہ کردیا گیا ہے۔
تفصیلات کے مطابق خیبرایجنسی کی تحصیل باڑہ میں سیکورٹی فورسز کی جانب سے فضائی کارروائی کی گئی جس میں اہم شدت پسند کمانڈر سمیت اٹھارہ شدت پسند ہلاک کر دیئے گئے ہے۔
آئی ایس پی آر کے مطابق خیبرایجنسی کی تحصیل باڑہ سمیت مختلف علاقوں میں سیکیورٹی فورسز کی فضائی کارروائی کے دوران اٹھارہ شدت پسند ہلاک ہوگئے۔
کارروائی کے دوران شدت پسندوں کے پانچ ٹھکانے بھی تباہ کردیئے گئے۔ سیکیورٹی فورسز کی فضائی کارروائی کے دوران شدت پسندوں کے اسلحے اور گولہ بارود کو بھی تباہ کردیا گیا۔
آئی ایس پی آر کے مطابق خیبرایجنسی کے مختلف علاقوں میں شدت پسندوں کیخلاف فضائی اورزمینی کارروائیاں جاری ہیں جس میں اب تک متعدد شدت پسند ہلاک اور ان کے کئی ٹھکانے تباہ کر دیئے گئے۔ جھڑپوں کے دوران فورسز کے کئی جوان بھی شہید اورزخمی ہوئے۔
شام: آسٹریلیا کی جانب سے داعش کیخلاف فضائی کارروائیاں شروع کردی ہے، داعش کے ٹھکانوں پر بمباری دو بم ٹارگٹ پر داغے گئے۔
کرد جنگجوؤں اور دولتِ اسلامیہ کے عسکریت پسندوں کے درمیان شام کی سرحد پر واقع قصبے کو بانی میں گھمسان کی جنگ جاری ہے، آسٹریلیا کے جنگی طیاروں نے پہلی باراعش کے ٹھکانوں پر فضائی حملوں کا آغاز کر دیا ہے۔
آسٹریلیا کی وزارتِ دفاع کی جانب سے ایک بیان میں کہا گیا ہے کہ متحدہ عرب امارات میں قائم خفیہ فوجی اڈے سے اڑ کر سپر ہارنیٹ طیاروں نے کوہانی کے طے شدہ مقام پر دو بم گرائے اور کامیاب سے لوٹ کر اڈے واپس پہنچ گئے۔
شمالی وزیرستان : پاک فضائیہ کے جیٹ طیاروں نے علاقے شوال میں کارروائی کرتے ہوئے پندرہ دہشتگرد ہلاک کردیئے۔
آئی ایس پی آر کے مطابق آج صبح شمالی وزیرستان کی تحصیل شوال میں جیٹ طیاروں نے عسکریت پسندوں کےپانچ ٹھکانوں کو نشانہ بنایاجس کے نتیجے میں پندرہ دہشتگرد ہلاک ہوگئے،جیٹ طیاروں کی کارروائی میں عسکریت پسندوں کے پانچ ٹھکانوں کو بھی تباہ کردیا گیا۔
شمالی وزیرستان میں دہشتگردوں کے خلاف سترہ جون کو شروع ہونےوالا آپریشن ضرب عضب کامیابی کے ساتھ جاری ہے، آئی ایس پی آر کے مطابق ہلاک دہشتگردوں میں بڑی تعداد ازبک، تاجک اور دیگر ممالک سےتعلق رکھنے والےشدت پسندوں کی ہے۔
تیراہ: خیبرایجنسی کےعلاقے وادی تیراہ میں جیٹ طیاروں نےشدت پسندوں کے ٹھکانوں پر بمباری کی جس کے نتیجے میں دس شدت پسند ہلاک اور متعدد زخمی ہوگئے۔
سیکیورٹی فورسز کی بمباری کے نتیجے میں شدت پسندوں کےمتعدد ٹھکانے بھی تباہ ہوگئے،جیٹ طیاروں نے وادی تیراہ کےعلاقے دوتویہ، توردرہ اور راجگال سمیت دیگر علاقوں میں شدت پسندوں کے ٹھکانوں کونشانہ بنایا، سکیورٹی فورسز کیجانب سےبمباری کےنتیجےمیں بارودی مواد کی بھاری مقدارکو بھی تباہ کردیا گیا۔
ذرائع کےمطابق خیبر ایجنسی کے مختلف علاقوں میں کالعدم تحریک طالبان کےٹھکانےموجودہیں، رواں ماہ کےدوران وادی تیراہ سمیت خیبر ایجنسی کےمختلف علاقوں میں سکیورٹی فورسز کی شدت پسندوں کے خلاف کارروائیوں کےنتیجے میں درجنوں شدت ہلاک اورزخمی ہوئے جبکہ متعدد ٹھکانے بھی تباہ کر دیئے گئے۔