Tag: فلائٹ شیڈول

کراچی : پاکستان کے لئے غیرملکی ایئرلائنز نے پروازیں بحال کردیں، پاک بھارت جنگی صورتحال کے باعث فلائٹ آپریشن معطل کیا گیا تھا۔

تفصیلات کے مطابق پاک بھارت جنگ بندی کے بعد پاکستان کے فلائٹ شیڈول میں بہتری آگئی اور 12غیرملکی ایئرلائنز نے بھی پروازیں بحال کردیں۔

مختلف ایئرپورٹس سے پروازوں کی منسوخی کم ہوکر 50رہ گئی ہے ، فلائی دبئی،امارات، ترکش، قطر، اتحاد،ایئر عربیہ، گلف ایئر نے پروازیں شروع کیں۔

ایوی ایشن ذرائع نے بتایا کہ حج پروازوں کومعمول پر لانے کے لیے کوششیں جاری ہیں، اسلام آباد 23، لاہور 14، کراچی کی 15 پروازیں ، پشاور 4، سیالکوٹ 2 اور فیصل آباد سے 1 پرواز منسوخ کردی گئی ہے۔

سیالکوٹ ایئرپورٹ کی شارجہ دمام اور کویت سے 3 پروازیں لاہور منتقل کی گئی ہے۔

دوسری جانب پاک بھارت جنگ بندی کے باوجود پاکستان سے سو سے زائد پروازیں منسوخ کردی گئیں، گزشتہ روزکراچی ائیرپورٹ کی پینتالیس،لاہور کی اڑتیس، اسلام اباد کی چالیس، ملتان کی دس، پشاور کی گیارہ اور سیالکوٹ کی چھ پروازیں آپریشنل وجوہات کی بنا پرمنسوخ کی گئیں۔

کشیدگی کےباعث سات سعودی ائیرلائن اورتین پی آئی اے کی پروازیں معطل ہوئی تھیں، وزارت مذہبی اموردوہزار دو سو نوےحاجیوں میں سے گیارہ سوحاجیوں کو پی آئی اے کی اسپیشل فلائٹس سے روانہ کرچکا ہے، باقی گیارہ سو حاجیوں کو بھی آئندہ چند روز میں بھیجا جائےگا۔

کراچی: ملک میں پاک بھارت کشیدگی اور سیز فائر کے بعد بھی فلائٹ شیڈول شدید متاثر ہے، ملک بھر کی آج بھی 150 پروازیں منسوخ کی گئیں۔

تفصیلات کے مطابق ملک میں درجنوں پروازیں غیر یقینی صورت حال کا شکار ہو گئی ہیں، اتوار کو کراچی ایئرپورٹ کی 45، لاہور کی 38، اسلام اباد کی 40 پروازیں منسوخ کی گئیں۔

ملتان کی 10، پشاور کی 11 اور سیالکوٹ کی 6 پروازیں آپریشنل وجوہ کی بنا پر منسوخ کی گئیں، منسوخ کی گئی پروازوں میں 138 بین الاقوامی پروازیں بھی شامل ہیں۔

بیرون ملک پھنسے مسافروں کو وطن لانے کا سلسلہ شروع

دوسری طرف ملک بھر کے تمام ایئرپورٹس سے فلائٹ آپریشن بحال کر دیا گیا ہے، کراچی، اسلام آباد اور لاہور سے اندرون و بیرون ملک فلائٹ آپریشن جاری ہے، خلیجی ممالک کے لیے قومی ایئر لائن کی پروازیں آج شیڈول کی گئی ہیں۔

اسلام آباد سے دبئی، کوئٹہ کے لیے پروازوں کی روانگی کچھ دیر میں ہوگی، آج کراچی سے قومی ایئر لائن کی پرواز مدینہ کے لیے روانہ ہوئی، کراچی سے اسلام آباد کے لیے دو پروازیں مقررہ وقت پر روانہ ہوئیں، تاہم کراچی سے نجی ایئر لائنز کی متعدد پروازیں منسوخ بھی ہوئیں۔

دمام مدینہ جدہ سے بھی فلائٹس کراچی پہنچ گئی ہیں، لاہور سے مدینہ، دبئی اور کراچی کے لیے 5 پروازیں روانہ ہوئیں، لاہور سے باکو اور مشہد کے لیے بھی پروازیں روانہ ہوں گی، جب کہ کراچی سے بعض فلائٹس تاخیر کا شکار ہیں۔