راولپنڈی: فلارملز، نان بائی، کریانہ مرچنٹ ایسوسی ایشن نے مطالبات منظور نہ ہونے پر غیر معینہ ہڑتال کا اعلان کردیا۔
اے آر وائی نیوز کے مطابق ہڑتال کااعلان بجلی، گیس کے بلوں میں اضافی ٹیکس کے نفاذ کیخلاف کیا گیا ہے۔
اعلان میں کہا گیا ہے کہ آج سے فلار ملز، آٹا ڈیلرز، کریانہ مرچنٹ، نان بائی ایسوسی کی جانب سے غیر معینہ مدت تک ہڑتال کی جائے گی۔
تندور بند رہیں گے جبکہ کریانہ اسٹورز پر آٹے کی فروخت بھی بند رہے گی، مرکزی تنظیم تاجران پنجاب نے آج فوارہ چوک پر مظاہرے کا اعلان بھی کردیا ہے۔
واضح رہے کہ فلارملز ایسوسی ایشن کے چیئرمین نے کہا تھا کہ ٹیکس کے ظالمانہ اقدام سے کرپشن کا نیا دروازہ کھل جائے گا اور ایف بی آر کے ٹیکس کے نفاذ سے آٹے کی قیمت میں 8 روپے فی کلو اضافہ ہوجائے گا۔
کراچی والوں کے لئے دودھ 300 روپے فی لیٹر؟ اہم خبر
ان کا مزید کہنا تھا کہ ڈبل ٹیکس دینے کو تیار ہیں، حکومت طریقہ کار ٹھیک کرے، فلار ملوں کی پسپائی جب تک بند رکھیں گے جب تک مطالبات پورے نہیں ہوتے۔