Tag: فلسطینیوں کے قتل عام

واشنگٹن : امریکی صدر باراک اوباما کا کہنا ہےکہ امریکہ غزہ میں اسرائیل کے حملوں کی حمایت کرتا ہے اور ملائیشیا کاطیارہ روس نواز باغیوں نے مار گرایا۔

واشنگٹن میں نیوز بریفنگ میں اوباما کا کہنا تھا کہ غزہ میں عام شہریوں کی ہلاکت پر تشویش ہے لیکن وہ غزہ پر اسرائیلی حملوں کی حمایت کرتے ہیں، صدر اوباما کا کہنا تھا کہ تباہ ہونیوالے ملائیشین طیارےمیں ایک امریکی شہری بھی سوارتھا، اور اسے روس نواز باغیوں نے نشانہ بنایا۔

امریکی صدر کا کہنا تھا کہ یوکرین میں امن کاوقت آگیاہے،اب یوکرین اورباغیوں میں جنگ بندی کاوقت آگیاہے، صدر اوباما نے روس پرمزیداقتصادی پابندیاں لگانے کی دھمکی بھی دی، ان کا کہنا تھا کہ طیارے کی تباہی کے مقاصد کے بارے میں ابھی کچھ کہنا قبل از وقت ہوگا، ملائیشین طیارےکی تحقیقات کےلیے امریکا مدد کرے گا۔

واشنگٹن: امریکی صدربراک اوباما نے فلسطینیوں کے قتل عام کی مذمت کے بجائے اسرائیل کی حمایت کرتے ہوئے کہا ہے کہ راکٹ حملوں کے خلاف اسرائیل کو اپنے دفاع کا حق حاصل ہے،عرب لیگ نے عالمی برادری سے فلسطینیوں کو تحفظ فراہم کرنے کا مطالبہ کیا ہے۔

انسانی حقوق کا علمبردار امریکا اسرائیل کے ہاتھوں بے گناہ فلسطینیوں کے قتل عام کی مذمت کے بجائے اسرائیل کی حمایت کے جواز تراشنے میں مصروف ہے، امریکی صدر براک اوباما کا کہنا ہے کہ کوئی بھی ملک اپنی سرزمین پر راکٹ حملے برداشت نہیں کر سکتا، اسرائیل کو اپنے دفاع کا مکمل حق حاصل ہے، اسرائیل نے راکٹ حملوں کے بعد جوابی کارروائی کی۔

اوباما نے مصر کی جانب سے اسرائیل اور حماس کو جنگ بندی کے لئے ثالثی کی پیش کش کا خیرمقدم بھی کیا، دوسری جانب برطانیہ، جرمنی فرانس سمیت دیگرعالمی طاقتیں فلسطینیوں پر اسرائیلی مظالم رکوانے کے لئے کسی عملی اقدام کے بجائے اسرائیل سے بمباری روکنے کی اپیلیں کررہی ہیں۔

دوسری جانب عرب لیگ نے حسب معمول غزہ کی صورتحال پر ہنگامی اجلاس منقعد کیا، جس میں اسرائیلی حملوں کی مذمت کی گئی اورعالمی برادری سے فلسیطینوں کو تحفظ فراہم کرنے کا مطالبہ بھی کیا گیا، غزہ میں اسرائیلی جارحیت کے نتیجے میں انسانی المیہ جنم لے چکا ہے، ہزاروں فلسطینی گھر بارچھوڑ کر کیمپوں میں زندگی گزارنے پرمبجور ہیں اورغزہ میں دواؤں اور کھانے پینے کی اشیاء کا بحران پیدا ہوگیا ہے۔