امریکا نے فلسطینی اتھارٹی کے عہدیداروں پر پابندیاں عائد کردیں، فلسطینی قیادت پر امن کوششوں کو نقصان پہنچانے کا الزام عائد کیا گیا ہے۔
غیرملکی میڈیا رپورٹس کے مطابق امریکی محکمہ خارجہ نے کہا کہ فلسطینی قیادت امن کوششوں کونقصان پہنچارہی ہے، پابندیوں کے بعد فلسطینی عہدیداروں کے امریکی ویزے منسوخ کردیئے گئے ہیں۔
امریکی محکمہ خارجہ نے کہا کہ قومی سلامتی کیلئے فلسطینی قیادت پر سخت اقدامات ضروری ہیں جبکہ غیرملکی خبر ایجنسی کے مطابق امریکا نے فلسطینی امور کا دفتر مارچ میں بند کردیا تھا۔
کیا فلسطین اقوام متحدہ کی مکمل رکنیت حاصل کر سکتا ہے؟
امریکی صدر ڈونلڈ ٹرمپ نے کہا کہ غزہ بحران کا فوری حل حماس کی جانب سے ہتھیار ڈالنے میں ہے، حماس ہتھیار ڈالے اور یرغمالیوں کو رہا کرے، حماس ہتھیار ڈال دے تو غزہ میں انسانی بحران کا خاتمہ ممکن ہے۔
الجزیرہ ٹی وی کا کہنا ہے کہ امریکا نے فلسطینی اتھارٹی پر وعدے پورے نہ کرنے کا الزام لگایا ہے، امریکا نے فلسطینی اتھارٹی اور پی ایل او کو امن کی راہ میں رکاوٹ قرار دے دیا ہے۔
خبرایجنسی نے بتایا کہ امریکا نے فلسطینی سیکیورٹی فورسز کی امداد بھی فروری میں روک دی تھی، نئے اقدامات سے فلسطینی قیادت کا امریکی حکام سے رابطہ مزید محدود ہوگیا۔
https://urdu.arynews.tv/palestine-singapore-ready-to-recognize/