Tag: فلسطینی نوجوان

اسرائیل کی غزہ میں معصوم اور نہتے مسلمانوں کے خون کی ہولی جاری ہے ایسے میں ایک فسلطینی نوجوان کی درد بھری پکار کی ویڈیو وائرل ہوئی ہے۔

غاصب صہیونی ریاست اسرائیل کی جانب سے فلسطین پر تو سات دہائیوں سے مظالم کا سلسلہ جاری ہے تاہم 7 اکتوبر 2023 سے شروع ہونے والی اس بربریت نے تاریخ کے تمام مظالم اور قہر کو مات دے دی ہے۔

دنیا بھر سے مظلوم فلسطینیوں کے حق میں آواز اٹھائی جا رہی ہے لیکن اسرائیل اور اس کے حواری انسانیت سوز مظالم جاری رکھے ہوئے ہیں جب کہ مسلم ممالک کی جانب سے بھی امت مسلمہ کا کردار ادا نہیں کیا جا رہا۔

سوشل میڈیا پر اسرائیلی مظالم کا شکار فلسطینیوں کی ویڈیوز آئے دن وائرل ہوتی رہتی ہے لیکن حال ہی میں صہیونی فوج کے حملے میں اپنے والد کو کھونے والے نوجوان کی درد بھری پکار نے پوری دنیا کو لرزا کر رکھ دیا ہے۔

سوشل میڈیا ایپ انسٹا گرام پر ایک صحافی کی جانب سے فلسطینی نوجوان کی ویڈیو شیئر کی گئی ہے جو اپنے والد کی شہادت کے بعد امت مسلمہ کے ضمیر کو جھنجھوڑنے کی کوشش کر رہا ہے۔

View this post on Instagram

A post shared by عبدالله العطار (@abdallah_alattar1999)

نوجوان درد بھری آواز میں پکارتے ہوئے امت مسلمہ کو پکار رہا ہے کہ ’’عرب کہاں ہیں؟ مسلمان کہاں ہیں؟ جاگو لوگو، ہم روز اپنے پیاروں کو کھو رہے ہیں۔ میرے والد ایک کپڑوں کی دکان چلا کر روزی کماتے تھے اور انہیں بھی شہید کر دیا گیا۔‘‘

نوجوان کا مزید کہنا تھا کہ ’یہ ہمارے ساتھ کیوں ہو رہا ہے؟ میرے والد بے وجہ مارے گئے۔ یہ ہمارے ساتھ کیوں ہو رہا ہے؟

رپورٹ کے مطابق مذکورہ نوجوان کے والد غزہ کے وسطی علاقے میں واقع البریج مہاجر کیمپ پر اسرائیلی فوج کے حالیہ فضائی حملے میں شہید ہوئے ہیں۔

واضح رہے کہ 15 ماہ سے جاری اسرائیلی بربریت میں اب تک 46 ہزار کے قریب فلسطینی شہید اور ایک لاکھ سے زائد زخمی ہوچکے ہیں۔ ان حملوں میں صہیونی فوج نے انسانی حقوق اور جنگی قوانین کی پامالی کرتے ہوئے بستیوں، گھروں، اسپتالوں، اسکولوں، پناہ گزین کیمپوں کو بھی نشانہ بنایا اور ہزاروں ٹن بارود برسا کر غزہ کو ملبے کے ڈھیر میں تبدیل کر دیا ہے۔

اسرائیلی فورسز نے رمضان کے پہلے دن جمعرات کو مقبوضہ مغربی کنارے میں چھاپے کے دوران ایک 25 سالہ فلسطینی نوجوان کو شہید کر دیا۔

روئٹرز نیوز ایجنسی کے مطابق فائرنگ کے متعدد واقعات میں ملوث ہونے کے شبہ میں اسرائیلی فورسز نے  ایک فلسطینی کو  گرفتار کرنے کے لیے خفیہ یونٹ کی مدد سے چھاپہ مارا گیا تھا۔

فلسطینی وزارت صحت نے بتایا کہ 25 سالہ امیر ابو خدیجہ کو چھاپے کے بعد تلکرم شہر میں سر میں گولی ماری گئی۔

اسرائیلی فورسز نے مزید 4 فلسطینیوں کو شہید کر دیا

اسرائیل فورس کے مقابلے کے لیے فلسطین میں تشکیل دیئے نئے گروپ طولکرم بریگیڈ نے امیر ابو خدیجہ کی موت کو ‘قتل’ قرار دیتے ہوئے بتایا ہے کہ ابو خدیجہ  گروپ کے بانیوں میں سے تھے۔

خیال رہے کہ اتوار کے روز، اسرائیلی اور فلسطینی حکام نے شرم الشیخ کے ریزورٹ میں امریکی، مصری اور اردنی وفود کی ایک میٹنگ میں تشدد کو کم کرنے کے عزم کا اظہار کیا تھا۔

اس کے باوجود اسرائیل کے زیر قبضہ مغربی کنارے میں حالیہ مہینوں میں تصادم میں اضافہ دیکھنے میں آیا ہے۔

گذشتہ ایک سال کے دوران اسرائیلی فورسز نے مغربی کنارے میں 250 سے زائد فلسطینیوں کو شہید کیا ہے جن میں جنگجو اور عام شہری بھی شامل ہیں۔

مقبوضہ بیت المقدس: فلسطینی نوجوان کی تصویر سوشل میڈیا پر وائرل ہوگئی جس میں وہ اسپتال کی کھڑکی سے اپنی ماں کی ایک جھلک دیکھنے کے لیے کوشش کر رہا ہے۔

تفصیلات کے مطابق فلسطینی نوجوان کی ماں کرونا کا مقابلہ کرتے ہوئے خالق حقیقی سے جا ملی،اسی دوران سوشل میڈیا پر اس کے بیٹے کی تصویر وائرل ہوگئی جس میں وہ اسپتال کی کھڑکی سے ماں کی جھلک دیکھنے کی کوشش کر رہا تھا۔

فلسطینی نوجوان السویطی کی تصویر سوشل میڈیا پر وائرل ہونے پر ہزاروں افراد نے اس سے ہمدردی کا اظہار کیا۔

السویطی نے قدس نیٹ نیوز ایجنسی سے گفتگو کرتے ہوئے کہا کہ میری والدہ کی عمر 75 سال تھی انہوں نے حج کیا ہوا تھا اور وہ کرونا میں مبتلا تھیں۔

انہوں نے بتایا کہ اسپتال کی جانب سے حفاظتی تدابیر کے تحت ملاقات پر پابندی ہونے کے بعد میں روزانہ دفتر سے فارغ ہوتے ہی سیدھا الخلیل سرکاری اسپتال جاتا اور عقبی دیوار سے چڑھ کر ماں کے کمرے کی کھڑکی پر بیٹھ کر انہیں دیکھا کرتا تھا۔

السویطی کا کہنا تھا کہ والدہ دنیا سے چلی گئی ہیں ہر لمحہ میری دعا یہی ہے کہ خدا ہر مریض کو شفا دے۔فلسطینی نوجوان کا کہنا تھا کہ بظاہر کھڑکی اور والدہ کے درمیان فاصلہ نہ ہونے کے برابر تھا لیکن مجھے یہ زمین اور آسمان جتنا فاصلہ لگتا تھا۔

انہوں نے کہا کہ والدہ کو تکلیف میں دیکھ کر میں دکھی ہوجاتا تھا، میری ماں زندگی کی آخری سانسیں لے رہی تھی اور میں کچھ بھی نہیں کرسکتا تھا۔

فلسطینی نوجوان کا کہنا تھا کہ مجھے اپنی تصاویر وائرل ہونے کے بارے میں علم نہیں، لوگوں نے مجھے بتایا کہ تمہاری تصاویر سوشل میڈیا پر وائرل ہوئی ہیں، مجھے یہ لگتا ہے کہ اللہ نے یہ تصویر اس لیے وائرل کی ہو تا کہ جو لوگ بھی اسے دیکھیں وہ میری ماں کے لیے دعا کریں۔