Tag: فلسطین

یروشلم : قابض اسرائیلی فوج نے رام اللہ میں ایک سترہ سالہ فلسطینی لڑکے کو گولیاں مارکرشہید کردیا جس کے بعد شہر کے حالات کشیدہ ہو گئے ہیں۔

تفصیلات کے مطابق بہیمانہ واقعہ گزشتہ روز دریائے اردن کے مغربی کنارے کے وسطی شہر میں اُس وقت پیش آیا جب اسرائیلی فوج نے سترہ سالہ فلسطینی لڑکے مصعب فراس التمیمی کو اپنی بربریت کا نشانہ بنایا.

اسرائیلی فوج کی فائنرگ سے شدید زخمی ہونے والے فلسطینی لڑکے کو قریبی اسپتال منتقل کیا گیا جہاں طبی امداد کے دوران وہ زخموں کی تاب نہ لاتے ہوئے خالق حقیقی سے جا ملا.

ترجمان فلسطینی وزارت صحت نے واقعہ کی تفصیلات بتاتے ہوئے کہا کہ التمیمی کو شدید زخمی حالت میں اسپتال لایا گیا تھا اس کی گردن میں گولیاں ماری گئی تھیں جس کے باعث وہ جانبر نہیں ہوسکا.

جائے وقوعہ پر موجود لوگوں کا کہنا ہے کہ فلسطینی لڑکے کو اُس وقت گولیاں ماری گئیں جب فلسطینی نوجوانوں کی کثیر تعداد قابض اسرائیلی فوج کے خلاف مظاہرہ کر رہے تھے.

تجزیہ کاروں کا کہنا ہے کہ امریکی صدر ڈونلڈ ٹرمپ کی جانب سے مقبوضہ بیت المقدس کو اسرائیل کا دارالحکومت قرار دینے کو اقوام متحدہ کی سلامتی کونسل و جنرل اسمبلی اور دنیا بھر سے مسترد کیے جانے کے بعد اسرائیل سفارتی ناکامی کا غصہ عام فلسطینیوں پر نکال رہا ہے.

یروشلم : معروف فلسطینی سیاست دان خالدہ جرّار کی بغیر ٹرائل کیے قید میں مزید چھ مہینے کی توسیع کردی گئی ہے۔

تفصیلات کے مطابق آزادی فلسطین کے لیے جدوجہد کرنے والی معروف رہنما خالدہ جرّار کو متعصب اور قابض اسرائیلی حکومت نے رہائی کے لیے مدت پوری ہونے کے بعد بھی رہا نہیں کیا بلکہ ان کی حراست میں چھ ماہ کی توسیع کردی ہے.

فلسطین کی اہم جماعت پاپولر فرنٹ برائے آزادیِ فلسطین ( پی ایف ایل پی) کی سینیر رکن کو 2 جولائی 2017 کو دوبارہ اس وقت گرفتارکیا گیا تھا جب انہوں نے مدت قید مکمل کرلی تھی، چھ ماہ کی تحویلی مدت پوری کرنے کے بعد انہیں دوبارہ چھ ماہ کے لیے حراست میں رکھنے کا فیصلہ کیا گیا ہے.

خیال رہے کہ اسرائیل ، امریکا ا ور یورپی یونین نے فلسطینی جماعت ( پی ایف ایل پی) کو دہشت گرد قرار دے رکھا ہے جس کے بعد اسرائیل نے نئے انتظامی حکم کے تحت وہ اب ایک سال تک کسی مقدمے کے بغیر جیل میں قید رہیں گی حالانکہ انھیں ایک سال قبل ہی جیل سے رہا کیا گیا تھا.

اسرائیلی نے عالمی قوانین کو بالائے دست رکھتے ہوئے ہیں حکام نے ان کے خلاف عائد کردہ الزامات کو ابھی تک خفیہ رکھا ہوا ہے اور نئے حراستی حکم کے تحت کسی بھی فلسطینی کو کسی الزام یا مقدمہ چلائے بغیر محض شُبے کی بنا پر چھ ماہ تک زیر حراست رکھ سکتے ہیں اور یہ مدت پوری ہونے کے بعد اس میں مزید چھ کی ماہ کی توسیع کی جاسکتی ہے.

مسیحوں کے مبارک دن کے موقع پر پوپ فرانسس نے اپنے روایتی پیغام میں یروشلم کو اسرائیل کا دارالحکومت تسلیم کرنے ٹرمپ کے فیصلے کی مذمت کرتے ہوئے کہا ہے کہ امریکی فیصلے کے بعد اسرائیل اور فلسطین کے درمیان تنازعہ شدت اختیار کرگیا ہے۔

یہ بات ویٹی کن میں لاکھوں رومن کیتھولک عیسائیوں کے مجمع سے خطاب کرتے ہوئے پوپ فرانسس نے کہی،اُن کا کہنا تھا مشرق وسطیٰ کے بچے ان کشیدہ حالات کے سب سے بڑے متاثرین ہیں جن کا بچپن تنازعات اور جنگ نے چھین لیا ہے اور وہ ایک دہشت زدہ ماحول میں پرورش پارہے ہیں۔

انہوں نے کہا کہ جنگ کسی مسئلے کا حل نہیں ہے بلکہ ہر تنازعے کا حتمی حل مزاکرات سے ہی نکلتا ہے اور آج مسیح علیہ السلام کے جنم دن کے مبارک موقع پر میں دعا گو ہوں کہ اسرائیل و فلسطین امن اور سلامتی کے ساتھ حل ہوجائے۔

فلسطین کے علاوہ پوپ فرانسس نے شام، عراق اور یمن میں بھی قیام امن کی خواہش کا اظہار کرتے ہوئے ان ممالک سے دہشت گردی کے خاتمے کے لیے خصوصی دعا بھی کرائی۔

پوپ فرانسس نے کہا ہے کہ جنگ کا طوفان ہماری دنیا کو لپیٹ میں لیے ہوئے ہے جس کے باعث اللہ کی سب سے اعلیٰ مخلوق کو انسانیت کی تذلیل، سماجی گٹھن اور معاشی بد حالی کا سامنا کرنا پڑ رہا ہے۔

یاد رہے کرسمس کے موقع پر لاکھوں مسیح افراد دنیا بھر سے ویٹی کن میں جمع ہوتے ہیں جہاں موجودہ پوپ خصوصی خطاب کرتے ہیں۔

انقرہ : اسرائیلی فوجیوں کو تھپڑ رسید کرنے والی 16 سالہ بہادر فلسطینی لڑکی کے والد نے کہا ہے کہ میری بیٹی مزاحمت کار اور جنگجو ہے اُسے ہمدردی یا ترس کی نہیں حوصلہ افزائی کی ضرورت ہے.

ان خیالات کا اظہار باسم التمیمی نے لاعربیہ ڈاٹ نیٹ سے بات کرتے ہوئے کیا، اُن کا کہنا تھا کہ عہد تمیمی اپنی مٹی پر قابض افواج سے آزادی حاصل کرنے کے لیے جدوجہد کررہی ہے اور اسرائیلی فوج کے سامنے برسرپیکار ہے.

انہوں نے مزید کہا کہ میری بیٹی نے نئی آنے والی نسل کو اپنے سرزمین کی آزادی کے لیے متحرک کیا اور اس جنگ کا آغاز کا تن تنہا کیا تھا لیکن اب ہر لڑکی عہد تمیمی بننا چاہتی ہے.

باسم التمیمی نے بتایا کہ عہد تمیمی کی پرورش ایک مزاحمت کرنے والے خاندان میں ہوئی ہے جس کے والد کو 9 مرتبہ اور والدہ کو 5 مرتبہ حراست میں لے کر مہینوں قید میں رکھا گیا لیکن ہم نے ہمت نہیں ہاری.

انہوں نے مزید کہا کہ ہم نے اپنے بچوں کی بھی انہی خطوط پر تربیت کی ہے اور ظلم و جبر کے خلاف جدوجہد میں آنے والی مشکلات سے نمٹنے کا حوصلہ اور جذبے سے ذہن سازی کی ہے اور اب بھی میں اپنی بیٹی کے دل میں کسی قسم کا خوف اور تشویش پیدا نہیں کرنا چاہتا.

بیٹی کی گرفتاری سے متعلق باسم التمیمی کا کہنا تھا کہ قابض حکام نے بے بنیاد الزامات لگا کر گرفتار کیا ہے جس پر عدالت اپنا فیصلہ پیر کو دے گی اور جو بھی فیصلہ ہو وہ ہمارے حوصلوں کو پست نہیں کرسکے گا.

غزہ : عیسائی رہنما نے یروشلم کو اسرائیل کا دارالحکومت تسلیم کیے جانے کے امریکی فیصلے کو مسترد کرتے ہوئے یروشلم میں واقع مسلمانوں اور عیسائیوں کے مقامات مقدسہ کے تحفظ کے لیے مشترکہ لائحہ عمل طے کرنے کا عندیہ دیا ہے.

بشپ عطااللہ ہننا نے ان خیالات کا اظہار میڈیا سے گفتگو کرتے ہوئے کیا، بشپ ہننا نے کہا کہ ٹرمپ نے 6 دسمبر کو متعصبانہ اور نفرت آمیز فیصلہ کیا تھا جسے اقوام متحدہ کی جنرل اسمبلی سمیت پوری دنیا نے مسترد کردیا.

انہوں نے کہا کہ امریکا کے فیصلے نے عیسائی اور مسلمانوں کی دل آزاری کی ہے اور ان کے مذہبی مقام کی تضحیک کی ہے جس پر مسلمان اور عیسائی دل گرفتہ ہیں.

الجزیرہ کے مطابق عیاسئی رہنما کا کہنا تھا کہ یروشلم دنیا بھر کے مسلمانوں اور عیسائیوں کے لیے مقدس، روحانی اور قومی ثقافت کا درجہ رکھتی ہے۔ امریکی فیصلے سے مسلمانوں اور عیسائیوں کی دل آزاری ہوئی ہے جس پر امریکا کو اپنا فیصلہ واپس لینا پڑے گا.

 اسی سے متعلق : یروشلم تنازع، سلامتی کونسل نے ٹرمپ کا فیصلہ مسترد کردیا

انہوں نے مزید کہا کہ فلسطین کے رہائشی مسلمان اور عیسائی امریکا کے فیصلے کو مسترد کرتے ہوئے اپنے مقدس مقامات کی حفاظت کے لیے آخری حد تک جائیں گے اور ہر جائز عمل بروئے کار لائیں گے.

  یہ بھی پڑھیں : یروشلم سے متعلق امریکی فیصلے کو اقوام متحدہ نے مسترد کردیا

یاد رہے کہ 6 دسمبر 2017 کو امریکی صدر ڈونلڈ ٹرمپ نے یروشلم کو اسرائیل کا دارالحکومت تسلیم کرتے ہوئے تل ابیب سے اپنے سفارت خانے کو یروشلم منتقل کرنے کا عندیہ دیا تھا.