Tag: فلسطین

لاہور : دفاع پاکستان کونسل کے زیر اہتمام تحفظ بیت المقدس کانفرنس میں مقررین نے او آئی سی کا آئندہ اجلاس پاکستان میں طلب کرنے کا مطالبہ کرتے ہوئے قبلہ اول کی آزادی کے لیے عملی جدوجہد کرنے کا اعلان کردیا.

لاہور کے استنبول چوک میں دفاع پاکستان کونسل نے بیت المقدس کی آزادی کے لیے کانفرنس کا اہتمام کیا، جس سے مولانا سمیع الحق نے خطاب کرتے ہوئے جہاد کو ضروری قرار دیا.

سربراہ جمعیت علمائے اسلام کا مزید کہنا تھا کہ بیت المقدس مسلمانوں کی مقدس عبادت گاہ اور ایک پاک سرزمین ہے جس سے مسلمانوں کا عقیدت اور احترام کا مضطوب رشتہ ہے، اس موقع پر انہوں نے او آئی سی کا اگلا اجلاس پاکستان میں طلب کرنے کا مطالبہ بھی کیا.

جلسہ عام سے خطاب کرتے ہوئے عوامی مسلم لیگ کے سربراہ شیخ رشید نے کہا کہ امریکہ کا اقدام خطے میں امن کو تباہ کرنے کا باعث بنے گا اور ٹرمپ کو اندازہ نہیں کہ اس نے آگ میں پٹرول چھڑک دیا ہے جو خود امریکا کے لیے خطرناک ثابت ہو گا.

انہوں نے فلسطین کے معاملے کو افہام و تفہیم سے حل کرنے کی ضرورت پر زور دیتے ہوئے کہا کہ اسرائیل کسی بھی قسم کی اشتعال سے باز رہے ورنہ وہ خود کو تباہی سے نہیں بچا سکے گا.

جلسہ عام سے جماعت اسلامی کے سیکرٹری جنرل لیاقت بلوچ نے بھی خطاب کیا انہوں نے بیت المقدس کی آزادی کے لیے مسلمانوں کے اتحاد کی ضرورت پر زور دیتے ہوئے کہا کہ مسلمان حکمران خواب غفلت میں سوئے ہوئے ہیں.

بیت المقدس کانفرنس سے خطاب کرتے ہوئے دیگر جماعتوں کے قائدین کا کہنا تھا کہ  خود مختار فلسطین ریاست اور قبلہ اول کی آزادی کے لیے حکمرانوں نے کوئی مؤثر قدم نہ اٹھایا تو عوام میدان میں آ جائیں گے.

سری نگر: کشمیری حریت رہنما میرواعظ عمرفاروق کا کہنا ہے کہ خود مختار فلسطین ہی مسلم امہ کے لیے قابل قبول حل ہے۔

تفصیلات کے مطابق سماجی رابطے کی ویب سائٹ ٹویٹر پراپنے پیغام میں کہا کہ اوآئی سی کے فیصلے کا خیرمقدم کرتے ہیں، اقوام متحدہ فلسطین پراسرائیل کا غاصبانہ قبضہ ختم کرائے۔

کشمیری حریت رہنما میرواعظ عمرفاروق نے کہا کہ خودمختارفلسطین ہی مسلم امہ کے لیے قابل قبول حل ہے۔

او آئی سی نے بیت المقدس کو فلسطین کا دارالحکومت قرار دے دیا

خیال رہے کہ گزشتہ روز اسلامی ممالک کی عالمی تنظیم نے بیت المقدس کو آزاد فلسطین کا دارالحکومت قرار دیتے ہوئے امریکی فیصلے کو خطے کے لیے خطرناک قرار دیتے ہوئے مسترد کردیا تھا۔

یاد رہے کہ گزشتہ ہفتے امریکہ کی یروشلم پالیسی کے خلاف سلامتی کونسل کے 15 میں سے 14 ارکان نے امریکہ کی مخالفت کرتے ہوئے اسے یکطرفہ فیصلہ قرار دیا تھا۔

امریکہ نے یروشلم کو اسرائیلی دارالحکومت تسلیم کرلیا

واضح رہے گزشتہ دنوں امریکی صدر ڈونلڈ ٹرمپ نے یروشلم کو اسرائیل کا دارالحکومت تسلیم کرنے کا اعلان کرتے ہوئے کہا تھا کہ اب امریکی سفارت خانے کو باقاعدہ طورپر یروشلم منتقل کردیا جائے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اسلام آباد : حریت پسند کشمیری رہنما مشال ملک نے کہا ہے کہ کشمیر میں بھارتی جارحیت اور فلسطین میں اسرائیلی مظالم کو دیکھ کر دنیا بھر میں منائے جانے والا انسانی حقوق کا عالمی دن غیر اہم محسوس ہوتا ہے.

وہ اسلام آباد میں تحفظ بیت المقدس ریلی کے موقع پر میڈیا سے گفتگو کر رہی تھیں، مشال ملک کا کہنا تھا کہ امریکی صدر ڈونلڈ ٹرمپ کا متنازع بیان دنیا کے امن کو تباہ کر دے گا.

انہوں نے کہا کہ ٹرمپ خطے میں امن کی کاوشوں کے خلاف کام کر رہے ہیں جس سے نفرتوں کو دوام ملے گا اور کشیدگی میں اضافہ ہوگا جس کے بعد مشرق وسطی کے امن کو مزید خدشات لاحق ہوسکتے ہیں.

مشال ملک نے کہا کہ ایک دنیا بھر میں عالمی انسانی حقوق کا دن منایا جا رہا ہے لیکن دوسری جانب کشمیر اور فلسطین کے حالات بد سے بد ترین ہوتے جا رہے ہیں جہاں قابض فوجوں نے نہتے عوام کو ظلم و بربریت کا نشانہ بنا رکھا ہے اور بنیادی انسانی حقوق سلب کرلیے ہیں.

انہوں نے کہا کہ برہان وانی کی شہادت کے بعد اب تک 50 ہزار لوگ گرفتار ہو چکے ہیں اور حریت پسند رہنما یاسین ملک کو بھی گرفتار کیا گیا یہاں تک کہ اُن کی ضعیف والدہ پر بھی حملہ کیا گیا.

مشال ملک نے کہا کہ میں مقبوضہ کشمیر میں اپنے گھرنہیں جاسکتی کیوں کہ بھارت ویزہ نہیں دے رہا ہے میرا سوال ہے کہ کشمیروں اور فلسطینیوں کو کون بچائے گا؟ کشمیری اپنی شناخت چاہتے ہیں.

انہوں نے کہا کہ کشمیر میں حالات خراب ہو رہے ہیں اور سنگین انسانی حقوق کی خلاف ورزی کی جا رہی ہے جس کے لیے عالمی برادری کو اپنا کردار ادا کرنا چاہیئے اور اگر یو این او ہار چکا ہے تو وہ بھی بتا دے.