Tag: فلسطین

اسرائیل اور فلسطین کے درمیان مذاکرات کے کئی دور ہونے کے باوجود فلسطینوں پراسرائیلی حملے جاری ہیں، غزہ میں اسرائیلی میزائل حملے میں دو فلسطینی شہید ہوگئے۔

ذرائع کے مطابق غزہ میں ایک کار پر اسرائیلی فضائیہ میزائیل حملے میں دو افراد جاں بحق ہوگئے، اسرائیلی انتظامیہ کا کہنا ہے کہ گاڑی میں حماس سے تعلق رکھنے والے افراد سفر کررہے تھے۔

اسرائیل نے فلسطین پر الزام بھی عائد کیا کہ گذشتہ ماہ کے دوران تقریبا بیس راکٹ فلسطین کی طرف سے داغے گئے، واضح رہے کہ اسرائیل اور فلسطین نے رواں سال جولائی میں امریکہ کی کوششوں سے دوبارہ مذاکرات کا آغاز کیا تھا جو کہ نو ماہ تک جاری رہا۔
    
   

فلسطین اور لبنان میں سابق اسرائیلی وزیراعظم ائیرل شیرون کی موت پر جشن کا سماں برپا رہا۔

فلسطین کے شہر سادیہ میں قائم پناگزین کیمپ میں اسرائیل کےسابق وزیراعظم ائیریل شیرون موت کی خبر کے ساتھ ہی خوشی کی لہرڈور گئی ، ہزاروں معصوم اور نہتے فلسطینوں کے موت کے ذمہ دار ائیریل شیرون کی موت پرلوگوں نےخوشی کااظہار ناچ گا کراور ہوائی فائرنگ کر کے کیا ۔

جبکہ لبنان کے مختلف شہروں میں ائیریل شیرون کی موت پر جشن منایا گیا۔ لوگوں کہنا تھا کہ ایریل شیرون نے جس سفاکی سے بیگناہ اور نہتے اپنے دور حکومت میں صابرہ اور شتیلا کیمپ میں فلسطینی مہاجروں کا قتل عام کیا رہتی دنیا تک عوام اس کو قصاب کے نام سے یاد رکھے گی۔

فلسطین میں اسرائیلی بربریت اور گھروں کو مسمار کرنے کے خلاف اقوام متحدہ نے مذمت کی، غزہ کی پٹی میں اسرائیلی طیاروں کی بمباری سے متعدد افراد زخمی ہوگئے۔

اسرائیل کی جانب سے غزہ کی پٹی میں فلسطینی گھروں کو مسمار کرنے پر اقوام متحدہ کے انسانی حقوق کمیشن نے فوری طور پر کاروائی روکنے پر زور دیا۔

اسرائیل کی حالیہ کاروائی میں اڑسٹھ افراد متاثر ہوئے، جس میں بتیس بچے شامل ہیں، رواں سال ایک ہزار سے زائد افراد اسرائیلی کاروائی سے بے گھر ہوئے۔

غیر ملکی خبر ایجنسی کے مطابق اسرائیلی طیاروں کی جانب سے غزہ کی پٹی میں دو فضائی حملے کیے گئے، فضائی حملے ایک اسرائیلی شہری کے ہلاک ہونے کے رد عمل میں کیے گئے، حکام کے مطابق فضائی حملے میں حماس کو نشانہ بنایا گیا ہے۔