Tag: فلم انڈسٹری

وزیرِ اطلاعات سے چینی سفیر کی ملاقات، پاک چین مشترکہ فلم سازی پر گفتگو

اسلام آباد: وزیرِ اطلاعات فواد چوہدری سے چینی سفیر نے ملاقات کی، جس میں پاک چین مشترکہ فلم سازی سے متعلق گفتگو کی گئی۔

تفصیلات کے مطابق فواد چوہدری سے چینی سفیر نے ملاقات کی، چینی سفیر نے کہا کہ پاکستان کی نیو ویزا رجیم محفوظ، با اعتماد اور کھلے پاکستان کا مظہر ہے۔

[bs-quote quote=”چینی سینما گھروں میں پاکستانی فلموں کی نمائش جلد شروع ہو رہی ہے۔” style=”style-7″ align=”left” color=”#dd3333″][/bs-quote]

ملاقات میں چینی سفیر نے کہا کہ حکومتِ پاکستان کا چین سے تعلقات کو آگے بڑھانا خوش آئند ہے، رواں سال پاکستانی فلموں کی چینی سینما گھروں میں نمائش کی جا رہی ہے۔

چینی سفیر نے مزید کہا کہ پاکستانی فلموں کی نمائش سے لوگوں میں روابط کو فروغ حاصل ہوگا۔

دریں اثنا وزیرِ اطلاعات فواد چوہدری نے چینی سینما گھروں میں پاکستانی فلموں کی نمائش کے اقدام کی تعریف کی، کہا پاکستان نویں انٹرنیشنل بیجنگ فلم فیسٹیول میں شرکت کرے گا۔

یہ بھی پڑھیں: میڈیا کے طلبہ کو ادا کاری کی اچھی تربیت دے سکتی ہوں: ادا کارہ میرا کا دعویٰ

فواد چوہدری کا کہنا تھا کہ معلومات کے تبادلے اور مشترکہ فلم پروڈکشن میں تعاون کو وسعت دینی چاہیے، پی ٹی آئی کی حکومت میڈیا یونی ورسٹی کے قیام کا ارادہ رکھتی ہے۔

یہ بھی پڑھیں: پاکستانی فلموں‌ کو سعودی عرب میں ریلیز کی اجازت

انھوں نے کہا ’ہم چاہتے ہیں کہ چین میڈیا یونی ورسٹی اور ٹیکنیکل میڈیا انسٹیٹیوٹ بنانے کے لیے ہماری مدد کرے۔‘

چینی سفیر کا کہنا تھا کہ سی پیک کے اگلے مرحلے میں دونوں ممالک کی اہم شعبوں پر توجہ ہوگی، صحت، تعلیم، پانی، اور غربت کے خاتمے کے لیے مشترکہ منصوبوں پر توجہ دی جائے گی۔

چینی سفیر سے ملاقات میں وزیرِ اطلاعات فواد چوہدری نے ملک میں ٹیکنالوجی کی منتقلی کی اہمیت پر بھی زور دیا۔

جنوری 30, 2019
سلمان خان کا اسسٹنٹ ڈائریکٹرسےبالی ووڈ کےسلطان بننےکا سفر

ممبئی: بالی ووڈ کے سلطان کروڑوں دلوں کی جان سپراسٹار سلمان خان آج اپنی 52 ویں سالگرہ منا رہے ہیں۔

سلمان خان نے اسسٹنٹ ڈائریکٹر سے لےکربالی ووڈ کےسلطان بننے کے سفر میں کئی کامیابیوں اور ناکامیوں کا سامنا کیا لیکن ہمت نہیں ہاری اور فلم ’ تیرے نام ‘ کے بعد تو وہ شہرت کی بلندیوں پر پہنچ گئےاور پھر انہوں نے پیچھے مڑکرنہیں دیکھا۔

بالی ووڈ کے دبنگ خان نے بھارتی ریاست مدھیہ پردیش کے شہراندور میں 27 دسمبر 1965 کو ناموررائٹر سلیم خان کے گھرآنکھ کھولی اور نام عبدالرشید سلیم سلمان خان رکھا گیا لیکن فلمی دنیا میں وہ سلمان خان کے نام سے مشہور ہوئے۔

سلمان خان کے دو بھائی ارباز خان اور سہیل خان ہیں اور ان کی دو بہنیں الویرہ خان اور لے پالک ارپیتاخان ہیں۔

سپراسٹار سلمان خان اپنے کیریئرکی شروعات سےبطوررائٹر، ڈائریکٹرکام کرنا چاہتےتھےاورانہوں نے 1988 میں فلم
’ فلک‘ میں اسسٹنٹ ڈائریکٹرکے طور پر کام بھی کیا تھا تاہم وہ فلم باکس آفس پرنہیں چل سکی۔

انہوں نے ڈائریکشن کے شعبے میں ناکامی کےبعد اداکاری کےمیدان میں اپنی قسمت آزمانے کا فیصلہ کیا اور 1988میں بننے والی فلم ’ بیوی ہو توایسی ‘ سےاپنےفلمی کیریئرکا آغاز کیا، لیکن پہلی کامیابی انہیں فلم ’میں نے پیار کیا‘ سےملی۔

سلمان خان نے فلم ’ ساجن ‘ ، ’ ہم آپ کے ہیں کون ‘ ، ’ ہم دل دے چکے صنم ‘ میں رومانوی کردار نبھا کرعوام کو اپنا گرویدہ بنایا۔

دبنگ خان نے اپنے فلمی کیریئر میں کئی عروج وزوال دیکھے اور ایک وقت ایسا بھی آیا کہ جب کہا جانے لگا کہ اب شاید وہ دوبارہ بڑے پردے پراداکاری کے جوہر نہ دکھا سکیں، لیکن 2003 میں ریلیز ہونے والی فلم ’ تیرے نام ‘ میں انہوں نے اپنی اداکاری ثابت کردیا کہ فلمی دنیا میں ان کا سفرختم نہیں ہوا یہ تو شروعات ہے۔

بالی ووڈ کےسلطان کی فلم ’ پارٹنر‘ ، ’ وانٹڈ ‘ ، ’ ریڈی ‘ ، ’ باڈی گارڈ ‘ ، ’ دبنگ‘ ، ’کک ‘ ، ’ پریم رتن دھن پایو‘، ’بجرنگی بھائی جان ، ’ ایک تھا ٹائیگر‘ ’دبنگ ٹو‘ نے دنیا بھر میں کامیابی کے جھنڈے گاڑے۔

بھارتی فلم انڈسٹری میں غیرملکی اداکاراؤں کو متعارف کرانے کا سہرا بھی سلمان خان کو جاتا ہے ان میں سے باربی ڈول کتریہ کیف، جیکولین فرنینڈس کا شمار بالی ووڈ کی صف اول کی اداکاراؤں میں ہوتا ہے۔

عدالت میں کئی سالوں سے جاری قانونی جنگ کے بعد ممبئی کی سیشن کورٹ کے جج ڈی ڈبلیو دیش پانڈے نے سلمان کو ہٹ اینڈ رن کیس 2002 میں مجرم قرار دے کر 5 سال قید کی سزا سنائی تھی جسے بعد میں ممبئی ہائی کورٹ نے کالعدم قرار دیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

دسمبر 27, 2017
اکشےکمارکا ایک دن کا معاوضہ 2کروڑ

ممبئی:بالی ووڈ سپراسٹاراکشےکماراپنی نئی فلم 0۔2 کےلیےایک دن کا معاوضہ 2کروڑ روپے وصول کریں گے۔

تفصیلات کےمطابق بالی ووڈ کےخطروں کےکھلاڑی اکشےکمارفلم انڈسٹری کی سب سےبڑے بجٹ والی فلم 2.0 کےلیے ایک دن کا معاوضہ 2 کروڑ لیں گے۔

میڈیا رپورٹس کےمطابق فلم انڈسٹری کے سپراسٹار رجنی کانت اور اکشے کمار کی فلم 0۔2 کی شوٹنگ جاری ہے اور اسےاب تک کی سب سے بڑی بجٹ والی فلم کہاجارہاہے۔سائنس فکشن فلم میں دونوں اسٹارزمختلف کردارمیں جلوہ گرہوں گے۔

بھارتی میڈیا کےمطابق اکشےکمار 20 دن فلم کی شوٹنگ میں حصہ لیں گےجس کے لیےانہیں 40 کروڑ روپےمعاوضہ دیا جائےگاجبکہ رجنی کانت 60کروڑروپےوصول کریں گے۔

خیال رہےکہ اس سےقبل اکشے کمار نے62 کروڑ سےبننے والی فلم ’’جولی ایل ایل بی 2‘‘ کے لیے 42 کروڑ معاوضہ وصول کیا تھا۔

اکشے کمار کی مسلسل 7ویں ہٹ فلم

فلم ’جولی ایل ایل بی 2‘ اکشے کمار کی لگاتار ہٹ ہونے والی فلموں میں ساتویں فلم تھی،اس سے قبل اکشے کمار کی فلم رستم، ایئر لفٹ، ہاوس فل-3، ہولی ڈے، راوڈی راٹھور اور ہاوس فل-2 بھی 1000 کروڑ کلب میں شامل ہیں۔

فلم ’جولی ایل ایل بی-2‘ میں اکشے کمار کے ساتھ اداکارہ ہما قریشی، انو ملک اور سورب شکلا نے اہم کردار ادا کیےتھے۔

واضح رہےکہ اکشے کمار نے اپنی ایک اور فلم ’ٹوئلٹ ایک پریم کتھا‘ کی شوٹنگ مکمل کرلی ہے،جس میں بھومی پڈنیکر بھی مرکزی کردار ادا کرتی نظر آئیں گی۔

اپریل 16, 2017
اپنی زندگی کےبارے میں نہیں لکھ سکتا‘ سلمان خان

ممبئی: بالی ووڈ سپراسٹار سلمان خان کاکہناہےکہ وہ اپنی زندگی کےبارے میں ایک لفظ بھی نہیں لکھ سکتے۔

بالی ووڈ کےسلطان کروڑوں کی دلوں کی جان سلمان خان جن کےبارے میں فلم انڈسٹری میں مشہور ہےکہ جوکوئی نہیں کرسکتا وہ دبنگ خان کرلیتے ہیں لیکن ایساکیا ہےجودبنگ خان نہیں کرسکتےاوراس کا انکشاف انہوں نےاپنےحالیہ بیان میں بھی کیاہے۔

بالی ووڈ سپراسٹار سلمان خان کےکیریئرپرایک نظرڈالی جائےتوانہوں نے ثابت کیاہےکہ بات اگر اچھی اداکاری،رقص اور گلوکاری کی ہو تو انڈسٹری میں ان کا کوئی ثانی نہیں اوراس کا اعتراف نہ صرف ان کے دوست بلکہ ان کےناقد بھی کرتے ہیں۔

میڈیا رپورٹس کےمطابق بالی ووڈ سپراسٹارسلمان خان نےحال ہی میں لیجنڈ اداکارہ آشا پاریکھ کی زندگی پر لکھی گئی کتاب کی تقریب رونمائی میں شرکت کی۔

اس موقع پر سلمان خان سےسوال کیاگیاکہ کیا وہ خود بھی اپنی زندگی پرایک کتاب لکھیں گے؟جس پرانہوں نےکہاکہ وہ اپنی زندگی کےبارے میں نہیں لکھ سکتے۔

والدین سےآج بھی ڈرتا ہوں‘ سلمان خان

بالی ووڈ کےسلطان نےتقریب کےدوران لیجنڈ اداکارہ آشا پاریکھ کا شکریہ بھی ادا کیا اورکہا کہ وہ اس تقریب کا حصہ بننے کے اہل نہیں تھے لیکن وہ بہت خوش ہیں۔

سلمان خان نے کہا کہ اداکارہ کی زندگی پرلکھی گئی یہ کتاب اقدار اوراصولوں کی کتاب ہوگی اور ہر کوئی یہ کتاب خریدےاورضرور پڑھے۔

واضح رہےکہ اس موقع پر آشا پاریکھ کےساتھ متعدد فلموں میں کام کرنے والےسینئراداکار دھرمیندرا اور جیتندراسمیت دیگراداکار بھی موجود تھے۔

اپریل 12, 2017
سلمان خان کی فلم’ٹیوب لائٹ‘ نےریلیز سےقبل ہی دھوم مچادی

ممبئی : بالی ووڈ سلطان سلمان خان کی فلم ’ٹیوب لائٹ‘ نے ریلیزسے قبل ہی 132کروڑ کی ریکارڈ کمائی کرکےفلم انڈسٹری میں تہلکہ مچادیا۔

تفصیلات کےمطابق کروڑوں دلوں کی جان سپراسٹار سلمان خان کی فلم’ٹیوب لائٹ‘ نے نمائش سے قبل ہی ڈسٹری بیوشن رائٹس کی مد میں 132 کروڑ کی کمائی کرثابت کردیاکہ فلم انڈسٹری کےحقیقی سلطان وہ ہی ہیں۔

نریندرا ہیراوت اسٹوڈیوز نے فلم ساز کبیرخان کی ڈائریکشن میں بننے والی فلم ’ٹیوب لائٹ‘کے ڈسٹری بیوشن رائٹس پورے بھارت کے لیے132کروڑ میں خریدے ہیں۔اوربالی ووڈ کی تاریخ کی یہ سب سے بڑی ڈیل بن چکی ہے۔

سلمان خان کی فلم نے شاہ رخ خان کی فلم ’دل والے‘کو پیچھے چھوڑ دیا ہےجس نے ڈسٹری بیوشن رائٹس کی مد میں 125 کروڑ کا معاہدہ کیا تھا۔

بالی ووڈ کےسلطان سے متعلق فلمی ناقد جےپرکاش چوکسے کاکہناہےکہ سلمان خان ’اس وقت بالی وڈ کےٹاپ اسٹار ہیں۔‘

مزید پڑھیں:سلمان اور کترینہ کی کیمسٹری پھرملنے لگی؟

یاد رہےکہ ان دنوں دبنگ خان اور باربی ڈول کترینہ کیف آسٹریا میں اپنی فلم ’ٹائیگر زندہ ہے‘ کی شوٹنگ میں مصروف ہیں۔

واضح رہےکہ فلم ’ٹیوب لائٹ‘ میں سلمان خان اور چینی اداکارہ سمیت سہیل خان مرکزی کردار میں نظرآئیں گےاورفلم رواں سال عید الفطر پر مداحوں کے لیے ریلیز کی جائےگی۔

مارچ 26, 2017
والدین سےآج بھی ڈرتا ہوں‘ سلمان خان

ممبئی : بالی ووڈ سپراسٹار سلمان خان کاکہناہےکہ وہ آج بھی اپنے والدین سے بہت ڈرتے ہیں اورکوشش کرتے ہیں کہ ان کےرویے سےفیملی اور دوستوں کا دل نہ دکھے۔

تفصیلات کےمطابق بالی ووڈ کی پہچان کروڑوں دلوں کی جان خانوں کےخان سلمان خان کےبارے میں کہاجاتا ہےکہ اگر وہ کسی سے غصہ ہوجائیں تو پھرانڈسٹری میں اس کا کوئی دوست نہیں رہتا۔لیکن خود وہ کس سے ڈرتے اور کس کا خوف ان کے دل میں ہمیشہ رہتاہے،سپراسٹار نےانکشاف کردیا۔

میڈیا رپوٹس کےمطابق حال ہی میں بالی ووڈ کےسلطان نےاپنی ایپ پر مداحوں سےبات کرتے ہوئے کہاکہ وہ آج بھی اپنے والدین سے بہت زیادہ ڈرتے ہیں اور انہیں ہمیشہ یہ خوف رہتاہےکہ کہ ان کے کسی بھی فعل سے ان کے خاندان یادوست احباب کا دل نہ دکھے۔

مزید پڑھیں:کیاسدیپ’ٹائیگر زندہ ہے‘میں ولن کا کردارنبھائیں گے؟

دبنگ خان کاکہناتھاکہ جب آپ بہت زیادہ کامیاب ہوجاتےہیں توسب کولگتا ہےکہ آپ جو کچھ کرتےیا کہتے ہیں وہ ٹھیک ہی ہوتا ہےلیکن اصل میں ایسا نہیں ہوتا ہے۔

سلمان خان نےکہاکہ زندگی کے کسی بھی شعبے میں جب وہ کوئی غلط کام کرتے ہیں توان کاخاندان،دوست احباب انہیں بتاتے ہیں کیاصحیح ہےاور کیا غلط ہے۔

واضح رہےکہ سپراسٹارسلمان خان ان دنوں اپنی فلم ’ٹائیگر زندہ ہے‘ کی شوٹنگ میں مصروف ہیں اور مداحوں کے لیےفلم رواں سال کرسمس پرریلیز کی جائے گی۔

مارچ 24, 2017
کنگنا کا بالی ووڈ ’خانز‘ کےساتھ کام کرنے سےانکار

ممبئی: بالی ووڈ کی خوبرو اداکارہ کنگنا رناوت کا کہناہےکہ میں کبھی بھی بالی ووڈ خانز کےساتھ کام کرنا نہیں چاہوں گی۔

تفصیلات کےمطابق بالی ووڈ کی بے باک اداکارہ کنگنا رناوت نےکہاہےکہ وہ بالی ووڈ کےبادشاہ شاہ رخ خان سمیت کسی بھی خان کےساتھ فلم میں کام کرنا نہیں چاہیں گی۔

بالی ووڈ میں’کوئین‘ کے نام سے مشہور اداکارہ کنگنا رناوت نے کہاکہ کسی بھی خان کے ساتھ فلم میں کام کر کے خود کو پیچھےچھپانا نہیں چاہتی بلکہ ہمیشہ اپنی قابلیت دکھانے پر یقین رکھتی ہوں۔

بالی ووڈ خانز کےساتھ کام کرنے سے متعلق سوال کےجواب میں کنگناکا کہناتھاکہ میں ایک مشہور اداکارہ ہوں اور میرے لاتعداد چاہنے والے ہیں خانز کے ساتھ کام کر کے ایسا کیا ملے گا جو میں نے ابھی تک اپنے کیریئر میں حاصل نہ کیا ہو۔

بالی ووڈ کوئین نےکہاکہ خانز کےمقابلے میں کسی اور کی فلم میں جا کرکام کروں گی تواس سے مجھے مداحوں کو اپنی اداکاری کےجوہردکھانے کا پورا موقع ملےگا۔

خیال رہےکہ اس سےقبل بالی ووڈاداکارہ کنگنا رناوت نےکہاتھا کہ وہ فلم انڈسٹری کی نمبر ون اداکارہ ہیں اور آج وہ جس مقام پر ہیں وہ ان کی انتھک محتنت کا نتیجہ ہے۔

یاد رہےکہ گزشتہ دنوں ’کافی ود کرن‘ میں کنگنا رناوت نے معروف ڈائریکٹر کرن جوہر کو اقرباء پروری کےذریعے بالی وڈ میں اجارہ داری قائم کرنے کا طعنہ دیا تھا۔

واضح رہے کہ بالی ووڈ اداکارہ کنگنا رناوت نے متعدد فلمی ایوارڈ اپنے نام کیے ہیں جس میں بھارت کا اعلی اعزاز’نیشنل فلم ایوارڈ‘بھی شامل ہے۔

مارچ 12, 2017
سلمان خان کترینہ کیف پرایک بارپھرمہربان

ممبئی :باربی ڈول کترینہ کیف ایک بار پھر سلمان خان کی پروڈکشن میں بننے والی فلم میں دبنگ خان کےساتھ جلوہ گرہوں گی۔

تفصیلات کےمطابق فلم اندسٹری کےحقیقی سلطان کروڑوں دلوں کی جان سپراسٹارسلمان خان جب کسی کی مدد کرنےکا سوچ لیں توزمین آسمان ایک کر دیتے ہیں اور اگربات ہو اپنی سابقہ دوست کی تو ان کا انداز ہی مختلف ہوجاتاہے۔

جی ہاں بات ہورہی ہےکترینہ کیف کی جن پر کبھی سلمان خان کا دل بےایمان ہواتھالیکن ایسا لگتا ہےکئی سال گزرنے کے بعد بھی کہیں نہ کہیں آج بھی دبنگ خان کے دل میں خوبرواداکارہ موجود ہیں۔

بھارتی میڈیا رپورٹس کے مطابق کترینہ کیف کا فنی کیرئیر مسلسل ناکام فلموں کے باعث داؤ پر لگ چکا ہےجس کے بعد بالی ووڈ کےسلطان ان کی مدد کو آن پہنچے ہیں۔

سلمان خان نے اپنی سابقہ دوست کو نئی آنے والی فلم ’’ٹائیگر زندہ ہے‘‘ میں کاسٹ کرانے کے علاوہ اب اپنی ہوم پروڈکشن کی فلم میں بھی کاسٹ کرلیا ہے۔

خیال رہےکہ بالی ووڈ کے سپراسٹار سلمان خان اور باربی ڈول کتریہ کیف 4سال بعد ایک بار پھر’ایک تھا ٹائیگر‘ کے سیکوئل’ٹائیگر زندہ ہے‘میں نظرآئیں گے۔

یاد رہےکہ 2012 میں سلمان خان کی فلم ایک تھا ٹائیگر نے باکس آفس پر300 کروڑ سے زائد کما کر تہلکہ مچادیا تھا۔

واضح رہےکہ سلمان خان کی پروڈکشن میں ہدایت کاراتل اگنی ہوتری کی فلم کی شوٹنگ رواں سال کے آخرمیں شروع ہوگی۔

مارچ 10, 2017
سنجےدت نےسلمان خان کو مغرور قراردے دیا

نئی دہلی: بالی ووڈ اسٹار سنجے دت نے اپنے قریبی دوست سپراسٹار سلمان خان کو ’مغرور‘ کہہ کرسب کوحیران کردیا۔

تفصیلات کےمطابق سنجو بابا اوربالی ووڈ کےسلطان سلمان خان کی دوستی سے جہاں بہت لوگ ناخوش ہیں وہیں دونوں اسٹارز ایک دوسرے کواپنااچھا دوست مانتے ہیں۔

بھارتی میڈیا رپورٹس کے مطابق سنجے دت نے دہلی میں ایک تقریب میں شرکت کی جہاں ان سے ان کے قریبی دوست اور منہ بولے بھائی سلمان خان کی شخصیت کے بارے میں سوال کیا گیاجس پر اداکار نےسلمان خان کو’مغرور‘ کہہ دیا۔

سنجے دت نے سلمان خان سے متعلق اپنے بیان کی وضاحت کرتےہوئے کہاکہ سلو ان کے چھوٹے بھائی کی طرح ہےاور دونوں کےدرمیان کوئی جھگڑا نہیں سب کچھ ٹھیک ہے۔

بالی ووڈ میں کھل نایک کےنام سے مشہور اداکار سنجے دت نے کہاکہ ’مغرور‘ کوئی برا لفظ نہیں ہےیہ ایک طرح سے جذبات کا اظہار ہے۔انہوں نےکہاکہ میں مغرور ہوسکتا ہوں لیکن ایک پیارا مغرور۔

سنجوبابا اور سلمان خان کی دوستی دشمنی میں تبدیل ہونے کی خبریں ایک طویل عرصے سے میڈیا میں گردش کررہی ہیں تاہم دونوں اسٹارز کی جانب سے ان خبروں کی تردید کی جاتی رہی ہے۔

خیال رہےکہ سنجے دت اور سلمان خان نے متعدد فلموں میں بھی ایک ساتھ اداکاری کے جوہر دکھائے ہیں جس میں فلم’چل میرے بھائی‘،’ساجن‘ ،’جلوہ‘، ’دس‘ اور ’سن آف سردار‘شامل ہیں۔

مزید پڑھیں:سنجے دت کی زندگی میرے بغیر مکمل نہیں،سلمان خان

یاد رہےکہ گزشتہ سال بالی ووڈسُپراسٹار سلمان خان نے سنجے دت کی زندگی پر بننے والی فلم کے حوالے سے کہا تھا کہ یہ پروجیکٹ ان کے بغیر مکمل نہیں ہوسکتا۔

مزید پڑھیں:سلمان خان میرا چھوٹا بھائی ہے،سنجے دت

سلمان خان کے بیان کےبعد سنجے دت نےدونوں کےدرمیان اختلافات کی تمام خبروں کی تردید کرتے ہوئے کہا تھاکہ بالی ووڈ کے سلطان ان کے چھوٹے بھائی ہیں۔

مزید پڑھیں:سنجے دت کی سوانح حیات میں‌ رنبیر کپور کی پہلی جھلک

واضح رہےکہ ان دنوں معروف بالی ووڈ اداکار سنجے دت کی زندگی پر بننے والی فلم ’دت‘ کی شوٹنگ جاری ہےاور فلم میں سنجے دت کا کردار رنبیر کپور نبھا رہے ہیں۔

مارچ 9, 2017
رونت رائےکاباڈی گارڈ سےفلم اسٹارتک کاسفر

ممبئی: بھارتی ٹی وی انڈسٹری کےاسٹار رونت رائے پہلی بارمیگااسٹار امیتھابھ بچن کےساتھ فلم ’سرکار3‘میں جلوہ گرہوں گے۔

تفصیلات کےمطابق بالی ووڈ سُپراسٹارعامر خان ،امیتابھ بچن،ریتک روشن سمیت دیگر ادکاروں کےسیکورٹی گارڈ رونت رائےاب پہلی مرتبہ بالی ووڈ کےشہنشاہ امیتابھ بچن کےساتھ ’سرکار3‘ میں ادکاری کےجوہردکھائیں گے۔

بالی ووڈ اداکاررونت رائے نے بھارتی ٹی وی انڈسٹری میں آنےسے قبل بالی ووڈ سے اپنی کیریئرکا آغاز کیاتاہم انہیں کوئی خاطرخواہ کامیابی نہ مل سکی جس کےبعدوہ امیتابھ بچن اور عامر خان،ریتک روشن کےسیکیورٹی گارڈ بن گئےتھے۔

انہوں نے2003 میں سیکورٹی کمپنی قائم کی اورفلمی ستاروں کو سیکیورٹی مہیا کرنے لگےجبکہ اسی دوران رونت روئے نےڈراموں میں قسمت آزمانے کا فیصلہ کیاجس نے انہیں شہرت کی بلندیوں پرپہنچادیا۔

رونت رائے کے مشہور ٹی وی ڈراموں میں ’’کسوٹی زندگی کی‘‘،’’کیوں کہ ساس بھی کبھی بہو تھی‘‘ اور ’’عدالت‘‘ سمیت کئی ڈرامے شامل ہیں۔

واضح رہےکہ رونت رائے2 سال عامر خان اور2 امیتابھ بچن کےسیکورٹی گارڈ رہےاور کئی تقریبات میں بھی انہیں فلمی ستاروں کے پیچھے کھڑا دیکھاگیا۔

مارچ 4, 2017